| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
убаасагад̇д̇абадивзд̣̇анаагат̇аа
Upāsakattapaṭivedanākathā
убаасагам̣ мам̣ бхавам̣ г̇од̇амо д̇хаарзд̇ууд̇и мам̣ бхавам̣ г̇од̇амо ‘‘убаасаго аяа’’нд̇и звам̣ д̇хаарзд̇ууд̇и ад̇т̇о. убаасагавид̇хигосаллад̇т̇ам̣ банзд̇т̇а го убаасаго, гасмаа убаасагод̇и вужжад̇и, гимасса сийлам̣, го ааж̇ийво, гаа вибад̇д̇и, гаа самбад̇д̇ийд̇и ид̣̇ам̣ багин̣н̣агам̣ взд̣̇ид̇аб̣б̣ам̣. д̇ам̣ ад̇ибхаарияагаран̣ад̇о ид̇ха на вибхад̇д̇ам̣, ад̇т̇игзхи бана бабан̃жасууд̣̇анияам̣ маж̇жхимадтагат̇ааяам̣ (ма. ни. адта. 1.56) вуд̇д̇анаязнзва взд̣̇ид̇аб̣б̣ам̣. аж̇ж̇ад̇аг̇г̇зд̇и зд̇т̇а аяам̣ аг̇г̇асад̣̇д̣̇о аад̣̇игодигодтаасасздтзсу д̣̇иссад̇и. ‘‘аж̇ж̇ад̇аг̇г̇з, самма д̣̇оваарига, аавараами д̣̇ваарам̣ ниг̇ан̣таанам̣ ниг̇ан̣тийна’’нд̇иаад̣̇ийсу (ма. ни. 2.70) хи аад̣̇имхи д̣̇иссад̇и. ‘‘д̇знзва ан̇г̇улаг̇г̇зна д̇ам̣ ан̇г̇улаг̇г̇ам̣ бараамасзяяа (гат̇аа. 441), ужчаг̇г̇ам̣ взл̣аг̇г̇а’’нд̇иаад̣̇ийсу годияам̣. ‘‘амб̣илаг̇г̇ам̣ ваа мад̇хураг̇г̇ам̣ ваа д̇ид̇д̇агаг̇г̇ам̣ ваа (сам̣. ни. 5.374) ануж̇аанаами, бхигкавз, вихаараг̇г̇зна ваа баривзн̣аг̇г̇зна ваа бхааж̇зд̇у’’нд̇иаад̣̇ийсу (жуул̣ава. 318) годтаасз. ‘‘яаавад̇аа, бхигкавз, сад̇д̇аа абад̣̇аа ваа д̣̇вибад̣̇аа ваа…бз… д̇ат̇ааг̇ад̇о д̇зсам̣ аг̇г̇амагкааяад̇ий’’д̇иаад̣̇ийсу (а. ни. 4.34) сздтз. ид̇ха банааяам̣ аад̣̇имхи д̣̇адтаб̣б̣о. д̇асмаа аж̇ж̇ад̇аг̇г̇зд̇и аж̇ж̇ад̇ам̣ аад̣̇им̣ гад̇ваад̇и звамзд̇т̇а ад̇т̇о взд̣̇ид̇аб̣б̣о. аж̇ж̇ад̇анд̇и аж̇ж̇абхааванд̇и вуд̇д̇ам̣ ход̇и. аж̇ж̇ад̣̇аг̇г̇з ижжзва ваа баато, д̣̇агааро бад̣̇асанд̇хигаро, аж̇ж̇а аг̇г̇ам̣ гад̇ваад̇и вуд̇д̇ам̣ ход̇и. баан̣убзд̇анд̇и баан̣зхи убзд̇ам̣, яаава мз ж̇ийвид̇ам̣ бавад̇д̇ад̇и, д̇аава убзд̇ам̣ анан̃н̃асад̇т̇угам̣ д̇ийхи саран̣аг̇аманзхи саран̣аг̇ад̇ам̣ мам̣ бхавам̣ г̇од̇амо д̇хаарзд̇у ж̇аанаад̇у, ахан̃хи сажзби мз д̇икин̣зна асинаа сийсам̣ чинд̣̇зяяум̣, нзва б̣уд̣̇д̇хам̣ ‘‘на б̣уд̣̇д̇хо’’д̇и ваа, д̇хаммам̣ ‘‘на д̇хаммо’’д̇и ваа, сан̇гхам̣ ‘‘на сан̇гхо’’д̇и ваа вад̣̇зяяанд̇и. зд̇т̇а жа б̣раахман̣о баан̣убзд̇ам̣ саран̣аг̇ад̇анд̇и буна саран̣аг̇аманам̣ вад̣̇анд̇о ад̇д̇асаннияяаад̇анам̣ багаасзд̇ийд̇и взд̣̇ид̇аб̣б̣о.
