| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
убаасагад̇д̇абадивзд̣̇анаагат̇аа
Upāsakattapaṭivedanākathā
звам̣ д̇хаарзд̇ууд̇и звам̣ ж̇аанаад̇ууд̇и ад̇т̇о. зд̇т̇а го убаасагод̇и саруубабужчаа, д̇асмаа гим̣лагкан̣о убаасагод̇и вуд̇д̇ам̣ ход̇и. гасмаад̇и хзд̇убужчаа. д̇зна гзна бавад̇д̇инимид̇д̇зна убаасагасад̣̇д̣̇о д̇асмим̣ буг̇г̇алз нирул̣ход̇и д̣̇ассзд̇и. д̇знааха ‘‘гасмаа убаасагод̇и вужжад̇ий’’д̇и. сад̣̇д̣̇асса хи абхид̇хзяяабавад̇д̇инимид̇д̇ам̣ д̇ад̣̇ад̇т̇асса д̇аб̣бхаавагааран̣ам̣. гимасса сийланд̇и гийд̣̇исам̣ асса убаасагасса сийлам̣, гид̇д̇агзна сийлзнааяам̣ сийласамбанно наама ход̇ийд̇и ад̇т̇о. го ааж̇ийвод̇и го асса саммааааж̇ийво. со бана мижчааж̇ийвасса бариваж̇ж̇анзна ход̇ийд̇и соби вибхаж̇ийяад̇и. гаа вибад̇д̇ийд̇и гасса сийласса ааж̇ийвасса ваа вибад̇д̇и. ананд̇арасса хи вид̇хи ваа бадисзд̇хо ваа. самбад̇д̇ийд̇и зд̇т̇ааби зсзва наяо.
Evaṃdhāretūti evaṃ jānātūti attho. Ettha ko upāsakoti sarūpapucchā, tasmā kiṃlakkhaṇo upāsakoti vuttaṃ hoti. Kasmāti hetupucchā. Tena kena pavattinimittena upāsakasaddo tasmiṃ puggale niruḷhoti dasseti. Tenāha ‘‘kasmā upāsakoti vuccatī’’ti. Saddassa hi abhidheyyapavattinimittaṃ tadatthassa tabbhāvakāraṇaṃ. Kimassa sīlanti kīdisaṃ assa upāsakassa sīlaṃ, kittakena sīlenāyaṃ sīlasampanno nāma hotīti attho. Ko ājīvoti ko assa sammāājīvo. So pana micchājīvassa parivajjanena hotīti sopi vibhajīyati. Kā vipattīti kassa sīlassa ājīvassa vā vipatti. Anantarassa hi vidhi vā paṭisedho vā. Sampattīti etthāpi eseva nayo.
ид̣̇ам̣ багин̣н̣агам̣ взд̣̇ид̇аб̣б̣анд̇и гат̇ам̣ взд̣̇ид̇аб̣б̣ам̣? вужжад̇з – го убаасагод̇и кад̇д̇ияаад̣̇ийсу яо гожи д̇исаран̣ам̣ г̇ад̇о г̇ахадто. саран̣аг̇аманамзва хзд̇т̇а гааран̣ам̣, на ж̇аад̇иаад̣̇ивисзсо. вуд̇д̇ан̃хзд̇ам̣ ‘‘яад̇о ко, махаанаама, б̣уд̣̇д̇хам̣ саран̣ам̣ г̇ад̇о ход̇и, д̇хаммам̣, сан̇гхам̣ саран̣ам̣ г̇ад̇о ход̇и. зд̇д̇аавад̇аа ко, махаанаама, убаасаго ход̇ий’’д̇и (сам̣. ни. 5.1033).
Idaṃ pakiṇṇakaṃ veditabbanti kathaṃ veditabbaṃ? Vuccate – ko upāsakoti khattiyādīsu yo koci tisaraṇaṃ gato gahaṭṭho. Saraṇagamanameva hettha kāraṇaṃ, na jātiādiviseso. Vuttañhetaṃ ‘‘yato kho, mahānāma, buddhaṃ saraṇaṃ gato hoti, dhammaṃ, saṅghaṃ saraṇaṃ gato hoti. Ettāvatā kho, mahānāma, upāsako hotī’’ti (saṃ. ni. 5.1033).
