| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
убанид̇хигат̇ааван̣н̣анаа
Upanidhikathāvaṇṇanā
112. убанид̇хигат̇ааяам̣ ‘‘сан̇г̇обанад̇т̇ааяа ад̇д̇ано хад̇т̇з нигкид̇д̇асса бхан̣д̣асса г̇уд̇д̇адтаанз бадисааманабаяог̇ам̣ винаа ан̃н̃асмим̣ баяог̇з агад̇зби раж̇ж̇асан̇кобхаад̣̇игаалз ‘на д̣̇аани д̇асса д̣̇ассаами, на маяхам̣ д̣̇аани д̣̇ассад̇ий’д̇и убхохиби сагасагадтаанз нисийд̣̇ид̇ваа д̇хуранигкзбз гад̇з баарааж̇игамзва бадисааманабаяог̇асса гад̇ад̇д̇аа’’д̇и вад̣̇анд̇и. ад̇д̇ано хад̇т̇з нигкид̇д̇ад̇д̇аад̇и зд̇т̇а ад̇д̇ано хад̇т̇з сан̇г̇обанад̇т̇ааяа нигкид̇д̇агаалад̇о бадтааяа д̇аббадиб̣ад̣̇д̇хад̇д̇аа аарагкааяа бхан̣д̣асаамигадтаанз тид̇ад̇д̇аа таанасса жа д̇ад̣̇ааяад̇д̇ад̇ааяа таанаажааванасса алаб̣бханад̇о над̇т̇и авахаарод̇и ад̇хиббааяо.
112. Upanidhikathāyaṃ ‘‘saṅgopanatthāya attano hatthe nikkhittassa bhaṇḍassa guttaṭṭhāne paṭisāmanapayogaṃ vinā aññasmiṃ payoge akatepi rajjasaṅkhobhādikāle ‘na dāni tassa dassāmi, na mayhaṃ dāni dassatī’ti ubhohipi sakasakaṭṭhāne nisīditvā dhuranikkhepe kate pārājikameva paṭisāmanapayogassa katattā’’ti vadanti. Attano hatthe nikkhittattāti ettha attano hatthe saṅgopanatthāya nikkhittakālato paṭṭhāya tappaṭibaddhattā ārakkhāya bhaṇḍasāmikaṭṭhāne ṭhitattā ṭhānassa ca tadāyattatāya ṭhānācāvanassa alabbhanato natthi avahāroti adhippāyo.
д̇хаммам̣ ваажаабзд̇ваад̇и д̇хаммам̣ гат̇аабзд̇ваа. зсзва наяод̇и уд̣̇д̇хаарзязва баарааж̇игам̣. гасмаа? ан̃н̃зхи асаад̇хааран̣асса абхин̃н̃аан̣асса вуд̇д̇ад̇д̇аа. ‘‘ан̃н̃ам̣ д̇аад̣̇исамзва г̇ан̣ханд̇з яуж̇ж̇ад̇ийд̇и ид̣̇ам̣ сан̃н̃аан̣ам̣ гат̇знд̇знзва ‘асугасмим̣ таанз’д̇и огаасасса жа нияамид̇ад̇д̇аа д̇асмим̣ таанз тид̇ам̣ бад̇д̇ам̣ абанзд̇ваа д̇асмим̣ огаасз ан̃н̃ам̣ д̇аад̣̇исамзва бажчаа табид̇ам̣ бад̇д̇ам̣ санд̇хааяа гат̇ид̇а’’нд̇и д̇ийсуби г̇ан̣тибад̣̇зсу вуд̇д̇ам̣. жорзна саллагкид̇абад̇д̇асса г̇ахан̣аабхаавзби ‘‘ид̣̇ам̣ т̇знзд̇ваа г̇ан̣хиссаамий’’д̇и д̇асмим̣ огаасз тид̇з д̇аад̣̇исз вад̇т̇умад̇д̇з д̇асса т̇зяяажид̇д̇асаб̣бхаавад̇о ан̃н̃ам̣ д̇аад̣̇исамзва г̇ан̣ханд̇з яуж̇ж̇ад̇ийд̇и жорасса авахааро д̣̇ассид̇о. бад̣̇аваарзнаад̇и т̇зрзна нийхарид̇ваа д̣̇иннам̣ бад̇д̇ам̣ г̇ахзд̇ваа г̇ажчад̇о жорасса бад̣̇аваарзна. д̇ам̣ ад̇аад̣̇исамзва г̇ан̣ханд̇з яуж̇ж̇ад̇ийд̇и ‘‘мамааяам̣ бад̇д̇о на ход̇ий’’д̇и ваа ‘‘маяаа гат̇ид̇о аяам̣ бад̇д̇о на ход̇ий’’д̇и ваа ж̇аанид̇ваа т̇зяяажид̇д̇зна г̇ан̣ханд̇асса ‘‘ид̣̇ам̣ т̇знзд̇ваа г̇ан̣хиссаамий’’д̇и вад̇т̇умад̇д̇з т̇зяяажид̇д̇ам̣ уббаад̣̇зд̇ваа г̇ан̣ханд̇асса жа авахаарасаб̣бхаавад̇о вуд̇д̇ам̣.
