| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
9. убаниссаяабажжаяанид̣̇д̣̇зсаван̣н̣анаа
9. Upanissayapaccayaniddesavaṇṇanā
9. д̇з д̇аяоби раасаяод̇и убаниссаяз д̇аяо анзгасан̇г̇аахагад̇ааяа раасаяод̇и вад̣̇ад̇и. зд̇асмим̣ бана убаниссаяанид̣̇д̣̇зсз яз буримаа язсам̣ бажчимаанам̣ ананд̇аруубаниссаяаа хонд̇и, д̇з д̇зсам̣ саб̣б̣зсам̣ зганд̇знзва хонд̇и, на гзсан̃жи гад̣̇аажи, д̇асмаа язсу бад̣̇зсу ананд̇аруубаниссаяо сан̇г̇ахид̇о, д̇зсу ‘‘гзсан̃жий’’д̇и на саггаа вад̇д̇унд̇и на вуд̇д̇ам̣. яз бана буримаа язсам̣ бажчимаанам̣ аарамман̣абагад̇уубаниссаяаа хонд̇и, д̇з д̇зсам̣ на саб̣б̣зсам̣ зганд̇зна хонд̇и, язсам̣ уббад̇д̇ибадиб̣аахигаа бажжаяаа б̣алаванд̇о хонд̇и, д̇зсам̣ на хонд̇и, ид̇арзсам̣ хонд̇и. д̇асмаа язсу бад̣̇зсу ананд̇аруубаниссаяо на лаб̣бхад̇и, д̇зсу ‘‘гзсан̃жий’’д̇и вуд̇д̇ам̣. сид̣̇д̇хаанам̣ бажжаяад̇хаммаанам̣ язхи бажжаяуббаннзхи агусалаад̣̇ийхи бхавид̇аб̣б̣ам̣, д̇зсам̣ гзсан̃жийд̇и аяан̃жзд̇т̇а ад̇т̇о, на бана ависзсзна агусалаад̣̇ийсу гзсан̃жийд̇и.
9. Te tayopi rāsayoti upanissaye tayo anekasaṅgāhakatāya rāsayoti vadati. Etasmiṃ pana upanissayaniddese ye purimā yesaṃ pacchimānaṃ anantarūpanissayā honti, te tesaṃ sabbesaṃ ekanteneva honti, na kesañci kadāci, tasmā yesu padesu anantarūpanissayo saṅgahito, tesu ‘‘kesañcī’’ti na sakkā vattunti na vuttaṃ. Ye pana purimā yesaṃ pacchimānaṃ ārammaṇapakatūpanissayā honti, te tesaṃ na sabbesaṃ ekantena honti, yesaṃ uppattipaṭibāhikā paccayā balavanto honti, tesaṃ na honti, itaresaṃ honti. Tasmā yesu padesu anantarūpanissayo na labbhati, tesu ‘‘kesañcī’’ti vuttaṃ. Siddhānaṃ paccayadhammānaṃ yehi paccayuppannehi akusalādīhi bhavitabbaṃ, tesaṃ kesañcīti ayañcettha attho, na pana avisesena akusalādīsu kesañcīti.