гасмаа убаасагод̇и рад̇анад̇д̇аяаубаасанад̇о. д̇знзва саран̣аг̇аманзна д̇ад̇т̇а жа саггажжагирияааяа аад̣̇араг̇аараваб̣ахумаанаад̣̇ияог̇зна баяирубаасанад̇од̇и вуд̇д̇ам̣ ход̇и. со хи б̣уд̣̇д̇хам̣ убаасад̇ийд̇и убаасаго. д̇хаммам̣, сан̇гхам̣ убаасад̇ийд̇и убаасаго.
Kasmā upāsakoti ratanattayaupāsanato. Teneva saraṇagamanena tattha ca sakkaccakiriyāya ādaragāravabahumānādiyogena payirupāsanatoti vuttaṃ hoti. So hi buddhaṃ upāsatīti upāsako. Dhammaṃ, saṅghaṃ upāsatīti upāsako.
гимасса сийланд̇и бан̃жа взраман̣ияо. взраман̣ияод̇и жзд̇т̇а взрам̣ вужжад̇и баан̣аад̇ибаад̇аад̣̇ийсу д̣̇уссийляам̣, д̇асса мананад̇о хананад̇о винаасанад̇о взраман̣ияо бан̃жа вирад̇ияо вирад̇иббад̇хаанад̇д̇аа д̇асса сийласса. вуд̇д̇ан̃хзд̇ам̣ ‘‘яад̇о ко, махаанаама, убаасаго баан̣аад̇ибаад̇аа бадивирад̇о ход̇и, ад̣̇иннаад̣̇аанаа, гаамзсумижчаажаараа, мусааваад̣̇аа, сураамзраяамаж̇ж̇абамаад̣̇адтаанаа бадивирад̇о ход̇и. зд̇д̇аавад̇аа ко, махаанаама, убаасаго сийлаваа ход̇ий’’д̇и (сам̣. ни. 5.1033).
Kimassasīlanti pañca veramaṇiyo. Veramaṇiyoti cettha veraṃ vuccati pāṇātipātādīsu dussīlyaṃ, tassa mananato hananato vināsanato veramaṇiyo pañca viratiyo viratippadhānattā tassa sīlassa. Vuttañhetaṃ ‘‘yato kho, mahānāma, upāsako pāṇātipātā paṭivirato hoti, adinnādānā, kāmesumicchācārā, musāvādā, surāmerayamajjapamādaṭṭhānā paṭivirato hoti. Ettāvatā kho, mahānāma, upāsako sīlavā hotī’’ti (saṃ. ni. 5.1033).
го ааж̇ийвод̇и бан̃жа мижчааван̣иж̇ж̇аа бахааяа д̇хаммзна самзна ж̇ийвид̇агаббанам̣. вуд̇д̇ан̃хзд̇ам̣ – ‘‘бан̃жимаа, бхигкавз, ван̣иж̇ж̇аа убаасагзна агаран̣ийяаа. гад̇амаа бан̃жа? сад̇т̇аван̣иж̇ж̇аа сад̇д̇аван̣иж̇ж̇аа мам̣саван̣иж̇ж̇аа маж̇ж̇аван̣иж̇ж̇аа висаван̣иж̇ж̇аа. имаа ко, бхигкавз, бан̃жа ван̣иж̇ж̇аа убаасагзна агаран̣ийяаа’’д̇и (а. ни. 5.177).
Ko ājīvoti pañca micchāvaṇijjā pahāya dhammena samena jīvitakappanaṃ. Vuttañhetaṃ – ‘‘pañcimā, bhikkhave, vaṇijjā upāsakena akaraṇīyā. Katamā pañca? Satthavaṇijjā sattavaṇijjā maṃsavaṇijjā majjavaṇijjā visavaṇijjā. Imā kho, bhikkhave, pañca vaṇijjā upāsakena akaraṇīyā’’ti (a. ni. 5.177).
