| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
убаасагад̇д̇абадивзд̣̇анаагат̇ааван̣н̣анаа
Upāsakattapaṭivedanākathāvaṇṇanā
15. ган̣н̣асукад̇о хад̣̇аяан̇г̇амад̇од̇и важанамзва санд̇хааяа вуд̇д̇ам̣. анад̇д̇уггам̣санад̇од̇иаад̣̇и буг̇г̇алавасзна, ган̣н̣асукад̇од̇и сод̇инд̣̇рияам̣ санд̇хааяа. аабаат̇аараман̣ийяад̇од̇и н̃аан̣аабаат̇аараман̣ийяад̇о. саяамзва хздтаамукаж̇аад̇ам̣ ваа, маг̇г̇о бана асого ход̇и. д̇ад̣̇аа хи сого бахийяамаано. жарияаад̣̇ианугуулад̇о аббадигуулам̣. ‘‘мад̇хурамима’’нд̇и вуд̇д̇ад̇д̇аа ‘‘д̇хаммамима’’нд̇и важанам̣ ад̇хигам̣ вияа д̣̇иссад̇и. д̇асмаа ‘‘рааг̇авирааг̇амима’’нд̇и звам̣ висум̣ висум̣ яож̇зд̇ваа буна бин̣д̣зд̇ваа д̇хаммамимам̣ убзхийд̇и яож̇зд̇аб̣б̣ам̣, ‘‘д̇хаммамзва саран̣ад̇т̇амубзхий’’д̇и батанд̇и гираад̇и д̣̇ийбзд̇и. саран̣аг̇ад̇аанам̣ д̇знзва саран̣аг̇аманзна бхаяам̣ санд̇аасам̣ д̣̇уг̇г̇ад̇им̣ бариггилзсам̣ д̣̇угкам̣ хим̣сад̇ийд̇и рад̇анад̇д̇аяам̣ саран̣ам̣ наама. д̇аббасаад̣̇ад̇аг̇г̇аруд̇аад̣̇ийхи вихад̇агилзсо д̇аббарааяанад̇аагаараббавад̇д̇о жид̇д̇уббаад̣̇о саран̣аг̇аманам̣. д̇ам̣саман̇г̇ийсад̇д̇о саран̣ам̣ г̇ажчад̇и. бабхзд̣̇зна бана д̣̇увид̇хам̣ саран̣аг̇аманам̣ логуд̇д̇арам̣ логияанд̇и. д̇ад̇т̇а логуд̇д̇арам̣ д̣̇идтасажжаанам̣ маг̇г̇агкан̣з саран̣аг̇аманубаггилзсасамужчзд̣̇зна ниб̣б̣аанаарамман̣ам̣ худ̇ваа гижжад̇о сагалзби рад̇анад̇д̇аяз иж̇жхад̇и. логияам̣ бут̇уж̇ж̇анаанам̣ саран̣аг̇аманубаггилзсам̣ д̇ад̣̇ан̇г̇авигкамбханзна аарамман̣ад̇о б̣уд̣̇д̇хаад̣̇иг̇ун̣аарамман̣ам̣ худ̇ваа иж̇жхад̇и. д̇ам̣ ад̇т̇ад̇о рад̇анад̇д̇аяз сад̣̇д̇хаабадилаабхо сад̣̇д̇хаамуулигаа жа саммаад̣̇идти. логуд̇д̇арасса жад̇д̇аари сааман̃н̃апалаани вибаагапалам̣, саб̣б̣ад̣̇угкагкаяо аанисам̣сапалам̣. ‘‘яо жа б̣уд̣̇д̇хан̃жа д̇хамман̃жа…бз… саб̣б̣ад̣̇угкаа бамужжад̇ий’’д̇и (д̇ха. ба. 190-192) хи вуд̇д̇ам̣. логияасса бхавабхог̇асамбад̣̇аа. ‘‘яз гзжи б̣уд̣̇д̇хам̣ саран̣ам̣ г̇ад̇аасз’’д̇и (д̣̇ий. ни. 2.332; сам̣. ни. 1.37) хи вуд̇д̇ам̣. логияасаран̣аг̇аманам̣ д̇ийсу вад̇т̇уусу ан̃н̃аан̣асам̣саяамижчаан̃аан̣аад̣̇ийхи сам̣гилиссад̇и, на махааж̇уд̇игам̣ ход̇и, на махаавибпаарам̣. логуд̇д̇арасса над̇т̇и сам̣гилзсо. логияасса сааваж̇ж̇о анаваж̇ж̇од̇и д̣̇увид̇хо бхзд̣̇о. д̇ад̇т̇а ан̃н̃асад̇т̇аараад̣̇ийсу ад̇д̇асаннияяаад̇анаад̣̇ийхи сааваж̇ж̇о ход̇и, со анидтапало. анаваж̇ж̇о гаалагирияааяа, со авибаагад̇д̇аа апало. логуд̇д̇арасса нзвад̇т̇и бхзд̣̇о. бхаванд̇арзби хи арияасааваго ан̃н̃ам̣ сад̇т̇аарам̣ на уд̣̇д̣̇исад̇и. яо гожи саран̣аг̇ад̇о г̇ахадто убаасаго. рад̇анад̇д̇аяаубаасанад̇о убаасаго. бан̃жа взраман̣ияо сийлам̣. сад̇т̇асад̇д̇амам̣самаж̇ж̇ависаваан̣иж̇ж̇аарахид̇ам̣ д̇хаммзна ж̇ийвигам̣ ааж̇ийво. вуд̇д̇асийлааж̇ийвавибад̇д̇и вибад̇д̇и наама. вибарийд̇аа самбад̇д̇и.
15.Kaṇṇasukhatohadayaṅgamatoti vacanameva sandhāya vuttaṃ. Anattukkaṃsanatotiādi puggalavasena, kaṇṇasukhatoti sotindriyaṃ sandhāya. Āpāthāramaṇīyatoti ñāṇāpāthāramaṇīyato. Sayameva heṭṭhāmukhajātaṃ vā, maggo pana asoko hoti. Tadā hi soko pahīyamāno. Cariyādianukūlato appaṭikūlaṃ. ‘‘Madhuramima’’nti vuttattā ‘‘dhammamima’’nti vacanaṃ adhikaṃ viya dissati. Tasmā ‘‘rāgavirāgamima’’nti evaṃ visuṃ visuṃ yojetvā puna piṇḍetvā dhammamimaṃ upehīti yojetabbaṃ, ‘‘dhammameva saraṇatthamupehī’’ti paṭhanti kirāti dīpeti. Saraṇagatānaṃ teneva saraṇagamanena bhayaṃ santāsaṃ duggatiṃ parikkilesaṃ dukkhaṃ hiṃsatīti ratanattayaṃ saraṇaṃ nāma. Tappasādataggarutādīhi vihatakileso tapparāyanatākārappavatto cittuppādo saraṇagamanaṃ. Taṃsamaṅgīsatto saraṇaṃ gacchati. Pabhedena pana duvidhaṃ saraṇagamanaṃ lokuttaraṃ lokiyanti. Tattha lokuttaraṃ diṭṭhasaccānaṃ maggakkhaṇe saraṇagamanupakkilesasamucchedena nibbānārammaṇaṃ hutvā kiccato sakalepi ratanattaye ijjhati. Lokiyaṃ puthujjanānaṃ saraṇagamanupakkilesaṃ tadaṅgavikkhambhanena ārammaṇato buddhādiguṇārammaṇaṃ hutvā ijjhati. Taṃ atthato ratanattaye saddhāpaṭilābho saddhāmūlikā ca sammādiṭṭhi. Lokuttarassa cattāri sāmaññaphalāni vipākaphalaṃ, sabbadukkhakkhayo ānisaṃsaphalaṃ. ‘‘Yo ca buddhañca dhammañca…pe… sabbadukkhā pamuccatī’’ti (dha. pa. 190-192) hi vuttaṃ. Lokiyassa bhavabhogasampadā. ‘‘Ye keci buddhaṃ saraṇaṃ gatāse’’ti (dī. ni. 2.332; saṃ. ni. 1.37) hi vuttaṃ. Lokiyasaraṇagamanaṃ tīsu vatthūsu aññāṇasaṃsayamicchāñāṇādīhi saṃkilissati, na mahājutikaṃ hoti, na mahāvipphāraṃ. Lokuttarassa natthi saṃkileso. Lokiyassa sāvajjo anavajjoti duvidho bhedo. Tattha aññasatthārādīsu attasanniyyātanādīhi sāvajjo hoti, so aniṭṭhaphalo. Anavajjo kālakiriyāya, so avipākattā aphalo. Lokuttarassa nevatthi bhedo. Bhavantarepi hi ariyasāvako aññaṃ satthāraṃ na uddisati. Yo koci saraṇagato gahaṭṭho upāsako. Ratanattayaupāsanato upāsako. Pañca veramaṇiyo sīlaṃ. Satthasattamaṃsamajjavisavāṇijjārahitaṃ dhammena jīvikaṃ ājīvo. Vuttasīlājīvavipatti vipatti nāma. Viparītā sampatti.
