| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. убан̃н̃аад̇асуд̇д̇аван̣н̣анаа
5. Upaññātasuttavaṇṇanā
5. бан̃жамз д̣̇виннааханд̇и д̣̇виннам̣ ахам̣. убан̃н̃аасинд̇и убаг̇анд̇ваа г̇ун̣ам̣ ан̃н̃аасим̣, ж̇ааним̣ бадивиж̇жхинд̇и ад̇т̇о. ид̣̇аани д̇з д̇хаммз д̣̇ассзнд̇о яаа жа асанд̇удтид̇аад̇иаад̣̇имааха. иман̃хи д̇хаммад̣̇ваяам̣ ниссааяа сад̇т̇аа саб̣б̣ан̃н̃уд̇ам̣ бад̇д̇о, д̇асмаа д̇ассаанубхаавам̣ д̣̇ассзнд̇о звамааха. д̇ад̇т̇а асанд̇удтид̇аа гусалзсу д̇хаммзсууд̇и иминаа имам̣ д̣̇ийбзд̇и – ‘‘ахам̣ жхаанамад̇д̇агзна ваа обхаасанимид̇д̇амад̇д̇агзна ваа асанд̇удто худ̇ваа арахад̇д̇амаг̇г̇амзва уббаад̣̇зсим̣. яаава со на уббаж̇ж̇и, на д̇ааваахам̣ санд̇удто ахосим̣. бад̇хаанасмим̣ жа анугган̣тид̇о худ̇ваа аносагганааяа тад̇вааязва бад̇хаанагирияам̣ агааси’’нд̇и имамад̇т̇ам̣ д̣̇ассзнд̇о яаа жа аббадиваанид̇аад̇иаад̣̇имааха. д̇ад̇т̇а аббадиваанид̇аад̇и аббадиггаманаа аносагганаа. аббадивааний суд̣̇аахам̣ , бхигкавз, бад̣̇ахаамийд̇и зд̇т̇а суд̣̇анд̇и нибаад̇амад̇д̇ам̣. ахам̣, бхигкавз, аносагганааяам̣ тид̇о б̣од̇хисад̇д̇агаалз саб̣б̣ан̃н̃уд̇ам̣ бад̇т̇знд̇о бад̇хаанамагаасинд̇и аяамзд̇т̇а ад̇т̇о.
5. Pañcame dvinnāhanti dvinnaṃ ahaṃ. Upaññāsinti upagantvā guṇaṃ aññāsiṃ, jāniṃ paṭivijjhinti attho. Idāni te dhamme dassento yā ca asantuṭṭhitātiādimāha. Imañhi dhammadvayaṃ nissāya satthā sabbaññutaṃ patto, tasmā tassānubhāvaṃ dassento evamāha. Tattha asantuṭṭhitā kusalesu dhammesūti iminā imaṃ dīpeti – ‘‘ahaṃ jhānamattakena vā obhāsanimittamattakena vā asantuṭṭho hutvā arahattamaggameva uppādesiṃ. Yāva so na uppajji, na tāvāhaṃ santuṭṭho ahosiṃ. Padhānasmiṃ ca anukkaṇṭhito hutvā anosakkanāya ṭhatvāyeva padhānakiriyaṃ akāsi’’nti imamatthaṃ dassento yā ca appaṭivānitātiādimāha. Tattha appaṭivānitāti appaṭikkamanā anosakkanā. Appaṭivānī sudāhaṃ, bhikkhave, padahāmīti ettha sudanti nipātamattaṃ. Ahaṃ, bhikkhave, anosakkanāyaṃ ṭhito bodhisattakāle sabbaññutaṃ patthento padhānamakāsinti ayamettha attho.
ид̣̇аани яат̇аа д̇зна д̇ам̣ бад̇хаанам̣ гад̇ам̣, д̇ам̣ д̣̇ассзнд̇о гаамам̣ д̇ажо жаад̇иаад̣̇имааха. д̇ад̇т̇а бад̇д̇аб̣б̣анд̇и иминаа бад̇д̇аб̣б̣ам̣ г̇ун̣аж̇аад̇ам̣ д̣̇ассзд̇и. бурисат̇аамзнаад̇иаад̣̇инаа бурисасса н̃аан̣ат̇аамо н̃аан̣авийрияам̣ н̃аан̣абараггамо жа гат̇ид̇о. сан̣таананд̇и табанаа аббавад̇д̇анаа осагганаа, бадиббассад̣̇д̇хийд̇и ад̇т̇о. зд̇д̇аавад̇аа д̇зна жад̇уран̇г̇асаманнааг̇ад̇ам̣ вийрияаад̇хидтаанам̣ наама гат̇ид̇ам̣. зд̇т̇а хи гаамам̣ д̇ажо жаад̇и згам̣ ан̇г̇ам̣, нхаару жаад̇и згам̣, адти жаад̇и згам̣, мам̣салохид̇анд̇и згам̣, имаани жад̇д̇аари ан̇г̇аани. бурисат̇аамзнаад̇иаад̣̇ийни ад̇химад̇д̇авийрияаад̇хиважанаани. ид̇и буримзхи жад̇уухи ан̇г̇зхи саманнааг̇ад̇зна худ̇ваа звам̣ ад̇хидтид̇ам̣ вийрияам̣ жад̇уран̇г̇асаманнааг̇ад̇ам̣ вийрияаад̇хидтаанам̣ наамаад̇и взд̣̇ид̇аб̣б̣ам̣. зд̇д̇аавад̇аа д̇зна б̣од̇хибаллан̇гз ад̇д̇ано ааг̇аманийяабадибад̣̇аа гат̇ид̇аа.