зд̇т̇а жа сад̇т̇аван̣иж̇ж̇аад̇и аавуд̇хабхан̣д̣ам̣ гад̇ваа ваа гаарзд̇ваа ваа яат̇аагад̇ам̣ ваа бадилабхид̇ваа д̇асса виггаяо. сад̇д̇аван̣иж̇ж̇аад̇и мануссавиггаяо. мам̣саван̣иж̇ж̇аад̇и суунагаараад̣̇аяо вияа миг̇асуугараад̣̇игз босзд̇ваа мам̣сам̣ самбаад̣̇зд̇ваа виггаяо. маж̇ж̇аван̣иж̇ж̇аад̇и яам̣ гин̃жи маж̇ж̇ам̣ яож̇зд̇ваа д̇асса виггаяо. висаван̣иж̇ж̇аад̇и висам̣ яож̇зд̇ваа сан̇г̇ахзд̇ваа ваа д̇асса виггаяо. д̇ад̇т̇а сад̇т̇аван̣иж̇ж̇аа баробарод̇ханимид̇д̇ад̇ааяа агаран̣ийяаа вуд̇д̇аа, сад̇д̇аван̣иж̇ж̇аа абхуж̇иссабхаавагаран̣ад̇о, мам̣сависаван̣иж̇ж̇аа вад̇хахзд̇уд̇о, маж̇ж̇аван̣иж̇ж̇аа бамаад̣̇адтаанад̇од̇и взд̣̇ид̇аб̣б̣аа.
Ettha ca satthavaṇijjāti āvudhabhaṇḍaṃ katvā vā kāretvā vā yathākataṃ vā paṭilabhitvā tassa vikkayo. Sattavaṇijjāti manussavikkayo. Maṃsavaṇijjāti sūnakārādayo viya migasūkarādike posetvā maṃsaṃ sampādetvā vikkayo. Majjavaṇijjāti yaṃ kiñci majjaṃ yojetvā tassa vikkayo. Visavaṇijjāti visaṃ yojetvā saṅgahetvā vā tassa vikkayo. Tattha satthavaṇijjā paroparodhanimittatāya akaraṇīyā vuttā, sattavaṇijjā abhujissabhāvakaraṇato, maṃsavisavaṇijjā vadhahetuto, majjavaṇijjā pamādaṭṭhānatoti veditabbā.
гаа вибад̇д̇ийд̇и яаа д̇ассзва сийласса жа ааж̇ийвасса жа вибад̇д̇и бхзд̣̇о гобо багобо жа, аяамасса вибад̇д̇и. абижа яааяа зса жан̣д̣аало жзва ход̇и малан̃жа бадигудто жа, саабисса вибад̇д̇ийд̇и взд̣̇ид̇аб̣б̣аа. д̇з жа ад̇т̇ад̇о ассад̣̇д̇хияаад̣̇аяо бан̃жа д̇хаммаа хонд̇и. яат̇ааха –
Kā vipattīti yā tasseva sīlassa ca ājīvassa ca vipatti bhedo kopo pakopo ca, ayamassa vipatti. Apica yāya esa caṇḍālo ceva hoti malañca paṭikuṭṭho ca, sāpissa vipattīti veditabbā. Te ca atthato assaddhiyādayo pañca dhammā honti. Yathāha –
‘‘бан̃жахи, бхигкавз, д̇хаммзхи саманнааг̇ад̇о убаасаго убаасагажан̣д̣аало жа ход̇и убаасагамалан̃жа убаасагабадигудто жа. гад̇амзхи бан̃жахи? ассад̣̇д̇хо ход̇и, д̣̇уссийло ход̇и, год̇уухаламан̇г̇алиго ход̇и, ман̇г̇алам̣ бажжзд̇и, но гаммам̣ , ид̇о жа б̣ахид̣̇д̇хаа д̣̇агкин̣зяяам̣ бариязсад̇и, д̇ад̇т̇а жа буб̣б̣агаарам̣ гарод̇ий’’д̇и (а. ни. 5.175).