16. лажчаама ну код̇и д̣̇уг̇г̇ад̇з санд̇хааяа вуд̇д̇ам̣. сагкиссаама нуко нод̇и самид̣̇д̇хз санд̇хааяа. д̇ад̇т̇а взран̃ж̇ааяам̣. баг̇г̇аяхад̇ийд̇и бад̇д̇ам̣ баг̇г̇ахо, д̇зна баг̇г̇ахзна бад̇д̇знаад̇и ад̇т̇о. самаад̣̇ааязваад̇и нид̣̇ассанам̣. на жа ваддад̇ийд̇и буна баагам̣ гин̃жааби ваддад̇и, д̇ат̇ааби на судту баггад̇д̇аа вуд̇д̇ам̣, ‘‘уд̇д̇ан̣д̣улабхад̇д̇ам̣ лабхид̇вааби бид̇хзд̇ум̣ на ваддад̇ий’’д̇и адтагат̇ааважанан̃жзд̇т̇а саад̇хагам̣. ‘‘саавагаанам̣ ваа сигкаабад̣̇ам̣ бан̃н̃абзссаамий’’д̇и иминаа важанзна ааж̇ийвабаарисуд̣̇д̇хисийлам̣ санд̇хааяа ‘‘бажчаа сийла’’нд̇и вуд̇д̇ам̣. убаалид̇т̇зроби д̇ам̣ д̇ам̣ вад̇т̇ум̣ бадижжа бхаг̇авад̇аа б̣ахууни сигкаабад̣̇аани бан̃н̃ад̇д̇аани ад̇т̇ийд̇и д̣̇ийбзд̇и. яад̣̇и звам̣ взран̃ж̇ааяам̣ ‘‘зд̇асса бхаг̇аваа гаало’’д̇и важанам̣ на самзд̇ийд̇и жз? на, д̇ад̇о буб̣б̣з сигкаабад̣̇аабхааваббасан̇г̇ад̇о. т̇зро бана бан̃н̃ад̇д̇аани табзд̇ваа ид̣̇аани бан̃н̃абзд̇аб̣б̣аани баад̇имогкуд̣̇д̣̇зсаббахонагаани санд̇хааяааха. бхаг̇авааби ‘‘на д̇аава саарибуд̇д̇а сад̇т̇аа саавагаанам̣ сигкаабад̣̇ам̣ бан̃н̃абзд̇ий’’д̇и бхад̣̇д̣̇аалисуд̇д̇з (ма. ни. 2.134; аад̣̇аяо) вияа згажжзсу бан̃н̃ад̇д̇зсуби д̇ад̇о барам̣ бан̃н̃абзд̇аб̣б̣аани санд̇хааяааха. ид̇хзва адтагат̇ааяам̣ ‘‘саамамби бажанам̣ саман̣асааруббам̣ на ход̇и на жа ваддад̇ий’’д̇и важанан̃жа, д̇ат̇аа ‘‘рад̇д̇ижчзд̣̇о ваа вассажчзд̣̇о ваа’’д̇иаад̣̇иважанаани жа ад̇т̇и. ан̃н̃ат̇аа ‘‘д̣̇вийхаагаарзхи б̣уд̣̇д̇хаа бхаг̇аванд̇о бхигкуу бадибужчанд̇ий’’д̇и ид̇хзвзд̣̇ам̣ баал̣итабанам̣ вируж̇жхад̇ийд̇и аажариязна вижаарид̇ам̣, д̇ам̣ сунд̣̇арам̣ буб̣б̣зби бан̃н̃ад̇д̇асигкаабад̣̇асамбхавад̇о. гинд̇у ид̇ха баал̣итабанавирод̇хавижааран̣аа бана ниббаяож̇анаа вияа мама д̣̇иссад̇и. гасмаа? убаалид̇т̇зрзна сан̇г̇ийд̇игаалз вуд̇д̇абаатад̇д̇аа. рад̇д̇ижчзд̣̇од̇и сад̇д̇аахагижжам̣ санд̇хааяа вуд̇д̇о. ‘‘сад̇д̇аахагаран̣ийязна г̇анд̇ваа рад̇д̇ижчзд̣̇о ваа вассажчзд̣̇о ваа згабхигкунааби на гад̇о’’д̇и вуд̇д̇ам̣ гира махааадтагат̇ааяам̣, д̇асмаа вассажчзд̣̇асса гааран̣з сад̇и сад̇д̇аахагижжам̣ гаад̇ум̣ ваддад̇ийд̇и згз. винаяад̇хараа бана нижчанд̇и, д̇асмаа адтагат̇аад̇хиббааяо виймам̣сид̇аб̣б̣о, имааяа взран̃ж̇ааяам̣ аббижчад̇аад̣̇ибадибад̣̇ааяа басаннаа. саалийнам̣ вигад̇и сааливигад̇и.
16.Lacchāma nu khoti duggate sandhāya vuttaṃ. Sakkhissāma nukho noti samiddhe sandhāya. Tattha verañjāyaṃ. Paggayhatīti pattaṃ paggaho, tena paggahena pattenāti attho. Samādāyevāti nidassanaṃ. Na ca vaṭṭatīti puna pākaṃ kiñcāpi vaṭṭati, tathāpi na suṭṭhu pakkattā vuttaṃ, ‘‘uttaṇḍulabhattaṃ labhitvāpi pidhetuṃ na vaṭṭatī’’ti aṭṭhakathāvacanañcettha sādhakaṃ. ‘‘Sāvakānaṃ vā sikkhāpadaṃ paññapessāmī’’ti iminā vacanena ājīvapārisuddhisīlaṃ sandhāya ‘‘pacchā sīla’’nti vuttaṃ. Upālittheropi taṃ taṃ vatthuṃ paṭicca bhagavatā bahūni sikkhāpadāni paññattāni atthīti dīpeti. Yadi evaṃ verañjāyaṃ ‘‘etassa bhagavā kālo’’ti vacanaṃ na sametīti ce? Na, tato pubbe sikkhāpadābhāvappasaṅgato. Thero pana paññattāni ṭhapetvā idāni paññapetabbāni pātimokkhuddesappahonakāni sandhāyāha. Bhagavāpi ‘‘na tāva sāriputta satthā sāvakānaṃ sikkhāpadaṃ paññapetī’’ti bhaddālisutte (ma. ni. 2.134; ādayo) viya ekaccesu paññattesupi tato paraṃ paññapetabbāni sandhāyāha. Idheva aṭṭhakathāyaṃ ‘‘sāmampi pacanaṃ samaṇasāruppaṃ na hoti na ca vaṭṭatī’’ti vacanañca, tathā ‘‘ratticchedo vā vassacchedo vā’’tiādivacanāni ca atthi. Aññathā ‘‘dvīhākārehi buddhā bhagavanto bhikkhū paṭipucchantī’’ti idhevedaṃ pāḷiṭhapanaṃ virujjhatīti ācariyena vicāritaṃ, taṃ sundaraṃ pubbepi paññattasikkhāpadasambhavato. Kintu idha pāḷiṭhapanavirodhavicāraṇā pana nippayojanā viya mama dissati. Kasmā? Upālittherena saṅgītikāle vuttapāṭhattā. Ratticchedoti sattāhakiccaṃ sandhāya vutto. ‘‘Sattāhakaraṇīyena gantvā ratticchedo vā vassacchedo vā ekabhikkhunāpi na kato’’ti vuttaṃ kira mahāaṭṭhakathāyaṃ, tasmā vassacchedassa kāraṇe sati sattāhakiccaṃ kātuṃ vaṭṭatīti eke. Vinayadharā pana nicchanti, tasmā aṭṭhakathādhippāyo vīmaṃsitabbo, imāya verañjāyaṃ appicchatādipaṭipadāya pasannā. Sālīnaṃ vikati sālivikati.
17-8. убабаннапалод̇и б̣ахупало. ‘‘куд̣̇д̣̇ам̣ мад̇ху’’нд̇и баато. т̇зрам̣ сийханаад̣̇ам̣ над̣̇аабзд̇ум̣ бужчийд̇и иминаа аажарияо яам̣ буб̣б̣з аан̣ааяа тид̇аанам̣ саавагаанам̣ махаанубхаавад̇аад̣̇ассанам̣ ‘‘взран̃ж̇ааяам̣ ниваасаббаяож̇ана’’нд̇и амхзхи вуд̇д̇ам̣, д̇ам̣ самбаад̣̇зд̇и, рааж̇аг̇ахз взран̃ж̇ааяан̃жаад̇и убхаяад̇т̇а вид̇аггуббаад̣̇з згад̇о бин̣д̣зд̇ваа д̣̇ассзнд̇о ‘‘ат̇а ко ааяасмад̇о саарибуд̇д̇ассаа’’д̇иаад̣̇имааха. гаалам̣ санд̇хааяа жирам̣, тид̇им̣ санд̇хааяа жираад̇и виг̇г̇ахо.
17-8.Upapannaphaloti bahuphalo. ‘‘Khuddaṃ madhu’’nti pāṭho. Theraṃ sīhanādaṃ nadāpetuṃ pucchīti iminā ācariyo yaṃ pubbe āṇāya ṭhitānaṃ sāvakānaṃ mahānubhāvatādassanaṃ ‘‘verañjāyaṃ nivāsappayojana’’nti amhehi vuttaṃ, taṃ sampādeti, rājagahe verañjāyañcāti ubhayattha vitakkuppāde ekato piṇḍetvā dassento ‘‘atha kho āyasmato sāriputtassā’’tiādimāha. Kālaṃ sandhāya ciraṃ, ṭhitiṃ sandhāya cirāti viggaho.
