| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೨. ಉಪಪತ್ತಿಕಥಾವಣ್ಣನಾ
2. Upapattikathāvaṇṇanā
೩೮೮. ಇದಾನಿ ಉಪಪತ್ತಿಕಥಾ ನಾಮ ಹೋತಿ। ತತ್ಥ ಯೇಸಂ ‘‘ಓಪಪಾತಿಕೋ ಹೋತಿ ತತ್ಥಪರಿನಿಬ್ಬಾಯೀ’’ತಿವಚನಾನಿ (ಪು॰ ಪ॰ ೩೫-೪೦) ಅಯೋನಿಸೋ ಗಹೇತ್ವಾ ಸುದ್ಧಾವಾಸೇಸು ಉಪಪತ್ತಿಯಾ ಅರಹಾತಿ ಲದ್ಧಿ, ‘‘ಯೇಸಂ ವಾ ಉಪಹಚ್ಚಪರಿನಿಬ್ಬಾಯೀ’’ತಿ ಪದಂ ಪರಿವತ್ತಿತ್ವಾ ‘‘ಉಪಪಜ್ಜಪರಿನಿಬ್ಬಾಯೀ’’ತಿ ಪರಿಯಾಪುಣನ್ತಾನಂ ಸಹ ಉಪಪತ್ತಿಯಾ ಅರಹಾ ಹೋತೀತಿ ಲದ್ಧಿ, ಸೇಯ್ಯಥಾಪಿ ಏತರಹಿ ಉತ್ತರಾಪಥಕಾನಂ; ತೇ ಸನ್ಧಾಯ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ। ತತ್ಥ ಯಸ್ಮಾ ಉಪಪತ್ತಿಚಿತ್ತಂ ನಾಮ ಲೋಕಿಯಂ, ತೇನ ಸೋತಾಪನ್ನಾದಯೋಪಿ ನ ಹೋನ್ತಿ, ಪಗೇವ ಅರಹಾ। ತಸ್ಮಾಸ್ಸ ಇಮಂ ನಯಂ ದಸ್ಸೇತುಂ ಸಹ ಉಪಪತ್ತಿಯಾ ಸೋತಾಪನ್ನೋತಿಆದಿ ಆರದ್ಧಂ।
388. Idāni upapattikathā nāma hoti. Tattha yesaṃ ‘‘opapātiko hoti tatthaparinibbāyī’’tivacanāni (pu. pa. 35-40) ayoniso gahetvā suddhāvāsesu upapattiyā arahāti laddhi, ‘‘yesaṃ vā upahaccaparinibbāyī’’ti padaṃ parivattitvā ‘‘upapajjaparinibbāyī’’ti pariyāpuṇantānaṃ saha upapattiyā arahā hotīti laddhi, seyyathāpi etarahi uttarāpathakānaṃ; te sandhāya pucchā sakavādissa, paṭiññā itarassa. Tattha yasmā upapatticittaṃ nāma lokiyaṃ, tena sotāpannādayopi na honti, pageva arahā. Tasmāssa imaṃ nayaṃ dassetuṃ saha upapattiyā sotāpannotiādi āraddhaṃ.
೩೮೯. ಸಾರಿಪುತ್ತೋತಿಆದಿ ಇಮೇಸು ಮಹಾಥೇರೇಸು ಕೋ ಏಕೋಪಿ ಸಹ ಉಪಪತ್ತಿಯಾ ಅರಹಾ ನಾಮಾತಿ ಚೋದನತ್ಥಂ ವುತ್ತಂ।
389. Sāriputtotiādi imesu mahātheresu ko ekopi saha upapattiyā arahā nāmāti codanatthaṃ vuttaṃ.
೩೯೦. ಉಪಪತ್ತೇಸಿಯೇನಾತಿ ಪಟಿಸನ್ಧಿಚಿತ್ತೇನ। ತಞ್ಹಿ ಉಪಪತ್ತಿಂ ಏಸತಿ ಗವೇಸತಿ, ತಸ್ಮಾ ಉಪಪತ್ತೇಸಿಯನ್ತಿ ವುಚ್ಚತಿ। ಸೇಸಮೇತ್ಥ ಉತ್ತಾನತ್ಥಮೇವಾತಿ।
390. Upapattesiyenāti paṭisandhicittena. Tañhi upapattiṃ esati gavesati, tasmā upapattesiyanti vuccati. Sesamettha uttānatthamevāti.
ಉಪಪತ್ತಿಕಥಾವಣ್ಣನಾ।
Upapattikathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೩೪) ೨. ಉಪಪತ್ತಿಕಥಾ • (34) 2. Upapattikathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೨. ಉಪಪತ್ತಿಕಥಾವಣ್ಣನಾ • 2. Upapattikathāvaṇṇanā