‘‘Pañcahi, bhikkhave, dhammehi samannāgato upāsako upāsakacaṇḍālo ca hoti upāsakamalañca upāsakapaṭikuṭṭho ca. Katamehi pañcahi? Assaddho hoti, dussīlo hoti, kotūhalamaṅgaliko hoti, maṅgalaṃ pacceti, no kammaṃ , ito ca bahiddhā dakkhiṇeyyaṃ pariyesati, tattha ca pubbakāraṃ karotī’’ti (a. ni. 5.175).
зд̇т̇а жа убаасагабадигудтод̇и убаасаганихийно. б̣уд̣̇д̇хаад̣̇ийсу гаммагаммапалзсу жа сад̣̇д̇хаавибарияааяо ассад̣̇д̇хияам̣ мижчаад̇химогко, яат̇аавуд̇д̇зна ассад̣̇д̇хиязна саманнааг̇ад̇о ассад̣̇д̇хо. яат̇аавуд̇д̇асийлавибад̇д̇иааж̇ийвавибад̇д̇ивасзна д̣̇уссийло. ‘‘иминаа д̣̇идтаад̣̇инаа ид̣̇ам̣ наама ман̇г̇алам̣ ход̇ий’’д̇и звам̣ б̣аалаж̇анабаригаббид̇агод̇уухаласан̇каад̇зна д̣̇идтасуд̇амуд̇аман̇г̇алзна саманнааг̇ад̇о год̇уухаламан̇г̇алиго. ман̇г̇алам̣ бажжзд̇ийд̇и д̣̇идтаман̇г̇алаад̣̇ибхзд̣̇ам̣ ман̇г̇аламзва бад̇д̇ияааяад̇и. но гамманд̇и гаммассагад̇ам̣ но бад̇д̇ияааяад̇и. ид̇об̣ахид̣̇д̇хаад̇и ид̇о саб̣б̣ан̃н̃уб̣уд̣̇д̇хасаасанад̇о б̣ахид̣̇д̇хаа б̣аахирагасамаяз. д̣̇агкин̣зяяам̣ бариязсад̇ийд̇и д̣̇уббадибаннам̣ д̣̇агкин̣аарахасан̃н̃ий г̇авзсад̇и. буб̣б̣агаарам̣ гарод̇ийд̇и д̣̇аанамаананаад̣̇игам̣ гусалагирияам̣ батамад̇арам̣ гарод̇и. зд̇т̇а жа д̣̇агкин̣зяяабааязсанабуб̣б̣агаарз згам̣ гад̇ваа бан̃жа д̇хаммаа взд̣̇ид̇аб̣б̣аа.
Ettha ca upāsakapaṭikuṭṭhoti upāsakanihīno. Buddhādīsu kammakammaphalesu ca saddhāvipariyāyo assaddhiyaṃ micchādhimokkho, yathāvuttena assaddhiyena samannāgato assaddho. Yathāvuttasīlavipattiājīvavipattivasena dussīlo. ‘‘Iminā diṭṭhādinā idaṃ nāma maṅgalaṃ hotī’’ti evaṃ bālajanaparikappitakotūhalasaṅkhātena diṭṭhasutamutamaṅgalena samannāgato kotūhalamaṅgaliko. Maṅgalaṃ paccetīti diṭṭhamaṅgalādibhedaṃ maṅgalameva pattiyāyati. No kammanti kammassakataṃ no pattiyāyati. Itobahiddhāti ito sabbaññubuddhasāsanato bahiddhā bāhirakasamaye. Dakkhiṇeyyaṃ pariyesatīti duppaṭipannaṃ dakkhiṇārahasaññī gavesati. Pubbakāraṃ karotīti dānamānanādikaṃ kusalakiriyaṃ paṭhamataraṃ karoti. Ettha ca dakkhiṇeyyapaayesanapubbakāre ekaṃ katvā pañca dhammā veditabbā.
