| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
உபனந்த³வத்து²கதா²
Upanandavatthukathā
319. அயமத்தோ²தி அயங் வக்க²மானோ அத்தோ², ஏவங் வேதி³தப்³போ³தி ஸம்ப³ந்தோ⁴. தத்தா²தி கா³மகே . தந்தி ஸேனாஸனங், க³ண்ஹந்தேனேவாதி ஸம்ப³ந்தோ⁴. இதா⁴தி ஸாவத்தி²யங். முத்தந்தி தே ஸேனாஸனங் முஞ்சிதங் ஹோதி. தத்ராபீதி கா³மகேபி. உப⁴யத்தா²தி ஸாவத்தி²யங், கா³மகே சாதி உப⁴யத்த².
319.Ayamatthoti ayaṃ vakkhamāno attho, evaṃ veditabboti sambandho. Tatthāti gāmake . Tanti senāsanaṃ, gaṇhantenevāti sambandho. Idhāti sāvatthiyaṃ. Muttanti te senāsanaṃ muñcitaṃ hoti. Tatrāpīti gāmakepi. Ubhayatthāti sāvatthiyaṃ, gāmake cāti ubhayattha.
எத்தா²தி உபனந்த³வத்து²ஸ்மிங். கத²ந்தி கேன பகாரேன படிப்பஸ்ஸம்ப⁴தி. இதா⁴தி ஸாஸனே. ஏகச்சோ க³ண்ஹாதீதி ஸம்ப³ந்தோ⁴. தத்ராபீதி ஸாமந்தவிஹாரேபி . தஸ்ஸாதி பி⁴க்கு²ஸ்ஸ. இதா⁴தி ஸேனாஸனே. ஆலயமத்தந்தி சித்துப்பாத³மத்தங். இச்சஸ்ஸாதி இதி அஸ்ஸ, ஏவங் அஸ்ஸ பி⁴க்கு²ஸ்ஸாதி அத்தோ². ஸப்³ப³த்தா²தி ஸப்³ப³ஸ்மிங் ‘‘க³ஹணேன க³ஹண’’ந்திஆதி³கே சதுக்கே. யோ பன க³ச்ச²தீதி ஸம்ப³ந்தோ⁴. உபசாரஸீமாதிக்கமேதி நிமித்தத்தே² சேதங் பு⁴ம்மவசனங், பா⁴வேன பா⁴வலக்க²ணே வா. தத்தா²தி அஞ்ஞஸ்மிங் விஹாரே பச்சாக³ச்ச²தி, வட்டதி, ஸேனாஸனக்³கா³ஹோ ந படிப்பஸ்ஸம்ப⁴தீதி அதி⁴ப்பாயோ.
Etthāti upanandavatthusmiṃ. Kathanti kena pakārena paṭippassambhati. Idhāti sāsane. Ekacco gaṇhātīti sambandho. Tatrāpīti sāmantavihārepi . Tassāti bhikkhussa. Idhāti senāsane. Ālayamattanti cittuppādamattaṃ. Iccassāti iti assa, evaṃ assa bhikkhussāti attho. Sabbatthāti sabbasmiṃ ‘‘gahaṇena gahaṇa’’ntiādike catukke. Yo pana gacchatīti sambandho. Upacārasīmātikkameti nimittatthe cetaṃ bhummavacanaṃ, bhāvena bhāvalakkhaṇe vā. Tatthāti aññasmiṃ vihāre paccāgacchati, vaṭṭati, senāsanaggāho na paṭippassambhatīti adhippāyo.
320. யோதி பி⁴க்கு². மஹந்ததரோ வா த³ஹரதரோ வாதி அத்தனோ மஹந்ததரோ வா த³ஹரதரோ வா ஹோதி. ஸோ பி⁴க்கு² திவஸ்ஸந்தரோ நாமாதி யோஜனா. ஏகஸ்ஸ பி⁴க்கு²னோ திண்ணங் வஸ்ஸானமந்தரே டி²தோ திவஸ்ஸந்தரோ அஞ்ஞோ பி⁴க்கு². தத்தா²தி பி⁴க்கூ²ஸு. இமே ஸப்³பே³தி திவஸ்ஸந்தரத்³விவஸ்ஸந்தரஸமானவஸ்ஸிகே இமே பி⁴க்கூ², லப⁴ந்தீதி ஸம்ப³ந்தோ⁴. யங் திண்ணங் பஹோதீதி மஞ்சபீட²வினிமுத்தங் யங் ஆஸனங் திண்ணங் ஸுக²ங் நிஸீதி³துங் பஹோதி, ததா²ரூபே ஆஸனேபி த்³வே த்³வே ஹுத்வா நிஸீதி³துங் லப⁴ந்தீதி யோஜனா. அபிஸத்³தே³ன மஞ்சபீடா²னி அபெக்க²தி. இத³ங் பச்சி²மதீ³கா⁴ஸனங். அனுபஸம்பன்னேனாபீதி பிஸத்³தோ³ பகே³வ உபஸம்பன்னேனாதி த³ஸ்ஸேதி.
