| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. убанисасуд̇д̇аван̣н̣анаа
3. Upanisasuttavaṇṇanā
23. д̇ад̇ияз ‘‘ж̇аанад̇о аха’’нд̇иаад̣̇ийсу ж̇аанад̇од̇и ж̇аананд̇асса. бассад̇од̇и бассанд̇асса. д̣̇взби бад̣̇аани згад̇т̇аани, б̣яан̃ж̇анамзва наанам̣. звам̣ санд̇зби ‘‘ж̇аанад̇о’’д̇и н̃аан̣алагкан̣ам̣ убаад̣̇ааяа буг̇г̇алам̣ нид̣̇д̣̇исад̇и. ж̇аананалагкан̣ан̃хи н̃аан̣ам̣. ‘‘бассад̇о’’д̇и н̃аан̣аббабхаавам̣ убаад̣̇ааяа. бассанаббабхааван̃хи н̃аан̣ам̣, н̃аан̣асаман̇г̇ийбуг̇г̇ало жагкумаа вияа жагкунаа руубаани , н̃аан̣зна вивадз д̇хаммз бассад̇и. аасаваанам̣ каяанд̇и зд̇т̇а аасаваанам̣ бахаанам̣ асамуббаад̣̇о кийн̣аагааро над̇т̇ибхаавод̇и аяамби аасавагкаяод̇и вужжад̇и, бхан̇г̇оби маг̇г̇апаланиб̣б̣аанааниби. ‘‘аасаваанам̣ каяаа анаасавам̣ жзд̇овимуд̇д̇и’’нд̇иаад̣̇ийсу (ма. ни. 1.438; вибха. 831) хи кийн̣аагааро аасавагкаяод̇и вужжад̇и. ‘‘яо аасаваанам̣ каяо ваяо бхзд̣̇о барибхзд̣̇о анижжад̇аа анд̇арад̇хаана’’нд̇и (вибха. 354) зд̇т̇а бхан̇г̇о.
23. Tatiye ‘‘jānato aha’’ntiādīsu jānatoti jānantassa. Passatoti passantassa. Dvepi padāni ekatthāni, byañjanameva nānaṃ. Evaṃ santepi ‘‘jānato’’ti ñāṇalakkhaṇaṃ upādāya puggalaṃ niddisati. Jānanalakkhaṇañhi ñāṇaṃ. ‘‘Passato’’ti ñāṇappabhāvaṃ upādāya. Passanappabhāvañhi ñāṇaṃ, ñāṇasamaṅgīpuggalo cakkhumā viya cakkhunā rūpāni , ñāṇena vivaṭe dhamme passati. Āsavānaṃ khayanti ettha āsavānaṃ pahānaṃ asamuppādo khīṇākāro natthibhāvoti ayampi āsavakkhayoti vuccati, bhaṅgopi maggaphalanibbānānipi. ‘‘Āsavānaṃ khayā anāsavaṃ cetovimutti’’ntiādīsu (ma. ni. 1.438; vibha. 831) hi khīṇākāro āsavakkhayoti vuccati. ‘‘Yo āsavānaṃ khayo vayo bhedo paribhedo aniccatā antaradhāna’’nti (vibha. 354) ettha bhaṅgo.
‘‘сзгкасса сигкамаанасса, уж̇умаг̇г̇аанусаарино;
‘‘Sekkhassa sikkhamānassa, ujumaggānusārino;
каяасмим̣ батамам̣ н̃аан̣ам̣, д̇ад̇о ан̃н̃аа ананд̇араа’’д̇и. (ид̇иву. 62); –
Khayasmiṃ paṭhamaṃ ñāṇaṃ, tato aññā anantarā’’ti. (itivu. 62); –
зд̇т̇а маг̇г̇о. со хи аасавз кзбзнд̇о вуубасамзнд̇о уббаж̇ж̇ад̇и, д̇асмаа аасаваанам̣ каяод̇и вуд̇д̇о. ‘‘аасаваанам̣ каяаа саман̣о ход̇ий’’д̇и зд̇т̇а палам̣. д̇ан̃хи аасаваанам̣ кийн̣анд̇з уббаж̇ж̇ад̇и, д̇асмаа аасаваанам̣ каяод̇и вуд̇д̇ам̣.