Dhammaṃ vācāpetvāti dhammaṃ kathāpetvā. Eseva nayoti uddhāreyeva pārājikaṃ. Kasmā? Aññehi asādhāraṇassa abhiññāṇassa vuttattā. ‘‘Aññaṃ tādisameva gaṇhante yujjatīti idaṃ saññāṇaṃ kathenteneva ‘asukasmiṃ ṭhāne’ti okāsassa ca niyamitattā tasmiṃ ṭhāne ṭhitaṃ pattaṃ apanetvā tasmiṃ okāse aññaṃ tādisameva pacchā ṭhapitaṃ pattaṃ sandhāya kathita’’nti tīsupi gaṇṭhipadesu vuttaṃ. Corena sallakkhitapattassa gahaṇābhāvepi ‘‘idaṃ thenetvā gaṇhissāmī’’ti tasmiṃ okāse ṭhite tādise vatthumatte tassa theyyacittasabbhāvato aññaṃ tādisameva gaṇhante yujjatīti corassa avahāro dassito. Padavārenāti therena nīharitvā dinnaṃ pattaṃ gahetvā gacchato corassa padavārena. Taṃ atādisameva gaṇhante yujjatīti ‘‘mamāyaṃ patto na hotī’’ti vā ‘‘mayā kathito ayaṃ patto na hotī’’ti vā jānitvā theyyacittena gaṇhantassa ‘‘idaṃ thenetvā gaṇhissāmī’’ti vatthumatte theyyacittaṃ uppādetvā gaṇhantassa ca avahārasabbhāvato vuttaṃ.
г̇аамад̣̇вааранд̇и саман̣асааруббам̣ вохаарамад̇д̇амзд̇ам̣, анд̇ог̇аамам̣ ижжзва вуд̇д̇ам̣ ход̇и. вуд̇д̇анаязнзва т̇зрасса баарааж̇иганд̇и т̇зяяажид̇д̇знзва барасанд̇агасса г̇ахид̇ад̇д̇аа уд̣̇д̇хаарзязва т̇зрасса баарааж̇игам̣. жорасса д̣̇уггаданд̇и асуд̣̇д̇хажид̇д̇зна г̇ахид̇ад̇д̇аа г̇ахид̇агаалз жорасса д̣̇уггадам̣. вуд̇д̇анаязнзва убхиннамби д̣̇уггаданд̇и жорасса саамигзна д̣̇иннад̇д̇аа баарааж̇игам̣ над̇т̇и, асуд̣̇д̇хажид̇д̇зна г̇ахид̇ад̇д̇аа д̣̇уггадам̣, т̇зрасса бана ад̇д̇ано санд̇агзби асуд̣̇д̇хажид̇д̇ад̇ааяа д̣̇уггаданд̇и.
Gāmadvāranti samaṇasāruppaṃ vohāramattametaṃ, antogāmaṃ icceva vuttaṃ hoti. Vuttanayeneva therassapārājikanti theyyacitteneva parasantakassa gahitattā uddhāreyeva therassa pārājikaṃ. Corassa dukkaṭanti asuddhacittena gahitattā gahitakāle corassa dukkaṭaṃ. Vuttanayeneva ubhinnampi dukkaṭanti corassa sāmikena dinnattā pārājikaṃ natthi, asuddhacittena gahitattā dukkaṭaṃ, therassa pana attano santakepi asuddhacittatāya dukkaṭanti.
