| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. убанисасуд̇д̇аван̣н̣анаа
3. Upanisasuttavaṇṇanā
23. ж̇аанад̇о бассад̇од̇и зд̇т̇а д̣̇ассанам̣ бан̃н̃аажагкунаава д̣̇ассанам̣ ад̇хиббзд̇ам̣, на мам̣сажагкунаад̇и ааха ‘‘д̣̇взби бад̣̇аани згад̇т̇ааний’’д̇и. звам̣ санд̇збийд̇и бад̣̇ад̣̇ваяасса згад̇т̇ад̇д̇зби н̃аан̣алагкан̣ан̃аан̣аббабхаавависаяассса д̇ат̇аад̣̇ассанабхааваавирод̇ханаад̇и ад̇т̇о. д̇знааха ‘‘ж̇аананалагкан̣ан̃хи н̃аан̣а’’нд̇иаад̣̇и. н̃аан̣аббабхааванд̇и н̃аан̣аанубхаавзна н̃аан̣агижжависаяобхаасанд̇и ад̇т̇о. д̇знааха ‘‘н̃аан̣зна виваддз д̇хаммз бассад̇ий’’д̇и. ж̇аанад̇о бассад̇од̇и жа ж̇аананад̣̇ассанамукзна буг̇г̇алаад̇хидтаанаа д̣̇зсанаа бавад̇д̇аад̇и ааха – ‘‘н̃аан̣алагкан̣ам̣ убаад̣̇ааяаа’’д̇иаад̣̇и. ж̇аанад̇од̇и ваа буб̣б̣абхааг̇ан̃аан̣зна ж̇аанад̇о, абарабхааг̇зна н̃аан̣зна бассад̇о. ж̇аанад̇од̇и ваа вад̇ваа на ж̇аананам̣ ануссаваагаарабаривид̇аггамад̇д̇авасзна ид̇хаад̇хиббзд̇ам̣, ат̇а ко руубаани вияа жагкувин̃н̃аан̣зна руубаад̣̇ийни д̇зсан̃жа самуд̣̇аяаад̣̇игз бажжагкз гад̇ваа д̣̇ассананд̇и вибхаавзд̇ум̣ ‘‘бассад̇о’’д̇и вуд̇д̇анд̇и звам̣ ваа зд̇т̇а ад̇т̇о.
23.Jānato passatoti ettha dassanaṃ paññācakkhunāva dassanaṃ adhippetaṃ, na maṃsacakkhunāti āha ‘‘dvepi padāni ekatthānī’’ti. Evaṃ santepīti padadvayassa ekatthattepi ñāṇalakkhaṇañāṇappabhāvavisayasssa tathādassanabhāvāvirodhanāti attho. Tenāha ‘‘jānanalakkhaṇañhi ñāṇa’’ntiādi. Ñāṇappabhāvanti ñāṇānubhāvena ñāṇakiccavisayobhāsanti attho. Tenāha ‘‘ñāṇena vivaṭṭe dhamme passatī’’ti. Jānato passatoti ca jānanadassanamukhena puggalādhiṭṭhānā desanā pavattāti āha – ‘‘ñāṇalakkhaṇaṃ upādāyā’’tiādi. Jānatoti vā pubbabhāgañāṇena jānato, aparabhāgena ñāṇena passato. Jānatoti vā vatvā na jānanaṃ anussavākāraparivitakkamattavasena idhādhippetaṃ, atha kho rūpāni viya cakkhuviññāṇena rūpādīni tesañca samudayādike paccakkhe katvā dassananti vibhāvetuṃ ‘‘passato’’ti vuttanti evaṃ vā ettha attho.
аасаваанам̣ каяанд̇и аасаваанам̣ ажжанд̇аббахаанам̣. со бана д̇зсам̣ ануббаад̣̇анирод̇хо саб̣б̣зна саб̣б̣ам̣ абхааво зваад̇и ааха ‘‘асамуббаад̣̇о кийн̣аагааро над̇т̇ибхааво’’д̇и. аасавагкаяасад̣̇д̣̇асса кийн̣аагаараад̣̇ийсу ааг̇ад̇адтаанам̣ д̣̇ассзд̇ум̣ ‘‘аасаваанам̣ каяаа’’д̇иаад̣̇и вуд̇д̇ам̣. уж̇умаг̇г̇аанусааринод̇и гилзсаван̇гагааяаван̇гаад̣̇ийнам̣ бахаанзна уж̇убхууд̇з савибассанаахздтимамаг̇г̇ад̇хаммз ануссаранд̇асса. яад̣̇зва хисса баригкийн̣ам̣. каяасмим̣ батамам̣ н̃аан̣ам̣ ‘‘д̇ад̇о ан̃н̃аа ананд̇араа’’д̇и каяасан̇каад̇з аг̇г̇амаг̇г̇з д̇аббарияаабаннамзва н̃аан̣ам̣ батамам̣ уббаж̇ж̇ад̇и, д̇ад̣̇ананд̇арам̣ бана ан̃н̃аа арахад̇д̇анд̇и. яад̣̇иби г̇аат̇ааяа ‘‘каяасмим̣’’ижжзва вуд̇д̇ам̣, самужчзд̣̇авасзна бана ‘‘аасавз кийн̣з маг̇г̇о каяо’’д̇и вужжад̇ийд̇и ааха ‘‘маг̇г̇о аасавагкаяод̇и вуд̇д̇о’’д̇и. саман̣од̇и самид̇абаабо ад̇хиббзд̇о, со бана кийн̣аасаво ход̇ийд̇и. ‘‘аасаваанам̣ каяаа’’д̇и ид̇ха палам̣, барияааязна бана аасавагкаяо маг̇г̇о, д̇зна бад̇д̇аб̣б̣ад̇о палам̣. зд̇знзва ниб̣б̣аанассаби аасавагкаяабхааво вуд̇д̇од̇и взд̣̇ид̇аб̣б̣о.