Ettha maggo. So hi āsave khepento vūpasamento uppajjati, tasmā āsavānaṃ khayoti vutto. ‘‘Āsavānaṃ khayā samaṇo hotī’’ti ettha phalaṃ. Tañhi āsavānaṃ khīṇante uppajjati, tasmā āsavānaṃ khayoti vuttaṃ.
‘‘аасаваа д̇асса вад̣дханд̇и, аараа со аасавагкаяаа’’д̇и; (д̇ха. ба. 253) –
‘‘Āsavā tassa vaḍḍhanti, ārā so āsavakkhayā’’ti; (Dha. pa. 253) –
зд̇т̇а ниб̣б̣аанам̣. д̇ан̃хи ааг̇амма аасаваа кийяанд̇и, д̇асмаа аасаваанам̣ каяод̇и вуд̇д̇ам̣. ид̇ха бана маг̇г̇апалаани ад̇хиббзд̇аани. но аж̇аанад̇о но абассад̇од̇и яо бана на ж̇аанаад̇и на бассад̇и, д̇асса но вад̣̇аамийд̇и ад̇т̇о. зд̇зна яз аж̇аанад̇о абассад̇оби сам̣саараад̣̇ийхиязва суд̣̇д̇хим̣ вад̣̇анд̇и, д̇з бадигкид̇д̇аа хонд̇и. буримзна бад̣̇ад̣̇ваязна убааяо вуд̇д̇о, иминаа анубааяам̣ бадисзд̇хзд̇и.
Ettha nibbānaṃ. Tañhi āgamma āsavā khīyanti, tasmā āsavānaṃ khayoti vuttaṃ. Idha pana maggaphalāni adhippetāni. No ajānato no apassatoti yo pana na jānāti na passati, tassa no vadāmīti attho. Etena ye ajānato apassatopi saṃsārādīhiyeva suddhiṃ vadanti, te paṭikkhittā honti. Purimena padadvayena upāyo vutto, iminā anupāyaṃ paṭisedheti.
ид̣̇аани яам̣ ж̇аанад̇о аасаваанам̣ каяо ход̇и, д̇ам̣ д̣̇ассзд̇угаамо гин̃жа, бхигкавз, ж̇аанад̇од̇и бужчам̣ аарабхи. д̇ад̇т̇а ж̇аананаа б̣ахувид̇хаа. д̣̇аб̣б̣аж̇аад̇иго зва хи гожи бхигку чад̇д̇ам̣ гаад̇ум̣ ж̇аанаад̇и, гожи жийвараад̣̇ийнам̣ ан̃н̃ад̇арам̣, д̇асса ийд̣̇исаани гаммаани вад̇д̇асийсз тад̇ваа гаронд̇асса саа ж̇аананаа саг̇г̇амаг̇г̇апалаанам̣ бад̣̇адтаанам̣ на ход̇ийд̇и на вад̇д̇аб̣б̣ам̣. яо бана саасанз баб̣б̣аж̇ид̇ваа взж̇ж̇агаммаад̣̇ийни гаад̇ум̣ ж̇аанаад̇и, д̇ассзвам̣ ж̇аанад̇о аасаваа вад̣дханд̇иязва. д̇асмаа яам̣ ж̇аанад̇о бассад̇о жа аасаваанам̣ каяо ход̇и, д̇ад̣̇зва д̣̇ассзнд̇о ид̇и руубанд̇иаад̣̇имааха. звам̣ ко, бхигкавз, ж̇аанад̇од̇и звам̣ бан̃жаннам̣ канд̇хаанам̣ уд̣̇аяаб̣б̣аяам̣ ж̇аананд̇асса. аасаваанам̣ каяо ход̇ийд̇и аасаваанам̣ каяанд̇з ж̇аад̇ад̇д̇аа ‘‘аасаваанам̣ каяо’’д̇и лад̣̇д̇ханаамам̣ арахад̇д̇ам̣ ход̇и.