гаамам̣ хинод̇и ад̇д̇ано паланиб̣б̣ад̇д̇ияаа сахааяам̣ г̇ажчад̇ийд̇и гад̇д̇ари хзд̇у, д̇ат̇ааби ид̇ха д̇зна гаран̣абхууд̇зна д̇асса палам̣ хинод̇и бавад̇д̇ад̇ийд̇и хзд̇у. д̇ат̇аа гхаданд̇и д̇знаад̇и гхадо. гилаасунод̇и баяож̇анаабхаавзна аваавадаа. аб̣б̣огин̣н̣аани висабхааг̇зхи. ааг̇ааминияаа анааг̇ад̇зд̇и ад̇т̇о. имзсам̣язва нод̇и д̣̇ассанад̇т̇ам̣ ‘‘саб̣б̣аб̣уд̣̇д̇хаанам̣ хий’’д̇и вуд̇д̇ам̣. яаавасаасанабарияанд̇аад̇и яаава б̣уд̣̇д̇хаа д̇харанд̇и, д̇ааваад̇и ад̇т̇о. кад̇д̇ияаб̣раахман̣аава ужжаа, д̇ад̇т̇ааби висзсам̣ д̣̇ассзд̇ум̣ ‘‘ужжанийжаул̣аарул̣аарабхог̇аа’’д̇и. ‘‘манаси гад̇ваа’’д̇иби баато. убасамбаад̣̇яаубасамбаад̣̇яаижжзд̇ам̣ д̣̇ваяам̣ мааг̇ад̇хз ‘‘убасамбаж̇ж̇аа’’д̇и вужжад̇и. анубаад̣̇ааяаад̇и аарамман̣агаран̣авасзна аг̇г̇ахзд̇ваа. аасавзхийд̇и гад̇д̇ари д̇ад̇ияаавибхад̇д̇и. жид̇д̇аанийд̇и бажжад̇д̇аб̣ахуважанам̣. вимужжим̣сууд̇и гаммагаарагз. виможид̇аанийд̇и ад̇хиббааяод̇и аажарияо. аасавзхийд̇и бад̣̇ан̃жа бажжад̇д̇з гаран̣аважанам̣ гад̇ваа г̇ан̣тибад̣̇з ад̇т̇о багаасид̇о. яад̣̇и арияамаг̇г̇зна нируд̣̇д̇хаанам̣ аасаваанам̣ васзна анаасавад̇аа, логз жид̇д̇ааниби анаасаваа сияум̣. на хи нируд̣̇д̇хаани жид̇д̇аани аарамман̣аани гаронд̇ийд̇и д̇аани анируд̣̇д̇хаасававасзна саасаваанийд̇и жз. сод̇аабаннасса маг̇г̇ажид̇д̇ам̣ убаримаг̇г̇аваж̇жхаасававасзна саасавам̣, авасидтаасавасамужчинд̣̇анаанубхаавад̇д̇аа палаани саасаваани сияунд̇и? на, аасавасамужчинд̣̇анаанубхаавааг̇ад̇апалад̇д̇аа. бхим̣санасса гаран̣ам̣ бхим̣санагад̇ам̣, д̇асмим̣ бхим̣санагад̇асмим̣, бхим̣санагирияааяаад̇и ад̇т̇о. ид̇т̇илин̇г̇ам̣ вибаллаасам̣ гад̇ваа набум̣сагалин̇г̇ам̣, бурисалин̇г̇ам̣ ваа гад̇ваа. нимид̇д̇ад̇т̇зд̇и зд̇т̇а –
Kāmaṃ hinoti attano phalanibbattiyā sahāyaṃ gacchatīti kattari hetu, tathāpi idha tena karaṇabhūtena tassa phalaṃ hinoti pavattatīti hetu. Tathā ghaṭanti tenāti ghaṭo. Kilāsunoti payojanābhāvena avāvaṭā. Abbokiṇṇāni visabhāgehi. Āgāminiyā anāgateti attho. Imesaṃyeva noti dassanatthaṃ ‘‘sabbabuddhānaṃ hī’’ti vuttaṃ. Yāvasāsanapariyantāti yāva buddhā dharanti, tāvāti attho. Khattiyabrāhmaṇāva uccā, tatthāpi visesaṃ dassetuṃ ‘‘uccanīcauḷāruḷārabhogā’’ti. ‘‘Manasi katvā’’tipi pāṭho. Upasampādyaupasampādyaiccetaṃ dvayaṃ māgadhe ‘‘upasampajjā’’ti vuccati. Anupādāyāti ārammaṇakaraṇavasena aggahetvā. Āsavehīti kattari tatiyāvibhatti. Cittānīti paccattabahuvacanaṃ. Vimucciṃsūti kammakārake. Vimocitānīti adhippāyoti ācariyo. Āsavehīti padañca paccatte karaṇavacanaṃ katvā gaṇṭhipade attho pakāsito. Yadi ariyamaggena niruddhānaṃ āsavānaṃ vasena anāsavatā, loke cittānipi anāsavā siyuṃ. Na hi niruddhāni cittāni ārammaṇāni karontīti tāni aniruddhāsavavasena sāsavānīti ce. Sotāpannassa maggacittaṃ uparimaggavajjhāsavavasena sāsavaṃ, avasiṭṭhāsavasamucchindanānubhāvattā phalāni sāsavāni siyunti? Na, āsavasamucchindanānubhāvāgataphalattā. Bhiṃsanassa karaṇaṃ bhiṃsanakataṃ, tasmiṃ bhiṃsanakatasmiṃ, bhiṃsanakiriyāyāti attho. Itthiliṅgaṃ vipallāsaṃ katvā napuṃsakaliṅgaṃ, purisaliṅgaṃ vā katvā. Nimittattheti ettha –
‘‘жаммани д̣̇ийбинам̣ ханд̇и, д̣̇анд̇зсу ханд̇и гун̃ж̇арам̣;
‘‘Cammani dīpinaṃ hanti, dantesu hanti kuñjaraṃ;
ваалзсу жаамарим̣ ханд̇и, син̇г̇зсу сарабхо хад̇о’’д̇и. –
Vālesu cāmariṃ hanti, siṅgesu sarabho hato’’ti. –
ад̇хигаран̣ам̣.
Adhikaraṇaṃ.
20-21. нажирадтид̇игагааран̣з гат̇ид̇з жирадтид̇игагааран̣ам̣ ад̇т̇ад̇о вуд̇д̇абадибагкавасзна гин̃жааби сид̣̇д̇хам̣, д̇ат̇ааби д̇ам̣ т̇зрасса винаяабан̃н̃ад̇д̇ияаажанааяа огаасагааран̣аад̇хиббааяад̇о винаяабан̃н̃ад̇д̇ияаажаногаасам̣ баабзд̇ум̣ буна бхаг̇аванд̇ам̣ ‘‘го бана, бханд̇з, хзд̇уу’’д̇и бужчи. бхаг̇авааби яаажанам̣ самбадижчид̇угаамо б̣яаагааси. ‘‘аасавадтаанийяаа сан̇гхз баад̇убхаванд̇ий’’д̇и буг̇г̇аласса сан̇гхабарияаабаннад̇д̇аа вуд̇д̇ам̣. аад̣̇арад̇т̇авасзнзвзд̇т̇а д̣̇вигкад̇д̇ум̣ вуд̇д̇анд̇и яасмаа т̇зро буб̣б̣з рааж̇аг̇ахз, самбад̇и взран̃ж̇ааяанд̇и д̣̇вигкад̇д̇ум̣ гаажи, д̇асмаа аад̣̇арзна бунаббунам̣ яаажаяамаанам̣ бассид̇ваа саяамби бхаг̇аваа аад̣̇арзнзва ‘‘ааг̇амзхи д̇вам̣ саарибуд̇д̇аа’’д̇и ааха. д̇знзд̇ам̣ д̣̇ийбзд̇и ‘‘маа д̇вам̣ бунаббунам̣ яаажаахи, самбадижчид̇аава маяаа д̇з яаажанаа, буб̣б̣знану д̇аваяаажанам̣ самбадижчад̇аава маяаа зд̇д̇агз гаалз зд̇д̇агаани сигкаабад̣̇аани бан̃н̃ад̇д̇аани, на д̇аава мз саавагаанам̣ аан̣аабаад̇имогкуд̣̇д̣̇зсаануж̇аананагаало самбад̇д̇о, д̇аггаанумаанавасзна д̇аяаа ‘зд̇асса бхаг̇аваа гаало’д̇и бунаббунам̣ нид̣̇д̣̇исияамааноби нзса со гаало, гинд̇у д̇ат̇ааг̇ад̇ова д̇ад̇т̇а гаалам̣ ж̇ааниссад̇ий’’д̇и. яасмаа бана ‘‘сигкаабад̣̇абан̃н̃ад̇д̇игаалад̇о бабхуд̇и аан̣аабаад̇имогкамзва уд̣̇д̣̇исияад̇ий’’д̇и вуд̇д̇ам̣, д̇асмаа баад̇имогкуд̣̇д̣̇зсаббахонагасигкаабад̣̇амзва санд̇хааяааха. ‘‘д̇ад̇т̇аад̇и сигкаабад̣̇абан̃н̃ад̇д̇ияаажанаабзгкам̣ бхуммаважана’’нд̇и згамзва бад̣̇ам̣ вуд̇д̇ам̣ д̇ассаа сид̣̇д̇хияаа ид̇арасса сид̣̇д̇хид̇о. ‘‘саавагаанам̣ висаяабхааванд̇и иминаа махаабад̣̇умад̇т̇зраваад̣̇о бадигкид̇д̇о’’д̇и ануг̇ан̣тибад̣̇з вуд̇д̇ам̣, д̇ам̣ сунд̣̇арам̣ вияа. саммукз г̇арахаа. бараммукз убаваад̣̇о. ‘‘на, бхигкавз, уунад̣̇асавассзна…бз… д̣̇уггадассаа’’д̇и (махаава. 75) ид̣̇ам̣ сигкаабад̣̇ам̣ бхаг̇аваа б̣уд̣̇д̇хад̇д̇зна д̣̇асавассиго худ̇ваа бан̃н̃абзси уунад̣̇асавассигасса д̇асса д̇ат̇аа сигкаабад̣̇абан̃н̃ад̇д̇ияаа абхаавад̇о. на д̇ад̣̇аа ад̇ирзгад̣̇асавассигова д̣̇асавассигаанам̣ рад̇д̇ан̃н̃умахад̇д̇аббад̇д̇ид̇о, д̇асмаа д̇ам̣ сигкаабад̣̇ам̣ взран̃ж̇ааяам̣ вассааваасад̇о буб̣б̣з рааж̇аг̇ахз зва бан̃н̃ад̇д̇анд̇и сид̣̇д̇хам̣, д̇асмим̣ сид̣̇д̇хз сид̣̇д̇хамзва ‘‘яаава на сан̇гхо рад̇д̇ан̃н̃умахад̇д̇ам̣ бад̇д̇од̇и важанам̣ ид̇о буб̣б̣з батамаяаажанааяаби вуд̇д̇а’’нд̇и. адтагат̇ааяамби рад̇д̇ан̃н̃умахад̇д̇аббад̇д̇агаалз ‘‘д̣̇вз сигкаабад̣̇ааний’’д̇и г̇ан̣анабарижчзд̣̇аважанам̣ батамаяаажанааяа вуд̇д̇аважанам̣ санд̇хааяа вуд̇д̇ам̣. ан̃н̃ат̇аа рад̇д̇ан̃н̃умахад̇д̇аббад̇д̇агаалз д̣̇вз зва, на ан̃н̃анд̇и аабаж̇ж̇ад̇и.
