| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
5. убаасагасуд̇д̇аван̣н̣анаа
5. Upāsakasuttavaṇṇanā
15. бан̃жамз ижчаанан̇г̇алагод̇и ижчаанан̇г̇аланаамаго госалзсу зго б̣раахман̣аг̇аамо, д̇ам̣ниваасид̇ааяа д̇ад̇т̇а ваа ж̇аад̇о бхавод̇и ваа ижчаанан̇г̇алаго. убаасагод̇и д̇ийхи саран̣аг̇аманзхи бхаг̇авад̇о санд̇игз убаасагабхаавасса бавзд̣̇ид̇ад̇д̇аа убаасаго бан̃жасигкаабад̣̇иго б̣уд̣̇д̇хамаамаго, д̇хаммамаамаго, сан̇гхамаамаго. гзнажид̣̇зва гаран̣ийязнаад̇и уд̣̇д̇хаарасод̇хаабанаад̣̇инаа гзнажид̣̇зва гад̇д̇аб̣б̣зна. д̇ийрзд̇ваад̇и нидтаабзд̇ваа. аяам̣ гира убаасаго буб̣б̣з абхин̣хам̣ бхаг̇аванд̇ам̣ убасан̇гамид̇ваа баяирубаасад̇и, со гад̇ибаяам̣ гаалам̣ б̣ахугаран̣ийяад̇ааяа сад̇т̇у д̣̇ассанам̣ наабхисамбхоси. д̇знааха бхаг̇аваа – ‘‘жирассам̣ ко д̇вам̣, убаасага, имам̣ барияааяамагааси, яад̣̇ид̣̇ам̣ ид̇хааг̇аманааяаа’’д̇и.
15. Pañcame icchānaṅgalakoti icchānaṅgalanāmako kosalesu eko brāhmaṇagāmo, taṃnivāsitāya tattha vā jāto bhavoti vā icchānaṅgalako. Upāsakoti tīhi saraṇagamanehi bhagavato santike upāsakabhāvassa paveditattā upāsako pañcasikkhāpadiko buddhamāmako, dhammamāmako, saṅghamāmako. Kenacideva karaṇīyenāti uddhārasodhāpanādinā kenacideva kattabbena. Tīretvāti niṭṭhāpetvā. Ayaṃ kira upāsako pubbe abhiṇhaṃ bhagavantaṃ upasaṅkamitvā payirupāsati, so katipayaṃ kālaṃ bahukaraṇīyatāya satthu dassanaṃ nābhisambhosi. Tenāha bhagavā – ‘‘cirassaṃ kho tvaṃ, upāsaka, imaṃ pariyāyamakāsi, yadidaṃ idhāgamanāyā’’ti.
д̇ад̇т̇а жирассанд̇и жирзна. барияааяанд̇и ваарам̣. яад̣̇ид̣̇анд̇и нибаад̇о, яо аяанд̇и ад̇т̇о. ид̣̇ам̣ вуд̇д̇ам̣ ход̇и – ид̇ха мама санд̇игз ааг̇аманааяа яо аяам̣ аж̇ж̇а гад̇о вааро, д̇ам̣ имам̣ жирзна бабан̃жам̣ гад̇ваа агаасийд̇и. жирабадигааханд̇и жирабадиго ахам̣, жирагаалад̇о бадтааяа ахам̣ убасан̇гамид̇угаамод̇и самб̣анд̇хо. гзхижи гзхижийд̇и згажжзхи згажжзхи. ат̇а ваа гзхижи гзхижийд̇и язхи ваа д̇зхи ваа. д̇ад̇т̇а г̇ааравам̣ д̣̇ассзд̇и. сад̇т̇ари абхиббасаннасса хи сад̇т̇уд̣̇ассанад̇хаммассаванзсу вияа на ан̃н̃ад̇т̇а аад̣̇аро ход̇и. гижжагаран̣ийязхийд̇и зд̇т̇а авассам̣ гаад̇аб̣б̣ам̣ гижжам̣, ид̇арам̣ гаран̣ийяам̣. батамам̣ ваа гаад̇аб̣б̣ам̣ гижжам̣, бажчаа гаад̇аб̣б̣ам̣ гаран̣ийяам̣. куд̣̇д̣̇агам̣ ваа гижжам̣, маханд̇ам̣ гаран̣ийяам̣. б̣яаавадод̇и уссугго. звааханд̇и звам̣ иминаа багаарзна ахам̣ наасагким̣ убасан̇гамид̇ум̣, на аг̇аараваад̣̇инаад̇и ад̇хиббааяо.