Idāni yaṃ jānato āsavānaṃ khayo hoti, taṃ dassetukāmo kiñca, bhikkhave, jānatoti pucchaṃ ārabhi. Tattha jānanā bahuvidhā. Dabbajātiko eva hi koci bhikkhu chattaṃ kātuṃ jānāti, koci cīvarādīnaṃ aññataraṃ, tassa īdisāni kammāni vattasīse ṭhatvā karontassa sā jānanā saggamaggaphalānaṃ padaṭṭhānaṃ na hotīti na vattabbaṃ. Yo pana sāsane pabbajitvā vejjakammādīni kātuṃ jānāti, tassevaṃ jānato āsavā vaḍḍhantiyeva. Tasmā yaṃ jānato passato ca āsavānaṃ khayo hoti, tadeva dassento iti rūpantiādimāha. Evaṃ kho, bhikkhave, jānatoti evaṃ pañcannaṃ khandhānaṃ udayabbayaṃ jānantassa. Āsavānaṃ khayo hotīti āsavānaṃ khayante jātattā ‘‘āsavānaṃ khayo’’ti laddhanāmaṃ arahattaṃ hoti.
звам̣ арахад̇д̇анигуудзна д̣̇зсанам̣ нидтабзд̇ваа ид̣̇аани кийн̣аасавасса ааг̇аманийяам̣ буб̣б̣абхааг̇абадибад̣̇ам̣ д̣̇ассзд̇ум̣ яамбисса д̇ам̣, бхигкавзд̇иаад̣̇имааха. д̇ад̇т̇а каяасмим̣ каязн̃аан̣анд̇и аасавагкаяасан̇каад̇з арахад̇д̇апалз бадилад̣̇д̇хз сад̇и бажжавзгкан̣ан̃аан̣ам̣. д̇ан̃хи арахад̇д̇апаласан̇каад̇з каяасмим̣ батамаваарам̣ уббаннз бажчаа уббаннад̇д̇аа каязн̃аан̣анд̇и вужжад̇и. саубанисанд̇и сагааран̣ам̣ саббажжаяам̣. вимуд̇д̇ийд̇и арахад̇д̇апалавимуд̇д̇и. саа хисса убаниссаяабажжаязна бажжаяо ход̇и. звам̣ ид̇о барзсуби лаб̣бхамаанавасзна бажжаяабхааво взд̣̇ид̇аб̣б̣о.
Evaṃ arahattanikūṭena desanaṃ niṭṭhapetvā idāni khīṇāsavassa āgamanīyaṃ pubbabhāgapaṭipadaṃ dassetuṃ yampissa taṃ, bhikkhavetiādimāha. Tattha khayasmiṃ khayeñāṇanti āsavakkhayasaṅkhāte arahattaphale paṭiladdhe sati paccavekkhaṇañāṇaṃ. Tañhi arahattaphalasaṅkhāte khayasmiṃ paṭhamavāraṃ uppanne pacchā uppannattā khayeñāṇanti vuccati. Saupanisanti sakāraṇaṃ sappaccayaṃ. Vimuttīti arahattaphalavimutti. Sā hissa upanissayapaccayena paccayo hoti. Evaṃ ito paresupi labbhamānavasena paccayabhāvo veditabbo.