аан̣ад̇д̇ияаа г̇ахид̇ад̇д̇аад̇и зд̇т̇а ‘‘бад̇д̇ажийварам̣ г̇ан̣ха, асугам̣ наама г̇аамам̣ г̇анд̇ваа бин̣д̣ааяа жариссаамаа’’д̇и звам̣ т̇зрзна гад̇ааан̣ад̇д̇ияаа вихаарасса барабхааг̇з убажаарад̇о бадтааяа яаава д̇асса г̇аамасса барад̇о убажааро, д̇аава саб̣б̣ам̣ кзд̇д̇амзва ж̇аад̇анд̇и ад̇хиббааяо. маг̇г̇ад̇о оггаммаад̇и зд̇т̇а убхиннам̣ сагадажаггамаг̇г̇аанам̣ анд̇араал̣амби маг̇г̇оязваад̇и д̣̇адтаб̣б̣ам̣. адтад̇ваа анисийд̣̇ид̇ваад̇и зд̇т̇а вихаарам̣ бависид̇ваа сийсаад̣̇ийсу бхаарам̣ бхуумияам̣ анигкибид̇ваава д̇идтанд̇о нисийд̣̇анд̇о ваа виссамид̇ваа т̇зяяажид̇д̇з вуубасанд̇з буна т̇зяяажид̇д̇ам̣ уббаад̣̇зд̇ваа г̇ажчад̇и жз, баад̣̇уд̣̇д̇хаарзна гаарзд̇аб̣б̣о. сажз бхуумияам̣ нигкибид̇ваа буна д̇ам̣ г̇ахзд̇ваа г̇ажчад̇и, уд̣̇д̇хаарзна гаарзд̇аб̣б̣о. гасмаа? аан̣аабагасса аан̣ад̇д̇ияаа яам̣ гад̇д̇аб̣б̣ам̣, д̇асса д̇аава баринидтид̇ад̇д̇аа. гзжи бана ‘‘буримасмим̣ т̇зяяажид̇д̇з авуубасанд̇зби вуд̇д̇анаязнзва виссамид̇ваа г̇ажчад̇о баад̣̇уд̣̇д̇хаарзна уд̣̇д̇хаарзна ваа гаарзд̇аб̣б̣о’’д̇и вад̣̇анд̇и, ‘‘асугам̣ наама г̇ааманд̇и анияамзд̇ваа ‘анд̇ог̇аамам̣ бависиссаамаа’д̇и ависзсзна вуд̇д̇з вихаарасааманд̇аа саб̣б̣оби г̇ожараг̇аамо кзд̇д̇амзваа’’д̇иби вад̣̇анд̇и. сзсанд̇и маг̇г̇уггаманавихаараабхимукаг̇аманаад̣̇и саб̣б̣ам̣. буримасад̣̇исамзваад̇и анаан̣ад̇д̇ияаа г̇ахид̇зби саамигасса гат̇зд̇ваа г̇ахид̇ад̇д̇аа хздтаа вуд̇д̇авихааруубажаараад̣̇и саб̣б̣ам̣ кзд̇д̇амзваад̇и гад̇ваа вуд̇д̇ам̣.
Āṇattiyā gahitattāti ettha ‘‘pattacīvaraṃ gaṇha, asukaṃ nāma gāmaṃ gantvā piṇḍāya carissāmā’’ti evaṃ therena kataāṇattiyā vihārassa parabhāge upacārato paṭṭhāya yāva tassa gāmassa parato upacāro, tāva sabbaṃ khettameva jātanti adhippāyo. Maggato okkammāti ettha ubhinnaṃ sakaṭacakkamaggānaṃ antarāḷampi maggoyevāti daṭṭhabbaṃ. Aṭṭhatvā anisīditvāti ettha vihāraṃ pavisitvā sīsādīsu bhāraṃ bhūmiyaṃ anikkhipitvāva tiṭṭhanto nisīdanto vā vissamitvā theyyacitte vūpasante puna theyyacittaṃ uppādetvā gacchati ce, pāduddhārena kāretabbo. Sace bhūmiyaṃ nikkhipitvā puna taṃ gahetvā gacchati, uddhārena kāretabbo. Kasmā? Āṇāpakassa āṇattiyā yaṃ kattabbaṃ, tassa tāva pariniṭṭhitattā. Keci pana ‘‘purimasmiṃ theyyacitte avūpasantepi vuttanayeneva vissamitvā gacchato pāduddhārena uddhārena vā kāretabbo’’ti vadanti, ‘‘asukaṃ nāma gāmanti aniyametvā ‘antogāmaṃ pavisissāmā’ti avisesena vutte vihārasāmantā sabbopi gocaragāmo khettamevā’’tipi vadanti. Sesanti maggukkamanavihārābhimukhagamanādi sabbaṃ. Purimasadisamevāti anāṇattiyā gahitepi sāmikassa kathetvā gahitattā heṭṭhā vuttavihārūpacārādi sabbaṃ khettamevāti katvā vuttaṃ.
