| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
ਉਪਨਨ੍ਦવਤ੍ਥੁਕਥਾ
Upanandavatthukathā
੩੧੯. ਅਯਮਤ੍ਥੋਤਿ ਅਯਂ વਕ੍ਖਮਾਨੋ ਅਤ੍ਥੋ, ਏવਂ વੇਦਿਤਬ੍ਬੋਤਿ ਸਮ੍ਬਨ੍ਧੋ। ਤਤ੍ਥਾਤਿ ਗਾਮਕੇ । ਤਨ੍ਤਿ ਸੇਨਾਸਨਂ, ਗਣ੍ਹਨ੍ਤੇਨੇવਾਤਿ ਸਮ੍ਬਨ੍ਧੋ। ਇਧਾਤਿ ਸਾવਤ੍ਥਿਯਂ। ਮੁਤ੍ਤਨ੍ਤਿ ਤੇ ਸੇਨਾਸਨਂ ਮੁਞ੍ਚਿਤਂ ਹੋਤਿ। ਤਤ੍ਰਾਪੀਤਿ ਗਾਮਕੇਪਿ। ਉਭਯਤ੍ਥਾਤਿ ਸਾવਤ੍ਥਿਯਂ, ਗਾਮਕੇ ਚਾਤਿ ਉਭਯਤ੍ਥ।
319.Ayamatthoti ayaṃ vakkhamāno attho, evaṃ veditabboti sambandho. Tatthāti gāmake . Tanti senāsanaṃ, gaṇhantenevāti sambandho. Idhāti sāvatthiyaṃ. Muttanti te senāsanaṃ muñcitaṃ hoti. Tatrāpīti gāmakepi. Ubhayatthāti sāvatthiyaṃ, gāmake cāti ubhayattha.
ਏਤ੍ਥਾਤਿ ਉਪਨਨ੍ਦવਤ੍ਥੁਸ੍ਮਿਂ। ਕਥਨ੍ਤਿ ਕੇਨ ਪਕਾਰੇਨ ਪਟਿਪ੍ਪਸ੍ਸਮ੍ਭਤਿ। ਇਧਾਤਿ ਸਾਸਨੇ। ਏਕਚ੍ਚੋ ਗਣ੍ਹਾਤੀਤਿ ਸਮ੍ਬਨ੍ਧੋ। ਤਤ੍ਰਾਪੀਤਿ ਸਾਮਨ੍ਤવਿਹਾਰੇਪਿ । ਤਸ੍ਸਾਤਿ ਭਿਕ੍ਖੁਸ੍ਸ। ਇਧਾਤਿ ਸੇਨਾਸਨੇ। ਆਲਯਮਤ੍ਤਨ੍ਤਿ ਚਿਤ੍ਤੁਪ੍ਪਾਦਮਤ੍ਤਂ। ਇਚ੍ਚਸ੍ਸਾਤਿ ਇਤਿ ਅਸ੍ਸ, ਏવਂ ਅਸ੍ਸ ਭਿਕ੍ਖੁਸ੍ਸਾਤਿ ਅਤ੍ਥੋ। ਸਬ੍ਬਤ੍ਥਾਤਿ ਸਬ੍ਬਸ੍ਮਿਂ ‘‘ਗਹਣੇਨ ਗਹਣ’’ਨ੍ਤਿਆਦਿਕੇ ਚਤੁਕ੍ਕੇ। ਯੋ ਪਨ ਗਚ੍ਛਤੀਤਿ ਸਮ੍ਬਨ੍ਧੋ। ਉਪਚਾਰਸੀਮਾਤਿਕ੍ਕਮੇਤਿ ਨਿਮਿਤ੍ਤਤ੍ਥੇ ਚੇਤਂ ਭੁਮ੍ਮવਚਨਂ, ਭਾવੇਨ ਭਾવਲਕ੍ਖਣੇ વਾ। ਤਤ੍ਥਾਤਿ ਅਞ੍ਞਸ੍ਮਿਂ વਿਹਾਰੇ ਪਚ੍ਚਾਗਚ੍ਛਤਿ, વਟ੍ਟਤਿ, ਸੇਨਾਸਨਗ੍ਗਾਹੋ ਨ ਪਟਿਪ੍ਪਸ੍ਸਮ੍ਭਤੀਤਿ ਅਧਿਪ੍ਪਾਯੋ।
Etthāti upanandavatthusmiṃ. Kathanti kena pakārena paṭippassambhati. Idhāti sāsane. Ekacco gaṇhātīti sambandho. Tatrāpīti sāmantavihārepi . Tassāti bhikkhussa. Idhāti senāsane. Ālayamattanti cittuppādamattaṃ. Iccassāti iti assa, evaṃ assa bhikkhussāti attho. Sabbatthāti sabbasmiṃ ‘‘gahaṇena gahaṇa’’ntiādike catukke. Yo pana gacchatīti sambandho. Upacārasīmātikkameti nimittatthe cetaṃ bhummavacanaṃ, bhāvena bhāvalakkhaṇe vā. Tatthāti aññasmiṃ vihāre paccāgacchati, vaṭṭati, senāsanaggāho na paṭippassambhatīti adhippāyo.