буримаа буримаа гусалаа…бз… аб̣яаагад̇аанам̣ д̇хаммаананд̇и язсам̣ убаниссаяабажжаязна бхавид̇аб̣б̣ам̣, д̇зсам̣ аб̣яаагад̇аанам̣ бажчимаананд̇и д̣̇адтаб̣б̣ам̣. на хи руубааб̣яаагад̇ам̣ убаниссаяам̣ лабхад̇ийд̇и. гат̇ам̣? аарамман̣аананд̇аруубаниссаяз д̇аава на лабхад̇и анаарамман̣ад̇д̇аа буб̣б̣аабаранияамзна аббавад̇д̇ид̇о жа, багад̇уубаниссаяан̃жа на лабхад̇и ажзд̇анзна руубасанд̇аанзна багад̇асса абхаавад̇о. яат̇аа хи аруубасанд̇аанзна сад̣̇д̇хаад̣̇аяо нибпаад̣̇ид̇аа уд̇убхож̇анаад̣̇аяо жа убасзвид̇аа, на звам̣ руубасанд̇аанзна. яасмин̃жа уд̇уб̣ийж̇аад̣̇игз гаммаад̣̇игз жа сад̇и руубам̣ бавад̇д̇ад̇и, на д̇ам̣ д̇зна багад̇ам̣ ход̇и. сажзд̇анассзва хи уббаад̣̇анубад̇т̇амбханубаяог̇аад̣̇ивасзна жзд̇анам̣ багаббанам̣ багаран̣ам̣, руубан̃жа ажзд̇ананд̇и. яат̇аа жа нирийхагзсу бажжаяааяад̇д̇зсу д̇хаммзсу гзсан̃жи саарамман̣асабхаавад̇аа ход̇и, гзсан̃жи на, звам̣ саббагаран̣асабхаавад̇аа ниббагаран̣асабхаавад̇аа жа д̣̇адтаб̣б̣аа. уд̇уб̣ийж̇аад̣̇аяо бана ан̇гураад̣̇ийнам̣ д̇зсу асанд̇зсу абхаавад̇о зва бажжаяаа, на бана убаниссаяаад̣̇ибхаавад̇од̇и. буримабуримаанам̣язва банзд̇т̇а убаниссаяабажжаяабхааво б̣аахуллавасзна баагадавасзна жа вуд̇д̇о. ‘‘анааг̇ад̇з канд̇хз бад̇т̇аяамаано д̣̇аанам̣ д̣̇зд̇ий’’д̇иаад̣̇иважанад̇о (бадтаа. 2.18.8) бана анааг̇ад̇ааби убаниссаяабажжаяаа хонд̇и, д̇з буримзхи аарамман̣абагад̇уубаниссаязхи д̇ам̣самааналагкан̣ад̇ааяа ид̇ха сан̇г̇аяханд̇ийд̇и д̣̇адтаб̣б̣аа.
Purimā purimā kusalā…pe… abyākatānaṃ dhammānanti yesaṃ upanissayapaccayena bhavitabbaṃ, tesaṃ abyākatānaṃ pacchimānanti daṭṭhabbaṃ. Na hi rūpābyākataṃ upanissayaṃ labhatīti. Kathaṃ? Ārammaṇānantarūpanissaye tāva na labhati anārammaṇattā pubbāparaniyamena appavattito ca, pakatūpanissayañca na labhati acetanena rūpasantānena pakatassa abhāvato. Yathā hi arūpasantānena saddhādayo nipphāditā utubhojanādayo ca upasevitā, na evaṃ rūpasantānena. Yasmiñca utubījādike kammādike ca sati rūpaṃ pavattati, na taṃ tena pakataṃ hoti. Sacetanasseva hi uppādanupatthambhanupayogādivasena cetanaṃ pakappanaṃ pakaraṇaṃ, rūpañca acetananti. Yathā ca nirīhakesu paccayāyattesu dhammesu kesañci sārammaṇasabhāvatā hoti, kesañci na, evaṃ sappakaraṇasabhāvatā nippakaraṇasabhāvatā ca daṭṭhabbā. Utubījādayo pana aṅkurādīnaṃ tesu asantesu abhāvato eva paccayā, na pana upanissayādibhāvatoti. Purimapurimānaṃyeva panettha upanissayapaccayabhāvo bāhullavasena pākaṭavasena ca vutto. ‘‘Anāgate khandhe patthayamāno dānaṃ detī’’tiādivacanato (paṭṭhā. 2.18.8) pana anāgatāpi upanissayapaccayā honti, te purimehi ārammaṇapakatūpanissayehi taṃsamānalakkhaṇatāya idha saṅgayhantīti daṭṭhabbā.
