| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. убан̃н̃аад̇асуд̇д̇ам̣
5. Upaññātasuttaṃ
5. ‘‘д̣̇виннаахам̣ , бхигкавз, д̇хаммаанам̣ убан̃н̃аасим̣ – яаа жа асанд̇удтид̇аа гусалзсу д̇хаммзсу, яаа жа аббадиваанид̇аа бад̇хаанасмим̣. аббадивааний суд̣̇аахам̣, бхигкавз, бад̣̇ахаами – ‘гаамам̣ д̇ажо жа нхаару 1 жа адти жа авасиссад̇у, сарийрз убасуссад̇у мам̣салохид̇ам̣, яам̣ д̇ам̣ бурисат̇аамзна бурисавийриязна бурисабараггамзна бад̇д̇аб̣б̣ам̣ на д̇ам̣ абаабун̣ид̇ваа вийрияасса сан̣таанам̣ бхависсад̇ий’д̇и. д̇асса маяхам̣, бхигкавз, аббамаад̣̇аад̇хиг̇ад̇аа самб̣од̇хи, аббамаад̣̇аад̇хиг̇ад̇о ануд̇д̇аро яог̇агкзмо. д̇умхз жзби, бхигкавз, аббадиваанам̣ бад̣̇ахзяяаат̇а – ‘гаамам̣ д̇ажо жа нхаару жа адти жа авасиссад̇у, сарийрз убасуссад̇у мам̣салохид̇ам̣, яам̣ д̇ам̣ бурисат̇аамзна бурисавийриязна бурисабараггамзна бад̇д̇аб̣б̣ам̣ на д̇ам̣ абаабун̣ид̇ваа вийрияасса сан̣таанам̣ бхависсад̇ий’д̇и, д̇умхзби, бхигкавз, нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихариссат̇а. д̇асмаад̇иха, бхигкавз, звам̣ сигкид̇аб̣б̣ам̣ – ‘аббадиваанам̣ бад̣̇ахиссаама. гаамам̣ д̇ажо жа нхаару жа адти жа авасиссад̇у, сарийрз убасуссад̇у мам̣салохид̇ам̣, яам̣ д̇ам̣ бурисат̇аамзна бурисавийриязна бурисабараггамзна бад̇д̇аб̣б̣ам̣ на д̇ам̣ абаабун̣ид̇ваа вийрияасса сан̣таанам̣ бхависсад̇ий’д̇и. зван̃хи во, бхигкавз, сигкид̇аб̣б̣а’’нд̇и. бан̃жамам̣.
5. ‘‘Dvinnāhaṃ , bhikkhave, dhammānaṃ upaññāsiṃ – yā ca asantuṭṭhitā kusalesu dhammesu, yā ca appaṭivānitā padhānasmiṃ. Appaṭivānī sudāhaṃ, bhikkhave, padahāmi – ‘kāmaṃ taco ca nhāru 2 ca aṭṭhi ca avasissatu, sarīre upasussatu maṃsalohitaṃ, yaṃ taṃ purisathāmena purisavīriyena purisaparakkamena pattabbaṃ na taṃ apāpuṇitvā vīriyassa saṇṭhānaṃ bhavissatī’ti. Tassa mayhaṃ, bhikkhave, appamādādhigatā sambodhi, appamādādhigato anuttaro yogakkhemo. Tumhe cepi, bhikkhave, appaṭivānaṃ padaheyyātha – ‘kāmaṃ taco ca nhāru ca aṭṭhi ca avasissatu, sarīre upasussatu maṃsalohitaṃ, yaṃ taṃ purisathāmena purisavīriyena purisaparakkamena pattabbaṃ na taṃ apāpuṇitvā vīriyassa saṇṭhānaṃ bhavissatī’ti, tumhepi, bhikkhave, nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja viharissatha. Tasmātiha, bhikkhave, evaṃ sikkhitabbaṃ – ‘appaṭivānaṃ padahissāma. Kāmaṃ taco ca nhāru ca aṭṭhi ca avasissatu, sarīre upasussatu maṃsalohitaṃ, yaṃ taṃ purisathāmena purisavīriyena purisaparakkamena pattabbaṃ na taṃ apāpuṇitvā vīriyassa saṇṭhānaṃ bhavissatī’ti. Evañhi vo, bhikkhave, sikkhitabba’’nti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. убан̃н̃аад̇асуд̇д̇аван̣н̣анаа • 5. Upaññātasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. убан̃н̃аад̇асуд̇д̇аван̣н̣анаа • 5. Upaññātasuttavaṇṇanā
