| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
5. உபஞ்ஞாதஸுத்தவண்ணனா
5. Upaññātasuttavaṇṇanā
5. பஞ்சமே இமஞ்ஹி த⁴ம்மத்³வயந்தி குஸலேஸு த⁴ம்மேஸு அஸந்துட்டி²தா, பதா⁴னஸ்மிங் அனோஸக்கனஸங்கா²தங் த⁴ம்மத்³வயங். இமினாதி ‘‘அஸந்துட்டி²தா குஸலேஸு த⁴ம்மேஸூ’’தி வசனேன. இமங் தீ³பேதீதி ‘‘யாவ ஸோ உப்பஜ்ஜதி, ந தாவாஹங் ஸந்துட்டோ² அஹோஸி’’ந்தி ஏதங் பரியந்தங் கத்வா வக்க²மானத்த²ங் தீ³பேதி. பதா⁴னஸ்மிந்தி வீரியாரம்பே⁴. இமமத்த²ந்தி ‘‘பதா⁴னஸ்மிஞ்சா’’திஆதி³னா வுத்தமத்த²ங். வீரியப்பவாஹே வத்தமானே அந்தரா ஏவ படிக³மனங் நிவத்தனங் படிவானங், தத³ஸ்ஸ அத்தீ²தி படிவானீ, ந படிவானீ அப்படிவானீ, தஸ்ஸ பா⁴வோ அப்படிவானிதா, அனோஸக்கனாதி ஆஹ ‘‘அப்படிவானிதாதி அப்படிக்கமனா அனோஸக்கனா’’தி. தத்த² அனோஸக்கனாதி அப்படினிவத்தி.
5. Pañcame imañhi dhammadvayanti kusalesu dhammesu asantuṭṭhitā, padhānasmiṃ anosakkanasaṅkhātaṃ dhammadvayaṃ. Imināti ‘‘asantuṭṭhitā kusalesu dhammesū’’ti vacanena. Imaṃ dīpetīti ‘‘yāva so uppajjati, na tāvāhaṃ santuṭṭho ahosi’’nti etaṃ pariyantaṃ katvā vakkhamānatthaṃ dīpeti. Padhānasminti vīriyārambhe. Imamatthanti ‘‘padhānasmiñcā’’tiādinā vuttamatthaṃ. Vīriyappavāhe vattamāne antarā eva paṭigamanaṃ nivattanaṃ paṭivānaṃ, tadassa atthīti paṭivānī, na paṭivānī appaṭivānī, tassa bhāvo appaṭivānitā, anosakkanāti āha ‘‘appaṭivānitāti appaṭikkamanā anosakkanā’’ti. Tattha anosakkanāti appaṭinivatti.
ஆக³மனீயபடிபதா³தி ஸமத²விபஸ்ஸனாஸங்கா²தா புப்³ப³பா⁴க³படிபத்தி. ஸா ஹி ஆக³ச்ச²ந்தி விஸேஸமதி⁴க³ச்ச²ந்தி ஏதாய, ஆக³ச்ச²தி வா விஸேஸாதி⁴க³மோ ஏதாயாதி ஆக³மனீயா, ஸா ஏவ படிபஜ்ஜிதப்³ப³தோ படிபதா³தி ஆக³மனீயபடிபதா³. அப்படிவானபதா⁴னந்தி ஓஸக்கனாரஹிதப்பதா⁴னங், அந்தரா அனோஸக்கித்வா கதவீரியந்தி அத்தோ².
Āgamanīyapaṭipadāti samathavipassanāsaṅkhātā pubbabhāgapaṭipatti. Sā hi āgacchanti visesamadhigacchanti etāya, āgacchati vā visesādhigamo etāyāti āgamanīyā, sā eva paṭipajjitabbato paṭipadāti āgamanīyapaṭipadā. Appaṭivānapadhānanti osakkanārahitappadhānaṃ, antarā anosakkitvā katavīriyanti attho.
உபஞ்ஞாதஸுத்தவண்ணனா நிட்டி²தா.
Upaññātasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 5. உபஞ்ஞாதஸுத்தங் • 5. Upaññātasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5. உபஞ்ஞாதஸுத்தவண்ணனா • 5. Upaññātasuttavaṇṇanā