буг̇г̇алоби сзнаасанамбийд̇и буг̇г̇аласзнаасанаг̇г̇ахан̣авасзна убаниссаяабхаавам̣ бхаж̇анд̇з д̇хаммз д̣̇ассзд̇и, би-сад̣̇д̣̇зна жийварааран̃н̃аругкабаб̣б̣ад̇аад̣̇иг̇г̇ахан̣авасзна убаниссаяабхаавам̣ бхаж̇анд̇з саб̣б̣з сан̇г̇ан̣хаад̇и. ‘‘аб̣яаагад̇о д̇хаммо аб̣яаагад̇асса д̇хаммасса убаниссаяабажжаязна бажжаяо’’д̇иаад̣̇ийсу хи ‘‘сзнаасанам̣ гааяигасса сукассаа’’д̇иаад̣̇иважанзна сзнаасанаг̇г̇ахан̣зна убаниссаяабхаавам̣ бхаж̇анд̇аава д̇хаммаа убаниссаяабажжаязна бажжаяод̇и имамад̇т̇ам̣ д̣̇ассзнд̇зна буг̇г̇алаад̣̇ийсуби аяам̣ наяо д̣̇ассид̇о ход̇ийд̇и. бажжуббаннааби аарамман̣абагад̇уубаниссаяаа бажжуббаннад̇ааяа сзнаасанасамааналагкан̣ад̇д̇аа зд̇т̇зва сан̇г̇ахид̇аад̇и д̣̇адтаб̣б̣аа. вагкад̇и хи ‘‘бажжуббаннам̣ уд̇ум̣ бхож̇анам̣ сзнаасанам̣ убаниссааяа жхаанам̣ уббаад̣̇зд̇ий’’д̇иаад̣̇инаа сзнаасанасса бажжуббаннабхаавам̣ вияа бажжуббаннаанам̣ уд̇уаад̣̇ийнам̣ багад̇уубаниссаяабхаавам̣, ‘‘бажжуббаннам̣ жагкум̣…бз… вад̇т̇ум̣ бажжуббаннз канд̇хз г̇арум̣ гад̇ваа ассаад̣̇зд̇ий’’д̇иаад̣̇инаа (бадтаа. 2.18.4) жагкаад̣̇ийнам̣ аарамман̣уубаниссаяабхааван̃жаад̇и. бажжуббаннаанамби жа д̇аад̣̇исаанам̣ буб̣б̣з багад̇ад̇д̇аа багад̇уубаниссаяад̇аа д̣̇адтаб̣б̣аа.
Puggalopi senāsanampīti puggalasenāsanaggahaṇavasena upanissayabhāvaṃ bhajante dhamme dasseti, pi-saddena cīvarāraññarukkhapabbatādiggahaṇavasena upanissayabhāvaṃ bhajante sabbe saṅgaṇhāti. ‘‘Abyākato dhammo abyākatassa dhammassa upanissayapaccayena paccayo’’tiādīsu hi ‘‘senāsanaṃ kāyikassa sukhassā’’tiādivacanena senāsanaggahaṇena upanissayabhāvaṃ bhajantāva dhammā upanissayapaccayena paccayoti imamatthaṃ dassentena puggalādīsupi ayaṃ nayo dassito hotīti. Paccuppannāpi ārammaṇapakatūpanissayā paccuppannatāya senāsanasamānalakkhaṇattā ettheva saṅgahitāti daṭṭhabbā. Vakkhati hi ‘‘paccuppannaṃ utuṃ bhojanaṃ senāsanaṃ upanissāya jhānaṃ uppādetī’’tiādinā senāsanassa paccuppannabhāvaṃ viya paccuppannānaṃ utuādīnaṃ pakatūpanissayabhāvaṃ, ‘‘paccuppannaṃ cakkhuṃ…pe… vatthuṃ paccuppanne khandhe garuṃ katvā assādetī’’tiādinā (paṭṭhā. 2.18.4) cakkhādīnaṃ ārammaṇūpanissayabhāvañcāti. Paccuppannānampi ca tādisānaṃ pubbe pakatattā pakatūpanissayatā daṭṭhabbā.