вирааг̇од̇и маг̇г̇о. со хи гилзсз вирааж̇знд̇о кзбзнд̇о уббанно, д̇асмаа вирааг̇од̇и вужжад̇и. ниб̣б̣ид̣̇аад̇и ниб̣б̣ид̣̇аан̃аан̣ам̣. зд̇зна б̣алававибассанам̣ д̣̇ассзд̇и. б̣алававибассанаад̇и бхаяад̇уубадтаанз н̃аан̣ам̣ аад̣̇ийнаваанубассанз н̃аан̣ам̣ мун̃жид̇угамяад̇аан̃аан̣ам̣ сан̇каарубзгкаан̃аан̣анд̇и жад̇уннам̣ н̃аан̣аанам̣ ад̇хиважанам̣. яат̇аабхууд̇ан̃аан̣ад̣̇ассананд̇и яат̇аасабхааваж̇аананасан̇каад̇ам̣ д̣̇ассанам̣. зд̇зна д̇арун̣авибассанам̣ д̣̇ассзд̇и. д̇арун̣авибассанаа хи б̣алававибассанааяа бажжаяо ход̇и. д̇арун̣авибассанаад̇и сан̇каарабарижчзд̣̇з н̃аан̣ам̣ ган̇каавид̇аран̣з н̃аан̣ам̣ саммасанз н̃аан̣ам̣ маг̇г̇аамаг̇г̇з н̃аан̣анд̇и жад̇уннам̣ н̃аан̣аанам̣ ад̇хиважанам̣. самаад̇хийд̇и баад̣̇агаж̇жхаанасамаад̇хи. со хи д̇арун̣авибассанааяа бажжаяо ход̇и. суканд̇и аббанааяа буб̣б̣абхааг̇асукам̣. д̇ан̃хи баад̣̇агаж̇жхаанасса бажжаяо ход̇и. бассад̣̇д̇хийд̇и д̣̇арат̇абадиббассад̣̇д̇хи. саа хи аббанаабуб̣б̣абхааг̇асса сукасса бажжаяо ход̇и. бийд̇ийд̇и б̣алавабийд̇и. саа хи д̣̇арат̇абадиббассад̣̇д̇хияаа бажжаяо ход̇и. баамож̇ж̇анд̇и д̣̇уб̣б̣алабийд̇и. саа хи б̣алавабийд̇ияаа бажжаяо ход̇и. сад̣̇д̇хаад̇и абараабарам̣ уббаж̇ж̇анасад̣̇д̇хаа. саа хи д̣̇уб̣б̣алабийд̇ияаа бажжаяо ход̇и. д̣̇угканд̇и ваддад̣̇угкам̣. д̇ан̃хи абараабарасад̣̇д̇хааяа бажжаяо ход̇и. ж̇аад̇ийд̇и савигаараа канд̇хаж̇аад̇и . саа хи ваддад̣̇угкасса бажжаяо ход̇и. бхавод̇и гаммабхаво. (со хи савигаарааяа ж̇аад̇ияаа бажжаяо ход̇и.) зд̇знубааязна сзсабад̣̇ааниби взд̣̇ид̇аб̣б̣аани.
Virāgoti maggo. So hi kilese virājento khepento uppanno, tasmā virāgoti vuccati. Nibbidāti nibbidāñāṇaṃ. Etena balavavipassanaṃ dasseti. Balavavipassanāti bhayatūpaṭṭhāne ñāṇaṃ ādīnavānupassane ñāṇaṃ muñcitukamyatāñāṇaṃ saṅkhārupekkhāñāṇanti catunnaṃ ñāṇānaṃ adhivacanaṃ. Yathābhūtañāṇadassananti yathāsabhāvajānanasaṅkhātaṃ dassanaṃ. Etena taruṇavipassanaṃ dasseti. Taruṇavipassanā hi balavavipassanāya paccayo hoti. Taruṇavipassanāti saṅkhāraparicchede ñāṇaṃ kaṅkhāvitaraṇe ñāṇaṃ sammasane ñāṇaṃ maggāmagge ñāṇanti catunnaṃ ñāṇānaṃ adhivacanaṃ. Samādhīti pādakajjhānasamādhi. So hi taruṇavipassanāya paccayo hoti. Sukhanti appanāya pubbabhāgasukhaṃ. Tañhi pādakajjhānassa paccayo hoti. Passaddhīti darathapaṭippassaddhi. Sā hi appanāpubbabhāgassa sukhassa paccayo hoti. Pītīti balavapīti. Sā hi darathapaṭippassaddhiyā paccayo hoti. Pāmojjanti dubbalapīti. Sā hi balavapītiyā paccayo hoti. Saddhāti aparāparaṃ uppajjanasaddhā. Sā hi dubbalapītiyā paccayo hoti. Dukkhanti vaṭṭadukkhaṃ. Tañhi aparāparasaddhāya paccayo hoti. Jātīti savikārā khandhajāti . Sā hi vaṭṭadukkhassa paccayo hoti. Bhavoti kammabhavo. (So hi savikārāya jātiyā paccayo hoti.) Etenupāyena sesapadānipi veditabbāni.