Āsavānaṃ khayanti āsavānaṃ accantappahānaṃ. So pana tesaṃ anuppādanirodho sabbena sabbaṃ abhāvo evāti āha ‘‘asamuppādo khīṇākāro natthibhāvo’’ti. Āsavakkhayasaddassa khīṇākārādīsu āgataṭṭhānaṃ dassetuṃ ‘‘āsavānaṃ khayā’’tiādi vuttaṃ. Ujumaggānusārinoti kilesavaṅkakāyavaṅkādīnaṃ pahānena ujubhūte savipassanāheṭṭhimamaggadhamme anussarantassa. Yadeva hissa parikkhīṇaṃ. Khayasmiṃ paṭhamaṃ ñāṇaṃ ‘‘tato aññā anantarā’’ti khayasaṅkhāte aggamagge tappariyāpannameva ñāṇaṃ paṭhamaṃ uppajjati, tadanantaraṃ pana aññā arahattanti. Yadipi gāthāya ‘‘khayasmiṃ’’icceva vuttaṃ, samucchedavasena pana ‘‘āsave khīṇe maggo khayo’’ti vuccatīti āha ‘‘maggo āsavakkhayoti vutto’’ti. Samaṇoti samitapāpo adhippeto, so pana khīṇāsavo hotīti. ‘‘Āsavānaṃ khayā’’ti idha phalaṃ, pariyāyena pana āsavakkhayo maggo, tena pattabbato phalaṃ. Eteneva nibbānassapi āsavakkhayabhāvo vuttoti veditabbo.
ж̇аанад̇о зва бассад̇о зваад̇и звамзд̇т̇а нияамо ижчид̇о, на ан̃н̃ат̇аа висзсаабхаавад̇о анидтаабанноваад̇и д̇асса нияамасса палам̣ д̣̇ассзд̇ум̣ ‘‘но аж̇аанад̇о но абассад̇о’’д̇и вуд̇д̇анд̇и ааха ‘‘яо бана на ж̇аанаад̇и, на бассад̇и, д̇асса но вад̣̇аамийд̇и ад̇т̇о’’д̇и. иминаа канд̇хаанам̣ барин̃н̃аа аасавагкаяасса зганд̇игагааран̣анд̇и д̣̇ассзд̇и. зд̇знаад̇и ‘‘но аж̇аанад̇о, но абассад̇о’’д̇и зд̇зна важанзна. д̇з бадигкид̇д̇аад̇и гз бана д̇зд̇и? ‘‘б̣аалз жа бан̣д̣ид̇з жа санд̇хаавид̇ваа сам̣сарид̇ваа д̣̇угкассанд̇ам̣ гариссанд̇и (д̣̇ий. ни. 1.168; ма. ни. 2.228) ахзд̇уу аббажжаяаа сад̇д̇аа висуж̇жханд̇ий’’д̇и (д̣̇ий. ни. 1.168; ма. ни. 2.101, 227) звамаад̣̇иваад̣̇аа. д̇зсу гзжи абхиж̇аад̇исан̇ганд̇имад̇д̇зна сам̣саарасуд̣̇д̇хим̣ бадиж̇аананд̇и, ан̃н̃з иссарабаж̇аабад̇игааран̣аад̣̇ивасзна. д̇аяид̣̇ам̣ саб̣б̣ам̣ сам̣саараад̣̇ийхийд̇и зд̇т̇зва сан̇г̇ахид̇анд̇и д̣̇адтаб̣б̣ам̣. буримзна бад̣̇ад̣̇ваязнаад̇и ‘‘ж̇аанад̇о бассад̇о’’д̇и иминаа бад̣̇ад̣̇ваязна. убааяо вуд̇д̇о ‘‘аасавагкаяаа’’д̇и ад̇хигаарад̇о. иминаад̇и ‘‘но аж̇аанад̇о, но абассад̇о’’д̇и иминаа бад̣̇ад̣̇ваязна. анубааяо ход̇и зса аасаваанам̣ каяасса, яад̣̇ид̣̇ам̣ бан̃жаннам̣ канд̇хаанам̣ абарин̃н̃аад̇и ‘‘ж̇аанад̇о бассад̇о’’д̇и иминаава анияамаважанзна анубааяабадисзд̇хоби ад̇т̇ад̇о б̣од̇хид̇о ход̇ийд̇и. д̇амзва хи ад̇т̇ад̇о б̣од̇хид̇абхаавам̣ вибхаавзд̇ум̣ звам̣ сам̣ван̣н̣анаа гад̇аад̇и д̣̇адтаб̣б̣ам̣.