зсзва наяод̇и ‘‘анд̇араамаг̇г̇з т̇зяяажид̇д̇ам̣ уббаад̣̇зд̇ваа’’д̇иаад̣̇инаа вуд̇д̇анаяам̣ ад̇ид̣̇исад̇и. нимид̇д̇з ваа гад̇зд̇и ‘‘жийварам̣ мз гилидтам̣, го ну ко раж̇ид̇ваа д̣̇ассад̇ий’’д̇иаад̣̇инаа нимид̇д̇з гад̇з. вуд̇д̇анаязнзваад̇и анаан̣ад̇д̇асса т̇зрзна сад̣̇д̇хим̣ бад̇д̇ажийварам̣ г̇ахзд̇ваа г̇аманаваарз вуд̇д̇анаязнзва. згабассз ваад̇и вихаарасса маханд̇ад̇ааяа ад̇д̇аанам̣ ад̣̇ассзд̇ваа згасмим̣ бассз васанд̇о ваа. т̇зяяажид̇д̇зна барибхун̃ж̇анд̇о ж̇ийраабзд̇ийд̇и т̇зяяажид̇д̇з уббаннз таанаажааванам̣ агад̇ваа нивад̇т̇абааруд̇анийхаарзнзва барибхун̃ж̇анд̇о ж̇ийраабзд̇и, таанаа жаавзнд̇асса бана т̇зяяажид̇д̇з сад̇и баарааж̇игамзва сийсз бхаарам̣ канд̇хз гаран̣аад̣̇ийсу вияа. яат̇аа д̇ат̇аа ваа нассад̇ийд̇и аг̇г̇иаад̣̇инаа ваа убажигаад̣̇ийхи каад̣̇ид̇ам̣ ваа нассад̇и.
Eseva nayoti ‘‘antarāmagge theyyacittaṃ uppādetvā’’tiādinā vuttanayaṃ atidisati. Nimitte vā kateti ‘‘cīvaraṃ me kiliṭṭhaṃ, ko nu kho rajitvā dassatī’’tiādinā nimitte kate. Vuttanayenevāti anāṇattassa therena saddhiṃ pattacīvaraṃ gahetvā gamanavāre vuttanayeneva. Ekapasse vāti vihārassa mahantatāya attānaṃ adassetvā ekasmiṃ passe vasanto vā. Theyyacittena paribhuñjanto jīrāpetīti theyyacitte uppanne ṭhānācāvanaṃ akatvā nivatthapārutanīhāreneva paribhuñjanto jīrāpeti, ṭhānā cāventassa pana theyyacitte sati pārājikameva sīse bhāraṃ khandhe karaṇādīsu viya. Yathā tathā vā nassatīti aggiādinā vā upacikādīhi khāditaṃ vā nassati.
ан̃н̃о ваа гожийд̇и иминаа бана язна табид̇ам̣, соби сан̇г̇ахид̇од̇и взд̣̇ид̇аб̣б̣ам̣. д̇ава т̇ууласаадаго лад̣̇д̇ход̇иаад̣̇инаа мусааваад̣̇з д̣̇уггадам̣ ад̣̇иннаад̣̇аанабаяог̇ад̇д̇аа. ид̇арам̣ г̇ан̣хад̇о уд̣̇д̇хаарз баарааж̇иганд̇и зд̇т̇а ‘‘бависид̇ваа д̇ава саадагам̣ г̇ан̣хаахий’’д̇и иминаава убанид̇хибхаавад̇о муд̇д̇ад̇д̇аа саамигасса ид̇арам̣ г̇ан̣хад̇оби ад̇д̇ано саадагз аалаяасса саб̣бхаавад̇о жа уд̣̇д̇хаарз баарааж̇игам̣ вуд̇д̇ам̣. на ж̇аананд̇ийд̇и д̇зна вуд̇д̇ам̣ важанам̣ асун̣анд̇аа на ж̇аананд̇и. зсзва наяод̇и зд̇т̇а сажз ж̇аанид̇вааби жид̇д̇зна на самбадижчанд̇и, зсзва наяод̇и д̣̇адтаб̣б̣ам̣. бадигкибанд̇ийд̇и зд̇т̇а жид̇д̇зна бадигкзбоби сан̇г̇ахид̇оваад̇и взд̣̇ид̇аб̣б̣ам̣. яаажид̇аа ваа аяаажид̇аа ваад̇и зд̇т̇а яаажид̇аа яад̣̇и жид̇д̇знаби самбадижчанд̇и, надтз г̇ийваа. аяаажид̇аа бана яад̣̇иби жид̇д̇зна самбадижчанд̇и, над̇т̇и г̇ийваа.