гаа самбад̇д̇ийд̇и саава д̇асса сийласамбад̣̇аа жа ааж̇ийвасамбад̣̇аа жа самбад̇д̇и, яз жасса рад̇анабхааваад̣̇игараа сад̣̇д̇хаад̣̇аяо бан̃жа д̇хаммаа. яат̇ааха –
Kāsampattīti sāva tassa sīlasampadā ca ājīvasampadā ca sampatti, ye cassa ratanabhāvādikarā saddhādayo pañca dhammā. Yathāha –
‘‘бан̃жахи, бхигкавз, д̇хаммзхи саманнааг̇ад̇о убаасаго убаасагарад̇анан̃жа ход̇и убаасагабад̣̇уман̃жа убаасагабун̣д̣арийго жа. гад̇амзхи бан̃жахи? сад̣̇д̇хо ход̇и, сийлаваа ход̇и, на год̇уухаламан̇г̇алиго ход̇и, гаммам̣ бажжзд̇и, но ман̇г̇алам̣, на ид̇о б̣ахид̣̇д̇хаа д̣̇агкин̣зяяам̣ бариязсад̇и, ид̇ха жа буб̣б̣агаарам̣ гарод̇ий’’д̇и.
‘‘Pañcahi, bhikkhave, dhammehi samannāgato upāsako upāsakaratanañca hoti upāsakapadumañca upāsakapuṇḍarīko ca. Katamehi pañcahi? Saddho hoti, sīlavā hoti, na kotūhalamaṅgaliko hoti, kammaṃ pacceti, no maṅgalaṃ, na ito bahiddhā dakkhiṇeyyaṃ pariyesati, idha ca pubbakāraṃ karotī’’ti.
зд̇т̇а жа жад̇уннамби барисаанам̣ рад̇иж̇ананадтзна убаасагова рад̇анам̣ убаасагарад̇анам̣, г̇ун̣асобхаагид̇д̇исад̣̇д̣̇асуг̇анд̇хад̇аахи убаасагова бад̣̇умам̣ убаасагабад̣̇умам̣, д̇ат̇аа убаасагабун̣д̣арийго жа взд̣̇ид̇аб̣б̣о. сзсамзд̇т̇а вибад̇д̇ияам̣ вуд̇д̇авибарияааязна вин̃н̃зяяам̣. звамид̣̇ам̣ ‘‘го убаасаго’’д̇иаад̣̇игам̣ багин̣н̣агам̣ вид̇т̇аарад̇о взд̣̇ид̇аб̣б̣ам̣. имасса бана багин̣н̣агасса ид̇ха вид̇т̇аарзд̇ваа аважанз гааран̣ам̣ д̣̇ассзнд̇о ааха ‘‘д̇ам̣ ад̇ибхаарияагаран̣ад̇о’’д̇иаад̣̇и.
Ettha ca catunnampi parisānaṃ ratijananaṭṭhena upāsakova ratanaṃ upāsakaratanaṃ, guṇasobhākittisaddasugandhatāhi upāsakova padumaṃ upāsakapadumaṃ, tathā upāsakapuṇḍarīko ca veditabbo. Sesamettha vipattiyaṃ vuttavipariyāyena viññeyyaṃ. Evamidaṃ ‘‘ko upāsako’’tiādikaṃ pakiṇṇakaṃ vitthārato veditabbaṃ. Imassa pana pakiṇṇakassa idha vitthāretvā avacane kāraṇaṃ dassento āha ‘‘taṃ atibhāriyakaraṇato’’tiādi.