20-21. Naciraṭṭhitikakāraṇe kathite ciraṭṭhitikakāraṇaṃ atthato vuttapaṭipakkhavasena kiñcāpi siddhaṃ, tathāpi taṃ therassa vinayapaññattiyācanāya okāsakāraṇādhippāyato vinayapaññattiyācanokāsaṃ pāpetuṃ puna bhagavantaṃ ‘‘ko pana, bhante, hetū’’ti pucchi. Bhagavāpi yācanaṃ sampaṭicchitukāmo byākāsi. ‘‘Āsavaṭṭhānīyā saṅghe pātubhavantī’’ti puggalassa saṅghapariyāpannattā vuttaṃ. Ādaratthavasenevettha dvikkhattuṃ vuttanti yasmā thero pubbe rājagahe, sampati verañjāyanti dvikkhattuṃ kāci, tasmā ādarena punappunaṃ yācayamānaṃ passitvā sayampi bhagavā ādareneva ‘‘āgamehi tvaṃ sāriputtā’’ti āha. Tenetaṃ dīpeti ‘‘mā tvaṃ punappunaṃ yācāhi, sampaṭicchitāva mayā te yācanā, pubbenanu tavayācanaṃ sampaṭicchatāva mayā ettake kāle ettakāni sikkhāpadāni paññattāni, na tāva me sāvakānaṃ āṇāpātimokkhuddesānujānanakālo sampatto, takkānumānavasena tayā ‘etassa bhagavā kālo’ti punappunaṃ niddisiyamānopi nesa so kālo, kintu tathāgatova tattha kālaṃ jānissatī’’ti. Yasmā pana ‘‘sikkhāpadapaññattikālato pabhuti āṇāpātimokkhameva uddisiyatī’’ti vuttaṃ, tasmā pātimokkhuddesappahonakasikkhāpadameva sandhāyāha. ‘‘Tatthāti sikkhāpadapaññattiyācanāpekkhaṃ bhummavacana’’nti ekameva padaṃ vuttaṃ tassā siddhiyā itarassa siddhito. ‘‘Sāvakānaṃ visayabhāvanti iminā mahāpadumattheravādo paṭikkhitto’’ti anugaṇṭhipade vuttaṃ, taṃ sundaraṃ viya. Sammukhe garahā. Parammukhe upavādo. ‘‘Na, bhikkhave, ūnadasavassena…pe… dukkaṭassā’’ti (mahāva. 75) idaṃ sikkhāpadaṃ bhagavā buddhattena dasavassiko hutvā paññapesi ūnadasavassikassa tassa tathā sikkhāpadapaññattiyā abhāvato. Na tadā atirekadasavassikova dasavassikānaṃ rattaññumahattappattito, tasmā taṃ sikkhāpadaṃ verañjāyaṃ vassāvāsato pubbe rājagahe eva paññattanti siddhaṃ, tasmiṃ siddhe siddhameva ‘‘yāva na saṅgho rattaññumahattaṃ pattoti vacanaṃ ito pubbe paṭhamayācanāyapi vutta’’nti. Aṭṭhakathāyampi rattaññumahattappattakāle ‘‘dve sikkhāpadānī’’ti gaṇanaparicchedavacanaṃ paṭhamayācanāya vuttavacanaṃ sandhāya vuttaṃ. Aññathā rattaññumahattappattakāle dve eva, na aññanti āpajjati.
‘‘ат̇а ко ааяасмад̇о саарибуд̇д̇ассаа’’д̇иаад̣̇имхи аяамаад̣̇ид̇о бадтааяа ад̇т̇авибхааванаа – аяам̣ гирааяасмаа ассаж̇ид̇т̇зрад̇о бадилад̣̇д̇хам̣ згаг̇аат̇аамад̇д̇агам̣ д̇хаммабарияааяам̣ наяасад̇асахассзхи вивзжзнд̇о арахад̇д̇ам̣ бад̇ваа саавагабаарамийн̃аан̣з тид̇о ‘‘ахо вад̇а махаанубхаавояам̣ сад̣̇д̇хаммо, яо винааби д̇хаммасааминаа бараммукад̇о суд̇амад̇д̇зби маяхам̣ маханд̇ам̣ г̇ун̣ависзсам̣ ж̇анзси, саад̇ху вад̇ааяам̣ сад̣̇д̇хаммо жирам̣ д̇идтзяяаа’’д̇и жинд̇знд̇о ‘‘гад̇амзсаанам̣ ну ко б̣уд̣̇д̇хаанам̣ бхаг̇аванд̇аанам̣…бз… на жирадтид̇ига’’нд̇и д̇амад̇т̇ам̣, гааран̣ан̃жа ад̇д̇ано аг̇г̇асааваган̃аан̣зна бадивиж̇жхид̇ваа ‘‘саавагаанам̣ сигкаабад̣̇ам̣ бан̃н̃ад̇д̇анд̇иаад̣̇ижирадтид̇игааран̣а’’нд̇и нидтам̣ гад̇ваа винаяабан̃н̃ад̇д̇ияаажаногаасагаран̣ад̇т̇ам̣ бхаг̇аванд̇ам̣ бужчи. д̇ад̇о бан̃хасса виссаж̇ж̇анз винаяабан̃н̃ад̇д̇ияаажаногаасз самбад̇д̇з ‘‘зд̇асса бхаг̇аваа гаало, зд̇асса суг̇ад̇а гаало’’д̇и винаяабан̃н̃ад̇д̇им̣ яаажи. д̇ад̇о бхаг̇аваа д̇ассаа яаажанааяа самбадижчид̇абхаавам̣, ‘‘зд̇асса бхаг̇аваа гаало’’д̇и вуд̇д̇агааласса агаалад̇ам̣, гааласса жа анан̃н̃ависаяад̇ам̣ д̣̇ийбзнд̇о ‘‘ааг̇амзхи д̇ва’’нд̇иаад̣̇имааха, д̇ад̇о бхаг̇аваа д̇асса яаажанам̣, сад̇д̇зсу гаарун̃н̃ад̇ан̃жа бадижжа ‘‘д̇зна ко бана самаязна бхигкуу анубаж̇жхааяагаа анаажарияагаа ановад̣̇ияамаанаа’’д̇иаад̣̇инаа (махаава. 64) наязна взбулламахад̇д̇ад̇ам̣ бадижжа сад̇т̇аа саавагаанам̣ убаж̇жхааяавад̇д̇аад̣̇ийни винаяагаммаани, д̇ад̣̇ануруубасигкаабад̣̇аани жа бан̃н̃абзси. д̇ад̇о ануггамзна д̣̇ваад̣̇асамавассам̣ взран̃ж̇ааяам̣ васи. д̇ад̣̇аа жа ааяасмаа саарибуд̇д̇о сад̇т̇аараа нид̣̇д̣̇идтзсу жирадтид̇ихзд̇уусу ж̇аад̇зсу ‘‘наван̇г̇асад̇т̇усаасанамахад̇д̇ад̇аа жа самбад̇и ж̇аад̇аа, винаяабан̃н̃ад̇д̇и жа б̣ахуд̇араа ж̇аад̇аа, баад̇имогкуд̣̇д̣̇зсо звзго на д̇аава саавагаанам̣ анун̃н̃аад̇о, со жа барисуд̣̇д̇хзна сан̇гхзна гарийяад̇и. сан̇гхоби зд̇арахи барисуд̣̇д̇хо бажчимагасса сод̇аабаннад̇д̇аа’’д̇и жинд̇зд̇ваа баад̇имогкуд̣̇д̣̇зсам̣ ануж̇аанаабзд̇угаамо яад̇д̇агзхи жа сигкаабад̣̇зхи баад̇имогкуд̣̇д̣̇зсо ануж̇аанийяад̇и, д̇ад̇д̇агаанам̣ бан̃н̃ад̇д̇ияаажанабуб̣б̣ан̇г̇амам̣ баад̇имогкуд̣̇д̣̇зсам̣ яаажанд̇о буб̣б̣уббаннавид̇аггасуужанабужчаависсаж̇ж̇анаггамавасзна яаажаногаасз самбад̇д̇з ‘‘зд̇асса бхаг̇аваа гаало’’д̇иаад̣̇имааха.