Tattha cirassanti cirena. Pariyāyanti vāraṃ. Yadidanti nipāto, yo ayanti attho. Idaṃ vuttaṃ hoti – idha mama santike āgamanāya yo ayaṃ ajja kato vāro, taṃ imaṃ cirena papañcaṃ katvā akāsīti. Cirapaṭikāhanti cirapaṭiko ahaṃ, cirakālato paṭṭhāya ahaṃ upasaṅkamitukāmoti sambandho. Kehici kehicīti ekaccehi ekaccehi. Atha vā kehici kehicīti yehi vā tehi vā. Tattha gāravaṃ dasseti. Satthari abhippasannassa hi satthudassanadhammassavanesu viya na aññattha ādaro hoti. Kiccakaraṇīyehīti ettha avassaṃ kātabbaṃ kiccaṃ, itaraṃ karaṇīyaṃ. Paṭhamaṃ vā kātabbaṃ kiccaṃ, pacchā kātabbaṃ karaṇīyaṃ. Khuddakaṃ vā kiccaṃ, mahantaṃ karaṇīyaṃ. Byāvaṭoti ussukko. Evāhanti evaṃ iminā pakārena ahaṃ nāsakkhiṃ upasaṅkamituṃ, na agāravādināti adhippāyo.
зд̇амад̇т̇ам̣ вид̣̇ид̇ваад̇и д̣̇уллабхз б̣уд̣̇д̇хуббаад̣̇з мануссад̇д̇алаабхз жа сад̇д̇аанам̣ сагин̃жанабхаавзна гижжабасуд̇ад̇ааяа гусаланд̇арааяо ход̇и, на агин̃жанассаад̇и зд̇амад̇т̇ам̣ саб̣б̣аагаарад̇о вид̣̇ид̇ваа. имам̣ уд̣̇аананд̇и д̇ад̣̇ад̇т̇абарид̣̇ийбанамзва имам̣ уд̣̇аанам̣ уд̣̇аанзси.
Etamatthaṃ viditvāti dullabhe buddhuppāde manussattalābhe ca sattānaṃ sakiñcanabhāvena kiccapasutatāya kusalantarāyo hoti, na akiñcanassāti etamatthaṃ sabbākārato viditvā. Imaṃ udānanti tadatthaparidīpanameva imaṃ udānaṃ udānesi.
д̇ад̇т̇а сукам̣ вад̇а д̇асса на ход̇и гин̃жийд̇и яасса буг̇г̇аласса гин̃жи руубаад̣̇ийсу згавад̇т̇умби ‘‘мамзд̇а’’нд̇и д̇ан̣хааяа бариг̇г̇ахид̇абхаавзна на ход̇и над̇т̇и на виж̇ж̇ад̇и, сукам̣ вад̇а д̇асса буг̇г̇аласса, ахо сукамзваад̇и ад̇т̇о. ‘‘на хосий’’д̇иби баато, д̇асса ад̇ийд̇агаалавасзна ад̇т̇о взд̣̇ид̇аб̣б̣о. гзжи бана на ход̇и гин̃жийд̇и бад̣̇асса ‘‘рааг̇аад̣̇игин̃жанам̣ яасса на ход̇ий’’д̇и ад̇т̇ам̣ ван̣н̣знд̇и, д̇ам̣ на сунд̣̇арам̣ бариг̇г̇ахад̇хаммавасзна д̣̇зсанааяа ааг̇ад̇ад̇д̇аа. рааг̇аад̣̇игин̃жананд̇и бариг̇г̇ахзд̇аб̣б̣ассааби сан̇г̇ахз сад̇и яуд̇д̇амзва вуд̇д̇ам̣ сияаа ат̇а ваа яасса буг̇г̇аласса гин̃жи аббамби гин̃жанам̣ балиб̣од̇хаж̇аад̇ам̣ рааг̇аад̣̇игин̃жанаабхаавад̇о зва на ход̇и, д̇ам̣ д̇асса агин̃жанад̇д̇ам̣ сукасса бажжаяабхаавад̇о сукам̣ вад̇ам̣, ахо суканд̇и ад̇т̇о. гасса бана на ход̇и гин̃жананд̇и жз, ааха ‘‘сан̇каад̇ад̇хаммасса б̣ахуссуд̇ассаа’’д̇и. яо жад̇уухиби маг̇г̇асан̇каахи сол̣асагижжанибпад̇д̇ияаа сан̇каад̇ад̇хаммо гад̇агижжо, д̇ад̇о зва бадивзд̇хаб̣аахусажжзна б̣ахуссуд̇о, д̇асса.