т̇уллапусид̇агзд̇и махаапусид̇агз. баб̣б̣ад̇аганд̣̇арабад̣̇арасаакаад̇и зд̇т̇а ганд̣̇арам̣ наама ‘га’нд̇илад̣̇д̇ханаамзна уд̣̇агзна д̣̇аарид̇о уд̣̇агабхинно баб̣б̣ад̇абад̣̇зсо, яо ‘‘нид̇амб̣о’’д̇иби ‘‘над̣̇ийгун̃чо’’д̇иби вужжад̇и. бад̣̇арам̣ наама адтамаасз д̣̇звз авассанд̇з палид̇о бхуумиббад̣̇зсо. саакаад̇и гусумбхаг̇ааминияо куд̣̇д̣̇агамаад̇игааяо. гусоб̣бхаад̇и куд̣̇д̣̇агаааваадаа. махаасоб̣бхаад̇и махааааваадаа. гуннад̣̇ияод̇и куд̣̇д̣̇аганад̣̇ияо. махаанад̣̇ияод̇и г̇ан̇г̇ааяамунаад̣̇игаа махаасарид̇аа. звамзва ко , бхигкавз, авиж̇ж̇уубанисаа сан̇каараад̇иаад̣̇ийсу авиж̇ж̇аа баб̣б̣ад̇од̇и д̣̇адтаб̣б̣аа. абхисан̇каараа мзгход̇и, вин̃н̃аан̣аад̣̇иваддам̣ ганд̣̇араад̣̇аяод̇и, вимуд̇д̇и сааг̇арод̇и.
Thullaphusitaketi mahāphusitake. Pabbatakandarapadarasākhāti ettha kandaraṃ nāma ‘ka’ntiladdhanāmena udakena dārito udakabhinno pabbatapadeso, yo ‘‘nitambo’’tipi ‘‘nadīkuñcho’’tipi vuccati. Padaraṃ nāma aṭṭhamāse deve avassante phalito bhūmippadeso. Sākhāti kusumbhagāminiyo khuddakamātikāyo. Kusobbhāti khuddakaāvāṭā. Mahāsobbhāti mahāāvāṭā. Kunnadiyoti khuddakanadiyo. Mahānadiyoti gaṅgāyamunādikā mahāsaritā. Evameva kho, bhikkhave, avijjūpanisā saṅkhārātiādīsu avijjā pabbatoti daṭṭhabbā. Abhisaṅkhārā meghoti, viññāṇādivaṭṭaṃ kandarādayoti, vimutti sāgaroti.