‘‘Atha kho āyasmato sāriputtassā’’tiādimhi ayamādito paṭṭhāya atthavibhāvanā – ayaṃ kirāyasmā assajittherato paṭiladdhaṃ ekagāthāmattakaṃ dhammapariyāyaṃ nayasatasahassehi vivecento arahattaṃ patvā sāvakapāramīñāṇe ṭhito ‘‘aho vata mahānubhāvoyaṃ saddhammo, yo vināpi dhammasāminā parammukhato sutamattepi mayhaṃ mahantaṃ guṇavisesaṃ janesi, sādhu vatāyaṃ saddhammo ciraṃ tiṭṭheyyā’’ti cintento ‘‘katamesānaṃ nu kho buddhānaṃ bhagavantānaṃ…pe… na ciraṭṭhitika’’nti tamatthaṃ, kāraṇañca attano aggasāvakañāṇena paṭivijjhitvā ‘‘sāvakānaṃ sikkhāpadaṃ paññattantiādiciraṭṭhitikāraṇa’’nti niṭṭhaṃ katvā vinayapaññattiyācanokāsakaraṇatthaṃ bhagavantaṃ pucchi. Tato pañhassa vissajjane vinayapaññattiyācanokāse sampatte ‘‘etassa bhagavā kālo, etassa sugata kālo’’ti vinayapaññattiṃ yāci. Tato bhagavā tassā yācanāya sampaṭicchitabhāvaṃ, ‘‘etassa bhagavā kālo’’ti vuttakālassa akālataṃ, kālassa ca anaññavisayataṃ dīpento ‘‘āgamehi tva’’ntiādimāha, tato bhagavā tassa yācanaṃ, sattesu kāruññatañca paṭicca ‘‘tena kho pana samayena bhikkhū anupajjhāyakā anācariyakā anovadiyamānā’’tiādinā (mahāva. 64) nayena vepullamahattataṃ paṭicca satthā sāvakānaṃ upajjhāyavattādīni vinayakammāni, tadanurūpasikkhāpadāni ca paññapesi. Tato anukkamena dvādasamavassaṃ verañjāyaṃ vasi. Tadā ca āyasmā sāriputto satthārā niddiṭṭhesu ciraṭṭhitihetūsu jātesu ‘‘navaṅgasatthusāsanamahattatā ca sampati jātā, vinayapaññatti ca bahutarā jātā, pātimokkhuddeso eveko na tāva sāvakānaṃ anuññāto, so ca parisuddhena saṅghena karīyati. Saṅghopi etarahi parisuddho pacchimakassa sotāpannattā’’ti cintetvā pātimokkhuddesaṃ anujānāpetukāmo yattakehi ca sikkhāpadehi pātimokkhuddeso anujānīyati, tattakānaṃ paññattiyācanapubbaṅgamaṃ pātimokkhuddesaṃ yācanto pubbuppannavitakkasūcanapucchāvissajjanakkamavasena yācanokāse sampatte ‘‘etassa bhagavā kālo’’tiādimāha.
д̇ад̇т̇а ‘‘яам̣ бхаг̇аваа саавагаанам̣ сигкаабад̣̇ам̣ бан̃н̃абзяяаа’’д̇и баад̇имогкуд̣̇д̣̇зсаббахонагасигкаабад̣̇ам̣ санд̇хааяааха, аяамад̇т̇о бхад̣̇д̣̇аалисуд̇д̇зна (ма. ни. 2.134 аад̣̇аяо) д̣̇ийбзд̇аб̣б̣о . д̇ад̇т̇а хи б̣ахуусу сигкаабад̣̇зсу бан̃н̃ад̇д̇зсу, бан̃н̃абияамаанзсу жа ‘‘на д̇аава бхад̣̇д̣̇аали сад̇т̇аа саавагаанам̣ сигкаабад̣̇ам̣ бан̃н̃абзд̇ий’’д̇иаад̣̇и (ма. ни. 2.145) вуд̇д̇ам̣ абан̃н̃ад̇д̇ам̣ убаад̣̇ааяа, д̇ат̇аа ид̇хааби абан̃н̃ад̇д̇ам̣ санд̇хааяа вуд̇д̇анд̇и взд̣̇ид̇аб̣б̣ам̣. барисуд̣̇д̇хад̇д̇аа сан̇гхасса самбад̇и саавагаанам̣ аан̣аабаад̇имогкуд̣̇д̣̇зсам̣ наануж̇аанаамийд̇и д̣̇ассзнд̇о ‘‘нираб̣б̣уд̣̇о’’д̇иаад̣̇имааха. на хи барисуд̣̇д̇хз сан̇гхз оваад̣̇абаад̇имогкуд̣̇д̣̇зсасса ануд̣̇д̣̇зсагааран̣ам̣ ад̇т̇и, д̇асмим̣ сад̇и аан̣аабаад̇имогкуд̣̇д̣̇зсаануж̇аананаад̇хиббааяад̇о. д̇ат̇аа жа со д̇ад̇о адтаннам̣вассаанам̣ ажжаязна анун̃н̃аад̇о. яат̇ааха баад̇имогкатабанагканд̇хагз (жуул̣ава. 386) ‘‘на д̣̇аанаахам̣, бхигкавз, ид̇о барам̣ убосат̇ам̣ гариссаами…бз… баад̇имогкам̣ уд̣̇д̣̇исзяяаат̇аа’’д̇и. яам̣ бана убасамбад̣̇агканд̇хагз (махаава. 129) ‘‘д̇зна ко бана самаязна бхигкуу ан̃н̃ад̇арам̣ бхигкум̣ убасамбаад̣̇зд̇ваа згагам̣ охааяа баггамим̣су…бз… со д̇ассаа мзт̇унам̣ д̇хаммам̣ бадисзвид̇ваа жирзна аг̇амаасий’’д̇и вад̇т̇у ааг̇ад̇ам̣, д̇ам̣ суд̣̇иннавад̇т̇уд̇о барад̇о уббаннамби д̇ад̇т̇а яат̇аад̇хигаарам̣ самод̇хаанзд̇ум̣ вуд̇д̇ам̣. д̇ат̇аа д̇ад̇т̇зва ‘‘убхаяаани ко банасса баад̇имогкаани вид̇т̇аарзна свааг̇ад̇аани хонд̇ий’’д̇иаад̣̇инаа (баажи. 147; а. ни. 8.52; 10.33) ан̇г̇ааниби взд̣̇ид̇аб̣б̣аани. на хи аад̣̇ид̇о зва убхад̇обаад̇имогкаани сид̣̇д̇хаанийд̇и. абижа аад̣̇ид̇о бадтааяа аяамануггамо взд̣̇ид̇аб̣б̣о, сзяяат̇ид̣̇ам̣ – раахулагумаарз уббаннз б̣од̇хисад̇д̇о нигкамид̇ваа чаб̣б̣ассаани д̣̇уггарам̣ гад̇ваа сад̇д̇амз абхисамб̣уд̣̇д̇хо, д̇асмим̣ зва сам̣важчарз габилавад̇т̇ум̣ г̇анд̇ваа раахулагумаарам̣ баб̣б̣ааж̇зси. амб̣аладтигараахуловаад̣̇асуд̇д̇адтагат̇ааяам̣ (ма. ни. адта. 2.107 аад̣̇аяо) ‘‘аяан̃хи ааяасмаа сад̇д̇авассигагаалз бхаг̇аванд̇ам̣ жийвараган̣н̣з г̇ахзд̇ваа ‘д̣̇ааяаж̇ж̇ам̣ мз саман̣а д̣̇зхи, д̣̇ааяаж̇ж̇ам̣ мз саман̣а д̣̇зхий’д̇и д̣̇ааяаж̇ж̇ам̣ яаажамаано бхаг̇авад̇аа д̇хаммасзнаабад̇исаарибуд̇д̇ад̇т̇зрасса нияяаад̣̇зд̇ваа баб̣б̣ааж̇ид̇о’’д̇и жа вуд̇д̇ам̣, д̇асмаа раахулагумаарам̣ аараб̣бха ‘‘ануж̇аанаами, бхигкавз, д̇ийхи саран̣аг̇аманзхи сааман̣зрабаб̣б̣аж̇ж̇а’’нд̇и (махаава. 105) вуд̇д̇ад̇д̇аа саран̣аг̇амануубасамбад̣̇аа батамавассаб̣бханд̇арз зва бадигкид̇д̇аа, н̃ад̇д̇ижад̇уд̇т̇агаммавасзна убасамбад̣̇аа анун̃н̃аад̇аад̇и бан̃н̃ааяад̇и. абижа раахулавад̇т̇умхи ‘‘на, бхигкавз, ананун̃н̃аад̇о маад̇аабид̇уухи буд̇д̇о баб̣б̣ааж̇зд̇аб̣б̣о, яо баб̣б̣ааж̇зяяа, аабад̇д̇и д̣̇уггадассаа’’д̇и (махаава. 105) сигкаабад̣̇ам̣ бан̃н̃ад̇д̇ам̣, д̇асмаа ид̇о буб̣б̣зби сигкаабад̣̇аани бан̃н̃ад̇д̇аанийд̇и сид̣̇д̇хам̣.