੩੨੦. ਯੋਤਿ ਭਿਕ੍ਖੁ। ਮਹਨ੍ਤਤਰੋ વਾ ਦਹਰਤਰੋ વਾਤਿ ਅਤ੍ਤਨੋ ਮਹਨ੍ਤਤਰੋ વਾ ਦਹਰਤਰੋ વਾ ਹੋਤਿ। ਸੋ ਭਿਕ੍ਖੁ ਤਿવਸ੍ਸਨ੍ਤਰੋ ਨਾਮਾਤਿ ਯੋਜਨਾ। ਏਕਸ੍ਸ ਭਿਕ੍ਖੁਨੋ ਤਿਣ੍ਣਂ વਸ੍ਸਾਨਮਨ੍ਤਰੇ ਠਿਤੋ ਤਿવਸ੍ਸਨ੍ਤਰੋ ਅਞ੍ਞੋ ਭਿਕ੍ਖੁ। ਤਤ੍ਥਾਤਿ ਭਿਕ੍ਖੂਸੁ। ਇਮੇ ਸਬ੍ਬੇਤਿ ਤਿવਸ੍ਸਨ੍ਤਰਦ੍વਿવਸ੍ਸਨ੍ਤਰਸਮਾਨવਸ੍ਸਿਕੇ ਇਮੇ ਭਿਕ੍ਖੂ, ਲਭਨ੍ਤੀਤਿ ਸਮ੍ਬਨ੍ਧੋ। ਯਂ ਤਿਣ੍ਣਂ ਪਹੋਤੀਤਿ ਮਞ੍ਚਪੀਠવਿਨਿਮੁਤ੍ਤਂ ਯਂ ਆਸਨਂ ਤਿਣ੍ਣਂ ਸੁਖਂ ਨਿਸੀਦਿਤੁਂ ਪਹੋਤਿ, ਤਥਾਰੂਪੇ ਆਸਨੇਪਿ ਦ੍વੇ ਦ੍વੇ ਹੁਤ੍વਾ ਨਿਸੀਦਿਤੁਂ ਲਭਨ੍ਤੀਤਿ ਯੋਜਨਾ। ਅਪਿਸਦ੍ਦੇਨ ਮਞ੍ਚਪੀਠਾਨਿ ਅਪੇਕ੍ਖਤਿ। ਇਦਂ ਪਚ੍ਛਿਮਦੀਘਾਸਨਂ। ਅਨੁਪਸਮ੍ਪਨ੍ਨੇਨਾਪੀਤਿ ਪਿਸਦ੍ਦੋ ਪਗੇવ ਉਪਸਮ੍ਪਨ੍ਨੇਨਾਤਿ ਦਸ੍ਸੇਤਿ।
320.Yoti bhikkhu. Mahantataro vā daharataro vāti attano mahantataro vā daharataro vā hoti. So bhikkhu tivassantaro nāmāti yojanā. Ekassa bhikkhuno tiṇṇaṃ vassānamantare ṭhito tivassantaro añño bhikkhu. Tatthāti bhikkhūsu. Ime sabbeti tivassantaradvivassantarasamānavassike ime bhikkhū, labhantīti sambandho. Yaṃ tiṇṇaṃ pahotīti mañcapīṭhavinimuttaṃ yaṃ āsanaṃ tiṇṇaṃ sukhaṃ nisīdituṃ pahoti, tathārūpe āsanepi dve dve hutvā nisīdituṃ labhantīti yojanā. Apisaddena mañcapīṭhāni apekkhati. Idaṃ pacchimadīghāsanaṃ. Anupasampannenāpīti pisaddo pageva upasampannenāti dasseti.
