| Library / Tipiṭaka / திபிடக • Tipiṭaka / மிலிந்த³பஞ்ஹபாளி • Milindapañhapāḷi |
உபாஸககு³ணங்
Upāsakaguṇaṃ
தே²ரோ ‘‘ஸாதூ⁴’’தி ஸம்படிச்சி²த்வா த³ஸ உபாஸகஸ்ஸ உபாஸககு³ணே பரிதீ³பேஸி. ‘‘த³ஸ இமே, மஹாராஜ, உபாஸகஸ்ஸ உபாஸககு³ணா. கதமே த³ஸ , இத⁴, மஹாராஜ, உபாஸகோ ஸங்கே⁴ன ஸமானஸுக²து³க்கோ² ஹோதி, த⁴ம்மாதி⁴பதெய்யோ ஹோதி, யதா²ப³லங் ஸங்விபா⁴க³ரதோ ஹோதி, ஜினஸாஸனபரிஹானிங் தி³ஸ்வா அபி⁴வட்³டி⁴யா வாயமதி. ஸம்மாதி³ட்டி²கோ ஹோதி, அபக³தகோதூஹலமங்க³லிகோ ஜீவிதஹேதுபி ந அஞ்ஞங் ஸத்தா²ரங் உத்³தி³ஸதி, காயிகவாசஸிகஞ்சஸ்ஸ ரக்கி²தங் ஹோதி, ஸமக்³கா³ராமோ ஹோதி ஸமக்³க³ரதோ, அனுஸூயகோ ஹோதி, ந ச குஹனவஸேன ஸாஸனே சரதி, பு³த்³த⁴ங் ஸரணங் க³தோ ஹோதி, த⁴ம்மங் ஸரணங் க³தோ ஹோதி, ஸங்க⁴ங் ஸரணங் க³தோ ஹோதி. இமே கோ², மஹாராஜ, த³ஸ உபாஸகஸ்ஸ உபாஸககு³ணா, தே ஸப்³பே³ கு³ணா தயி ஸங்விஜ்ஜந்தி, தங் தே யுத்தங் பத்தங் அனுச்ச²விகங் பதிரூபங் யங் த்வங் ஜினஸாஸனபரிஹானிங் தி³ஸ்வா அபி⁴வட்³டி⁴ங் இச்ச²ஸி, கரோமி தே ஓகாஸங், புச்ச² மங் த்வங் யதா²ஸுக²’’ந்தி.
Thero ‘‘sādhū’’ti sampaṭicchitvā dasa upāsakassa upāsakaguṇe paridīpesi. ‘‘Dasa ime, mahārāja, upāsakassa upāsakaguṇā. Katame dasa , idha, mahārāja, upāsako saṅghena samānasukhadukkho hoti, dhammādhipateyyo hoti, yathābalaṃ saṃvibhāgarato hoti, jinasāsanaparihāniṃ disvā abhivaḍḍhiyā vāyamati. Sammādiṭṭhiko hoti, apagatakotūhalamaṅgaliko jīvitahetupi na aññaṃ satthāraṃ uddisati, kāyikavācasikañcassa rakkhitaṃ hoti, samaggārāmo hoti samaggarato, anusūyako hoti, na ca kuhanavasena sāsane carati, buddhaṃ saraṇaṃ gato hoti, dhammaṃ saraṇaṃ gato hoti, saṅghaṃ saraṇaṃ gato hoti. Ime kho, mahārāja, dasa upāsakassa upāsakaguṇā, te sabbe guṇā tayi saṃvijjanti, taṃ te yuttaṃ pattaṃ anucchavikaṃ patirūpaṃ yaṃ tvaṃ jinasāsanaparihāniṃ disvā abhivaḍḍhiṃ icchasi, karomi te okāsaṃ, puccha maṃ tvaṃ yathāsukha’’nti.
மெண்ட³கபஞ்ஹாரம்ப⁴கதா² நிட்டி²தா.
Meṇḍakapañhārambhakathā niṭṭhitā.