гасин̣аарамман̣аад̣̇ийни аарамман̣амзва хонд̇и, на убаниссаяод̇и иминаа ад̇хиббааязна ‘‘згажжааяаа’’д̇и ааха.
Kasiṇārammaṇādīni ārammaṇameva honti, na upanissayoti iminā adhippāyena ‘‘ekaccāyā’’ti āha.
аруубааважарагусаламби яасмим̣ гасин̣аад̣̇имхи жхаанам̣ ануббаад̣̇ид̇ам̣, д̇асмим̣ ануббаннажхаануббаад̣̇анз саб̣б̣асса жа уббаннажхаанасса самаабаж̇ж̇анз ид̣̇д̇хивид̇хаад̣̇ийнам̣ абхин̃н̃аанан̃жа убаниссаяод̇и имамад̇т̇ам̣ санд̇хааяааха ‘‘д̇збхуумагагусало жад̇убхуумагассаби гусалассаа’’д̇и. вуд̇д̇амби жзд̇ам̣ ‘‘аруубааважарам̣ сад̣̇д̇хам̣ убаниссааяа руубааважарам̣ жхаанам̣ вибассанам̣ маг̇г̇ам̣ абхин̃н̃ам̣ самаабад̇д̇им̣ уббаад̣̇зд̇ий’’д̇и (бадтаа. 4.13.285). гаамааважарагусалам̣ руубааважарааруубааважаравибаагаанамби д̇ад̣̇уббаад̣̇агагусалаанам̣ убаниссаяабхаававасзна , бадисанд̇хинияаамагасса жуд̇ид̇о буримаж̇аванасса жа васзна убаниссаяо, руубааважарагусалам̣ аруубааважаравибаагасса, аруубааважарагусалан̃жа руубааважаравибаагасса д̇ад̣̇уббаад̣̇агагусалуубаниссаяабхаавзнаад̇и звам̣ бажжзгам̣ д̇збхуумагагусалаанам̣ жад̇убхуумагавибаагасса д̇збхуумагагирияасса жа яат̇ааяог̇ам̣ бажжаяабхааво взд̣̇ид̇аб̣б̣о. баал̣ияамби хи багад̇уубаниссаяо наяад̣̇ассанамад̇д̇знзва бан̃хааваарзсу виссаж̇ж̇ид̇од̇и.
Arūpāvacarakusalampi yasmiṃ kasiṇādimhi jhānaṃ anuppāditaṃ, tasmiṃ anuppannajhānuppādane sabbassa ca uppannajhānassa samāpajjane iddhividhādīnaṃ abhiññānañca upanissayoti imamatthaṃ sandhāyāha ‘‘tebhūmakakusalo catubhūmakassapi kusalassā’’ti. Vuttampi cetaṃ ‘‘arūpāvacaraṃ saddhaṃ upanissāya rūpāvacaraṃ jhānaṃ vipassanaṃ maggaṃ abhiññaṃ samāpattiṃ uppādetī’’ti (paṭṭhā. 4.13.285). Kāmāvacarakusalaṃ rūpāvacarārūpāvacaravipākānampi taduppādakakusalānaṃ upanissayabhāvavasena , paṭisandhiniyāmakassa cutito purimajavanassa ca vasena upanissayo, rūpāvacarakusalaṃ arūpāvacaravipākassa, arūpāvacarakusalañca rūpāvacaravipākassa taduppādakakusalūpanissayabhāvenāti evaṃ paccekaṃ tebhūmakakusalānaṃ catubhūmakavipākassa tebhūmakakiriyassa ca yathāyogaṃ paccayabhāvo veditabbo. Pāḷiyampi hi pakatūpanissayo nayadassanamatteneva pañhāvāresu vissajjitoti.
