| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੫. ਉਪਞ੍ਞਾਤਸੁਤ੍ਤવਣ੍ਣਨਾ
5. Upaññātasuttavaṇṇanā
੫. ਪਞ੍ਚਮੇ ਇਮਞ੍ਹਿ ਧਮ੍ਮਦ੍વਯਨ੍ਤਿ ਕੁਸਲੇਸੁ ਧਮ੍ਮੇਸੁ ਅਸਨ੍ਤੁਟ੍ਠਿਤਾ, ਪਧਾਨਸ੍ਮਿਂ ਅਨੋਸਕ੍ਕਨਸਙ੍ਖਾਤਂ ਧਮ੍ਮਦ੍વਯਂ। ਇਮਿਨਾਤਿ ‘‘ਅਸਨ੍ਤੁਟ੍ਠਿਤਾ ਕੁਸਲੇਸੁ ਧਮ੍ਮੇਸੂ’’ਤਿ વਚਨੇਨ। ਇਮਂ ਦੀਪੇਤੀਤਿ ‘‘ਯਾવ ਸੋ ਉਪ੍ਪਜ੍ਜਤਿ, ਨ ਤਾવਾਹਂ ਸਨ੍ਤੁਟ੍ਠੋ ਅਹੋਸਿ’’ਨ੍ਤਿ ਏਤਂ ਪਰਿਯਨ੍ਤਂ ਕਤ੍વਾ વਕ੍ਖਮਾਨਤ੍ਥਂ ਦੀਪੇਤਿ। ਪਧਾਨਸ੍ਮਿਨ੍ਤਿ વੀਰਿਯਾਰਮ੍ਭੇ। ਇਮਮਤ੍ਥਨ੍ਤਿ ‘‘ਪਧਾਨਸ੍ਮਿਞ੍ਚਾ’’ਤਿਆਦਿਨਾ વੁਤ੍ਤਮਤ੍ਥਂ। વੀਰਿਯਪ੍ਪવਾਹੇ વਤ੍ਤਮਾਨੇ ਅਨ੍ਤਰਾ ਏવ ਪਟਿਗਮਨਂ ਨਿવਤ੍ਤਨਂ ਪਟਿવਾਨਂ, ਤਦਸ੍ਸ ਅਤ੍ਥੀਤਿ ਪਟਿવਾਨੀ, ਨ ਪਟਿવਾਨੀ ਅਪ੍ਪਟਿવਾਨੀ, ਤਸ੍ਸ ਭਾવੋ ਅਪ੍ਪਟਿવਾਨਿਤਾ, ਅਨੋਸਕ੍ਕਨਾਤਿ ਆਹ ‘‘ਅਪ੍ਪਟਿવਾਨਿਤਾਤਿ ਅਪ੍ਪਟਿਕ੍ਕਮਨਾ ਅਨੋਸਕ੍ਕਨਾ’’ਤਿ। ਤਤ੍ਥ ਅਨੋਸਕ੍ਕਨਾਤਿ ਅਪ੍ਪਟਿਨਿવਤ੍ਤਿ।
5. Pañcame imañhi dhammadvayanti kusalesu dhammesu asantuṭṭhitā, padhānasmiṃ anosakkanasaṅkhātaṃ dhammadvayaṃ. Imināti ‘‘asantuṭṭhitā kusalesu dhammesū’’ti vacanena. Imaṃ dīpetīti ‘‘yāva so uppajjati, na tāvāhaṃ santuṭṭho ahosi’’nti etaṃ pariyantaṃ katvā vakkhamānatthaṃ dīpeti. Padhānasminti vīriyārambhe. Imamatthanti ‘‘padhānasmiñcā’’tiādinā vuttamatthaṃ. Vīriyappavāhe vattamāne antarā eva paṭigamanaṃ nivattanaṃ paṭivānaṃ, tadassa atthīti paṭivānī, na paṭivānī appaṭivānī, tassa bhāvo appaṭivānitā, anosakkanāti āha ‘‘appaṭivānitāti appaṭikkamanā anosakkanā’’ti. Tattha anosakkanāti appaṭinivatti.
ਆਗਮਨੀਯਪਟਿਪਦਾਤਿ ਸਮਥવਿਪਸ੍ਸਨਾਸਙ੍ਖਾਤਾ ਪੁਬ੍ਬਭਾਗਪਟਿਪਤ੍ਤਿ। ਸਾ ਹਿ ਆਗਚ੍ਛਨ੍ਤਿ વਿਸੇਸਮਧਿਗਚ੍ਛਨ੍ਤਿ ਏਤਾਯ, ਆਗਚ੍ਛਤਿ વਾ વਿਸੇਸਾਧਿਗਮੋ ਏਤਾਯਾਤਿ ਆਗਮਨੀਯਾ, ਸਾ ਏવ ਪਟਿਪਜ੍ਜਿਤਬ੍ਬਤੋ ਪਟਿਪਦਾਤਿ ਆਗਮਨੀਯਪਟਿਪਦਾ। ਅਪ੍ਪਟਿવਾਨਪਧਾਨਨ੍ਤਿ ਓਸਕ੍ਕਨਾਰਹਿਤਪ੍ਪਧਾਨਂ, ਅਨ੍ਤਰਾ ਅਨੋਸਕ੍ਕਿਤ੍વਾ ਕਤવੀਰਿਯਨ੍ਤਿ ਅਤ੍ਥੋ।
Āgamanīyapaṭipadāti samathavipassanāsaṅkhātā pubbabhāgapaṭipatti. Sā hi āgacchanti visesamadhigacchanti etāya, āgacchati vā visesādhigamo etāyāti āgamanīyā, sā eva paṭipajjitabbato paṭipadāti āgamanīyapaṭipadā. Appaṭivānapadhānanti osakkanārahitappadhānaṃ, antarā anosakkitvā katavīriyanti attho.
ਉਪਞ੍ਞਾਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Upaññātasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੫. ਉਪਞ੍ਞਾਤਸੁਤ੍ਤਂ • 5. Upaññātasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੫. ਉਪਞ੍ਞਾਤਸੁਤ੍ਤવਣ੍ਣਨਾ • 5. Upaññātasuttavaṇṇanā