Jānato eva passato evāti evamettha niyamo icchito, na aññathā visesābhāvato aniṭṭhāpannovāti tassa niyamassa phalaṃ dassetuṃ ‘‘no ajānato no apassato’’ti vuttanti āha ‘‘yo pana na jānāti, na passati, tassa no vadāmīti attho’’ti. Iminā khandhānaṃ pariññā āsavakkhayassa ekantikakāraṇanti dasseti. Etenāti ‘‘no ajānato, no apassato’’ti etena vacanena. Te paṭikkhittāti ke pana teti? ‘‘Bāle ca paṇḍite ca sandhāvitvā saṃsaritvā dukkhassantaṃ karissanti (dī. ni. 1.168; ma. ni. 2.228) ahetū appaccayā sattā visujjhantī’’ti (dī. ni. 1.168; ma. ni. 2.101, 227) evamādivādā. Tesu keci abhijātisaṅkantimattena saṃsārasuddhiṃ paṭijānanti, aññe issarapajāpatikāraṇādivasena. Tayidaṃ sabbaṃ saṃsārādīhīti ettheva saṅgahitanti daṭṭhabbaṃ. Purimena padadvayenāti ‘‘jānato passato’’ti iminā padadvayena. Upāyo vutto ‘‘āsavakkhayā’’ti adhikārato. Imināti ‘‘no ajānato, no apassato’’ti iminā padadvayena. Anupāyo hoti esa āsavānaṃ khayassa, yadidaṃ pañcannaṃ khandhānaṃ apariññāti ‘‘jānato passato’’ti imināva aniyamavacanena anupāyapaṭisedhopi atthato bodhito hotīti. Tameva hi atthato bodhitabhāvaṃ vibhāvetuṃ evaṃ saṃvaṇṇanā katāti daṭṭhabbaṃ.
д̣̇аб̣б̣аж̇аад̇игод̇и д̣̇аб̣б̣аруубо. со хи ‘‘д̣̇раб̣яо’’д̇и вужжад̇и ‘‘д̣̇раб̣яам̣ винассад̇и наад̣̇раб̣яа’’нд̇иаад̣̇ийсу. д̣̇аб̣б̣аж̇аад̇иго ваа саарасабхааво, сааруббасийлаажаарод̇и ад̇т̇о. яат̇ааха ‘‘на ко д̣̇аб̣б̣а д̣̇аб̣б̣аа звам̣ ниб̣б̣зтзнд̇ий’’д̇и (баараа. 384). вад̇д̇асийсз тад̇ваад̇и вад̇д̇ам̣ уд̇д̇амам̣ д̇хурам̣ гад̇ваа. яо хи барисуд̣̇д̇хааж̇ийво гаад̇ум̣ аж̇аананд̇аанам̣ саб̣рахмажаарийнам̣ ад̇д̇ано ваа вассаваад̇аад̣̇ибадиб̣ааханад̇т̇ам̣ чад̇д̇аад̣̇ийни гарод̇и, со вад̇д̇асийсз тад̇ваа гарод̇и наама. бад̣̇адтаанам̣ на ход̇ийд̇и на вад̇д̇аб̣б̣ам̣ наат̇агаран̣ад̇хаммабхаавзна маг̇г̇апалаад̇хиг̇амасса убаниссаяабхаавад̇о. вуд̇д̇ан̃хи ‘‘яаани д̇аани саб̣рахмажаарийнам̣ ужжааважаани гижжагаран̣ийяаани, д̇ад̇т̇а д̣̇агко ход̇ий’’д̇иаад̣̇и (д̣̇ий. ни. 3.345). звам̣ ж̇аанад̇од̇и звам̣ взж̇ж̇агаммаад̣̇ийнам̣ ж̇аананахзд̇у мижчааж̇ийвабажжаяаа гаамаасаваад̣̇аяо аасаваа вад̣дханд̇иязва, на бахийяанд̇и. ‘‘звам̣ ко…бз… аасаваанам̣ каяо ход̇ий’’д̇и имааяа баал̣ияаа арахад̇д̇ассзва г̇ахан̣ам̣ яуд̇д̇ам̣ палаг̇г̇ахан̣зна хзд̇уно авуд̇д̇асид̣̇д̇хад̇д̇аа. д̇знааха ‘‘аасаваанам̣ каяанд̇з ж̇аад̇ад̇д̇аа’’д̇и.
Dabbajātikoti dabbarūpo. So hi ‘‘drabyo’’ti vuccati ‘‘drabyaṃ vinassati nādrabya’’ntiādīsu. Dabbajātiko vā sārasabhāvo, sāruppasīlācāroti attho. Yathāha ‘‘na kho dabba dabbā evaṃ nibbeṭhentī’’ti (pārā. 384). Vattasīse ṭhatvāti vattaṃ uttamaṃ dhuraṃ katvā. Yo hi parisuddhājīvo kātuṃ ajānantānaṃ sabrahmacārīnaṃ attano vā vassavātādipaṭibāhanatthaṃ chattādīni karoti, so vattasīse ṭhatvā karoti nāma. Padaṭṭhānaṃ na hotīti na vattabbaṃ nāthakaraṇadhammabhāvena maggaphalādhigamassa upanissayabhāvato. Vuttañhi ‘‘yāni tāni sabrahmacārīnaṃ uccāvacāni kiccakaraṇīyāni, tattha dakkho hotī’’tiādi (dī. ni. 3.345). Evaṃ jānatoti evaṃ vejjakammādīnaṃ jānanahetu micchājīvapaccayā kāmāsavādayo āsavā vaḍḍhantiyeva, na pahīyanti. ‘‘Evaṃ kho…pe… āsavānaṃ khayo hotī’’ti imāya pāḷiyā arahattasseva gahaṇaṃ yuttaṃ phalaggahaṇena hetuno avuttasiddhattā. Tenāha ‘‘āsavānaṃ khayante jātattā’’ti.
