| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
убананд̣̇авад̇т̇угат̇аа
Upanandavatthukathā
319. убананд̣̇авад̇т̇усмим̣ – д̇ад̇т̇а д̇аяаа могхабуриса г̇ахид̇ам̣ ид̇ха муд̇д̇ам̣, ид̇ха д̇аяаа г̇ахид̇ам̣ д̇ад̇ра муд̇д̇анд̇и зд̇т̇а аяамад̇т̇о – яам̣ д̇аяаа д̇ад̇т̇а сзнаасанам̣ г̇ахид̇ам̣, д̇ам̣ д̇з г̇ан̣ханд̇знзва ид̇ха муд̇д̇ам̣ ход̇и. ‘‘ид̇ха д̣̇аанаахам̣, аавусо, мун̃жаамий’’д̇и вад̣̇анд̇зна бана д̇ам̣ д̇ад̇рааби муд̇д̇ам̣. звам̣ д̇вам̣ убхаяад̇т̇а бариб̣аахирод̇и.
319. Upanandavatthusmiṃ – tattha tayā moghapurisa gahitaṃ idha muttaṃ, idha tayā gahitaṃ tatra muttanti ettha ayamattho – yaṃ tayā tattha senāsanaṃ gahitaṃ, taṃ te gaṇhanteneva idha muttaṃ hoti. ‘‘Idha dānāhaṃ, āvuso, muñcāmī’’ti vadantena pana taṃ tatrāpi muttaṃ. Evaṃ tvaṃ ubhayattha paribāhiroti.
аяам̣ банзд̇т̇а винижчаяо – г̇ахан̣зна г̇ахан̣ам̣ бадиббассамбхад̇и, г̇ахан̣зна аалаяо бадиббассамбхад̇и, аалаязна г̇ахан̣ам̣ бадиббассамбхад̇и, аалаязна аалаяо бадиббассамбхад̇и. гат̇ам̣? ид̇хзгажжо вассуубанааяигад̣̇ивасз згасмим̣ вихаарз сзнаасанам̣ г̇ахзд̇ваа сааманд̇авихаарам̣ г̇анд̇ваа д̇ад̇рааби г̇ан̣хаад̇и, д̇асса иминаа г̇ахан̣зна буримам̣ г̇ахан̣ам̣ бадиббассамбхад̇и. абаро ‘‘ид̇ха васиссаамий’’д̇и аалаяамад̇д̇ам̣ гад̇ваа сааманд̇авихаарам̣ г̇анд̇ваа д̇ад̇т̇а сзнаасанам̣ г̇ан̣хаад̇и, д̇асса иминаа г̇ахан̣зна буримо аалаяо бадиббассамбхад̇и. зго ‘‘ид̇ха васиссаамий’’д̇и сзнаасанам̣ ваа г̇ахзд̇ваа аалаяам̣ ваа гад̇ваа сааманд̇авихаарам̣ г̇анд̇ваа ‘‘ид̇хзва д̣̇аани васиссаамий’’д̇и аалаяам̣ гарод̇и, ижжасса аалаязна ваа г̇ахан̣ам̣ аалаязна ваа аалаяо бадиббассамбхад̇и, саб̣б̣ад̇т̇а бажчимз г̇ахан̣з ваа аалаяз ваа д̇идтад̇и. яо бана ‘‘згасмим̣ вихаарз сзнаасанам̣ г̇ахзд̇ваа ан̃н̃асмим̣ вихаарз васиссаамий’’д̇и г̇ажчад̇и, д̇асса убажаарасиймаад̇иггамз сзнаасанаг̇г̇аахо бадиббассамбхад̇и. яад̣̇и бана ‘‘д̇ад̇т̇а паасу бхависсад̇и, васиссаами; но жз, ааг̇амиссаамий’’д̇и г̇анд̇ваа апаасубхаавам̣ н̃ад̇ваа бажжааг̇ажчад̇и, ваддад̇и.
Ayaṃ panettha vinicchayo – gahaṇena gahaṇaṃ paṭippassambhati, gahaṇena ālayo paṭippassambhati, ālayena gahaṇaṃ paṭippassambhati, ālayena ālayo paṭippassambhati. Kathaṃ? Idhekacco vassūpanāyikadivase ekasmiṃ vihāre senāsanaṃ gahetvā sāmantavihāraṃ gantvā tatrāpi gaṇhāti, tassa iminā gahaṇena purimaṃ gahaṇaṃ paṭippassambhati. Aparo ‘‘idha vasissāmī’’ti ālayamattaṃ katvā sāmantavihāraṃ gantvā tattha senāsanaṃ gaṇhāti, tassa iminā gahaṇena purimo ālayo paṭippassambhati. Eko ‘‘idha vasissāmī’’ti senāsanaṃ vā gahetvā ālayaṃ vā katvā sāmantavihāraṃ gantvā ‘‘idheva dāni vasissāmī’’ti ālayaṃ karoti, iccassa ālayena vā gahaṇaṃ ālayena vā ālayo paṭippassambhati, sabbattha pacchime gahaṇe vā ālaye vā tiṭṭhati. Yo pana ‘‘ekasmiṃ vihāre senāsanaṃ gahetvā aññasmiṃ vihāre vasissāmī’’ti gacchati, tassa upacārasīmātikkame senāsanaggāho paṭippassambhati. Yadi pana ‘‘tattha phāsu bhavissati, vasissāmi; no ce, āgamissāmī’’ti gantvā aphāsubhāvaṃ ñatvā paccāgacchati, vaṭṭati.
