| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਉਪਨਨ੍ਦવਤ੍ਥੁਕਥਾવਣ੍ਣਨਾ
Upanandavatthukathāvaṇṇanā
੩੧੯. ਪਾਲ਼ਿਯਂ ਉਭਯਤ੍ਥ ਪਰਿਬਾਹਿਰੋਤਿ ਕਮੇਨ ਉਭਯਸ੍ਸਪਿ ਮੁਤ੍ਤਤ੍ਤਾ વੁਤ੍ਤਂ, ਨ ਸਬ੍ਬਥਾ ਉਭਯਤੋ ਪਰਿਬਾਹਿਰਤ੍ਤਾ। ਤੇਨਾਹ ‘‘ਪਚ੍ਛਿਮੇ…ਪੇ॰… ਤਿਟ੍ਠਤੀ’’ਤਿ।
319. Pāḷiyaṃ ubhayattha paribāhiroti kamena ubhayassapi muttattā vuttaṃ, na sabbathā ubhayato paribāhirattā. Tenāha ‘‘pacchime…pe… tiṭṭhatī’’ti.
੩੨੦. ਯਂ ਤਿਣ੍ਣਂ ਪਹੋਤੀਤਿ ਮਞ੍ਚਪੀਠવਿਨਿਮੁਤ੍ਤਂ ਯਂ ਆਸਨਂ ਤਿਣ੍ਣਂ ਸੁਖਂ ਨਿਸੀਦਿਤੁਂ ਪਹੋਤਿ, ਇਦਂ ਪਚ੍ਛਿਮਦੀਘਾਸਨਂ। ਏਤ੍ਥ ਮਞ੍ਚਪੀਠਰਹਿਤੇਸੁ ਅਸਮਾਨਾਸਨਿਕਾਪਿ ਤਯੋ ਨਿਸੀਦਿਤੁਂ ਲਭਨ੍ਤਿ। ਮਞ੍ਚਪੀਠੇਸੁ ਪਨ ਦ੍વੇ। ਅਦੀਘਾਸਨੇਸੁ ਮਞ੍ਚਪੀਠੇਸੁ ਸਮਾਨਾਸਨਿਕਾ ਏવ ਦ੍વੇ ਨਿਸੀਦਿਤੁਂ ਲਭਨ੍ਤਿ ਦੁવਗ੍ਗਸ੍ਸੇવ ਅਨੁਞ੍ਞਾਤਤ੍ਤਾ।
320.Yaṃ tiṇṇaṃ pahotīti mañcapīṭhavinimuttaṃ yaṃ āsanaṃ tiṇṇaṃ sukhaṃ nisīdituṃ pahoti, idaṃ pacchimadīghāsanaṃ. Ettha mañcapīṭharahitesu asamānāsanikāpi tayo nisīdituṃ labhanti. Mañcapīṭhesu pana dve. Adīghāsanesu mañcapīṭhesu samānāsanikā eva dve nisīdituṃ labhanti duvaggasseva anuññātattā.
ਹਤ੍ਥਿਨਖੋ ਹੇਟ੍ਠਾਭਾਗੇ ਏਤਸ੍ਸ ਅਤ੍ਥੀਤਿ ਹਤ੍ਥਿਨਖੋ, ਪਾਸਾਦੋ। ਪਾਸਾਦਸ੍ਸ ਨਖੋ ਨਾਮ ਹੇਟ੍ਠਿਮਭਾਗੋ ਪਾਦਨਖਸਦਿਸਤ੍ਤਾ, ਸੋ ਸਬ੍ਬਦਿਸਾਸੁ ਅਨੇਕੇਹਿ ਹਤ੍ਥਿਰੂਪੇਹਿ ਸਮਲਙ੍ਕਤੋ ਠਿਤੋ। ਤਸ੍ਸੂਪਰਿ ਕਤੋ ਪਾਸਾਦੋ ਹਤ੍ਥਿਕੁਮ੍ਭੇ ਪਤਿਟ੍ਠਿਤੋ વਿਯ ਹੋਤੀਤਿ ਆਹ ‘‘ਹਤ੍ਥਿਕੁਮ੍ਭੇ ਪਤਿਟ੍ਠਿਤ’’ਨ੍ਤਿ। ਸੁવਣ੍ਣਰਜਤਾਦਿવਿਚਿਤ੍ਰਾਨੀਤਿ ਸਙ੍ਘਿਕਸੇਨਾਸਨਂ ਸਨ੍ਧਾਯ વੁਤ੍ਤਂ। ਪੁਗ੍ਗਲਿਕਂ ਪਨ ਸੁવਣ੍ਣਾਦਿવਿਚਿਤ੍ਰਂ ਭਿਕ੍ਖੁਸ੍ਸ ਸਮ੍ਪਟਿਚ੍ਛਿਤੁਮੇવ ਨ વਟ੍ਟਤਿ ‘‘ਨ ਕੇਨਚਿ ਪਰਿਯਾਯੇਨ ਜਾਤਰੂਪਰਜਤਂ ਸਾਦਿਤਬ੍ਬ’’ਨ੍ਤਿ (ਮਹਾવ॰ ੨੯੯) વੁਤ੍ਤਤ੍ਤਾ। ਤੇਨੇવੇਤ੍ਥ ਅਟ੍ਠਕਥਾਯਂ ‘‘ਸਙ੍ਘਿਕવਿਹਾਰੇ વਾ ਪੁਗ੍ਗਲਿਕવਿਹਾਰੇ વਾ’’ਤਿ ਨ વੁਤ੍ਤਂ, ਗੋਨਕਾਦਿਅਕਪ੍ਪਿਯਭਣ੍ਡવਿਸਯੇ ਏવ વੁਤ੍ਤਂ ਏਕਭਿਕ੍ਖੁਸ੍ਸਾਪਿ ਤੇਸਂ ਗਹਣੇ ਦੋਸਾਭਾવਾ। ਗਿਹਿવਿਕਟਨੀਹਾਰੇਨਾਤਿ ਗਿਹੀਹਿ ਕਤਨੀਹਾਰੇਨ, ਗਿਹੀਹਿ ਅਤ੍ਤਨੋ ਸਨ੍ਤਕਂ ਅਤ੍ਥਰਿਤ੍વਾ ਦਿਨ੍ਨਨਿਯਾਮੇਨਾਤਿ ਅਤ੍ਥੋ। ਲਬ੍ਭਨ੍ਤੀਤਿ ਨਿਸੀਦਿਤੁਂ ਲਬ੍ਭਨ੍ਤਿ।