Idāni yathā tena taṃ padhānaṃ kataṃ, taṃ dassento kāmaṃ taco cātiādimāha. Tattha pattabbanti iminā pattabbaṃ guṇajātaṃ dasseti. Purisathāmenātiādinā purisassa ñāṇathāmo ñāṇavīriyaṃ ñāṇaparakkamo ca kathito. Saṇṭhānanti ṭhapanā appavattanā osakkanā, paṭippassaddhīti attho. Ettāvatā tena caturaṅgasamannāgataṃ vīriyādhiṭṭhānaṃ nāma kathitaṃ. Ettha hi kāmaṃ taco cāti ekaṃ aṅgaṃ, nhāru cāti ekaṃ, aṭṭhi cāti ekaṃ, maṃsalohitanti ekaṃ, imāni cattāri aṅgāni. Purisathāmenātiādīni adhimattavīriyādhivacanāni. Iti purimehi catūhi aṅgehi samannāgatena hutvā evaṃ adhiṭṭhitaṃ vīriyaṃ caturaṅgasamannāgataṃ vīriyādhiṭṭhānaṃ nāmāti veditabbaṃ. Ettāvatā tena bodhipallaṅke attano āgamanīyapaṭipadā kathitā.
ид̣̇аани д̇ааяа бадибад̣̇ааяа бадилад̣̇д̇хаг̇ун̣ам̣ гат̇зд̇ум̣ д̇асса маяхам̣, бхигкавзд̇иаад̣̇имааха. д̇ад̇т̇а аббамаад̣̇аад̇хиг̇ад̇аад̇и сад̇иавиббаваасасан̇каад̇зна аббамаад̣̇зна ад̇хиг̇ад̇аа, на суд̇д̇аббамад̇д̇зна лад̣̇д̇хаа. самб̣од̇хийд̇и жад̇умаг̇г̇ан̃аан̣ан̃жзва саб̣б̣ан̃н̃уд̇ан̃н̃аан̣ан̃жа. на хи саггаа зд̇ам̣ суд̇д̇аббамад̇д̇зна ад̇хиг̇анд̇унд̇и. д̇знааха – ‘‘аббамаад̣̇аад̇хиг̇ад̇аа самб̣од̇хий’’д̇и. ануд̇д̇аро яог̇агкзмод̇и на гзвалам̣ б̣од̇хиязва, арахад̇д̇апаланиб̣б̣аанасан̇каад̇о ануд̇д̇аро яог̇агкзмоби аббамаад̣̇аад̇хиг̇ад̇ова.
Idāni tāya paṭipadāya paṭiladdhaguṇaṃ kathetuṃ tassa mayhaṃ, bhikkhavetiādimāha. Tattha appamādādhigatāti satiavippavāsasaṅkhātena appamādena adhigatā, na suttappamattena laddhā. Sambodhīti catumaggañāṇañceva sabbaññutaññāṇañca. Na hi sakkā etaṃ suttappamattena adhigantunti. Tenāha – ‘‘appamādādhigatā sambodhī’’ti. Anuttaro yogakkhemoti na kevalaṃ bodhiyeva, arahattaphalanibbānasaṅkhāto anuttaro yogakkhemopi appamādādhigatova.
ид̣̇аани ад̇д̇анаа бадилад̣̇д̇хаг̇ун̣зсу бхигкусан̇гхам̣ самаад̣̇абзнд̇о д̇умхз жзби бхигкавзд̇иаад̣̇имааха. д̇ад̇т̇а яассад̇т̇ааяаад̇и яасса ад̇т̇ааяа, яам̣ убасамбаж̇ж̇а вихарид̇угаамаа худ̇ваад̇и ад̇т̇о. д̇ад̣̇ануд̇д̇аранд̇и д̇ам̣ ануд̇д̇арам̣. б̣рахмажарияабарияосаананд̇и маг̇г̇аб̣рахмажарияасса барияосаанабхууд̇ам̣ арияапалам̣. абхин̃н̃аа сажчигад̇ваад̇и абхин̃н̃ааяа уд̇д̇амабан̃н̃ааяа бажжагкам̣ гад̇ваа. убасамбаж̇ж̇а вихариссат̇аад̇и бадилабхид̇ваа баабун̣ид̇ваа вихариссат̇а. д̇асмаад̇и яасмаа аббадиваанабад̇хаанам̣ наамзд̇ам̣ б̣ахуубагаарам̣ уд̇д̇амад̇т̇асаад̇хагам̣, д̇асмаа. бан̃жамам̣.
Idāni attanā paṭiladdhaguṇesu bhikkhusaṅghaṃ samādapento tumhe cepi bhikkhavetiādimāha. Tattha yassatthāyāti yassa atthāya, yaṃ upasampajja viharitukāmā hutvāti attho. Tadanuttaranti taṃ anuttaraṃ. Brahmacariyapariyosānanti maggabrahmacariyassa pariyosānabhūtaṃ ariyaphalaṃ. Abhiññā sacchikatvāti abhiññāya uttamapaññāya paccakkhaṃ katvā. Upasampajja viharissathāti paṭilabhitvā pāpuṇitvā viharissatha. Tasmāti yasmā appaṭivānapadhānaṃ nāmetaṃ bahūpakāraṃ uttamatthasādhakaṃ, tasmā. Pañcamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. убан̃н̃аад̇асуд̇д̇ам̣ • 5. Upaññātasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. убан̃н̃аад̇асуд̇д̇аван̣н̣анаа • 5. Upaññātasuttavaṇṇanā
