| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
২. উপপত্তিকথাৰণ্ণনা
2. Upapattikathāvaṇṇanā
৩৮৮. ইদানি উপপত্তিকথা নাম হোতি। তত্থ যেসং ‘‘ওপপাতিকো হোতি তত্থপরিনিব্বাযী’’তিৰচনানি (পু॰ প॰ ৩৫-৪০) অযোনিসো গহেত্ৰা সুদ্ধাৰাসেসু উপপত্তিযা অরহাতি লদ্ধি, ‘‘যেসং ৰা উপহচ্চপরিনিব্বাযী’’তি পদং পরিৰত্তিত্ৰা ‘‘উপপজ্জপরিনিব্বাযী’’তি পরিযাপুণন্তানং সহ উপপত্তিযা অরহা হোতীতি লদ্ধি, সেয্যথাপি এতরহি উত্তরাপথকানং; তে সন্ধায পুচ্ছা সকৰাদিস্স, পটিঞ্ঞা ইতরস্স। তত্থ যস্মা উপপত্তিচিত্তং নাম লোকিযং, তেন সোতাপন্নাদযোপি ন হোন্তি, পগেৰ অরহা। তস্মাস্স ইমং নযং দস্সেতুং সহ উপপত্তিযা সোতাপন্নোতিআদি আরদ্ধং।
388. Idāni upapattikathā nāma hoti. Tattha yesaṃ ‘‘opapātiko hoti tatthaparinibbāyī’’tivacanāni (pu. pa. 35-40) ayoniso gahetvā suddhāvāsesu upapattiyā arahāti laddhi, ‘‘yesaṃ vā upahaccaparinibbāyī’’ti padaṃ parivattitvā ‘‘upapajjaparinibbāyī’’ti pariyāpuṇantānaṃ saha upapattiyā arahā hotīti laddhi, seyyathāpi etarahi uttarāpathakānaṃ; te sandhāya pucchā sakavādissa, paṭiññā itarassa. Tattha yasmā upapatticittaṃ nāma lokiyaṃ, tena sotāpannādayopi na honti, pageva arahā. Tasmāssa imaṃ nayaṃ dassetuṃ saha upapattiyā sotāpannotiādi āraddhaṃ.
৩৮৯. সারিপুত্তোতিআদি ইমেসু মহাথেরেসু কো একোপি সহ উপপত্তিযা অরহা নামাতি চোদনত্থং ৰুত্তং।
389. Sāriputtotiādi imesu mahātheresu ko ekopi saha upapattiyā arahā nāmāti codanatthaṃ vuttaṃ.
৩৯০. উপপত্তেসিযেনাতি পটিসন্ধিচিত্তেন। তঞ্হি উপপত্তিং এসতি গৰেসতি, তস্মা উপপত্তেসিযন্তি ৰুচ্চতি। সেসমেত্থ উত্তানত্থমেৰাতি।
390. Upapattesiyenāti paṭisandhicittena. Tañhi upapattiṃ esati gavesati, tasmā upapattesiyanti vuccati. Sesamettha uttānatthamevāti.
উপপত্তিকথাৰণ্ণনা।
Upapattikathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (৩৪) ২. উপপত্তিকথা • (34) 2. Upapattikathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ২. উপপত্তিকথাৰণ্ণনা • 2. Upapattikathāvaṇṇanā