Tattha sukhaṃ vata tassa na hoti kiñcīti yassa puggalassa kiñci rūpādīsu ekavatthumpi ‘‘mameta’’nti taṇhāya pariggahitabhāvena na hoti natthi na vijjati, sukhaṃ vata tassa puggalassa, aho sukhamevāti attho. ‘‘Na hosī’’tipi pāṭho, tassa atītakālavasena attho veditabbo. Keci pana na hoti kiñcīti padassa ‘‘rāgādikiñcanaṃ yassa na hotī’’ti atthaṃ vaṇṇenti, taṃ na sundaraṃ pariggahadhammavasena desanāya āgatattā. Rāgādikiñcananti pariggahetabbassāpi saṅgahe sati yuttameva vuttaṃ siyā atha vā yassa puggalassa kiñci appampi kiñcanaṃ palibodhajātaṃ rāgādikiñcanābhāvato eva na hoti, taṃ tassa akiñcanattaṃ sukhassa paccayabhāvato sukhaṃ vataṃ, aho sukhanti attho. Kassa pana na hoti kiñcananti ce, āha ‘‘saṅkhātadhammassa bahussutassā’’ti. Yo catūhipi maggasaṅkhāhi soḷasakiccanipphattiyā saṅkhātadhammo katakicco, tato eva paṭivedhabāhusaccena bahussuto, tassa.
ид̇и бхаг̇аваа агин̃жанабхаавз аанисам̣сам̣ д̣̇ассзд̇ваа сагин̃жанабхаавз аад̣̇ийнавам̣ д̣̇ассзд̇ум̣ ‘‘сагин̃жанам̣ бассаа’’д̇иаад̣̇имааха. д̇ассад̇т̇о – рааг̇аад̣̇игин̃жанаанам̣ аамисагин̃жанаанан̃жа ад̇т̇ид̇ааяа сагин̃жанам̣, сагин̃жанад̇д̇аа зва алад̣̇д̇хаанан̃жа лад̣̇д̇хаанан̃жа гаамаанам̣ бариязсанаарагкан̣ахзд̇у гижжагаран̣ийяавасзна ‘‘ахам̣ мамаа’’д̇и г̇ахан̣авасзна жа вихан̃н̃амаанам̣ вигхаад̇ам̣ аабаж̇ж̇амаанам̣ бассаад̇и д̇хаммасам̣взг̇аббад̇д̇о сад̇т̇аа ад̇д̇ано жид̇д̇ам̣ вад̣̇ад̇и. ж̇ано ж̇анасмим̣ бадиб̣анд̇харуубод̇и саяам̣ ан̃н̃о ж̇ано самаано ан̃н̃асмим̣ ж̇анз ‘‘ахам̣ имасса, мама аяа’’нд̇и д̇ан̣хаавасзна бадиб̣анд̇хасабхааво худ̇ваа вихан̃н̃ад̇и вигхаад̇ам̣ аабаж̇ж̇ад̇и. ‘‘бадиб̣ад̣̇д̇хажид̇д̇о’’д̇иби баато. аяан̃жа ад̇т̇о –
Iti bhagavā akiñcanabhāve ānisaṃsaṃ dassetvā sakiñcanabhāve ādīnavaṃ dassetuṃ ‘‘sakiñcanaṃ passā’’tiādimāha. Tassattho – rāgādikiñcanānaṃ āmisakiñcanānañca atthitāya sakiñcanaṃ, sakiñcanattā eva aladdhānañca laddhānañca kāmānaṃ pariyesanārakkhaṇahetu kiccakaraṇīyavasena ‘‘ahaṃ mamā’’ti gahaṇavasena ca vihaññamānaṃ vighātaṃ āpajjamānaṃ passāti dhammasaṃvegappatto satthā attano cittaṃ vadati. Jano janasmiṃ paṭibandharūpoti sayaṃ añño jano samāno aññasmiṃ jane ‘‘ahaṃ imassa, mama aya’’nti taṇhāvasena paṭibandhasabhāvo hutvā vihaññati vighātaṃ āpajjati. ‘‘Paṭibaddhacitto’’tipi pāṭho. Ayañca attho –
‘‘буд̇д̇аа мад̇т̇и д̇ханаммад̇т̇и, ид̇и б̣аало вихан̃н̃ад̇и;
‘‘Puttā matthi dhanammatthi, iti bālo vihaññati;
ад̇д̇аа хи ад̇д̇ано над̇т̇и, гуд̇о буд̇д̇аа гуд̇о д̇хана’’нд̇и. (д̇ха. ба. 62) –
Attā hi attano natthi, kuto puttā kuto dhana’’nti. (dha. pa. 62) –
аад̣̇ийхи суд̇д̇абад̣̇зхи д̣̇ийбзд̇аб̣б̣од̇и.
Ādīhi suttapadehi dīpetabboti.
бан̃жамасуд̇д̇аван̣н̣анаа нидтид̇аа.
Pañcamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 5. убаасагасуд̇д̇ам̣ • 5. Upāsakasuttaṃ