Tattha ‘‘yaṃ bhagavā sāvakānaṃ sikkhāpadaṃ paññapeyyā’’ti pātimokkhuddesappahonakasikkhāpadaṃ sandhāyāha, ayamattho bhaddālisuttena (ma. ni. 2.134 ādayo) dīpetabbo . Tattha hi bahūsu sikkhāpadesu paññattesu, paññapiyamānesu ca ‘‘na tāva bhaddāli satthā sāvakānaṃ sikkhāpadaṃ paññapetī’’tiādi (ma. ni. 2.145) vuttaṃ apaññattaṃ upādāya, tathā idhāpi apaññattaṃ sandhāya vuttanti veditabbaṃ. Parisuddhattā saṅghassa sampati sāvakānaṃ āṇāpātimokkhuddesaṃ nānujānāmīti dassento ‘‘nirabbudo’’tiādimāha. Na hi parisuddhe saṅghe ovādapātimokkhuddesassa anuddesakāraṇaṃ atthi, tasmiṃ sati āṇāpātimokkhuddesānujānanādhippāyato. Tathā ca so tato aṭṭhannaṃvassānaṃ accayena anuññāto. Yathāha pātimokkhaṭhapanakkhandhake (cūḷava. 386) ‘‘na dānāhaṃ, bhikkhave, ito paraṃ uposathaṃ karissāmi…pe… pātimokkhaṃ uddiseyyāthā’’ti. Yaṃ pana upasampadakkhandhake (mahāva. 129) ‘‘tena kho pana samayena bhikkhū aññataraṃ bhikkhuṃ upasampādetvā ekakaṃ ohāya pakkamiṃsu…pe… so tassā methunaṃ dhammaṃ paṭisevitvā cirena agamāsī’’ti vatthu āgataṃ, taṃ sudinnavatthuto parato uppannampi tattha yathādhikāraṃ samodhānetuṃ vuttaṃ. Tathā tattheva ‘‘ubhayāni kho panassa pātimokkhāni vitthārena svāgatāni hontī’’tiādinā (pāci. 147; a. ni. 8.52; 10.33) aṅgānipi veditabbāni. Na hi ādito eva ubhatopātimokkhāni siddhānīti. Apica ādito paṭṭhāya ayamanukkamo veditabbo, seyyathidaṃ – rāhulakumāre uppanne bodhisatto nikkhamitvā chabbassāni dukkaraṃ katvā sattame abhisambuddho, tasmiṃ eva saṃvacchare kapilavatthuṃ gantvā rāhulakumāraṃ pabbājesi. Ambalaṭṭhikarāhulovādasuttaṭṭhakathāyaṃ (ma. ni. aṭṭha. 2.107 ādayo) ‘‘ayañhi āyasmā sattavassikakāle bhagavantaṃ cīvarakaṇṇe gahetvā ‘dāyajjaṃ me samaṇa dehi, dāyajjaṃ me samaṇa dehī’ti dāyajjaṃ yācamāno bhagavatā dhammasenāpatisāriputtattherassa niyyādetvā pabbājito’’ti ca vuttaṃ, tasmā rāhulakumāraṃ ārabbha ‘‘anujānāmi, bhikkhave, tīhi saraṇagamanehi sāmaṇerapabbajja’’nti (mahāva. 105) vuttattā saraṇagamanūpasampadā paṭhamavassabbhantare eva paṭikkhittā, ñatticatutthakammavasena upasampadā anuññātāti paññāyati. Apica rāhulavatthumhi ‘‘na, bhikkhave, ananuññāto mātāpitūhi putto pabbājetabbo, yo pabbājeyya, āpatti dukkaṭassā’’ti (mahāva. 105) sikkhāpadaṃ paññattaṃ, tasmā ito pubbepi sikkhāpadāni paññattānīti siddhaṃ.
суд̇ваа жа яо хзд̇унирод̇хамаг̇г̇ам̣,
Sutvā ca yo hetunirodhamaggaṃ,
нирод̇хубааяам̣ бадивиж̇жхи киббам̣;
Nirodhupāyaṃ paṭivijjhi khippaṃ;
ж̇аад̇овабзгкзна асзсамзд̇ам̣,
Jātovapekkhena asesametaṃ,
логам̣ вибассий суг̇ад̇аг̇г̇асиссо.
Lokaṃ vipassī sugataggasisso.
со д̇хаммасзнаабад̇и аг̇г̇асиссо,
So dhammasenāpati aggasisso,
сад̣̇д̇хаммарааж̇асса д̇ат̇ааг̇ад̇асса;
Saddhammarājassa tathāgatassa;
саяам̣ мунинд̣̇зна яасасса бад̇д̇о,
Sayaṃ munindena yasassa patto,
анзгасо сол̣асад̇хаа басад̇т̇о.
Anekaso soḷasadhā pasattho.
д̇асмаа хи сигкаабад̣̇аб̣анд̇хагаало,
Tasmā hi sikkhāpadabandhakālo,
н̃аад̇умби логз ад̇ибхаарияова;
Ñātumpi loke atibhāriyova;
баг̇зва сигкаабад̣̇абхаавабхзд̣̇о,
Pageva sikkhāpadabhāvabhedo,
баг̇зва ан̃н̃о убхаяад̇т̇а д̇ад̇т̇а.
Pageva añño ubhayattha tattha.
бажжзгаб̣уд̣̇д̇хаа аби д̇ам̣ д̣̇ваяанд̇у,
Paccekabuddhā api taṃ dvayantu,
н̃аад̇ум̣ на саггаава баг̇зва нзд̇ум̣;
Ñātuṃ na sakkāva pageva netuṃ;
ниссам̣саяам̣ д̇ад̇т̇а д̇ат̇ааг̇ад̇ова,
Nissaṃsayaṃ tattha tathāgatova,
ж̇ааниссад̇ижжааха д̇ат̇ааг̇ад̇од̇и.
Jānissaticcāha tathāgatoti.
ижжзд̇амад̇т̇ам̣ ид̇ха бхигку н̃ад̇ваа,
Iccetamatthaṃ idha bhikkhu ñatvā,
сигкаабад̣̇аанам̣ гамабхаавабхзд̣̇ам̣;
Sikkhāpadānaṃ kamabhāvabhedaṃ;
н̃аад̇ум̣ саяам̣ но на барз жа нзд̇ум̣,
Ñātuṃ sayaṃ no na pare ca netuṃ,
бариязсид̇аб̣б̣о ид̇ха яуд̇д̇имаг̇г̇о.
Pariyesitabbo idha yuttimaggo.