Upāsakaṃmaṃ bhavaṃ gotamo dhāretūti maṃ bhavaṃ gotamo ‘‘upāsako aya’’nti evaṃ dhāretūti attho. Upāsakavidhikosallatthaṃ panettha ko upāsako, kasmā upāsakoti vuccati, kimassa sīlaṃ, ko ājīvo, kā vipatti, kā sampattīti idaṃ pakiṇṇakaṃ veditabbaṃ. Taṃ atibhāriyakaraṇato idha na vibhattaṃ, atthikehi pana papañcasūdaniyaṃ majjhimaṭṭhakathāyaṃ (ma. ni. aṭṭha. 1.56) vuttanayeneva veditabbaṃ. Ajjataggeti ettha ayaṃ aggasaddo ādikoṭikoṭṭhāsaseṭṭhesu dissati. ‘‘Ajjatagge, samma dovārika, āvarāmi dvāraṃ nigaṇṭhānaṃ nigaṇṭhīna’’ntiādīsu (ma. ni. 2.70) hi ādimhi dissati. ‘‘Teneva aṅgulaggena taṃ aṅgulaggaṃ parāmaseyya (kathā. 441), ucchaggaṃ veḷagga’’ntiādīsu koṭiyaṃ. ‘‘Ambilaggaṃ vā madhuraggaṃ vā tittakaggaṃ vā (saṃ. ni. 5.374) anujānāmi, bhikkhave, vihāraggena vā pariveṇaggena vā bhājetu’’ntiādīsu (cūḷava. 318) koṭṭhāse. ‘‘Yāvatā, bhikkhave, sattā apadā vā dvipadā vā…pe… tathāgato tesaṃ aggamakkhāyatī’’tiādīsu (a. ni. 4.34) seṭṭhe. Idha panāyaṃ ādimhi daṭṭhabbo. Tasmā ajjataggeti ajjataṃ ādiṃ katvāti evamettha attho veditabbo. Ajjatanti ajjabhāvanti vuttaṃ hoti. Ajjadagge icceva vā pāṭho, dakāro padasandhikaro, ajja aggaṃ katvāti vuttaṃ hoti. Pāṇupetanti pāṇehi upetaṃ, yāva me jīvitaṃ pavattati, tāva upetaṃ anaññasatthukaṃ tīhi saraṇagamanehi saraṇagataṃ maṃ bhavaṃ gotamo dhāretu jānātu, ahañhi sacepi me tikhiṇena asinā sīsaṃ chindeyyuṃ, neva buddhaṃ ‘‘na buddho’’ti vā, dhammaṃ ‘‘na dhammo’’ti vā, saṅghaṃ ‘‘na saṅgho’’ti vā vadeyyanti. Ettha ca brāhmaṇo pāṇupetaṃ saraṇagatanti puna saraṇagamanaṃ vadanto attasanniyyātanaṃ pakāsetīti veditabbo.
звам̣ ад̇д̇аанам̣ нияяаад̇зд̇ваа бхаг̇аванд̇ам̣ сабарисам̣ убадтаад̇угаамо ааха – ‘‘ад̇хиваасзд̇у жа мз бхавам̣ г̇од̇амо взран̃ж̇ааяам̣ вассааваасам̣ сад̣̇д̇хим̣ бхигкусан̇гхзнаа’’д̇и. гим̣ вуд̇д̇ам̣ ход̇и – убаасаган̃жа мам̣ бхавам̣ г̇од̇амо д̇хаарзд̇у, ад̇хиваасзд̇у жа мз взран̃ж̇ааяам̣ вассааваасам̣, д̇аяо маасз взран̃ж̇ам̣ убаниссааяа мама ануг̇г̇ахад̇т̇ам̣ ваасам̣ самбадижчад̇ууд̇и. ад̇хиваасзси бхаг̇аваа д̇ун̣хийбхаавзнаад̇и ат̇асса важанам̣ суд̇ваа бхаг̇аваа гааяан̇г̇ам̣ ваа ваажан̇г̇ам̣ ваа ажобзд̇ваа аб̣бханд̇арзязва канд̇им̣ жаарзд̇ваа д̇ун̣хийбхаавзна ад̇хиваасзси; б̣раахман̣асса ануг̇г̇ахад̇т̇ам̣ манасаава самбадижчийд̇и вуд̇д̇ам̣ ход̇и.