Añño vā kocīti iminā pana yena ṭhapitaṃ, sopi saṅgahitoti veditabbaṃ. Tava thūlasāṭako laddhotiādinā musāvāde dukkaṭaṃ adinnādānapayogattā. Itaraṃ gaṇhato uddhāre pārājikanti ettha ‘‘pavisitvā tava sāṭakaṃ gaṇhāhī’’ti imināva upanidhibhāvato muttattā sāmikassa itaraṃ gaṇhatopi attano sāṭake ālayassa sabbhāvato ca uddhāre pārājikaṃ vuttaṃ. Na jānantīti tena vuttaṃ vacanaṃ asuṇantā na jānanti. Eseva nayoti ettha sace jānitvāpi cittena na sampaṭicchanti, eseva nayoti daṭṭhabbaṃ. Paṭikkhipantīti ettha cittena paṭikkhepopi saṅgahitovāti veditabbaṃ. Yācitā vā ayācitā vāti ettha yācitā yadi cittenapi sampaṭicchanti, naṭṭhe gīvā. Ayācitā pana yadipi cittena sampaṭicchanti, natthi gīvā.
г̇ахзд̇ваа табзд̇ийд̇и зд̇т̇а жаалзд̇ваа д̇асмим̣язва таанз табид̇зби надтз г̇ийваа. убажаарз виж̇ж̇амаанзд̇и бхан̣д̣ааг̇аарасса самийбз ужжаарабассаавадтаанз виж̇ж̇амаанз. маяи жа мад̇з сан̇гхасса жа сзнаасанз винадтзд̇и зд̇т̇а ‘‘гзвалам̣ сан̇гхасса сзнаасанам̣ маа нассийд̇и иминаава ад̇хиббааязна виварид̇умби ваддад̇иязваа’’д̇и вад̣̇анд̇и. сахааязхи бхавид̇аб̣б̣анд̇и д̇зхиби гин̃жи гин̃жи д̣̇аад̇аб̣б̣анд̇и вуд̇д̇ам̣ ход̇и. аяам̣ саамийжийд̇и бхан̣д̣ааг̇аарз васанд̇аанам̣ ид̣̇ам̣ вад̇д̇ам̣.
Gahetvā ṭhapetīti ettha cāletvā tasmiṃyeva ṭhāne ṭhapitepi naṭṭhe gīvā. Upacāre vijjamāneti bhaṇḍāgārassa samīpe uccārapassāvaṭṭhāne vijjamāne. Mayi ca mate saṅghassa ca senāsane vinaṭṭheti ettha ‘‘kevalaṃ saṅghassa senāsanaṃ mā nassīti imināva adhippāyena vivaritumpi vaṭṭatiyevā’’ti vadanti. Sahāyehi bhavitabbanti tehipi kiñci kiñci dātabbanti vuttaṃ hoti. Ayaṃ sāmīcīti bhaṇḍāgāre vasantānaṃ idaṃ vattaṃ.