яат̇аа баб̣б̣ад̇амад̇т̇агз д̣̇зво вассид̇ваа баб̣б̣ад̇аганд̣̇араад̣̇ийни буурзнд̇о анубуб̣б̣зна махаасамуд̣̇д̣̇ам̣ сааг̇арам̣ буурзд̇и, звам̣ авиж̇ж̇аабаб̣б̣ад̇амад̇т̇агз д̇аава абхисан̇каарамзгхасса вассанам̣ взд̣̇ид̇аб̣б̣ам̣. ассуд̇аваа хи б̣аалабут̇уж̇ж̇ано авиж̇ж̇ааяа ан̃н̃аан̣ий худ̇ваа д̇ан̣хааяа абхилаасам̣ гад̇ваа гусалаагусалагаммам̣ ааяуухад̇и, д̇ам̣ гусалаагусалагаммам̣ бадисанд̇хивин̃н̃аан̣асса бажжаяо ход̇и, бадисанд̇хивин̃н̃аан̣аад̣̇ийни наамаруубаад̣̇ийнам̣. ид̇и баб̣б̣ад̇амад̇т̇агз вудтад̣̇звасса ганд̣̇араад̣̇аяо буурзд̇ваа махаасамуд̣̇д̣̇ам̣ аахажжа тид̇агаало вияа авиж̇ж̇аабаб̣б̣ад̇амад̇т̇агз вудтасса абхисан̇каарамзгхасса барамбарабажжаяад̇ааяа анубуб̣б̣зна вин̃н̃аан̣аад̣̇иваддам̣ буурзд̇ваа тид̇агаало. б̣уд̣̇д̇хаважанам̣ бана баал̣ияам̣ аг̇ахид̇амби ‘‘ид̇ха д̇ат̇ааг̇ад̇о логз уббаж̇ж̇ад̇и, аг̇аарасмаа анаг̇аарияам̣ баб̣б̣аж̇ад̇ий’’д̇и имааяа баал̣ияаа васзна г̇ахид̇амзваад̇и взд̣̇ид̇аб̣б̣ам̣. яаа хи д̇асса гулаг̇зхз ниб̣б̣ад̇д̇и, саа гаммабхавабажжаяаа савигаараа ж̇аад̇и наама. со б̣уд̣̇д̇хаанам̣ ваа б̣уд̣̇д̇хасаавагаанам̣ ваа саммукийбхаавам̣ ааг̇амма ваддад̣̇осад̣̇ийбагам̣ лагкан̣аахадам̣ д̇хаммагат̇ам̣ суд̇ваа ваддавасзна бийл̣ид̇о ход̇и, звамасса савигаараа канд̇хаж̇аад̇и ваддад̣̇угкасса бажжаяо ход̇и. со ваддад̣̇угкзна бийл̣ид̇о абараабарам̣ сад̣̇д̇хам̣ ж̇анзд̇ваа аг̇аарасмаа анаг̇аарияам̣ баб̣б̣аж̇ад̇и, звамасса ваддад̣̇угкам̣ абараабарасад̣̇д̇хааяа бажжаяо ход̇и. со баб̣б̣аж̇ж̇аамад̇д̇знзва асанд̇удто уунабан̃жавассагаалз ниссаяам̣ г̇ахзд̇ваа вад̇д̇абадибад̇д̇им̣ буурзнд̇о д̣̇взмаад̇игаа баг̇ун̣ам̣ гад̇ваа гаммаагаммам̣ уг̇г̇ахзд̇ваа яаава арахад̇д̇аа ниж̇ж̇адам̣ гад̇ваа гаммадтаанам̣ г̇ахзд̇ваа аран̃н̃з васанд̇о бат̇авийгасин̣аад̣̇ийсу гаммам̣ аарабхад̇и, д̇асса гаммадтаанам̣ ниссааяа д̣̇уб̣б̣алабийд̇и уббаж̇ж̇ад̇и. д̇ад̣̇асса сад̣̇д̇хуубанисам̣ баамож̇ж̇ам̣, д̇ам̣ б̣алавабийд̇ияаа бажжаяо ход̇и. б̣алавабийд̇и д̣̇арат̇абадиббассад̣̇д̇хияаа, саа аббанаабуб̣б̣абхааг̇асукасса, д̇ам̣ сукам̣ баад̣̇агаж̇жхаанасамаад̇хисса. со самаад̇хинаа жид̇д̇агаллад̇ам̣ ж̇анзд̇ваа д̇арун̣авибассанааяа гаммам̣ гарод̇и. ижжасса баад̣̇агаж̇жхаанасамаад̇хи д̇арун̣авибассанааяа бажжаяо ход̇и, д̇арун̣авибассанаа б̣алававибассанааяа, б̣алававибассанаа маг̇г̇асса, маг̇г̇о палавимуд̇д̇ияаа, палавимуд̇д̇и бажжавзгкан̣ан̃аан̣ассаад̇и . звам̣ д̣̇звасса анубуб̣б̣зна сааг̇арам̣ буурзд̇ваа тид̇агаало вияа кийн̣аасавасса вимуд̇д̇исааг̇арам̣ буурзд̇ваа тид̇агаало взд̣̇ид̇аб̣б̣од̇и. д̇ад̇ияам̣.