д̇ад̇т̇а гамабхзд̣̇о сигкаабад̣̇аанам̣ барад̇о аави бхависсад̇и. бхаавабхзд̣̇о д̇аава угкид̇д̇агаанувад̇д̇анабажжаяаа бхигку анаабад̇д̇иго, бхигкуний бана саманубхадтаа баарааж̇игаа ход̇и. баарааж̇игаабад̇д̇ибадижчаад̣̇анз бхигкусса д̣̇уггадам̣, бхигкунияаа баарааж̇игам̣. д̣̇удтуллам̣ аарожзнд̇асса, бадижчаад̣̇знд̇асса жа баажид̇д̇ияам̣. махаасааваж̇ж̇ам̣ баарааж̇игам̣ аарожзнд̇асса, бадижчаад̣̇знд̇асса жа бхигкусса д̣̇уггадам̣. ижжзвамаад̣̇ийхи абхаавабхзд̣̇асигкаабад̣̇аанам̣ ид̇ха бхаавабхзд̣̇зна яуд̇д̇ибариязсанам̣ саад̇хаяамааноби сияаа ануммаад̣̇авигхаад̇абхааг̇ийд̇и. зд̇д̇аавад̇аа сагалассаби винаяабидагасса вид̇аггаяаажанагаалагаалан̃н̃уугааран̣апалабаяож̇анзхи сад̇д̇ахи ан̇г̇зхи бадиман̣д̣ид̇ам̣ нид̣̇аанамааяасмад̇аа убаалид̇т̇зрзна нид̣̇ассид̇ам̣ ход̇и. д̇ад̇т̇а т̇зрасса винаяабан̃н̃ад̇д̇ияаажанахзд̇убхууд̇о вид̇агго наама. д̇ассзва ‘‘зд̇асса бхаг̇аваа гаало’’д̇иаад̣̇инаа бавад̇д̇аа яаажанаа наама. рад̇д̇ан̃н̃уувзбуллалаабхаг̇г̇аб̣аахусажжамахад̇д̇аббад̇д̇и гаало наама. саб̣б̣ан̃н̃уу зва гаалан̃н̃уу наама. аасавадтаанийяаанам̣ д̇хаммаанам̣ баад̇убхааво гааран̣ам̣ наама. ‘‘д̇зсам̣язва аасавадтаанийяаанам̣ д̇хаммаанам̣ бадигхаад̇ааяаа’’д̇и важанад̇о аасавадтаанийяад̇хаммабадигхаад̇о палам̣ наама. ‘‘яат̇аяид̣̇ам̣ б̣рахмажарияам̣ ад̣̇д̇ханияам̣ ассаа’’д̇и важанад̇о саасанаб̣рахмажарияасса жирадтид̇и баяож̇ананд̇и взд̣̇ид̇аб̣б̣ам̣. ход̇и жзд̇т̇а –
Tattha kamabhedo sikkhāpadānaṃ parato āvi bhavissati. Bhāvabhedo tāva ukkhittakānuvattanapaccayā bhikkhu anāpattiko, bhikkhunī pana samanubhaṭṭhā pārājikā hoti. Pārājikāpattipaṭicchādane bhikkhussa dukkaṭaṃ, bhikkhuniyā pārājikaṃ. Duṭṭhullaṃ ārocentassa, paṭicchādentassa ca pācittiyaṃ. Mahāsāvajjaṃ pārājikaṃ ārocentassa, paṭicchādentassa ca bhikkhussa dukkaṭaṃ. Iccevamādīhi abhāvabhedasikkhāpadānaṃ idha bhāvabhedena yuttipariyesanaṃ sādhayamānopi siyā anummādavighātabhāgīti. Ettāvatā sakalassapi vinayapiṭakassa vitakkayācanakālakālaññūkāraṇaphalapayojanehi sattahi aṅgehi paṭimaṇḍitaṃ nidānamāyasmatā upālittherena nidassitaṃ hoti. Tattha therassa vinayapaññattiyācanahetubhūto vitakko nāma. Tasseva ‘‘etassa bhagavā kālo’’tiādinā pavattā yācanā nāma. Rattaññūvepullalābhaggabāhusaccamahattappatti kālo nāma. Sabbaññū eva kālaññū nāma. Āsavaṭṭhānīyānaṃ dhammānaṃ pātubhāvo kāraṇaṃ nāma. ‘‘Tesaṃyeva āsavaṭṭhānīyānaṃ dhammānaṃ paṭighātāyā’’ti vacanato āsavaṭṭhānīyadhammapaṭighāto phalaṃ nāma. ‘‘Yathayidaṃ brahmacariyaṃ addhaniyaṃ assā’’ti vacanato sāsanabrahmacariyassa ciraṭṭhiti payojananti veditabbaṃ. Hoti cettha –
‘‘вид̇агго яаажанаа гаало, гаалан̃н̃уу гааран̣ам̣ палам̣;
‘‘Vitakko yācanā kālo, kālaññū kāraṇaṃ phalaṃ;
баяож̇ананд̇и сад̇д̇ан̇г̇ам̣, нид̣̇аанам̣ винаяассид̇хаа’’д̇и.
Payojananti sattaṅgaṃ, nidānaṃ vinayassidhā’’ti.
22. анд̇имаман̣д̣аланд̇и аб̣бханд̇араман̣д̣алам̣. д̇ан̃хи ид̇арзсам̣ анд̇о ход̇и, куд̣̇д̣̇агаман̣д̣алам̣ ваа. анумад̇ид̣̇аанавасзна д̇зсам̣ бхигкуунам̣ д̣̇ад̇ваа. д̇зсам̣ б̣уд̣̇д̇хаанам̣ жааригааяа винзд̇аб̣б̣аа взнзяяасад̇д̇аа. ожинанд̇аа вияаад̇и б̣ахубубпам̣ г̇ажчам̣ маалаагаараа жирам̣ ожинанд̇и, звам̣ б̣ахувзнзяязсу г̇аамаад̣̇ийсу жирам̣ васанд̇аа взнзяяабун̃н̃ам̣ барихаранд̇аа жаранд̇и. санд̇ам̣ сукам̣, на взд̣̇анаасукам̣ вияа сабарибпанд̣̇ам̣. д̣̇асасахассажаггаваал̣зд̇и д̣̇зваанам̣ васзна вуд̇д̇ам̣. мануссаа бана имасмим̣язва жаггаваал̣з б̣од̇ханзяяаа уббаж̇ж̇анд̇и. махаагарун̣ааяа д̇хувам̣ сад̇д̇асамавалоганам̣. од̇ин̣н̣зд̇и барисамаж̇жхам̣ ааг̇ад̇з, аарожид̇з ваа. язна гааран̣зна маяам̣ д̇умхаагам̣ д̣̇зяяад̇хаммам̣ д̣̇ад̣̇зяяаама, д̇ам̣ гуд̇о саггаа лад̣̇д̇хум̣. б̣ахугижжаа хи гхарааваасаад̇и. д̣̇уд̇ияавигаббз д̇анд̇и д̣̇зяяад̇хаммам̣. ‘‘д̇умхзхи д̇ам̣ гуд̇о лад̣̇д̇хаа’’д̇и ануг̇ан̣тибад̣̇з вуд̇д̇ам̣. гзжи бана ‘‘батамам̣ гирияам̣ бзгкад̇и, д̣̇уд̇ияам̣ д̣̇зяяад̇хамма’’нд̇и вад̣̇анд̇и. аажарияо бана ‘‘батамаяож̇анааяа яам̣ д̣̇аанабун̃н̃ам̣, д̇ам̣ гуд̇о лаб̣бхаа. бун̃н̃анд̇арааяаб̣ахулаа хи гхарааваасаад̇и. д̣̇уд̇ияаяож̇анааяа д̇змаасаб̣бханд̇арз яамахам̣ д̣̇ад̣̇зяяам̣, ад̇игганд̇агаалад̇д̇аа д̇амахам̣ самбад̇и гуд̇о д̣̇ад̣̇зяяанд̇и д̣̇ассзд̇ий’’д̇и вад̣̇ад̇и. сийлаад̣̇игусалад̇хаммасанд̣̇ассанаад̣̇ид̇хаммарад̇анавассам̣.
22.Antimamaṇḍalanti abbhantaramaṇḍalaṃ. Tañhi itaresaṃ anto hoti, khuddakamaṇḍalaṃ vā. Anumatidānavasena tesaṃ bhikkhūnaṃ datvā. Tesaṃ buddhānaṃ cārikāya vinetabbā veneyyasattā. Ocinantā viyāti bahupupphaṃ gacchaṃ mālākārā ciraṃ ocinanti, evaṃ bahuveneyyesu gāmādīsu ciraṃ vasantā veneyyapuññaṃ pariharantā caranti. Santaṃ sukhaṃ, na vedanāsukhaṃ viya saparipphandaṃ. Dasasahassacakkavāḷeti devānaṃ vasena vuttaṃ. Manussā pana imasmiṃyeva cakkavāḷe bodhaneyyā uppajjanti. Mahākaruṇāya dhuvaṃ sattasamavalokanaṃ. Otiṇṇeti parisamajjhaṃ āgate, ārocite vā. Yena kāraṇena mayaṃ tumhākaṃ deyyadhammaṃ dadeyyāma, taṃ kuto sakkā laddhuṃ. Bahukiccā hi gharāvāsāti. Dutiyavikappe tanti deyyadhammaṃ. ‘‘Tumhehi taṃ kuto laddhā’’ti anugaṇṭhipade vuttaṃ. Keci pana ‘‘paṭhamaṃ kiriyaṃ pekkhati, dutiyaṃ deyyadhamma’’nti vadanti. Ācariyo pana ‘‘paṭhamayojanāya yaṃ dānapuññaṃ, taṃ kuto labbhā. Puññantarāyabahulā hi gharāvāsāti. Dutiyayojanāya temāsabbhantare yamahaṃ dadeyyaṃ, atikkantakālattā tamahaṃ sampati kuto dadeyyanti dassetī’’ti vadati. Sīlādikusaladhammasandassanādidhammaratanavassaṃ.
23. бад̇д̇ун̣н̣ад̣̇зсз бад̇д̇ун̣н̣ам̣ бадаварам̣. махааяааг̇анд̇и махаад̣̇аанам̣. барибун̣н̣асан̇габбанд̇и д̇змаасам̣ сод̇аб̣б̣ам̣ аж̇ж̇а сун̣инд̇и.
23. Pattuṇṇadese pattuṇṇaṃ paṭavaraṃ. Mahāyāganti mahādānaṃ. Paripuṇṇasaṅkappanti temāsaṃ sotabbaṃ ajja suṇinti.
д̇ад̇рид̣̇анд̇и ид̣̇ам̣ гааран̣ам̣.
Tatridanti idaṃ kāraṇaṃ.