иминаа бана наязнаад̇и логуд̇д̇араниб̣б̣ад̇д̇анам̣ убаниссааяа синзхуббаад̣̇аналзсзнаад̇и ад̇т̇о. логуд̇д̇араа бана д̇хаммаа агусалаанам̣ на гзнажи бажжаязна бажжаяо хонд̇ийд̇и на ид̣̇ам̣ саарад̇о д̣̇адтаб̣б̣анд̇и ад̇хиббааяо. гаамааважараад̣̇ид̇ихзд̇угабхаван̇г̇ам̣ гааяигасукаад̣̇и жа руубааважараад̣̇игусалаанам̣ убаниссаяо, аруубааважаравибааго руубааважарагусаласса д̇ам̣ бад̇т̇зд̇ваа д̇анниб̣б̣ад̇д̇агагусалуббаад̣̇анад̇т̇ам̣ уббаад̣̇ияамаанасса, руубааважарагирияасса жа буб̣б̣з нивудтаад̣̇ийсу аруубааважаравибаагаж̇аананад̇т̇ам̣ жхаанаабхин̃н̃ааяо уббаад̣̇знд̇асса арахад̇о, жад̇убхуумагавибаагаанам̣ бана д̇ад̣̇уббаад̣̇агагусалуубаниссаяабхаававасзна со со вибааго убаниссаяо. д̇знааха ‘‘д̇ат̇аа д̇збхуумагавибааго’’д̇и. яад̣̇иби арахад̇д̇апалад̇д̇ам̣ жхаанавибассанаа уббаад̣̇зд̇и анааг̇аамий, на бана д̇зна д̇ам̣ гад̣̇аажи д̣̇идтабуб̣б̣ам̣ бут̇уж̇ж̇анаад̣̇ийхи сод̇аабад̇д̇ипалаад̣̇ийни вияа, д̇асмаа д̇аани вияа д̇зсам̣ жхаанаад̣̇ийнам̣ имасса жа аг̇г̇апалам̣ на жхаанаад̣̇ийнам̣ убаниссаяо. убалад̣̇д̇хабуб̣б̣асад̣̇исамзва хи анааг̇ад̇амби убаниссаяод̇и. д̇знааха ‘‘убаридтимам̣ гусалассабий’’д̇и.
Iminā pana nayenāti lokuttaranibbattanaṃ upanissāya sinehuppādanalesenāti attho. Lokuttarā pana dhammā akusalānaṃ na kenaci paccayena paccayo hontīti na idaṃ sārato daṭṭhabbanti adhippāyo. Kāmāvacarāditihetukabhavaṅgaṃ kāyikasukhādi ca rūpāvacarādikusalānaṃ upanissayo, arūpāvacaravipāko rūpāvacarakusalassa taṃ patthetvā tannibbattakakusaluppādanatthaṃ uppādiyamānassa, rūpāvacarakiriyassa ca pubbe nivuṭṭhādīsu arūpāvacaravipākajānanatthaṃ jhānābhiññāyo uppādentassa arahato, catubhūmakavipākānaṃ pana taduppādakakusalūpanissayabhāvavasena so so vipāko upanissayo. Tenāha ‘‘tathā tebhūmakavipāko’’ti. Yadipi arahattaphalattaṃ jhānavipassanā uppādeti anāgāmī, na pana tena taṃ kadāci diṭṭhapubbaṃ puthujjanādīhi sotāpattiphalādīni viya, tasmā tāni viya tesaṃ jhānādīnaṃ imassa ca aggaphalaṃ na jhānādīnaṃ upanissayo. Upaladdhapubbasadisameva hi anāgatampi upanissayoti. Tenāha ‘‘upariṭṭhimaṃ kusalassapī’’ti.
