| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5. убан̃н̃аад̇асуд̇д̇аван̣н̣анаа
5. Upaññātasuttavaṇṇanā
5. бан̃жамз иман̃хи д̇хаммад̣̇ваяанд̇и гусалзсу д̇хаммзсу асанд̇удтид̇аа, бад̇хаанасмим̣ аносагганасан̇каад̇ам̣ д̇хаммад̣̇ваяам̣. иминаад̇и ‘‘асанд̇удтид̇аа гусалзсу д̇хаммзсуу’’д̇и важанзна. имам̣ д̣̇ийбзд̇ийд̇и ‘‘яаава со уббаж̇ж̇ад̇и, на д̇ааваахам̣ санд̇удто ахоси’’нд̇и зд̇ам̣ барияанд̇ам̣ гад̇ваа вагкамаанад̇т̇ам̣ д̣̇ийбзд̇и. бад̇хаанасминд̇и вийрияаарамбхз. имамад̇т̇анд̇и ‘‘бад̇хаанасмин̃жаа’’д̇иаад̣̇инаа вуд̇д̇амад̇т̇ам̣. вийрияаббаваахз вад̇д̇амаанз анд̇араа зва бадиг̇аманам̣ нивад̇д̇анам̣ бадиваанам̣, д̇ад̣̇асса ад̇т̇ийд̇и бадивааний, на бадивааний аббадивааний, д̇асса бхааво аббадиваанид̇аа, аносагганаад̇и ааха ‘‘аббадиваанид̇аад̇и аббадиггаманаа аносагганаа’’д̇и. д̇ад̇т̇а аносагганаад̇и аббадинивад̇д̇и.
5. Pañcame imañhi dhammadvayanti kusalesu dhammesu asantuṭṭhitā, padhānasmiṃ anosakkanasaṅkhātaṃ dhammadvayaṃ. Imināti ‘‘asantuṭṭhitā kusalesu dhammesū’’ti vacanena. Imaṃ dīpetīti ‘‘yāva so uppajjati, na tāvāhaṃ santuṭṭho ahosi’’nti etaṃ pariyantaṃ katvā vakkhamānatthaṃ dīpeti. Padhānasminti vīriyārambhe. Imamatthanti ‘‘padhānasmiñcā’’tiādinā vuttamatthaṃ. Vīriyappavāhe vattamāne antarā eva paṭigamanaṃ nivattanaṃ paṭivānaṃ, tadassa atthīti paṭivānī, na paṭivānī appaṭivānī, tassa bhāvo appaṭivānitā, anosakkanāti āha ‘‘appaṭivānitāti appaṭikkamanā anosakkanā’’ti. Tattha anosakkanāti appaṭinivatti.
ааг̇аманийяабадибад̣̇аад̇и самат̇авибассанаасан̇каад̇аа буб̣б̣абхааг̇абадибад̇д̇и. саа хи ааг̇ажчанд̇и висзсамад̇хиг̇ажчанд̇и зд̇ааяа, ааг̇ажчад̇и ваа висзсаад̇хиг̇амо зд̇ааяаад̇и ааг̇аманийяаа, саа зва бадибаж̇ж̇ид̇аб̣б̣ад̇о бадибад̣̇аад̇и ааг̇аманийяабадибад̣̇аа. аббадиваанабад̇хаананд̇и осагганаарахид̇аббад̇хаанам̣, анд̇араа аносаггид̇ваа гад̇авийрияанд̇и ад̇т̇о.
Āgamanīyapaṭipadāti samathavipassanāsaṅkhātā pubbabhāgapaṭipatti. Sā hi āgacchanti visesamadhigacchanti etāya, āgacchati vā visesādhigamo etāyāti āgamanīyā, sā eva paṭipajjitabbato paṭipadāti āgamanīyapaṭipadā. Appaṭivānapadhānanti osakkanārahitappadhānaṃ, antarā anosakkitvā katavīriyanti attho.
убан̃н̃аад̇асуд̇д̇аван̣н̣анаа нидтид̇аа.
Upaññātasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. убан̃н̃аад̇асуд̇д̇ам̣ • 5. Upaññātasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. убан̃н̃аад̇асуд̇д̇аван̣н̣анаа • 5. Upaññātasuttavaṇṇanā