ааг̇аманам̣ ааг̇амо, д̇ам̣ аавахад̇ийд̇и ааг̇аманийяаа, буб̣б̣абхааг̇абадибад̣̇аа. каяасминд̇и бхаавзнабхаавалагкан̣з бхуммам̣, каязд̇и бана висаяз. д̇знааха ‘‘аасавагкаяасан̇каад̇з’’д̇и. убанисийд̣̇ад̇и палам̣ зд̇т̇аад̇и гааран̣ам̣ убанисаа. арахад̇д̇апалавимуд̇д̇и уггадтанид̣̇д̣̇зсад̇о. саад̇и вимуд̇д̇и. ассаад̇и бажжавзгкан̣ан̃аан̣асса. манасмим̣ вивадданиссид̇з бана ананд̇аруубаниссаяааби бажжаяаа самбхаванд̇ийд̇и ‘‘лаб̣бхамаанавасзна бажжаяабхааво взд̣̇ид̇аб̣б̣о’’д̇и вуд̇д̇ам̣.
Āgamanaṃ āgamo, taṃ āvahatīti āgamanīyā, pubbabhāgapaṭipadā. Khayasminti bhāvenabhāvalakkhaṇe bhummaṃ, khayeti pana visaye. Tenāha ‘‘āsavakkhayasaṅkhāte’’ti. Upanisīdati phalaṃ etthāti kāraṇaṃ upanisā. Arahattaphalavimutti ukkaṭṭhaniddesato. Sāti vimutti. Assāti paccavekkhaṇañāṇassa. Manasmiṃ vivaṭṭanissite pana anantarūpanissayāpi paccayā sambhavantīti ‘‘labbhamānavasena paccayabhāvo veditabbo’’ti vuttaṃ.
вираж̇ж̇ад̇и асзсасан̇каарад̇о зд̇знаад̇и вирааг̇о, маг̇г̇о. ниб̣б̣инд̣̇ад̇и зд̇ааяаад̇и ниб̣б̣ид̣̇аа, б̣алававибассанаа. д̇знааха ‘‘зд̇знаа’’д̇иаад̣̇и. бадисан̇каанубассанааби мужжид̇угамяад̇аабагкигаа зваад̇и ад̇хиббааязна ‘‘жад̇уннам̣ н̃аан̣аанам̣ ад̇хиважана’’нд̇и вуд̇д̇ам̣. ‘‘яаава маг̇г̇аамаг̇г̇ан̃аан̣ад̣̇ассанависуд̣̇д̇хи, д̇аава д̇арун̣авибассанаа’’д̇и хи важанад̇о убаггилзсавимуд̇д̇ауд̣̇аяаб̣б̣аяан̃аан̣ад̇о барам̣ б̣алававибассанаа. руубааруубад̇хаммаанам̣ висзсабхууд̇о сааман̃н̃абхууд̇о жа яо яо сабхааво яат̇аасабхааво, д̇асса ж̇аананам̣ яат̇аасабхааваж̇аананам̣. д̇ад̣̇зва д̣̇ассанам̣. бажжагкагаран̣ад̇т̇зна н̃аад̇абарин̃н̃аа д̇ийран̣абарин̃н̃аа жа г̇ахид̇аа ход̇и. д̇знааха ‘‘д̇арун̣авибассана’’нд̇иаад̣̇и. сан̇каарабарижчзд̣̇зн̃аан̣анд̇и наамаруубабариг̇г̇ахан̃аан̣ам̣ вад̣̇ад̇и. ган̇каавид̇аран̣ам̣ бажжаяабариг̇г̇ахо д̇хаммадтид̇ин̃аан̣анд̇иби вужжад̇и. наяавибассанаад̣̇игам̣ анубассанаан̃аан̣ам̣ саммасанам̣. маг̇г̇аамаг̇г̇зн̃аан̣анд̇и маг̇г̇аамаг̇г̇ам̣ вавад̇т̇абзд̇ваа тид̇ам̣ н̃аан̣ам̣. со хи баад̣̇агаж̇жхаанасамаад̇хи д̇арун̣авибассанааяа бажжаяо ход̇и. ‘‘самаахид̇о яат̇аабхууд̇ам̣ баж̇аанаад̇и бассад̇ий’’д̇и (сам̣. ни. 3.5.; 4.99; 5.1071) хи вуд̇д̇ам̣.
Virajjati asesasaṅkhārato etenāti virāgo, maggo. Nibbindati etāyāti nibbidā, balavavipassanā. Tenāha ‘‘etenā’’tiādi. Paṭisaṅkhānupassanāpi muccitukamyatāpakkhikā evāti adhippāyena ‘‘catunnaṃ ñāṇānaṃ adhivacana’’nti vuttaṃ. ‘‘Yāva maggāmaggañāṇadassanavisuddhi, tāva taruṇavipassanā’’ti hi vacanato upakkilesavimuttaudayabbayañāṇato paraṃ balavavipassanā. Rūpārūpadhammānaṃ visesabhūto sāmaññabhūto ca yo yo sabhāvo yathāsabhāvo, tassa jānanaṃ yathāsabhāvajānanaṃ. Tadeva dassanaṃ. Paccakkhakaraṇatthena ñātapariññā tīraṇapariññā ca gahitā hoti. Tenāha ‘‘taruṇavipassana’’ntiādi. Saṅkhāraparicchedeñāṇanti nāmarūpapariggahañāṇaṃ vadati. Kaṅkhāvitaraṇaṃ paccayapariggaho dhammaṭṭhitiñāṇantipi vuccati. Nayavipassanādikaṃ anupassanāñāṇaṃ sammasanaṃ. Maggāmaggeñāṇanti maggāmaggaṃ vavatthapetvā ṭhitaṃ ñāṇaṃ. So hi pādakajjhānasamādhi taruṇavipassanāya paccayo hoti. ‘‘Samāhito yathābhūtaṃ pajānāti passatī’’ti (saṃ. ni. 3.5.; 4.99; 5.1071) hi vuttaṃ.