Evaṃ attānaṃ niyyātetvā bhagavantaṃ saparisaṃ upaṭṭhātukāmo āha – ‘‘adhivāsetu ca me bhavaṃ gotamo verañjāyaṃ vassāvāsaṃ saddhiṃ bhikkhusaṅghenā’’ti. Kiṃ vuttaṃ hoti – upāsakañca maṃ bhavaṃ gotamo dhāretu, adhivāsetu ca me verañjāyaṃ vassāvāsaṃ, tayo māse verañjaṃ upanissāya mama anuggahatthaṃ vāsaṃ sampaṭicchatūti. Adhivāsesi bhagavā tuṇhībhāvenāti athassa vacanaṃ sutvā bhagavā kāyaṅgaṃ vā vācaṅgaṃ vā acopetvā abbhantareyeva khantiṃ cāretvā tuṇhībhāvena adhivāsesi; brāhmaṇassa anuggahatthaṃ manasāva sampaṭicchīti vuttaṃ hoti.
ат̇а ко взран̃ж̇о б̣раахман̣о бхаг̇авад̇о ад̇хиваасанам̣ вид̣̇ид̇ваад̇и ат̇а взран̃ж̇о б̣раахман̣о сажз мз саман̣о г̇од̇амо наад̇хиваасзяяа, гааязна ваа ваажааяа ваа бадигкибзяяа. яасмаа бана аббадигкибид̇ваа аб̣бханд̇арз канд̇им̣ д̇хаарзси, д̇асмаа мз манасаава ад̇хиваасзсийд̇и звам̣ аагаарасаллагкан̣агусалад̇ааяа бхаг̇авад̇о ад̇хиваасанам̣ вид̣̇ид̇ваа, ад̇д̇ано нисиннаасанад̇о вудтааяа жад̇уусу д̣̇исаасу бхаг̇аванд̇ам̣ саггажжам̣ ванд̣̇ид̇ваа д̇игкад̇д̇ум̣ бад̣̇агкин̣ам̣ гад̇ваа ааг̇ад̇агаалад̇о бабхуд̇и ж̇аад̇имахаллагаб̣раахман̣аанам̣ абхиваад̣̇анаад̣̇ийни на гарод̇ийд̇и виг̇арахид̇вааби ид̣̇аани вин̃н̃аад̇аб̣уд̣̇д̇хаг̇ун̣о гааязна ваажааяа манасаа жа анзгагкад̇д̇ум̣ ванд̣̇анд̇оби ад̇ид̇д̇оязва худ̇ваа д̣̇асанакасамод̇хаанасамуж̇ж̇алам̣ ан̃ж̇алим̣ баг̇г̇аяха сирасмим̣ бад̇идтаабзд̇ваа яаава д̣̇ассанависаяо д̇аава бадимукоязва абаггамид̇ваа д̣̇ассанависаяам̣ виж̇аханадтаанз ванд̣̇ид̇ваа баггаами.
Athakho verañjo brāhmaṇo bhagavato adhivāsanaṃ viditvāti atha verañjo brāhmaṇo sace me samaṇo gotamo nādhivāseyya, kāyena vā vācāya vā paṭikkhipeyya. Yasmā pana appaṭikkhipitvā abbhantare khantiṃ dhāresi, tasmā me manasāva adhivāsesīti evaṃ ākārasallakkhaṇakusalatāya bhagavato adhivāsanaṃ viditvā, attano nisinnāsanato vuṭṭhāya catūsu disāsu bhagavantaṃ sakkaccaṃ vanditvā tikkhattuṃ padakkhiṇaṃ katvā āgatakālato pabhuti jātimahallakabrāhmaṇānaṃ abhivādanādīni na karotīti vigarahitvāpi idāni viññātabuddhaguṇo kāyena vācāya manasā ca anekakkhattuṃ vandantopi atittoyeva hutvā dasanakhasamodhānasamujjalaṃ añjaliṃ paggayha sirasmiṃ patiṭṭhāpetvā yāva dassanavisayo tāva paṭimukhoyeva apakkamitvā dassanavisayaṃ vijahanaṭṭhāne vanditvā pakkāmi.
убаасагад̇д̇абадивзд̣̇анаагат̇аа нидтид̇аа.
Upāsakattapaṭivedanākathā niṭṭhitā.