ਹਤ੍ਥਿਕੁਮ੍ਭੇਤਿ ਹਤ੍ਥਿਸਿਰੋਪਿਣ੍ਡੇ। ਇਮਿਨਾ ਹਤ੍ਥਿਸਦ੍ਦੇਨ ਹਤ੍ਥਿਕੁਮ੍ਭੋ ਗਹਿਤੋ ਅવਯવੂਪਚਾਰੇਨ વਾ ਉਤ੍ਤਰਪਦਲੋਪੇਨ વਾਤਿ ਦਸ੍ਸੇਤਿ। ਹਤ੍ਥੀ વਿਯਾਤਿ ਹਤ੍ਥੀ, ਭੂਮਿਭਾਗੋ, ਹਤ੍ਥਿਮ੍ਹਿ ਪਤਿਟ੍ਠਿਤੋ ਪਾਦਸਙ੍ਖਾਤੋ ਨਖੋ ਇਮਸ੍ਸਾਤਿ ਹਤ੍ਥਿਨਖਕੋ, ਪਾਸਾਦੋ। ਏਤਂ ‘‘ਹਤ੍ਥਿਨਖਕੋ’’ਤਿ ਨਾਮਂ ਏવਂਕਤਸ੍ਸ ਪਾਸਾਦਸ੍ਸ ਨਾਮਨ੍ਤਿ ਯੋਜਨਾ। ‘‘ਸੁવਣ੍ਣਰਜਤਾਦਿવਿਚਿਤ੍ਰਾਨੀ’’ਤਿ ਪਦਂ ‘‘ਕવਾਟਾਨਿ ਮਞ੍ਚਪੀਠਾਨਿ ਤਾਲવਣ੍ਟਾਨੀ’’ਤਿ ਸਬ੍ਬਪਦੇਸੁ ਯੋਜੇਤਬ੍ਬਂ। ਯਂਕਿਞ੍ਚਿ ਚਿਤ੍ਤਕਮ੍ਮਕਤਂ ਅਤ੍ਥਿ, ਸਬ੍ਬਂ વਟ੍ਟਤੀਤਿ ਯੋਜਨਾ। ਪਾਸਾਦਸ੍ਸ ਦੇਮਾਤਿ ਸਮ੍ਬਨ੍ਧੋ। ਪਾਟੇਕ੍ਕਨ੍ਤਿ ਪਾਸਾਦਤੋ વਿਸੁਂ। ਪਟਿਗ੍ਗਹਿਤਮੇવਾਤਿ ਸਬ੍ਬਂ ਪਟਿਗ੍ਗਹਿਤਮੇવ ਹੋਤਿ। ਗੋਨਕਾਦੀਨਿ ਅਟ੍ਠਾਰਸ ਅਤ੍ਥਰਣਾਨਿ ਪਰਿਭੁਞ੍ਜਿਤੁਨ੍ਤਿ ਸਮ੍ਬਨ੍ਧੋ। ਗਿਹਿવਿਕਟਨੀਹਾਰੇਨਾਤਿ ਗਿਹੀਹਿ વਿਸੇਸੇਨ ਯਥਾਕਾਮਂ ਕਰਿਯਤੀਤਿ ਗਿਹਿવਿਕਟਂ, ਗਿਹਿਸਨ੍ਤਕਂ। ‘‘ਗਿਹਿવਿਕਟ’’ਨ੍ਤਿ ਨੀਹਾਰੋ ਅਭਿਨੀਹਾਰੋ ਗਿਹਿવਿਕਟਨੀਹਾਰੋ, ਤੇਨ। ਲਬ੍ਭਨ੍ਤੀਤਿ ਨਿਸੀਦਿਤੁਮੇવ ਲਬ੍ਭਨ੍ਤਿ। ਤਤ੍ਰਾਪੀਤਿ ਧਮ੍ਮਾਸਨੇਪਿ।
Hatthikumbheti hatthisiropiṇḍe. Iminā hatthisaddena hatthikumbho gahito avayavūpacārena vā uttarapadalopena vāti dasseti. Hatthī viyāti hatthī, bhūmibhāgo, hatthimhi patiṭṭhito pādasaṅkhāto nakho imassāti hatthinakhako, pāsādo. Etaṃ ‘‘hatthinakhako’’ti nāmaṃ evaṃkatassa pāsādassa nāmanti yojanā. ‘‘Suvaṇṇarajatādivicitrānī’’ti padaṃ ‘‘kavāṭāni mañcapīṭhāni tālavaṇṭānī’’ti sabbapadesu yojetabbaṃ. Yaṃkiñci cittakammakataṃ atthi, sabbaṃ vaṭṭatīti yojanā. Pāsādassa demāti sambandho. Pāṭekkanti pāsādato visuṃ. Paṭiggahitamevāti sabbaṃ paṭiggahitameva hoti. Gonakādīni aṭṭhārasa attharaṇāni paribhuñjitunti sambandho. Gihivikaṭanīhārenāti gihīhi visesena yathākāmaṃ kariyatīti gihivikaṭaṃ, gihisantakaṃ. ‘‘Gihivikaṭa’’nti nīhāro abhinīhāro gihivikaṭanīhāro, tena. Labbhantīti nisīditumeva labbhanti. Tatrāpīti dhammāsanepi.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੩. ਤਤਿਯਭਾਣવਾਰੋ • 3. Tatiyabhāṇavāro
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਉਪਨਨ੍ਦવਤ੍ਥੁਕਥਾ • Upanandavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਉਪਨਨ੍ਦવਤ੍ਥੁਕਥਾવਣ੍ਣਨਾ • Upanandavatthukathāvaṇṇanā
