| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
убананд̣̇авад̇т̇угат̇ааван̣н̣анаа
Upanandavatthukathāvaṇṇanā
319. баал̣ияам̣ убхаяад̇т̇а бариб̣аахирод̇и гамзна убхаяассаби муд̇д̇ад̇д̇аа вуд̇д̇ам̣, на саб̣б̣ат̇аа убхаяад̇о бариб̣аахирад̇д̇аа. д̇знааха ‘‘бажчимз…бз… д̇идтад̇ий’’д̇и.
319. Pāḷiyaṃ ubhayattha paribāhiroti kamena ubhayassapi muttattā vuttaṃ, na sabbathā ubhayato paribāhirattā. Tenāha ‘‘pacchime…pe… tiṭṭhatī’’ti.
320. яам̣ д̇ин̣н̣ам̣ баход̇ийд̇и ман̃жабийтавинимуд̇д̇ам̣ яам̣ аасанам̣ д̇ин̣н̣ам̣ сукам̣ нисийд̣̇ид̇ум̣ баход̇и, ид̣̇ам̣ бажчимад̣̇ийгхаасанам̣. зд̇т̇а ман̃жабийтарахид̇зсу асамаанаасанигааби д̇аяо нисийд̣̇ид̇ум̣ лабханд̇и. ман̃жабийтзсу бана д̣̇вз. ад̣̇ийгхаасанзсу ман̃жабийтзсу самаанаасанигаа зва д̣̇вз нисийд̣̇ид̇ум̣ лабханд̇и д̣̇уваг̇г̇ассзва анун̃н̃аад̇ад̇д̇аа.
320.Yaṃ tiṇṇaṃ pahotīti mañcapīṭhavinimuttaṃ yaṃ āsanaṃ tiṇṇaṃ sukhaṃ nisīdituṃ pahoti, idaṃ pacchimadīghāsanaṃ. Ettha mañcapīṭharahitesu asamānāsanikāpi tayo nisīdituṃ labhanti. Mañcapīṭhesu pana dve. Adīghāsanesu mañcapīṭhesu samānāsanikā eva dve nisīdituṃ labhanti duvaggasseva anuññātattā.
хад̇т̇инако хздтаабхааг̇з зд̇асса ад̇т̇ийд̇и хад̇т̇инако, баасаад̣̇о. баасаад̣̇асса нако наама хздтимабхааг̇о баад̣̇анакасад̣̇исад̇д̇аа, со саб̣б̣ад̣̇исаасу анзгзхи хад̇т̇ируубзхи самалан̇гад̇о тид̇о. д̇ассуубари гад̇о баасаад̣̇о хад̇т̇игумбхз бад̇идтид̇о вияа ход̇ийд̇и ааха ‘‘хад̇т̇игумбхз бад̇идтид̇а’’нд̇и. суван̣н̣араж̇ад̇аад̣̇ивижид̇раанийд̇и сан̇гхигасзнаасанам̣ санд̇хааяа вуд̇д̇ам̣. буг̇г̇алигам̣ бана суван̣н̣аад̣̇ивижид̇рам̣ бхигкусса самбадижчид̇умзва на ваддад̇и ‘‘на гзнажи барияааязна ж̇аад̇аруубараж̇ад̇ам̣ саад̣̇ид̇аб̣б̣а’’нд̇и (махаава. 299) вуд̇д̇ад̇д̇аа. д̇знзвзд̇т̇а адтагат̇ааяам̣ ‘‘сан̇гхигавихаарз ваа буг̇г̇алигавихаарз ваа’’д̇и на вуд̇д̇ам̣, г̇онагаад̣̇иагаббияабхан̣д̣ависаяз зва вуд̇д̇ам̣ згабхигкуссааби д̇зсам̣ г̇ахан̣з д̣̇осаабхааваа. г̇ихивигаданийхаарзнаад̇и г̇ихийхи гад̇анийхаарзна, г̇ихийхи ад̇д̇ано санд̇агам̣ ад̇т̇арид̇ваа д̣̇иннанияаамзнаад̇и ад̇т̇о. лаб̣бханд̇ийд̇и нисийд̣̇ид̇ум̣ лаб̣бханд̇и.
Hatthinakho heṭṭhābhāge etassa atthīti hatthinakho, pāsādo. Pāsādassa nakho nāma heṭṭhimabhāgo pādanakhasadisattā, so sabbadisāsu anekehi hatthirūpehi samalaṅkato ṭhito. Tassūpari kato pāsādo hatthikumbhe patiṭṭhito viya hotīti āha ‘‘hatthikumbhe patiṭṭhita’’nti. Suvaṇṇarajatādivicitrānīti saṅghikasenāsanaṃ sandhāya vuttaṃ. Puggalikaṃ pana suvaṇṇādivicitraṃ bhikkhussa sampaṭicchitumeva na vaṭṭati ‘‘na kenaci pariyāyena jātarūparajataṃ sāditabba’’nti (mahāva. 299) vuttattā. Tenevettha aṭṭhakathāyaṃ ‘‘saṅghikavihāre vā puggalikavihāre vā’’ti na vuttaṃ, gonakādiakappiyabhaṇḍavisaye eva vuttaṃ ekabhikkhussāpi tesaṃ gahaṇe dosābhāvā. Gihivikaṭanīhārenāti gihīhi katanīhārena, gihīhi attano santakaṃ attharitvā dinnaniyāmenāti attho. Labbhantīti nisīdituṃ labbhanti.
убананд̣̇авад̇т̇угат̇ааван̣н̣анаа нидтид̇аа.
Upanandavatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 3. д̇ад̇ияабхаан̣авааро • 3. Tatiyabhāṇavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / убананд̣̇авад̇т̇угат̇аа • Upanandavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убананд̣̇авад̇т̇угат̇ааван̣н̣анаа • Upanandavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / убананд̣̇авад̇т̇угат̇ааван̣н̣анаа • Upanandavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / убананд̣̇авад̇т̇угат̇аа • Upanandavatthukathā