гирияаад̇т̇абадисамбхид̣̇аад̣̇имби бад̇т̇зд̇ваа д̣̇аанаад̣̇игусалам̣ гаронд̇асса д̇збхуумагагирияааби жад̇убхуумагассаби гусаласса убаниссаяабажжаязна бажжаяо. яонисоманасигаарз вад̇д̇аб̣б̣амзва над̇т̇и, д̇ам̣ убаниссааяа рааг̇аад̣̇иуббаад̣̇анз агусаласса, гусалаагусалуубаниссаяабхаавамукзна жад̇убхуумагавибаагасса. звам̣ гирияассаби яож̇зд̇аб̣б̣ам̣. д̇знааха ‘‘гирияасан̇каад̇оби багад̇уубаниссаяо жад̇убхуумагаанам̣ гусалаад̣̇иканд̇хаанам̣ ход̇иязваа’’д̇и. нзвавибааганавибаагад̇хаммад̇хаммзсу бана уд̇убхож̇анасзнаасанаанамзва д̇ин̣н̣ам̣ раасийнам̣ багад̇уубаниссаяабхаавад̣̇ассанам̣ наяад̣̇ассанамзваад̇и. имасмим̣ бадтаанамахаабагаран̣з ааг̇ад̇анаязнаад̇и ид̣̇ам̣ ‘‘гусалам̣ д̇хаммам̣ бадижжа аб̣яаагад̇о д̇хаммо уббаж̇ж̇ад̇и на убаниссаяабажжаяаа, гусалз канд̇хз бадижжа жид̇д̇асамудтаанам̣ рууба’’нд̇и (бадтаа. 1.1.91) звамаад̣̇игам̣ убаниссаяабадигкзбам̣, ануломз жа анааг̇аманам̣ санд̇хааяа вуд̇д̇ам̣. суд̇д̇анд̇игабарияааязнаад̇и ‘‘вин̃н̃аан̣уубанисам̣ наамаруубам̣, наамаруубанисам̣ сал̣ааяад̇ана’’нд̇иаад̣̇игзна (сам̣. ни. 2.23),
Kiriyaatthapaṭisambhidādimpi patthetvā dānādikusalaṃ karontassa tebhūmakakiriyāpi catubhūmakassapi kusalassa upanissayapaccayena paccayo. Yonisomanasikāre vattabbameva natthi, taṃ upanissāya rāgādiuppādane akusalassa, kusalākusalūpanissayabhāvamukhena catubhūmakavipākassa. Evaṃ kiriyassapi yojetabbaṃ. Tenāha ‘‘kiriyasaṅkhātopi pakatūpanissayo catubhūmakānaṃ kusalādikhandhānaṃ hotiyevā’’ti. Nevavipākanavipākadhammadhammesu pana utubhojanasenāsanānameva tiṇṇaṃ rāsīnaṃ pakatūpanissayabhāvadassanaṃ nayadassanamevāti. Imasmiṃ paṭṭhānamahāpakaraṇe āgatanayenāti idaṃ ‘‘kusalaṃ dhammaṃ paṭicca abyākato dhammo uppajjati na upanissayapaccayā, kusale khandhe paṭicca cittasamuṭṭhānaṃ rūpa’’nti (paṭṭhā. 1.1.91) evamādikaṃ upanissayapaṭikkhepaṃ, anulome ca anāgamanaṃ sandhāya vuttaṃ. Suttantikapariyāyenāti ‘‘viññāṇūpanisaṃ nāmarūpaṃ, nāmarūpanisaṃ saḷāyatana’’ntiādikena (saṃ. ni. 2.23),
‘‘яат̇ааби баб̣б̣ад̇о сзло, аран̃н̃асмим̣ б̣рахааванз;
‘‘Yathāpi pabbato selo, araññasmiṃ brahāvane;
д̇ам̣ ругкаа убаниссааяа, вад̣дханд̇з д̇з ванаббад̇ий’’д̇и (а. ни. 3.49). –
Taṃ rukkhā upanissāya, vaḍḍhante te vanappatī’’ti (a. ni. 3.49). –
аад̣̇игзна жа.
Ādikena ca.
убаниссаяабажжаяанид̣̇д̣̇зсаван̣н̣анаа нидтид̇аа.
Upanissayapaccayaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 9. убаниссаяабажжаяанид̣̇д̣̇зсаван̣н̣анаа • 9. Upanissayapaccayaniddesavaṇṇanā
