| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
ཨུཔནནྡཝཏྠུཀཐཱཝཎྞནཱ
Upanandavatthukathāvaṇṇanā
༣༡༩. ཡཾ ཏཡཱ ཏཏྠ སེནཱསནཾ གཧིཏཾ…པེ॰… ཨིདྷ མུཏྟཾ ཧོཏཱིཏི ཡཾ ཏཡཱ ཏཏྠ གཱམཀཱཝཱསེ པཙྪཱ སེནཱསནཾ གཧིཏཾ, ཏཾ ཏེ གཎྷནྟེནེཝ ཨིདྷ སཱཝཏྠིཡཾ པཋམགཧིཏསེནཱསནཾ མུཏྟཾ ཧོཏི། ཨིདྷ དཱནཱཧཾ …པེ॰… ཏཏྲཱཔི མུཏྟནྟི ‘‘ཨིདཱནཱཧཾ, ཨཱཝུསོ, ཨིམསྨིཾ གཱམཀཱཝཱསེ གཧིཏསེནཱསནཾ མུཉྩཱམཱི’’ཏི ཝདནྟེན ཏཏྲཱཔི གཱམཀཱཝཱསེ གཧིཏསེནཱསནཾ མུཏྟཾ།
319.Yaṃ tayā tattha senāsanaṃ gahitaṃ…pe… idha muttaṃ hotīti yaṃ tayā tattha gāmakāvāse pacchā senāsanaṃ gahitaṃ, taṃ te gaṇhanteneva idha sāvatthiyaṃ paṭhamagahitasenāsanaṃ muttaṃ hoti. Idha dānāhaṃ…pe… tatrāpi muttanti ‘‘idānāhaṃ, āvuso, imasmiṃ gāmakāvāse gahitasenāsanaṃ muñcāmī’’ti vadantena tatrāpi gāmakāvāse gahitasenāsanaṃ muttaṃ.
༣༢༠. དཱིགྷཱསནཾ ནཱམ མཉྩཔཱིཋཝིནིམུཏྟཾ ཡཾ ཀིཉྩི ཨེཀཏོ སུཁཾ ནིསཱིདིཏུཾ པཧོཏི། ཧཏྠིམྷི ནཁོ ཨསྶཱཏི ཧཏྠིནཁོ། ‘‘པཱསཱདསྶ ནཁོ ནཱམ ཧེཊྛིམཔརིཙྪེདོ, སོ ཙ ཧཏྠིཀུམྦྷེ པཏིཊྛིཏོ’’ཏི གཎྛིཔདེསུ ཝུཏྟཾ། གིཧིཝིཀཏནཱིཧཱརེན ལབྦྷནྟཱིཏི གིཧིཝིཀཏནཱིཧཱརེན པརིབྷུཉྫིཏུཾ ལབྦྷནྟི, ཏེཧི ཨཏྠརིཏྭཱ དིནྣཱནེཝ ནིསཱིདིཏུཾ ལབྦྷནྟི, ན སཡཾ ཨཏྠཏཱནི ཨཏྠརཱཔིཏཱནི ཝཱ།
320.Dīghāsanaṃ nāma mañcapīṭhavinimuttaṃ yaṃ kiñci ekato sukhaṃ nisīdituṃ pahoti. Hatthimhi nakho assāti hatthinakho. ‘‘Pāsādassa nakho nāma heṭṭhimaparicchedo, so ca hatthikumbhe patiṭṭhito’’ti gaṇṭhipadesu vuttaṃ. Gihivikatanīhārena labbhantīti gihivikatanīhārena paribhuñjituṃ labbhanti, tehi attharitvā dinnāneva nisīdituṃ labbhanti, na sayaṃ atthatāni attharāpitāni vā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / ཙཱུལ༹ཝགྒཔཱལི༹ • Cūḷavaggapāḷi / ༣. ཏཏིཡབྷཱཎཝཱརོ • 3. Tatiyabhāṇavāro
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / ཙཱུལ༹ཝགྒ-ཨཊྛཀཐཱ • Cūḷavagga-aṭṭhakathā / ཨུཔནནྡཝཏྠུཀཐཱ • Upanandavatthukathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨུཔནནྡཝཏྠུཀཐཱཝཎྞནཱ • Upanandavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཨུཔནནྡཝཏྠུཀཐཱཝཎྞནཱ • Upanandavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ཨུཔནནྡཝཏྠུཀཐཱ • Upanandavatthukathā