буб̣б̣абхааг̇асуканд̇и убажаараж̇жхаанасахид̇асукам̣. д̣̇арат̇а бадиббассад̣̇д̇хийд̇и гаамажчанд̣̇аад̣̇игилзсад̣̇арат̇асса бадибассамбханам̣. ‘‘сукам̣баахам̣, бхигкавз, саубанисам̣ вад̣̇аамий’’д̇и зд̇т̇а ад̇хиббзд̇асукам̣ д̣̇ассзд̇ум̣ ‘‘аббанаабуб̣б̣абхааг̇асса сукассаа’’д̇и вуд̇д̇ам̣. ‘‘бассад̣̇д̇хагааяо сукам̣ взд̣̇зд̇ий’’д̇и (д̣̇ий. ни. 1.466;3.359; а.ни. 1.3.96) вуд̇д̇ааббанаасукасса бассад̣̇д̇хияаа бажжаяад̇д̇з вад̇д̇аб̣б̣амзва над̇т̇и. суканд̇и зд̇т̇ааби зсзва наяо. б̣алавабийд̇ийд̇и паран̣алагкан̣аббад̇д̇аа бийд̇и. д̇аад̣̇исаа хи вид̇аггавижаарасукасамаад̇хийхи лад̣̇д̇хаббажжаяаа нийваран̣ам̣ вигкамбханд̇ий д̇ам̣нимид̇д̇ам̣ д̣̇арат̇ам̣ барил̣аахам̣ бадибассамбхзд̇и. д̇знааха ‘‘саа хи д̣̇арат̇аббассад̣̇д̇хияаа бажжаяо ход̇ий’’д̇и. д̣̇уб̣б̣алабийд̇ийд̇и д̇арун̣абийд̇и. д̇знааха ‘‘саа хи б̣алавабийд̇ияаа бажжаяо ход̇ий’’д̇и. сад̣̇д̇хаад̇и рад̇анад̇д̇аяаг̇ун̣аанам̣ гаммапаласса жа сад̣̇д̣̇аханавасзна бавад̇д̇о ад̇химогко, саа бана яасмаа ад̇д̇ано висаяз бунаббунам̣ уббаж̇ж̇ад̇и, на згаваарамзва, д̇асмаа ааха ‘‘абараабарам̣ уббаж̇ж̇анасад̣̇д̇хаа’’д̇и. яасмаа сад̣̇д̣̇аханд̇о сад̣̇д̇хзяяавад̇т̇усмим̣ бамуд̣̇ид̇о ход̇и, д̇асмаа ааха ‘‘саа хи д̣̇уб̣б̣алабийд̇ияаа бажжаяо ход̇ий’’д̇и. д̣̇угкад̣̇угкаад̣̇ибхзд̣̇асса саб̣б̣ассаби д̣̇угкасса ваддад̣̇угканд̇ог̇ад̇хад̇д̇аа д̇асса жа ид̇хаад̇хиббзд̇ад̇д̇аа вуд̇д̇ам̣ ‘‘д̣̇угканд̇и ваддад̣̇угка’’нд̇и. ж̇араамаран̣ад̣̇угканд̇и гзжи, согаад̣̇аяо жаад̇и абарз. д̇ад̣̇убхаяассаби сан̇г̇ан̣ханад̇о батамо звад̇т̇о яуд̇д̇о. яасмаа д̣̇угкаббад̇д̇о гаммасса палаани сад̣̇д̣̇ахад̇и, рад̇анад̇д̇аяз жа басаад̣̇ам̣ уббаад̣̇зд̇и, д̇асмаа вуд̇д̇ам̣ ‘‘д̇ан̃хи абараабарасад̣̇д̇хааяа бажжаяо ход̇ий’’д̇и. яасмаа ‘‘аажарияаанам̣ санд̇игз д̇хаммам̣ суд̇ваа бавад̇д̇ид̣̇угка’’нд̇и жинд̇аяад̇о ‘‘зганд̇ад̇о аяам̣ д̇хаммо имасса д̣̇угкасса самад̇иггамааяа ход̇ий’’д̇и сад̣̇д̇хаа уббаж̇ж̇ад̇и. д̇знааха ‘‘д̇хаммам̣ суд̇ваа д̇ат̇ааг̇ад̇з сад̣̇д̇хам̣ бадилабхад̇ий’’д̇иаад̣̇и (д̣̇ий. ни. 1.191). савигаараад̇и уббаад̣̇авигаарзна савигаараа канд̇хаж̇аад̇и ж̇ааяанадтзна. ж̇аад̇ияаа бана асад̇и д̇ад̇т̇а д̇ад̇т̇а бхавз над̇т̇и д̣̇угкасса самбхавод̇и ааха ‘‘саа хи ваддад̣̇угкасса бажжаяо’’д̇и. гаммабхавод̇и гаммабхаваад̣̇иго д̇ивид̇хоби гаммабхаво. со хи убабад̇д̇ибхавасса бажжаяо. звамаад̣̇им̣ санд̇хааяааха ‘‘зд̇знубааязнаа’’д̇и. сзсабад̣̇аанийд̇и убаад̣̇аанаад̣̇ибад̣̇аани. ануломан̃аан̣ам̣ сан̇каарубзгкаабагкигад̇д̇аа ниб̣б̣аанаг̇г̇ахан̣зна г̇ахид̇ам̣, г̇од̇рабхун̃аан̣ам̣ батамамаг̇г̇асса ааваж̇ж̇анам̣. со хи д̇зна вибассанааяа гин̃жи гин̃жи висзсадтаанам̣ гаяирад̇ийд̇и д̇ам̣ анаамасид̇ваа ниб̣б̣ид̣̇уубанисо вирааг̇од̇и ‘‘вирааг̇о’’ижжзва вуд̇д̇ам̣.
