| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๕. อุปญฺญาตสุตฺตวณฺณนา
5. Upaññātasuttavaṇṇanā
๕. ปญฺจเม อิมญฺหิ ธมฺมทฺวยนฺติ กุสเลสุ ธเมฺมสุ อสนฺตุฎฺฐิตา, ปธานสฺมิํ อโนสกฺกนสงฺขาตํ ธมฺมทฺวยํฯ อิมินาติ ‘‘อสนฺตุฎฺฐิตา กุสเลสุ ธเมฺมสู’’ติ วจเนนฯ อิมํ ทีเปตีติ ‘‘ยาว โส อุปฺปชฺชติ, น ตาวาหํ สนฺตุโฎฺฐ อโหสิ’’นฺติ เอตํ ปริยนฺตํ กตฺวา วกฺขมานตฺถํ ทีเปติฯ ปธานสฺมินฺติ วีริยารเมฺภฯ อิมมตฺถนฺติ ‘‘ปธานสฺมิญฺจา’’ติอาทินา วุตฺตมตฺถํฯ วีริยปฺปวาเห วตฺตมาเน อนฺตรา เอว ปฎิคมนํ นิวตฺตนํ ปฎิวานํ, ตทสฺส อตฺถีติ ปฎิวานี, น ปฎิวานี อปฺปฎิวานี, ตสฺส ภาโว อปฺปฎิวานิตา, อโนสกฺกนาติ อาห ‘‘อปฺปฎิวานิตาติ อปฺปฎิกฺกมนา อโนสกฺกนา’’ติฯ ตตฺถ อโนสกฺกนาติ อปฺปฎินิวตฺติฯ
5. Pañcame imañhi dhammadvayanti kusalesu dhammesu asantuṭṭhitā, padhānasmiṃ anosakkanasaṅkhātaṃ dhammadvayaṃ. Imināti ‘‘asantuṭṭhitā kusalesu dhammesū’’ti vacanena. Imaṃ dīpetīti ‘‘yāva so uppajjati, na tāvāhaṃ santuṭṭho ahosi’’nti etaṃ pariyantaṃ katvā vakkhamānatthaṃ dīpeti. Padhānasminti vīriyārambhe. Imamatthanti ‘‘padhānasmiñcā’’tiādinā vuttamatthaṃ. Vīriyappavāhe vattamāne antarā eva paṭigamanaṃ nivattanaṃ paṭivānaṃ, tadassa atthīti paṭivānī, na paṭivānī appaṭivānī, tassa bhāvo appaṭivānitā, anosakkanāti āha ‘‘appaṭivānitāti appaṭikkamanā anosakkanā’’ti. Tattha anosakkanāti appaṭinivatti.
อาคมนียปฎิปทาติ สมถวิปสฺสนาสงฺขาตา ปุพฺพภาคปฎิปตฺติฯ สา หิ อาคจฺฉนฺติ วิเสสมธิคจฺฉนฺติ เอตาย, อาคจฺฉติ วา วิเสสาธิคโม เอตายาติ อาคมนียา, สา เอว ปฎิปชฺชิตพฺพโต ปฎิปทาติ อาคมนียปฎิปทาฯ อปฺปฎิวานปธานนฺติ โอสกฺกนารหิตปฺปธานํ, อนฺตรา อโนสกฺกิตฺวา กตวีริยนฺติ อโตฺถฯ
Āgamanīyapaṭipadāti samathavipassanāsaṅkhātā pubbabhāgapaṭipatti. Sā hi āgacchanti visesamadhigacchanti etāya, āgacchati vā visesādhigamo etāyāti āgamanīyā, sā eva paṭipajjitabbato paṭipadāti āgamanīyapaṭipadā. Appaṭivānapadhānanti osakkanārahitappadhānaṃ, antarā anosakkitvā katavīriyanti attho.
อุปญฺญาตสุตฺตวณฺณนา นิฎฺฐิตาฯ
Upaññātasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๕. อุปญฺญาตสุตฺตํ • 5. Upaññātasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๕. อุปญฺญาตสุตฺตวณฺณนา • 5. Upaññātasuttavaṇṇanā
