| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
убаасагаг̇ун̣ам̣
Upāsakaguṇaṃ
т̇зро ‘‘саад̇хуу’’д̇и самбадижчид̇ваа д̣̇аса убаасагасса убаасагаг̇ун̣з барид̣̇ийбзси. ‘‘д̣̇аса имз, махаарааж̇а, убаасагасса убаасагаг̇ун̣аа. гад̇амз д̣̇аса , ид̇ха, махаарааж̇а, убаасаго сан̇гхзна самаанасукад̣̇угко ход̇и, д̇хаммаад̇хибад̇зяяо ход̇и, яат̇ааб̣алам̣ сам̣вибхааг̇арад̇о ход̇и, ж̇инасаасанабарихааним̣ д̣̇исваа абхивад̣дхияаа вааяамад̇и. саммаад̣̇идтиго ход̇и, абаг̇ад̇агод̇уухаламан̇г̇алиго ж̇ийвид̇ахзд̇уби на ан̃н̃ам̣ сад̇т̇аарам̣ уд̣̇д̣̇исад̇и, гааяигаваажасиган̃жасса рагкид̇ам̣ ход̇и, самаг̇г̇аараамо ход̇и самаг̇г̇арад̇о, анусууяаго ход̇и, на жа гуханавасзна саасанз жарад̇и, б̣уд̣̇д̇хам̣ саран̣ам̣ г̇ад̇о ход̇и, д̇хаммам̣ саран̣ам̣ г̇ад̇о ход̇и, сан̇гхам̣ саран̣ам̣ г̇ад̇о ход̇и. имз ко, махаарааж̇а, д̣̇аса убаасагасса убаасагаг̇ун̣аа, д̇з саб̣б̣з г̇ун̣аа д̇аяи сам̣виж̇ж̇анд̇и, д̇ам̣ д̇з яуд̇д̇ам̣ бад̇д̇ам̣ анужчавигам̣ бад̇ируубам̣ яам̣ д̇вам̣ ж̇инасаасанабарихааним̣ д̣̇исваа абхивад̣дхим̣ ижчаси, гароми д̇з огаасам̣, бужча мам̣ д̇вам̣ яат̇аасука’’нд̇и.
Thero ‘‘sādhū’’ti sampaṭicchitvā dasa upāsakassa upāsakaguṇe paridīpesi. ‘‘Dasa ime, mahārāja, upāsakassa upāsakaguṇā. Katame dasa , idha, mahārāja, upāsako saṅghena samānasukhadukkho hoti, dhammādhipateyyo hoti, yathābalaṃ saṃvibhāgarato hoti, jinasāsanaparihāniṃ disvā abhivaḍḍhiyā vāyamati. Sammādiṭṭhiko hoti, apagatakotūhalamaṅgaliko jīvitahetupi na aññaṃ satthāraṃ uddisati, kāyikavācasikañcassa rakkhitaṃ hoti, samaggārāmo hoti samaggarato, anusūyako hoti, na ca kuhanavasena sāsane carati, buddhaṃ saraṇaṃ gato hoti, dhammaṃ saraṇaṃ gato hoti, saṅghaṃ saraṇaṃ gato hoti. Ime kho, mahārāja, dasa upāsakassa upāsakaguṇā, te sabbe guṇā tayi saṃvijjanti, taṃ te yuttaṃ pattaṃ anucchavikaṃ patirūpaṃ yaṃ tvaṃ jinasāsanaparihāniṃ disvā abhivaḍḍhiṃ icchasi, karomi te okāsaṃ, puccha maṃ tvaṃ yathāsukha’’nti.
мзн̣д̣агабан̃хаарамбхагат̇аа нидтид̇аа.
Meṇḍakapañhārambhakathā niṭṭhitā.