Yathā pabbatamatthake devo vassitvā pabbatakandarādīni pūrento anupubbena mahāsamuddaṃ sāgaraṃ pūreti, evaṃ avijjāpabbatamatthake tāva abhisaṅkhārameghassa vassanaṃ veditabbaṃ. Assutavā hi bālaputhujjano avijjāya aññāṇī hutvā taṇhāya abhilāsaṃ katvā kusalākusalakammaṃ āyūhati, taṃ kusalākusalakammaṃ paṭisandhiviññāṇassa paccayo hoti, paṭisandhiviññāṇādīni nāmarūpādīnaṃ. Iti pabbatamatthake vuṭṭhadevassa kandarādayo pūretvā mahāsamuddaṃ āhacca ṭhitakālo viya avijjāpabbatamatthake vuṭṭhassa abhisaṅkhārameghassa paramparapaccayatāya anupubbena viññāṇādivaṭṭaṃ pūretvā ṭhitakālo. Buddhavacanaṃ pana pāḷiyaṃ agahitampi ‘‘idha tathāgato loke uppajjati, agārasmā anagāriyaṃ pabbajatī’’ti imāya pāḷiyā vasena gahitamevāti veditabbaṃ. Yā hi tassa kulagehe nibbatti, sā kammabhavapaccayā savikārā jāti nāma. So buddhānaṃ vā buddhasāvakānaṃ vā sammukhībhāvaṃ āgamma vaṭṭadosadīpakaṃ lakkhaṇāhaṭaṃ dhammakathaṃ sutvā vaṭṭavasena pīḷito hoti, evamassa savikārā khandhajāti vaṭṭadukkhassa paccayo hoti. So vaṭṭadukkhena pīḷito aparāparaṃ saddhaṃ janetvā agārasmā anagāriyaṃ pabbajati, evamassa vaṭṭadukkhaṃ aparāparasaddhāya paccayo hoti. So pabbajjāmatteneva asantuṭṭho ūnapañcavassakāle nissayaṃ gahetvā vattapaṭipattiṃ pūrento dvemātikā paguṇaṃ katvā kammākammaṃ uggahetvā yāva arahattā nijjaṭaṃ katvā kammaṭṭhānaṃ gahetvā araññe vasanto pathavīkasiṇādīsu kammaṃ ārabhati, tassa kammaṭṭhānaṃ nissāya dubbalapīti uppajjati. Tadassa saddhūpanisaṃ pāmojjaṃ, taṃ balavapītiyā paccayo hoti. Balavapīti darathapaṭippassaddhiyā, sā appanāpubbabhāgasukhassa, taṃ sukhaṃ pādakajjhānasamādhissa. So samādhinā cittakallataṃ janetvā taruṇavipassanāya kammaṃ karoti. Iccassa pādakajjhānasamādhi taruṇavipassanāya paccayo hoti, taruṇavipassanā balavavipassanāya, balavavipassanā maggassa, maggo phalavimuttiyā, phalavimutti paccavekkhaṇañāṇassāti . Evaṃ devassa anupubbena sāgaraṃ pūretvā ṭhitakālo viya khīṇāsavassa vimuttisāgaraṃ pūretvā ṭhitakālo veditabboti. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. убанисасуд̇д̇ам̣ • 3. Upanisasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. убанисасуд̇д̇аван̣н̣анаа • 3. Upanisasuttavaṇṇanā