аад̣̇имхийд̇и аад̣̇иад̇т̇з. годияанд̇и барияанд̇агодияам̣. вихаараг̇г̇знаад̇и оварагагодтаасзна, ‘‘имасмим̣ г̇аб̣бхз васанд̇аанам̣ ид̣̇ам̣ банасапалам̣ баабун̣аад̇ий’’д̇иаад̣̇инаа д̇ам̣д̇ам̣васанадтаанагодтаасзнаад̇и ад̇т̇о. аж̇ж̇ад̇анд̇и аж̇ж̇а ижжзва ад̇т̇о. баан̣зхи убзд̇анд̇и иминаа д̇асса саран̣аг̇аманасса аабаан̣агодигад̇ам̣ д̣̇ассзнд̇о ‘‘яаава мз ж̇ийвид̇ам̣ бавад̇д̇ад̇ий’’д̇иаад̣̇ийни вад̇ваа буна ж̇ийвид̇знабахам̣ вад̇т̇уд̇д̇аяам̣ бадибууж̇знд̇о саран̣аг̇аманан̃жа рагкаамийд̇и уббаннам̣ д̇асса б̣раахман̣асса ад̇хиббааяам̣ вибхаавзнд̇о ‘‘ахан̃хий’’д̇иаад̣̇имааха. баан̣зхи убзд̇анд̇и хи яаава мз баан̣аа д̇харанд̇и, д̇аава саран̣ам̣ убзд̇ам̣, убзнд̇о на ваажаамад̇д̇зна на згаваарам̣ жид̇д̇уббаад̣̇анамад̇д̇зна, ат̇а ко баан̣аанам̣ барижжаж̇анавасзна яааваж̇ийвам̣ убзд̇анд̇и звамзд̇т̇а ад̇т̇о взд̣̇ид̇аб̣б̣о.
Ādimhīti ādiatthe. Koṭiyanti pariyantakoṭiyaṃ. Vihāraggenāti ovarakakoṭṭhāsena, ‘‘imasmiṃ gabbhe vasantānaṃ idaṃ panasaphalaṃ pāpuṇātī’’tiādinā taṃtaṃvasanaṭṭhānakoṭṭhāsenāti attho. Ajjatanti ajja icceva attho. Pāṇehi upetanti iminā tassa saraṇagamanassa āpāṇakoṭikataṃ dassento ‘‘yāva me jīvitaṃ pavattatī’’tiādīni vatvā puna jīvitenapahaṃ vatthuttayaṃ paṭipūjento saraṇagamanañca rakkhāmīti uppannaṃ tassa brāhmaṇassa adhippāyaṃ vibhāvento ‘‘ahañhī’’tiādimāha. Pāṇehi upetanti hi yāva me pāṇā dharanti, tāva saraṇaṃ upetaṃ, upento na vācāmattena na ekavāraṃ cittuppādanamattena, atha kho pāṇānaṃ pariccajanavasena yāvajīvaṃ upetanti evamettha attho veditabbo.
ад̇хиваасзд̇ууд̇и саад̣̇ияад̇у, д̇ам̣ бана саад̣̇ияанам̣ манасаа самбадиг̇г̇ахо ход̇ийд̇и ааха ‘‘самбадижчад̇уу’’д̇и. гааяан̇г̇анд̇и гааяамзва ан̇г̇анд̇и вад̣̇анд̇и, гааяасса ваа ан̇г̇ам̣ сийсаад̣̇и гааяан̇г̇ам̣, сийсаад̣̇и сарийрааваяаванд̇и вуд̇д̇ам̣ ход̇и. ваажан̇г̇анд̇и ‘‘ход̇у саад̇хуу’’д̇и звамаад̣̇иваажааяа ан̇г̇ам̣ аваяавам̣. ваажан̇г̇асса жобанам̣ ваажааяа бавад̇д̇анамзваад̇и взд̣̇ид̇аб̣б̣ам̣. аб̣бханд̇арзязваад̇и ад̇д̇ано жид̇д̇асанд̇аанзязва. канд̇им̣ жаарзд̇ваад̇и канд̇им̣ бавад̇д̇зд̇ваа, ружим̣ уббаад̣̇зд̇ваад̇и вуд̇д̇ам̣ ход̇и. ‘‘канд̇им̣ д̇хаарзд̇ваа’’д̇иби баато, уббаннам̣ ружим̣ аб̣бханд̇арзязва д̇хаарзд̇ваа важийбхзд̣̇зна абагаасзд̇ваад̇и вуд̇д̇ам̣ ход̇и.
