| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੨. ਉਪਪਤ੍ਤਿਕਥਾવਣ੍ਣਨਾ
2. Upapattikathāvaṇṇanā
੩੮੮. ਇਦਾਨਿ ਉਪਪਤ੍ਤਿਕਥਾ ਨਾਮ ਹੋਤਿ। ਤਤ੍ਥ ਯੇਸਂ ‘‘ਓਪਪਾਤਿਕੋ ਹੋਤਿ ਤਤ੍ਥਪਰਿਨਿਬ੍ਬਾਯੀ’’ਤਿવਚਨਾਨਿ (ਪੁ॰ ਪ॰ ੩੫-੪੦) ਅਯੋਨਿਸੋ ਗਹੇਤ੍વਾ ਸੁਦ੍ਧਾવਾਸੇਸੁ ਉਪਪਤ੍ਤਿਯਾ ਅਰਹਾਤਿ ਲਦ੍ਧਿ, ‘‘ਯੇਸਂ વਾ ਉਪਹਚ੍ਚਪਰਿਨਿਬ੍ਬਾਯੀ’’ਤਿ ਪਦਂ ਪਰਿવਤ੍ਤਿਤ੍વਾ ‘‘ਉਪਪਜ੍ਜਪਰਿਨਿਬ੍ਬਾਯੀ’’ਤਿ ਪਰਿਯਾਪੁਣਨ੍ਤਾਨਂ ਸਹ ਉਪਪਤ੍ਤਿਯਾ ਅਰਹਾ ਹੋਤੀਤਿ ਲਦ੍ਧਿ, ਸੇਯ੍ਯਥਾਪਿ ਏਤਰਹਿ ਉਤ੍ਤਰਾਪਥਕਾਨਂ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਤਤ੍ਥ ਯਸ੍ਮਾ ਉਪਪਤ੍ਤਿਚਿਤ੍ਤਂ ਨਾਮ ਲੋਕਿਯਂ, ਤੇਨ ਸੋਤਾਪਨ੍ਨਾਦਯੋਪਿ ਨ ਹੋਨ੍ਤਿ, ਪਗੇવ ਅਰਹਾ। ਤਸ੍ਮਾਸ੍ਸ ਇਮਂ ਨਯਂ ਦਸ੍ਸੇਤੁਂ ਸਹ ਉਪਪਤ੍ਤਿਯਾ ਸੋਤਾਪਨ੍ਨੋਤਿਆਦਿ ਆਰਦ੍ਧਂ।
388. Idāni upapattikathā nāma hoti. Tattha yesaṃ ‘‘opapātiko hoti tatthaparinibbāyī’’tivacanāni (pu. pa. 35-40) ayoniso gahetvā suddhāvāsesu upapattiyā arahāti laddhi, ‘‘yesaṃ vā upahaccaparinibbāyī’’ti padaṃ parivattitvā ‘‘upapajjaparinibbāyī’’ti pariyāpuṇantānaṃ saha upapattiyā arahā hotīti laddhi, seyyathāpi etarahi uttarāpathakānaṃ; te sandhāya pucchā sakavādissa, paṭiññā itarassa. Tattha yasmā upapatticittaṃ nāma lokiyaṃ, tena sotāpannādayopi na honti, pageva arahā. Tasmāssa imaṃ nayaṃ dassetuṃ saha upapattiyā sotāpannotiādi āraddhaṃ.
੩੮੯. ਸਾਰਿਪੁਤ੍ਤੋਤਿਆਦਿ ਇਮੇਸੁ ਮਹਾਥੇਰੇਸੁ ਕੋ ਏਕੋਪਿ ਸਹ ਉਪਪਤ੍ਤਿਯਾ ਅਰਹਾ ਨਾਮਾਤਿ ਚੋਦਨਤ੍ਥਂ વੁਤ੍ਤਂ।
389. Sāriputtotiādi imesu mahātheresu ko ekopi saha upapattiyā arahā nāmāti codanatthaṃ vuttaṃ.
੩੯੦. ਉਪਪਤ੍ਤੇਸਿਯੇਨਾਤਿ ਪਟਿਸਨ੍ਧਿਚਿਤ੍ਤੇਨ। ਤਞ੍ਹਿ ਉਪਪਤ੍ਤਿਂ ਏਸਤਿ ਗવੇਸਤਿ, ਤਸ੍ਮਾ ਉਪਪਤ੍ਤੇਸਿਯਨ੍ਤਿ વੁਚ੍ਚਤਿ। ਸੇਸਮੇਤ੍ਥ ਉਤ੍ਤਾਨਤ੍ਥਮੇવਾਤਿ।
390. Upapattesiyenāti paṭisandhicittena. Tañhi upapattiṃ esati gavesati, tasmā upapattesiyanti vuccati. Sesamettha uttānatthamevāti.
ਉਪਪਤ੍ਤਿਕਥਾવਣ੍ਣਨਾ।
Upapattikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੩੪) ੨. ਉਪਪਤ੍ਤਿਕਥਾ • (34) 2. Upapattikathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੨. ਉਪਪਤ੍ਤਿਕਥਾવਣ੍ਣਨਾ • 2. Upapattikathāvaṇṇanā