320. д̇ивассанд̇арзнаад̇и зд̇т̇а д̇ивассанд̇аро наама яо д̣̇вийхи вассзхи маханд̇ад̇аро ваа д̣̇ахарад̇аро ваа ход̇и. яо бана згзна вассзна маханд̇ад̇аро ваа д̣̇ахарад̇аро ваа ход̇и, яо ваа самаанавассо, д̇ад̇т̇а вад̇д̇аб̣б̣амзва над̇т̇и. имз саб̣б̣з згасмим̣ ман̃жз ваа бийтз ваа д̣̇вз д̣̇вз худ̇ваа нисийд̣̇ид̇ум̣ лабханд̇и. яам̣ д̇ин̣н̣ам̣ баход̇и, д̇ам̣ сам̣хааримам̣ ваа ход̇у асам̣хааримам̣ ваа, д̇ат̇ааруубз аби палагакан̣д̣з анубасамбаннзнааби сад̣̇д̇хим̣ нисийд̣̇ид̇ум̣ ваддад̇и.
320.Tivassantarenāti ettha tivassantaro nāma yo dvīhi vassehi mahantataro vā daharataro vā hoti. Yo pana ekena vassena mahantataro vā daharataro vā hoti, yo vā samānavasso, tattha vattabbameva natthi. Ime sabbe ekasmiṃ mañce vā pīṭhe vā dve dve hutvā nisīdituṃ labhanti. Yaṃ tiṇṇaṃ pahoti, taṃ saṃhārimaṃ vā hotu asaṃhārimaṃ vā, tathārūpe api phalakakhaṇḍe anupasampannenāpi saddhiṃ nisīdituṃ vaṭṭati.
хад̇т̇инакаганд̇и хад̇т̇игумбхз бад̇идтид̇ам̣; звам̣ гад̇асса гирзд̇ам̣ наамам̣. саб̣б̣ам̣ баасаад̣̇абарибхог̇анд̇и суван̣н̣араж̇ад̇аад̣̇ивижид̇раани гаваадаани ман̃жабийтаани д̇аалаван̣даани суван̣н̣араж̇ад̇амаяабаанийяагхадабаанийяасарааваани яам̣гин̃жи жид̇д̇агаммагад̇ам̣, саб̣б̣ам̣ ваддад̇и. ‘‘баасаад̣̇асса д̣̇аасид̣̇аасам̣ кзд̇д̇авад̇т̇ум̣ г̇омахим̣сам̣ д̣̇змаа’’д̇и вад̣̇анд̇и, баадзггам̣ г̇ахан̣агижжам̣ над̇т̇и, баасаад̣̇з бадиг̇г̇ахид̇з бадиг̇г̇ахид̇амзва ход̇и. г̇онагаад̣̇ийни сан̇гхигавихаарз ваа буг̇г̇алигавихаарз ваа ман̃жабийтагзсу ад̇т̇арид̇ваа барибхун̃ж̇ид̇ум̣ на вадданд̇и. д̇хаммаасанз бана г̇ихивигаданихаарзна лаб̣бханд̇и, д̇ад̇рааби нибаж̇ж̇ид̇ум̣ на ваддад̇и.
Hatthinakhakanti hatthikumbhe patiṭṭhitaṃ; evaṃ katassa kiretaṃ nāmaṃ. Sabbaṃ pāsādaparibhoganti suvaṇṇarajatādivicitrāni kavāṭāni mañcapīṭhāni tālavaṇṭāni suvaṇṇarajatamayapānīyaghaṭapānīyasarāvāni yaṃkiñci cittakammakataṃ, sabbaṃ vaṭṭati. ‘‘Pāsādassa dāsidāsaṃ khettavatthuṃ gomahiṃsaṃ demā’’ti vadanti, pāṭekkaṃ gahaṇakiccaṃ natthi, pāsāde paṭiggahite paṭiggahitameva hoti. Gonakādīni saṅghikavihāre vā puggalikavihāre vā mañcapīṭhakesu attharitvā paribhuñjituṃ na vaṭṭanti. Dhammāsane pana gihivikaṭanihārena labbhanti, tatrāpi nipajjituṃ na vaṭṭati.
убананд̣̇авад̇т̇угат̇аа нидтид̇аа.
Upanandavatthukathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 3. д̇ад̇ияабхаан̣авааро • 3. Tatiyabhāṇavāro
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убананд̣̇авад̇т̇угат̇ааван̣н̣анаа • Upanandavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / убананд̣̇авад̇т̇угат̇ааван̣н̣анаа • Upanandavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / убананд̣̇авад̇т̇угат̇ааван̣н̣анаа • Upanandavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / убананд̣̇авад̇т̇угат̇аа • Upanandavatthukathā