Adhivāsetūti sādiyatu, taṃ pana sādiyanaṃ manasā sampaṭiggaho hotīti āha ‘‘sampaṭicchatū’’ti. Kāyaṅganti kāyameva aṅganti vadanti, kāyassa vā aṅgaṃ sīsādi kāyaṅgaṃ, sīsādi sarīrāvayavanti vuttaṃ hoti. Vācaṅganti ‘‘hotu sādhū’’ti evamādivācāya aṅgaṃ avayavaṃ. Vācaṅgassa copanaṃ vācāya pavattanamevāti veditabbaṃ. Abbhantareyevāti attano cittasantāneyeva. Khantiṃ cāretvāti khantiṃ pavattetvā, ruciṃ uppādetvāti vuttaṃ hoti. ‘‘Khantiṃ dhāretvā’’tipi pāṭho, uppannaṃ ruciṃ abbhantareyeva dhāretvā vacībhedena apakāsetvāti vuttaṃ hoti.
гат̇ам̣ бана взран̃ж̇о б̣раахман̣о бхаг̇авад̇о ад̇хиваасанам̣ ан̃н̃ааси. на хи д̇зна саггаа бхаг̇авад̇о жид̇д̇аббавад̇д̇и бажжагкад̇о вин̃н̃аад̇ум̣, д̇асмаа ‘‘бхаг̇авад̇о ад̇хиваасанам̣ вид̣̇ид̇ваа’’д̇и гасмаа вуд̇д̇анд̇и жз? гин̃жааби д̇зна на саггаа жид̇д̇аббавад̇д̇и бажжагкад̇о вин̃н̃аад̇ум̣, д̇ат̇ааби аагаарасаллагкан̣агусалад̇ааяа анваяаб̣яад̇ирзгавасзна анумаанад̇о ан̃н̃аасийд̇и д̣̇ассзнд̇о ааха ‘‘сажз мз саман̣о г̇од̇амо’’д̇иаад̣̇и. аагаарасаллагкан̣агусалад̇ааяаад̇и жид̇д̇аббавад̇д̇иаагааравиж̇аананз чзгад̇ааяа, ад̇хиббааяавиж̇аананз гусалад̇ааяаад̇и вуд̇д̇ам̣ ход̇и. д̣̇асанакасамод̇хаанасамуж̇ж̇аланд̇и д̣̇вийсу хад̇т̇зсу д̣̇асаннам̣ накаанам̣ самод̇хаанзна згийбхаавзна самуж̇ж̇аланд̇ам̣. ан̃ж̇алинд̇и хад̇т̇абудам̣. бадимукоязваад̇и абхимукоязва, на бхаг̇авад̇о бидтим̣ д̣̇ассзд̇ваад̇и ад̇т̇о. ванд̣̇ид̇ваад̇и бан̃жабад̇идтид̇зна ванд̣̇ид̇ваа.
Kathaṃ pana verañjo brāhmaṇo bhagavato adhivāsanaṃ aññāsi. Na hi tena sakkā bhagavato cittappavatti paccakkhato viññātuṃ, tasmā ‘‘bhagavato adhivāsanaṃ viditvā’’ti kasmā vuttanti ce? Kiñcāpi tena na sakkā cittappavatti paccakkhato viññātuṃ, tathāpi ākārasallakkhaṇakusalatāya anvayabyatirekavasena anumānato aññāsīti dassento āha ‘‘sace me samaṇo gotamo’’tiādi. Ākārasallakkhaṇakusalatāyāti cittappavattiākāravijānane chekatāya, adhippāyavijānane kusalatāyāti vuttaṃ hoti. Dasanakhasamodhānasamujjalanti dvīsu hatthesu dasannaṃ nakhānaṃ samodhānena ekībhāvena samujjalantaṃ. Añjalinti hatthapuṭaṃ. Paṭimukhoyevāti abhimukhoyeva, na bhagavato piṭṭhiṃ dassetvāti attho. Vanditvāti pañcapatiṭṭhitena vanditvā.
убаасагад̇д̇абадивзд̣̇анаагат̇аа нидтид̇аа.
Upāsakattapaṭivedanākathā niṭṭhitā.
