| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
৫. উপপরিক্খসুত্তং
5. Upaparikkhasuttaṃ
৯৪. ৰুত্তঞ্হেতং ভগৰতা, ৰুত্তমরহতাতি মে সুতং –
94. Vuttañhetaṃ bhagavatā, vuttamarahatāti me sutaṃ –
‘‘তথা তথা, ভিক্খৰে, ভিক্খু উপপরিক্খেয্য যথা যথাস্স 1 উপপরিক্খতো বহিদ্ধা চস্স ৰিঞ্ঞাণং অৰিক্খিত্তং অৰিসটং অজ্ঝত্তং অসণ্ঠিতং অনুপাদায ন পরিতস্সেয্য। বহিদ্ধা, ভিক্খৰে, ৰিঞ্ঞাণে অৰিক্খিত্তে অৰিসটে সতি অজ্ঝত্তং অসণ্ঠিতে অনুপাদায অপরিতস্সতো আযতিং জাতিজরামরণদুক্খসমুদযসম্ভৰো ন হোতী’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Tathā tathā, bhikkhave, bhikkhu upaparikkheyya yathā yathāssa 2 upaparikkhato bahiddhā cassa viññāṇaṃ avikkhittaṃ avisaṭaṃ ajjhattaṃ asaṇṭhitaṃ anupādāya na paritasseyya. Bahiddhā, bhikkhave, viññāṇe avikkhitte avisaṭe sati ajjhattaṃ asaṇṭhite anupādāya aparitassato āyatiṃ jātijarāmaraṇadukkhasamudayasambhavo na hotī’’ti. Etamatthaṃ bhagavā avoca. Tatthetaṃ iti vuccati –
‘‘সত্তসঙ্গপ্পহীনস্স, নেত্তিচ্ছিন্নস্স ভিক্খুনো।
‘‘Sattasaṅgappahīnassa, netticchinnassa bhikkhuno;
ৰিক্খীণো জাতিসংসারো, নত্থি তস্স পুনব্ভৰো’’তি॥
Vikkhīṇo jātisaṃsāro, natthi tassa punabbhavo’’ti.
অযম্পি অত্থো ৰুত্তো ভগৰতা, ইতি মে সুতন্তি। পঞ্চমং।
Ayampi attho vutto bhagavatā, iti me sutanti. Pañcamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ৫. উপপরিক্খসুত্তৰণ্ণনা • 5. Upaparikkhasuttavaṇṇanā