Pubbabhāgasukhanti upacārajjhānasahitasukhaṃ. Daratha paṭippassaddhīti kāmacchandādikilesadarathassa paṭipassambhanaṃ. ‘‘Sukhaṃpāhaṃ, bhikkhave, saupanisaṃ vadāmī’’ti ettha adhippetasukhaṃ dassetuṃ ‘‘appanāpubbabhāgassa sukhassā’’ti vuttaṃ. ‘‘Passaddhakāyo sukhaṃ vedetī’’ti (dī. ni. 1.466;3.359; a.ni. 1.3.96) vuttaappanāsukhassa passaddhiyā paccayatte vattabbameva natthi. Sukhanti etthāpi eseva nayo. Balavapītīti pharaṇalakkhaṇappattā pīti. Tādisā hi vitakkavicārasukhasamādhīhi laddhappaccayā nīvaraṇaṃ vikkhambhantī taṃnimittaṃ darathaṃ pariḷāhaṃ paṭipassambheti. Tenāha ‘‘sā hi darathappassaddhiyā paccayo hotī’’ti. Dubbalapītīti taruṇapīti. Tenāha ‘‘sā hi balavapītiyā paccayo hotī’’ti. Saddhāti ratanattayaguṇānaṃ kammaphalassa ca saddahanavasena pavatto adhimokkho, sā pana yasmā attano visaye punappunaṃ uppajjati, na ekavārameva, tasmā āha ‘‘aparāparaṃ uppajjanasaddhā’’ti. Yasmā saddahanto saddheyyavatthusmiṃ pamudito hoti, tasmā āha ‘‘sā hi dubbalapītiyā paccayo hotī’’ti. Dukkhadukkhādibhedassa sabbassapi dukkhassa vaṭṭadukkhantogadhattā tassa ca idhādhippetattā vuttaṃ ‘‘dukkhanti vaṭṭadukkha’’nti. Jarāmaraṇadukkhanti keci, sokādayo cāti apare. Tadubhayassapi saṅgaṇhanato paṭhamo evattho yutto. Yasmā dukkhappatto kammassa phalāni saddahati, ratanattaye ca pasādaṃ uppādeti, tasmā vuttaṃ ‘‘tañhi aparāparasaddhāya paccayo hotī’’ti. Yasmā ‘‘ācariyānaṃ santike dhammaṃ sutvā pavattidukkha’’nti cintayato ‘‘ekantato ayaṃ dhammo imassa dukkhassa samatikkamāya hotī’’ti saddhā uppajjati. Tenāha ‘‘dhammaṃ sutvā tathāgate saddhaṃ paṭilabhatī’’tiādi (dī. ni. 1.191). Savikārāti uppādavikārena savikārā khandhajāti jāyanaṭṭhena. Jātiyā pana asati tattha tattha bhave natthi dukkhassa sambhavoti āha ‘‘sā hi vaṭṭadukkhassa paccayo’’ti. Kammabhavoti kammabhavādiko tividhopi kammabhavo. So hi upapattibhavassa paccayo. Evamādiṃ sandhāyāha ‘‘etenupāyenā’’ti. Sesapadānīti upādānādipadāni. Anulomañāṇaṃ saṅkhārupekkhāpakkhikattā nibbānaggahaṇena gahitaṃ, gotrabhuñāṇaṃ paṭhamamaggassa āvajjanaṃ. So hi tena vipassanāya kiñci kiñci visesaṭṭhānaṃ kayiratīti taṃ anāmasitvā nibbidūpaniso virāgoti ‘‘virāgo’’icceva vuttaṃ.