Hatthinakho heṭṭhābhāge etassa atthīti hatthinakho, pāsādo. Pāsādassa nakho nāma heṭṭhimabhāgo pādanakhasadisattā, so sabbadisāsu anekehi hatthirūpehi samalaṅkato ṭhito. Tassūpari kato pāsādo hatthikumbhe patiṭṭhito viya hotīti āha ‘‘hatthikumbhe patiṭṭhita’’nti. Suvaṇṇarajatādivicitrānīti saṅghikasenāsanaṃ sandhāya vuttaṃ. Puggalikaṃ pana suvaṇṇādivicitraṃ bhikkhussa sampaṭicchitumeva na vaṭṭati ‘‘na kenaci pariyāyena jātarūparajataṃ sāditabba’’nti (mahāva. 299) vuttattā. Tenevettha aṭṭhakathāyaṃ ‘‘saṅghikavihāre vā puggalikavihāre vā’’ti na vuttaṃ, gonakādiakappiyabhaṇḍavisaye eva vuttaṃ ekabhikkhussāpi tesaṃ gahaṇe dosābhāvā. Gihivikaṭanīhārenāti gihīhi katanīhārena, gihīhi attano santakaṃ attharitvā dinnaniyāmenāti attho. Labbhantīti nisīdituṃ labbhanti.
ਉਪਨਨ੍ਦવਤ੍ਥੁਕਥਾવਣ੍ਣਨਾ ਨਿਟ੍ਠਿਤਾ।
Upanandavatthukathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੩. ਤਤਿਯਭਾਣવਾਰੋ • 3. Tatiyabhāṇavāro
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਉਪਨਨ੍ਦવਤ੍ਥੁਕਥਾ • Upanandavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਉਪਨਨ੍ਦવਤ੍ਥੁਕਥਾવਣ੍ਣਨਾ • Upanandavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਉਪਨਨ੍ਦવਤ੍ਥੁਕਥਾવਣ੍ਣਨਾ • Upanandavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਉਪਨਨ੍ਦવਤ੍ਥੁਕਥਾ • Upanandavatthukathā
