| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
உபனந்த³வத்து²கதா²வண்ணனா
Upanandavatthukathāvaṇṇanā
319. பாளியங் உப⁴யத்த² பரிபா³ஹிரோதி கமேன உப⁴யஸ்ஸபி முத்தத்தா வுத்தங், ந ஸப்³ப³தா² உப⁴யதோ பரிபா³ஹிரத்தா. தேனாஹ ‘‘பச்சி²மே…பே॰… திட்ட²தீ’’தி.
319. Pāḷiyaṃ ubhayattha paribāhiroti kamena ubhayassapi muttattā vuttaṃ, na sabbathā ubhayato paribāhirattā. Tenāha ‘‘pacchime…pe… tiṭṭhatī’’ti.
320. யங் திண்ணங் பஹோதீதி மஞ்சபீட²வினிமுத்தங் யங் ஆஸனங் திண்ணங் ஸுக²ங் நிஸீதி³துங் பஹோதி, இத³ங் பச்சி²மதீ³கா⁴ஸனங். எத்த² மஞ்சபீட²ரஹிதேஸு அஸமானாஸனிகாபி தயோ நிஸீதி³துங் லப⁴ந்தி. மஞ்சபீடே²ஸு பன த்³வே. அதீ³கா⁴ஸனேஸு மஞ்சபீடே²ஸு ஸமானாஸனிகா ஏவ த்³வே நிஸீதி³துங் லப⁴ந்தி து³வக்³க³ஸ்ஸேவ அனுஞ்ஞாதத்தா.
320.Yaṃ tiṇṇaṃ pahotīti mañcapīṭhavinimuttaṃ yaṃ āsanaṃ tiṇṇaṃ sukhaṃ nisīdituṃ pahoti, idaṃ pacchimadīghāsanaṃ. Ettha mañcapīṭharahitesu asamānāsanikāpi tayo nisīdituṃ labhanti. Mañcapīṭhesu pana dve. Adīghāsanesu mañcapīṭhesu samānāsanikā eva dve nisīdituṃ labhanti duvaggasseva anuññātattā.
ஹத்தி²னகோ² ஹெட்டா²பா⁴கே³ ஏதஸ்ஸ அத்தீ²தி ஹத்தி²னகோ², பாஸாதோ³. பாஸாத³ஸ்ஸ நகோ² நாம ஹெட்டி²மபா⁴கோ³ பாத³னக²ஸதி³ஸத்தா, ஸோ ஸப்³ப³தி³ஸாஸு அனேகேஹி ஹத்தி²ரூபேஹி ஸமலங்கதோ டி²தோ. தஸ்ஸூபரி கதோ பாஸாதோ³ ஹத்தி²கும்பே⁴ பதிட்டி²தோ விய ஹோதீதி ஆஹ ‘‘ஹத்தி²கும்பே⁴ பதிட்டி²த’’ந்தி. ஸுவண்ணரஜதாதி³விசித்ரானீதி ஸங்கி⁴கஸேனாஸனங் ஸந்தா⁴ய வுத்தங். புக்³க³லிகங் பன ஸுவண்ணாதி³விசித்ரங் பி⁴க்கு²ஸ்ஸ ஸம்படிச்சி²துமேவ ந வட்டதி ‘‘ந கேனசி பரியாயேன ஜாதரூபரஜதங் ஸாதி³தப்³ப³’’ந்தி (மஹாவ॰ 299) வுத்தத்தா. தேனேவெத்த² அட்ட²கதா²யங் ‘‘ஸங்கி⁴கவிஹாரே வா புக்³க³லிகவிஹாரே வா’’தி ந வுத்தங், கோ³னகாதி³அகப்பியப⁴ண்ட³விஸயே ஏவ வுத்தங் ஏகபி⁴க்கு²ஸ்ஸாபி தேஸங் க³ஹணே தோ³ஸாபா⁴வா. கி³ஹிவிகடனீஹாரேனாதி கி³ஹீஹி கதனீஹாரேன, கி³ஹீஹி அத்தனோ ஸந்தகங் அத்த²ரித்வா தி³ன்னநியாமேனாதி அத்தோ². லப்³ப⁴ந்தீதி நிஸீதி³துங் லப்³ப⁴ந்தி.
Hatthinakho heṭṭhābhāge etassa atthīti hatthinakho, pāsādo. Pāsādassa nakho nāma heṭṭhimabhāgo pādanakhasadisattā, so sabbadisāsu anekehi hatthirūpehi samalaṅkato ṭhito. Tassūpari kato pāsādo hatthikumbhe patiṭṭhito viya hotīti āha ‘‘hatthikumbhe patiṭṭhita’’nti. Suvaṇṇarajatādivicitrānīti saṅghikasenāsanaṃ sandhāya vuttaṃ. Puggalikaṃ pana suvaṇṇādivicitraṃ bhikkhussa sampaṭicchitumeva na vaṭṭati ‘‘na kenaci pariyāyena jātarūparajataṃ sāditabba’’nti (mahāva. 299) vuttattā. Tenevettha aṭṭhakathāyaṃ ‘‘saṅghikavihāre vā puggalikavihāre vā’’ti na vuttaṃ, gonakādiakappiyabhaṇḍavisaye eva vuttaṃ ekabhikkhussāpi tesaṃ gahaṇe dosābhāvā. Gihivikaṭanīhārenāti gihīhi katanīhārena, gihīhi attano santakaṃ attharitvā dinnaniyāmenāti attho. Labbhantīti nisīdituṃ labbhanti.
உபனந்த³வத்து²கதா²வண்ணனா நிட்டி²தா.
Upanandavatthukathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi / 3. ததியபா⁴ணவாரோ • 3. Tatiyabhāṇavāro
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / உபனந்த³வத்து²கதா² • Upanandavatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / உபனந்த³வத்து²கதா²வண்ணனா • Upanandavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / உபனந்த³வத்து²கதா²வண்ணனா • Upanandavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / உபனந்த³வத்து²கதா² • Upanandavatthukathā