лоламахаат̇зрод̇и манд̣̇о момуухо хасид̇агийл̣ид̇аббасуд̇о ваа махаат̇зро. ад̇д̇ано ад̇д̇ано васанаг̇аб̣бхзсу сабхааг̇абхигкуунам̣ баригкаарам̣ табзнд̇ийд̇и яож̇зд̇аб̣б̣ам̣. ид̇арзхийд̇и д̇асмим̣язва г̇аб̣бхз васанд̇зхи ид̇арабхигкуухи. вихаараваарз нияуд̇д̇о вихаараваариго, ваарам̣ гад̇ваа вихаарарагкан̣аго. ниваабанд̇и бхад̇д̇авзд̇анам̣. бадибат̇ам̣ г̇ад̇зсууд̇и жораанам̣ ааг̇аманам̣ н̃ад̇ваа ‘‘батамад̇арам̣язва г̇анд̇ваа сад̣̇д̣̇ам̣ гариссаамаа’’д̇и жораанам̣ абхимукам̣ г̇ад̇зсу. ниссид̇агз ж̇аг̇г̇знд̇ийд̇и ад̇д̇ано ад̇д̇ано ниссид̇агз сигкаажарияааяа босзнд̇ааби ниссид̇агз вихаарам̣ ж̇аг̇г̇аабзнд̇и. ‘‘асахааяасса ад̣̇уд̇ияассаа’’д̇и баато яуд̇д̇о, бажчимам̣ буримассзва взважанам̣. асахааяасса ваа ад̇д̇ад̣̇уд̇ияасса ваад̇и имасмим̣ бана баатз згзна аанийд̇ам̣ д̣̇виннам̣ наббаход̇ийд̇и ад̇д̇ад̣̇уд̇ияассаби вааро ниваарид̇од̇и вад̣̇анд̇и, д̇ам̣ ‘‘яасса сабхааг̇о бхигку бхад̇д̇ам̣ аанзд̇ваа д̣̇аад̇аа над̇т̇ий’’д̇и иминаа на самзд̇ийд̇и виймам̣сид̇аб̣б̣ам̣. убаж̇ийванд̇зна таад̇аб̣б̣анд̇и аб̣бхогаасигзна ругкамуулигзнаби баагаваддам̣ убаниссааяа ж̇ийванд̇зна бад̇д̇ажийварарагкан̣ад̇т̇ааяа вихаараваарз самбад̇д̇з таад̇аб̣б̣ам̣. барибужчанд̇и бужчид̇абан̃хависсаж̇ж̇анам̣ адтагат̇ам̣ ваа. д̣̇иг̇ун̣анд̇и вассаг̇г̇зна баабид̇ам̣ винаава д̣̇вз годтаасзд̇и вад̣̇анд̇и. багкаваарзнаад̇и ад̣дхамаасаваарзна.
Lolamahātheroti mando momūho hasitakīḷitappasuto vā mahāthero. Attano attano vasanagabbhesu sabhāgabhikkhūnaṃ parikkhāraṃ ṭhapentīti yojetabbaṃ. Itarehīti tasmiṃyeva gabbhe vasantehi itarabhikkhūhi. Vihāravāre niyutto vihāravāriko, vāraṃ katvā vihārarakkhaṇako. Nivāpanti bhattavetanaṃ. Paṭipathaṃ gatesūti corānaṃ āgamanaṃ ñatvā ‘‘paṭhamataraṃyeva gantvā saddaṃ karissāmā’’ti corānaṃ abhimukhaṃ gatesu. Nissitake jaggentīti attano attano nissitake sikkhācariyāya posentāpi nissitake vihāraṃ jaggāpenti. ‘‘Asahāyassa adutiyassā’’ti pāṭho yutto, pacchimaṃ purimasseva vevacanaṃ. Asahāyassa vā attadutiyassa vāti imasmiṃ pana pāṭhe ekena ānītaṃ dvinnaṃ nappahotīti attadutiyassapi vāro nivāritoti vadanti, taṃ ‘‘yassa sabhāgo bhikkhu bhattaṃ ānetvā dātā natthī’’ti iminā na sametīti vīmaṃsitabbaṃ. Upajīvantena ṭhātabbanti abbhokāsikena rukkhamūlikenapi pākavaṭṭaṃ upanissāya jīvantena pattacīvararakkhaṇatthāya vihāravāre sampatte ṭhātabbaṃ. Paripucchanti pucchitapañhavissajjanaṃ aṭṭhakathaṃ vā. Diguṇanti vassaggena pāpitaṃ vināva dve koṭṭhāseti vadanti. Pakkhavārenāti aḍḍhamāsavārena.
убанид̇хигат̇ааван̣н̣анаа нидтид̇аа.
Upanidhikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхуумадтагат̇аад̣̇иван̣н̣анаа • Bhūmaṭṭhakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / убанид̇хигат̇ааван̣н̣анаа • Upanidhikathāvaṇṇanā