320.Yoti bhikkhu. Mahantataro vā daharataro vāti attano mahantataro vā daharataro vā hoti. So bhikkhu tivassantaro nāmāti yojanā. Ekassa bhikkhuno tiṇṇaṃ vassānamantare ṭhito tivassantaro añño bhikkhu. Tatthāti bhikkhūsu. Ime sabbeti tivassantaradvivassantarasamānavassike ime bhikkhū, labhantīti sambandho. Yaṃ tiṇṇaṃ pahotīti mañcapīṭhavinimuttaṃ yaṃ āsanaṃ tiṇṇaṃ sukhaṃ nisīdituṃ pahoti, tathārūpe āsanepi dve dve hutvā nisīdituṃ labhantīti yojanā. Apisaddena mañcapīṭhāni apekkhati. Idaṃ pacchimadīghāsanaṃ. Anupasampannenāpīti pisaddo pageva upasampannenāti dasseti.
ஹத்தி²கும்பே⁴தி ஹத்தி²ஸிரோபிண்டே³. இமினா ஹத்தி²ஸத்³தே³ன ஹத்தி²கும்போ⁴ க³ஹிதோ அவயவூபசாரேன வா உத்தரபத³லோபேன வாதி த³ஸ்ஸேதி. ஹத்தீ² வியாதி ஹத்தீ², பூ⁴மிபா⁴கோ³, ஹத்தி²ம்ஹி பதிட்டி²தோ பாத³ஸங்கா²தோ நகோ² இமஸ்ஸாதி ஹத்தி²னக²கோ, பாஸாதோ³. ஏதங் ‘‘ஹத்தி²னக²கோ’’தி நாமங் ஏவங்கதஸ்ஸ பாஸாத³ஸ்ஸ நாமந்தி யோஜனா. ‘‘ஸுவண்ணரஜதாதி³விசித்ரானீ’’தி பத³ங் ‘‘கவாடானி மஞ்சபீடா²னி தாலவண்டானீ’’தி ஸப்³ப³பதே³ஸு யோஜேதப்³ப³ங். யங்கிஞ்சி சித்தகம்மகதங் அத்தி², ஸப்³ப³ங் வட்டதீதி யோஜனா. பாஸாத³ஸ்ஸ தே³மாதி ஸம்ப³ந்தோ⁴. பாடேக்கந்தி பாஸாத³தோ விஸுங். படிக்³க³ஹிதமேவாதி ஸப்³ப³ங் படிக்³க³ஹிதமேவ ஹோதி. கோ³னகாதீ³னி அட்டா²ரஸ அத்த²ரணானி பரிபு⁴ஞ்ஜிதுந்தி ஸம்ப³ந்தோ⁴. கி³ஹிவிகடனீஹாரேனாதி கி³ஹீஹி விஸேஸேன யதா²காமங் கரியதீதி கி³ஹிவிகடங், கி³ஹிஸந்தகங். ‘‘கி³ஹிவிகட’’ந்தி நீஹாரோ அபி⁴னீஹாரோ கி³ஹிவிகடனீஹாரோ, தேன. லப்³ப⁴ந்தீதி நிஸீதி³துமேவ லப்³ப⁴ந்தி. தத்ராபீதி த⁴ம்மாஸனேபி.
Hatthikumbheti hatthisiropiṇḍe. Iminā hatthisaddena hatthikumbho gahito avayavūpacārena vā uttarapadalopena vāti dasseti. Hatthī viyāti hatthī, bhūmibhāgo, hatthimhi patiṭṭhito pādasaṅkhāto nakho imassāti hatthinakhako, pāsādo. Etaṃ ‘‘hatthinakhako’’ti nāmaṃ evaṃkatassa pāsādassa nāmanti yojanā. ‘‘Suvaṇṇarajatādivicitrānī’’ti padaṃ ‘‘kavāṭāni mañcapīṭhāni tālavaṇṭānī’’ti sabbapadesu yojetabbaṃ. Yaṃkiñci cittakammakataṃ atthi, sabbaṃ vaṭṭatīti yojanā. Pāsādassa demāti sambandho. Pāṭekkanti pāsādato visuṃ. Paṭiggahitamevāti sabbaṃ paṭiggahitameva hoti. Gonakādīni aṭṭhārasa attharaṇāni paribhuñjitunti sambandho. Gihivikaṭanīhārenāti gihīhi visesena yathākāmaṃ kariyatīti gihivikaṭaṃ, gihisantakaṃ. ‘‘Gihivikaṭa’’nti nīhāro abhinīhāro gihivikaṭanīhāro, tena. Labbhantīti nisīditumeva labbhanti. Tatrāpīti dhammāsanepi.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi / 3. ததியபா⁴ணவாரோ • 3. Tatiyabhāṇavāro
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / உபனந்த³வத்து²கதா² • Upanandavatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / உபனந்த³வத்து²கதா²வண்ணனா • Upanandavatthukathāvaṇṇanā
