| Library / Tipiṭaka / តិបិដក • Tipiṭaka / សារត្ថទីបនី-ដីកា • Sāratthadīpanī-ṭīkā |
ឧបនន្ទវត្ថុកថាវណ្ណនា
Upanandavatthukathāvaṇṇanā
៣១៩. យំ តយា តត្ថ សេនាសនំ គហិតំ…បេ.… ឥធ មុត្តំ ហោតីតិ យំ តយា តត្ថ គាមកាវាសេ បច្ឆា សេនាសនំ គហិតំ, តំ តេ គណ្ហន្តេនេវ ឥធ សាវត្ថិយំ បឋមគហិតសេនាសនំ មុត្តំ ហោតិ។ ឥធ ទានាហំ …បេ.… តត្រាបិ មុត្តន្តិ ‘‘ឥទានាហំ, អាវុសោ, ឥមស្មិំ គាមកាវាសេ គហិតសេនាសនំ មុញ្ចាមី’’តិ វទន្តេន តត្រាបិ គាមកាវាសេ គហិតសេនាសនំ មុត្តំ។
319.Yaṃ tayā tattha senāsanaṃ gahitaṃ…pe… idha muttaṃ hotīti yaṃ tayā tattha gāmakāvāse pacchā senāsanaṃ gahitaṃ, taṃ te gaṇhanteneva idha sāvatthiyaṃ paṭhamagahitasenāsanaṃ muttaṃ hoti. Idha dānāhaṃ…pe… tatrāpi muttanti ‘‘idānāhaṃ, āvuso, imasmiṃ gāmakāvāse gahitasenāsanaṃ muñcāmī’’ti vadantena tatrāpi gāmakāvāse gahitasenāsanaṃ muttaṃ.
៣២០. ទីឃាសនំ នាម មញ្ចបីឋវិនិមុត្តំ យំ កិញ្ចិ ឯកតោ សុខំ និសីទិតុំ បហោតិ។ ហត្ថិម្ហិ នខោ អស្សាតិ ហត្ថិនខោ។ ‘‘បាសាទស្ស នខោ នាម ហេដ្ឋិមបរិច្ឆេទោ, សោ ច ហត្ថិកុម្ភេ បតិដ្ឋិតោ’’តិ គណ្ឋិបទេសុ វុត្តំ។ គិហិវិកតនីហារេន លព្ភន្តីតិ គិហិវិកតនីហារេន បរិភុញ្ជិតុំ លព្ភន្តិ, តេហិ អត្ថរិត្វា ទិន្នានេវ និសីទិតុំ លព្ភន្តិ, ន សយំ អត្ថតានិ អត្ថរាបិតានិ វា។
320.Dīghāsanaṃ nāma mañcapīṭhavinimuttaṃ yaṃ kiñci ekato sukhaṃ nisīdituṃ pahoti. Hatthimhi nakho assāti hatthinakho. ‘‘Pāsādassa nakho nāma heṭṭhimaparicchedo, so ca hatthikumbhe patiṭṭhito’’ti gaṇṭhipadesu vuttaṃ. Gihivikatanīhārena labbhantīti gihivikatanīhārena paribhuñjituṃ labbhanti, tehi attharitvā dinnāneva nisīdituṃ labbhanti, na sayaṃ atthatāni attharāpitāni vā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ចូឡវគ្គបាឡិ • Cūḷavaggapāḷi / ៣. តតិយភាណវារោ • 3. Tatiyabhāṇavāro
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / ចូឡវគ្គ-អដ្ឋកថា • Cūḷavagga-aṭṭhakathā / ឧបនន្ទវត្ថុកថា • Upanandavatthukathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ឧបនន្ទវត្ថុកថាវណ្ណនា • Upanandavatthukathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ឧបនន្ទវត្ថុកថាវណ្ណនា • Upanandavatthukathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ឧបនន្ទវត្ថុកថា • Upanandavatthukathā
