| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
ཨུཔནནྡསཀྱཔུཏྟཝཏྠུཀཐཱཝཎྞནཱ
Upanandasakyaputtavatthukathāvaṇṇanā
༣༦༤. ‘‘སཏྟཱཧཝཱརེན ཨརུཎམེཝ ཨུཊྛཱཔེཏཱི’’ཏི ཨིདཾ ནཱནཱསཱིམཱཝིཧཱརེསུ ཀཏྟབྦནཡེན ཨེཀསྨིམྤི ཝིཧཱརེ དྭཱིསུ སེནཱསནེསུ ནིཝུཏྠབྷཱཝདསྶནཏྠཾ ཝུཏྟཾ, ཨརུཎུཊྛཱཔནེནེཝ ཏཏྠ ཝུཏྠོ ཧོཏི, ན པན ཝསྶཙྪེདཔརིཧཱརཱཡ། ཨནྟོཨུཔཙཱརསཱིམཱཡཔི ཡཏྠ ཀཏྠཙི ཨརུཎཾ ཨུཊྛཱཔེནྟོ ཨཏྟནཱ གཧིཏསེནཱསནཾ ཨཔྤཝིཊྛོཔི ཝུཏྠཝསྶོ ཨེཝ ཧོཏི, གཧིཏསེནཱསནེ པན ནིཝུཏྠོ ནཱམ ན ཧོཏི, ཏཏྠ ཙ ཨརུཎུཊྛཱཔནེ པན སཏི ཧོཏི། ཏེནཱཧ ‘‘པུརིམསྨིཾ བཧུཏརཾ ནིཝསཏི ནཱམཱ’’ཏི, ཨེཏེན ཙ ཨིཏརསྨིཾ སཏྟཱཧཝཱརེནཱཔི ཨརུཎུཊྛཱཔནེ སཏི ཨེཝ ཨཔྤཀཏརཾ ནིཝསཏི ནཱམ ཧོཏི, ནཱསཏཱིཏི དཱིཔིཏཾ ཧོཏི། ནཱནཱལཱབྷེཧཱིཏི ཝིསུཾ ཝིསུཾ ནིབདྡྷཝསྶཱཝཱསིཀལཱབྷེཧི། ནཱནཱུཔཙཱརེཧཱིཏི ནཱནཱཔརིཀྑེཔནཱནཱདྭཱརེཧི། ཨེཀསཱིམཱཝིཧཱརེཧཱིཏི དྭིནྣཾ ཝིཧཱརཱནཾ ཨེཀེན པཱཀཱརེན པརིཀྑིཏྟཏྟཱ ཨེཀཱཡ ཨུཔཙཱརསཱིམཱཡ ཨནྟོགཏེཧི དྭཱིཧི ཝིཧཱརེཧི། སེནཱསནགྒཱཧོ པཊིཔྤསྶམྦྷཏཱིཏི པཋམཾ གཧིཏོ པཊིཔྤསྶམྦྷཏི། ཏཏྠཱཏི ཡཏྠ སེནཱསནགྒཱཧོ པཊིཔྤསྶདྡྷོ, ཏཏྠ།
364.‘‘Sattāhavārena aruṇameva uṭṭhāpetī’’ti idaṃ nānāsīmāvihāresu kattabbanayena ekasmimpi vihāre dvīsu senāsanesu nivutthabhāvadassanatthaṃ vuttaṃ, aruṇuṭṭhāpaneneva tattha vuttho hoti, na pana vassacchedaparihārāya. Antoupacārasīmāyapi yattha katthaci aruṇaṃ uṭṭhāpento attanā gahitasenāsanaṃ appaviṭṭhopi vutthavasso eva hoti, gahitasenāsane pana nivuttho nāma na hoti, tattha ca aruṇuṭṭhāpane pana sati hoti. Tenāha ‘‘purimasmiṃ bahutaraṃ nivasati nāmā’’ti, etena ca itarasmiṃ sattāhavārenāpi aruṇuṭṭhāpane sati eva appakataraṃ nivasati nāma hoti, nāsatīti dīpitaṃ hoti. Nānālābhehīti visuṃ visuṃ nibaddhavassāvāsikalābhehi. Nānūpacārehīti nānāparikkhepanānādvārehi. Ekasīmāvihārehīti dvinnaṃ vihārānaṃ ekena pākārena parikkhittattā ekāya upacārasīmāya antogatehi dvīhi vihārehi. Senāsanaggāho paṭippassambhatīti paṭhamaṃ gahito paṭippassambhati. Tatthāti yattha senāsanaggāho paṭippassaddho, tattha.
ཨུཔནནྡསཀྱཔུཏྟཝཏྠུཀཐཱཝཎྞནཱ ནིཊྛིཏཱ།
Upanandasakyaputtavatthukathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༢༢༣. ཨུཔནནྡསཀྱཔུཏྟཝཏྠུ • 223. Upanandasakyaputtavatthu
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / ཨུཔནནྡསཀྱཔུཏྟཝཏྠུཀཐཱ • Upanandasakyaputtavatthukathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཨུཔནནྡསཀྱཔུཏྟཝཏྠུཀཐཱཝཎྞནཱ • Upanandasakyaputtavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨུཔནནྡསཀྱཔུཏྟཝཏྠུཀཐཱཝཎྞནཱ • Upanandasakyaputtavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༢༢༣. ཨུཔནནྡསཀྱཔུཏྟཝཏྠུཀཐཱ • 223. Upanandasakyaputtavatthukathā