гзна уд̣̇агзна вид̣̇аараяид̇ваа г̇ад̇абад̣̇зсод̇и гад̇ваа ганд̣̇аро. нид̇амб̣од̇иби уд̣̇агасса. яат̇аа ниннам̣ уд̣̇агам̣ бавад̇д̇ад̇и, д̇ат̇аа нивад̇д̇анабхаавзна над̣̇ийгун̃чод̇иби вужжад̇и. хзманд̇аг̇имхауд̇увасзна адта маасз бавад̇д̇о бат̇авийвиварод̇и гад̇ваа бад̣̇аро. куд̣̇д̣̇игаа уд̣̇агаваахинияо саакаа вияаад̇и саакаа , куд̣̇д̣̇агаа соб̣бхаа гусуб̣бхаа о-гаарасса у-гаарам̣ гад̇ваа. звамзва код̇иаад̣̇и ‘‘сзяяат̇ааби, бхигкавз’’д̇иаад̣̇инаа убанийд̇ааяа убамааяа убамзяязна сам̣санд̣̇ананд̇и, д̇ам̣ яож̇зд̇ваа д̣̇ассзд̇ум̣ ‘‘авиж̇ж̇аа баб̣б̣ад̇од̇и д̣̇адтаб̣б̣аа’’д̇иаад̣̇и вуд̇д̇ам̣. д̇ад̇т̇а авиж̇ж̇аа жа санд̇аанавасзна жирам̣д̇анагаалаббавад̇д̇анад̇о бажураж̇анзхи д̣̇уббаж̇аханад̇о ‘‘баб̣б̣ад̇о’’д̇и вуд̇д̇аа. логад̇д̇аяаабхиб̣яаабанад̇о абхисанд̣̇анад̇о жа абхисан̇каараа мзгхасад̣̇исаа. абхисан̇каараа мзгход̇и д̣̇адтаб̣б̣аад̇и аанзд̇ваа самб̣анд̇хо. д̇ат̇аа сзсабад̣̇ад̣̇ваязби. вин̃н̃аан̣аад̣̇иваддам̣ анубавад̇д̇ид̇о барамбарабажжаяад̇о жа ганд̣̇араад̣̇исад̣̇исаа. вимуд̇д̇и згарасад̇д̇аа, хаанивуд̣̇д̇хиабхаавад̇о жа сааг̇арасад̣̇исаад̇и убамаасам̣санд̣̇анам̣.
Kena udakena vidārayitvā gatapadesoti katvā kandaro. Nitambotipi udakassa. Yathā ninnaṃ udakaṃ pavattati, tathā nivattanabhāvena nadīkuñchotipi vuccati. Hemantagimhautuvasena aṭṭha māse pavatto pathavīvivaroti katvā padaro. Khuddikā udakavāhiniyo sākhā viyāti sākhā, khuddakā sobbhā kusubbhā o-kārassa u-kāraṃ katvā. Evameva khotiādi ‘‘seyyathāpi, bhikkhave’’tiādinā upanītāya upamāya upameyyena saṃsandananti, taṃ yojetvā dassetuṃ ‘‘avijjā pabbatoti daṭṭhabbā’’tiādi vuttaṃ. Tattha avijjā ca santānavasena ciraṃtanakālappavattanato pacurajanehi duppajahanato ‘‘pabbato’’ti vuttā. Lokattayābhibyāpanato abhisandanato ca abhisaṅkhārā meghasadisā. Abhisaṅkhārā meghoti daṭṭhabbāti ānetvā sambandho. Tathā sesapadadvayepi. Viññāṇādivaṭṭaṃ anupavattito paramparapaccayato ca kandarādisadisā. Vimutti ekarasattā, hānivuddhiabhāvato ca sāgarasadisāti upamāsaṃsandanaṃ.
д̇ад̇т̇а яасмаа буримасид̣̇д̇хааяа авиж̇ж̇ааяа сад̇и абхисан̇каараа, наасад̇и, д̇асмаа д̇з убарибаб̣б̣ад̇з бавад̇д̇аа вияа хонд̇ийд̇и вуд̇д̇ам̣ ‘‘авиж̇ж̇аа…бз… вассанам̣ взд̣̇ид̇аб̣б̣а’’нд̇и. ассуд̇аваа хийд̇иаад̣̇и вуд̇д̇ассзва ад̇т̇асса самад̇т̇анам̣. д̇ан̣хааяа абхилаасам̣ гад̇ваад̇и зд̇зна саб̣б̣ассаби абхисан̇кааравудтид̇зманад̇т̇ам̣ д̣̇ийбзд̇и. д̇ан̣хаа хи ‘‘снзхо’’д̇и вуд̇д̇аа. анд̇имабхавигасса анд̇абхаваниб̣б̣ад̇д̇аго абхисан̇кааро ниб̣б̣аанам̣ на бад̇д̇о, д̇ад̣̇анд̇асса бхааг̇асса ниб̣б̣аанам̣ аахажжа тид̇о вияа ход̇ийд̇и ‘‘махаасамуд̣̇д̣̇ам̣ аахажжа тид̇агаало вияаа’’д̇и убамаанид̣̇ассанам̣ гад̇ам̣. вин̃н̃аан̣аад̣̇иваддам̣ буурзд̇вааби иминааби хи анд̇имабхавигассзва вин̃н̃аан̣аббавад̇д̇и д̣̇ассид̇аа. саа хи буурид̇аад̇и вад̇д̇аб̣б̣аа д̇ад̇о барам̣ вин̃н̃аан̣аад̣̇иваддассзва абхаавад̇о. ж̇аад̇асса буг̇г̇аласса ж̇аад̇ибажжаяаваддад̣̇угкавзд̣̇анааяа д̇хаммассаванам̣ ижчид̇аб̣б̣ам̣, д̇ам̣ бана яад̣̇иби имасмим̣ суд̇д̇з на ааг̇ад̇ам̣, суд̇д̇анд̇арзсу бана ааг̇ад̇амзваад̇и д̇ад̇о аахарид̇ваа д̇ам̣ вад̇д̇аб̣б̣анд̇и д̣̇ассзнд̇о ‘‘б̣уд̣̇д̇хаважанам̣ банаа’’д̇иаад̣̇имааха. д̇аяид̣̇ам̣ саавагаб̣од̇хисад̇д̇аанам̣ васзнааяам̣ д̣̇зсанаад̇и гад̇ваа вуд̇д̇ам̣. ид̇арзсам̣ бана васзна вужжамаанам̣ суд̇д̇анд̇араг̇г̇ахан̣ад̇т̇ам̣ баяож̇анам̣ над̇т̇ийд̇и ‘‘яаа хий’’д̇иаад̣̇имааха. баал̣ияаа васзна г̇ахид̇амзваад̇и сан̇кзбад̇о вуд̇д̇аад̇т̇асса вид̇т̇аарад̇о д̣̇ассанам̣. ниб̣б̣ад̇д̇ийд̇и ниб̣б̣ад̇д̇амаанаа канд̇хаа г̇ахид̇аад̇и ааха ‘‘савигаараа’’д̇и. анижжад̇аалагкан̣аад̣̇ид̣̇ийбанад̇о лагкан̣аахадам̣. гаммаагамманд̇и винижчаяам̣. ниж̇ж̇аданд̇и ниг̇г̇умб̣ам̣, суд̣̇д̇ханд̇и ад̇т̇о. бат̇авийгасин̣аад̣̇ийсу гаммам̣ аарабхад̇ийд̇иаад̣̇и баал̣ияам̣ самат̇абуб̣б̣ан̇г̇амаа вибассанаа д̣̇ассид̇аад̇и гад̇ваа вуд̇д̇ам̣ . зван̃хи баамож̇ж̇аад̣̇ид̣̇ассанам̣ самбхавад̇ийд̇и. д̣̇звассаад̇и мзгхасса. гасмаа банзд̇т̇а ‘‘кийн̣аасавасса…бз… тид̇агаало взд̣̇ид̇аб̣б̣о’’д̇и вуд̇д̇ам̣, нану буб̣б̣з д̣̇звадтаанияо абхисан̇кааро вуд̇д̇о, на абхисан̇кааро кийн̣аасавод̇и? нааяам̣ д̣̇осо, гааран̣уубажаарзна паласса вуд̇д̇ад̇д̇аа. абхисан̇каарамуулаго хи канд̇хасанд̇аано канд̇хасанд̇аанз жа ужчиннасам̣яог̇з кийн̣аасавасаман̃н̃аад̇и.
Tattha yasmā purimasiddhāya avijjāya sati abhisaṅkhārā, nāsati, tasmā te uparipabbate pavattā viya hontīti vuttaṃ ‘‘avijjā…pe… vassanaṃ veditabba’’nti. Assutavā hītiādi vuttasseva atthassa samatthanaṃ. Taṇhāya abhilāsaṃ katvāti etena sabbassapi abhisaṅkhāravuṭṭhitemanatthaṃ dīpeti. Taṇhā hi ‘‘sneho’’ti vuttā. Antimabhavikassa antabhavanibbattako abhisaṅkhāro nibbānaṃ na patto, tadantassa bhāgassa nibbānaṃ āhacca ṭhito viya hotīti ‘‘mahāsamuddaṃ āhacca ṭhitakālo viyā’’ti upamānidassanaṃ kataṃ. Viññāṇādivaṭṭaṃ pūretvāpi imināpi hi antimabhavikasseva viññāṇappavatti dassitā. Sā hi pūritāti vattabbā tato paraṃ viññāṇādivaṭṭasseva abhāvato. Jātassa puggalassa jātipaccayavaṭṭadukkhavedanāya dhammassavanaṃ icchitabbaṃ, taṃ pana yadipi imasmiṃ sutte na āgataṃ, suttantaresu pana āgatamevāti tato āharitvā taṃ vattabbanti dassento ‘‘buddhavacanaṃ panā’’tiādimāha. Tayidaṃ sāvakabodhisattānaṃ vasenāyaṃ desanāti katvā vuttaṃ. Itaresaṃ pana vasena vuccamānaṃ suttantaraggahaṇatthaṃ payojanaṃ natthīti ‘‘yā hī’’tiādimāha. Pāḷiyā vasena gahitamevāti saṅkhepato vuttaatthassa vitthārato dassanaṃ. Nibbattīti nibbattamānā khandhā gahitāti āha ‘‘savikārā’’ti. Aniccatālakkhaṇādidīpanato lakkhaṇāhaṭaṃ. Kammākammanti vinicchayaṃ. Nijjaṭanti niggumbaṃ, suddhanti attho. Pathavīkasiṇādīsu kammaṃ ārabhatītiādi pāḷiyaṃ samathapubbaṅgamā vipassanā dassitāti katvā vuttaṃ . Evañhi pāmojjādidassanaṃ sambhavatīti. Devassāti meghassa. Kasmā panettha ‘‘khīṇāsavassa…pe… ṭhitakālo veditabbo’’ti vuttaṃ, nanu pubbe devaṭṭhāniyo abhisaṅkhāro vutto, na abhisaṅkhāro khīṇāsavoti? Nāyaṃ doso, kāraṇūpacārena phalassa vuttattā. Abhisaṅkhāramūlako hi khandhasantāno khandhasantāne ca ucchinnasaṃyoge khīṇāsavasamaññāti.
убанисасуд̇д̇аван̣н̣анаа нидтид̇аа.
Upanisasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. убанисасуд̇д̇ам̣ • 3. Upanisasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. убанисасуд̇д̇аван̣н̣анаа • 3. Upanisasuttavaṇṇanā