убаали д̣̇аасагод̇и аажарияабарамбарад̇о. б̣аахираб̣бханд̇аранид̣̇аанам̣, сигкаабад̣̇аанам̣ бан̃н̃ад̇д̇идтаанасан̇каад̇ам̣ аавзн̣иганид̣̇аанан̃жа санд̇хааяааха ‘‘нид̣̇аанасса бабхзд̣̇ад̣̇ийбанад̇о’’д̇и. т̇зраваад̣̇аад̣̇и вад̇т̇уббабхзд̣̇о. сагааяа бадин̃н̃ааяа мзд̇д̇ияам̣ бхигкуним̣ наасзт̇аад̇иаад̣̇и барасамаяавиваж̇ж̇анад̇од̇иаад̣̇и. вибхан̇г̇анаяабхзд̣̇ад̣̇ассанад̇од̇и д̇иссо ид̇т̇ияо бхуумадтам̣ т̇аладтанд̇иаад̣̇и. зд̇т̇ааха – гим̣ бхаг̇авад̇о маараавадданабадигхаад̇ааяа сад̇д̇и над̇т̇ийд̇и? ад̇т̇и, д̇ат̇аабисса бажчаа убаг̇уд̇д̇агаалз басаад̣̇ахзд̇уд̇д̇аа ад̇хиваасзд̇и. зд̇т̇а убаг̇уд̇д̇аад̇хидтаанам̣ вад̇д̇аб̣б̣ам̣. б̣уд̣̇д̇хаанам̣ аажин̣н̣анд̇и д̣̇иж̇ад̣̇ассанзна гим̣баяож̇ананд̇и жз? маараавадданахзд̇у б̣раахман̣асса бун̃н̃анд̇арааяод̇и баяож̇анам̣.
Upāli dāsakoti ācariyaparamparato. Bāhirabbhantaranidānaṃ, sikkhāpadānaṃ paññattiṭṭhānasaṅkhātaṃ āveṇikanidānañca sandhāyāha ‘‘nidānassa pabhedadīpanato’’ti. Theravādādi vatthuppabhedo. Sakāya paṭiññāya mettiyaṃ bhikkhuniṃ nāsethātiādi parasamayavivajjanatotiādi. Vibhaṅganayabhedadassanatoti tisso itthiyo bhūmaṭṭhaṃ thalaṭṭhantiādi. Etthāha – kiṃ bhagavato mārāvaṭṭanapaṭighātāya satti natthīti? Atthi, tathāpissa pacchā upaguttakāle pasādahetuttā adhivāseti. Ettha upaguttādhiṭṭhānaṃ vattabbaṃ. Buddhānaṃ āciṇṇanti dijadassanena kiṃpayojananti ce? Mārāvaṭṭanahetu brāhmaṇassa puññantarāyoti payojanaṃ.
д̣̇иж̇оби со маараманорат̇асса,
Dijopi so māramanorathassa,
бхан̇г̇ам̣ гаронд̇о ж̇инабун̇г̇авасса;
Bhaṅgaṃ karonto jinapuṅgavassa;
сассиссасан̇гхасса ад̣̇ааси д̣̇аанам̣,
Sassissasaṅghassa adāsi dānaṃ,
асзсагам̣ габбияабхан̣д̣абхзд̣̇ам̣.
Asesakaṃ kappiyabhaṇḍabhedaṃ.
гим̣ бхаг̇аваа сасиссо д̇аава маханд̇ам̣ габбияабхан̣д̣ам̣ уб̣бхан̣д̣игам̣ гад̇ваа аг̇амаасийд̇и? на аг̇амааси, д̇змаасибхааг̇ияам̣ бана бун̃н̃араасигам̣ д̣̇зяяад̇хаммам̣ аббадигкибанд̇о б̣раахман̣асса убааяад̇о сад̇т̇аа ад̣̇ааси.
Kiṃ bhagavā sasisso tāva mahantaṃ kappiyabhaṇḍaṃ ubbhaṇḍikaṃ katvā agamāsīti? Na agamāsi, temāsibhāgiyaṃ pana puññarāsikaṃ deyyadhammaṃ appaṭikkhipanto brāhmaṇassa upāyato satthā adāsi.
д̇ад̣̇ан̃н̃ат̇аа маараманорат̇ова,
Tadaññathā māramanorathova,
бууро сияаа нзва д̣̇иж̇асса бхияяо;
Pūro siyā neva dijassa bhiyyo;
баабам̣ маханд̇ам̣ аби баабун̣зяяа,
Pāpaṃ mahantaṃ api pāpuṇeyya,
мижчаабхимаанзна д̇ат̇ааг̇ад̇з со.
Micchābhimānena tathāgate so.
д̇асмаа бхаг̇аваа ассаад̣̇ияанд̇о д̇ам̣ д̣̇зяяад̇хаммам̣ аббадигкибанд̇о убааязна б̣раахман̣асса бун̃н̃аб̣уд̣̇д̇хим̣ гад̇ваа, маарасса жа манорат̇авигхаад̇ам̣ гад̇ваа аг̇амаасийд̇и, ‘‘аяам̣ наяо адтагат̇ам̣ винааби баал̣инаяаануломад̇о сид̣̇д̇хо’’д̇и вад̣̇анд̇и. гат̇ам̣? –
Tasmā bhagavā assādiyanto taṃ deyyadhammaṃ appaṭikkhipanto upāyena brāhmaṇassa puññabuddhiṃ katvā, mārassa ca manorathavighātaṃ katvā agamāsīti, ‘‘ayaṃ nayo aṭṭhakathaṃ vināpi pāḷinayānulomato siddho’’ti vadanti. Kathaṃ? –
‘‘сад̇т̇аа сасиссо яад̣̇и аг̇г̇ахзси,
‘‘Satthā sasisso yadi aggahesi,
д̣̇иж̇асса д̇ам̣ жийварамаад̣̇ид̇ова;
Dijassa taṃ cīvaramāditova;
наат̇асса но вийсад̇ивассагаалз,
Nāthassa no vīsativassakāle,
вируж̇жхад̇з ж̇ийвагаяаажанааби;
Virujjhate jīvakayācanāpi;
д̇ат̇ааби саб̣б̣ам̣ сувижаараяид̇ваа,
Tathāpi sabbaṃ suvicārayitvā,
яуд̇д̇ам̣ наяам̣ жинд̇аяид̇ум̣ва яуд̇д̇а’’нд̇и.
Yuttaṃ nayaṃ cintayituṃva yutta’’nti.
ид̣̇аани ааяасмаа убаалид̇т̇зро винаяабан̃н̃ад̇д̇ияаа саад̇хааран̣анид̣̇аанам̣ д̣̇ассзд̇ваа сигкаабад̣̇аанам̣ баадзггам̣ бан̃н̃ад̇д̇идтаанасан̇каад̇ам̣ нид̣̇аанамаад̣̇им̣ гад̇ваа буг̇г̇алабан̃н̃ад̇д̇ианубан̃н̃ад̇д̇ивибхааг̇аабад̇д̇ибхзд̣̇анд̇араабад̇д̇иаад̣̇игам̣ наанаббагаарам̣ вид̇хим̣ ниж̇ж̇адам̣ ниг̇г̇умб̣ам̣ гад̇ваа д̣̇ассзд̇ум̣ ‘‘ат̇а ко бхаг̇аваа взран̃ж̇ааяам̣ яат̇аабхиранд̇ам̣ вихарид̇ваа’’д̇иаад̣̇имаахаад̇и. ид̇ха тад̇ваа –
Idāni āyasmā upālitthero vinayapaññattiyā sādhāraṇanidānaṃ dassetvā sikkhāpadānaṃ pāṭekkaṃ paññattiṭṭhānasaṅkhātaṃ nidānamādiṃ katvā puggalapaññattianupaññattivibhāgāpattibhedantarāpattiādikaṃ nānappakāraṃ vidhiṃ nijjaṭaṃ niggumbaṃ katvā dassetuṃ ‘‘atha kho bhagavā verañjāyaṃ yathābhirantaṃ viharitvā’’tiādimāhāti. Idha ṭhatvā –
сигкаабад̣̇аана саб̣б̣зсам̣, гамабхзд̣̇ам̣ багаасаяз;
Sikkhāpadāna sabbesaṃ, kamabhedaṃ pakāsaye;
д̇асмим̣ сид̣̇д̇хз нид̣̇аанаанам̣, гамасид̣̇д̇хи яад̇о бхавз.
Tasmiṃ siddhe nidānānaṃ, kamasiddhi yato bhave.
д̇ад̇т̇а саб̣б̣асигкаабад̣̇аанам̣ яат̇аасамбхавам̣ д̣̇зсанааггамо бахаанаггамо бадибад̇д̇иггамо уббад̇д̇иггамод̇и жад̇уб̣б̣ид̇хо гамо лаб̣бхад̇и. д̇ад̇т̇а бхаг̇авад̇аа рааж̇аг̇ахз бхигкуунам̣ баад̇имогкуд̣̇д̣̇зсам̣ ануж̇аананд̇зна баад̇имогкуд̣̇д̣̇зсасса яо д̣̇зсанааггамо анун̃н̃аад̇о, д̇ам̣ д̣̇зсанааггамамануломзнд̇о ааяасмаа махаагассабо батамам̣ баарааж̇игуд̣̇д̣̇зсам̣ бужчи, д̇ад̣̇ананд̇арам̣ сан̇гхаад̣̇исзсуд̣̇д̣̇зсам̣, д̇ад̇о анияад̇уд̣̇д̣̇зсам̣ вид̇т̇ааруд̣̇д̣̇зсан̃жа бужчид̇ваа д̇ад̣̇ананд̇арам̣ бхигкунийвибхан̇г̇ан̃жа д̇знзва ануггамзна бужчи, нид̣̇аануд̣̇д̣̇зсанд̇ог̇ад̇хаанан̃жа саруубзна ануд̣̇д̣̇идтаанам̣ бужчанад̇т̇ам̣ канд̇хагзби бужчи. зд̇зна жа канд̇хагз бан̃н̃ад̇д̇аа т̇уллажжаяаа сан̇г̇ахид̇аа хонд̇и. бужчид̇аануггамзнзва убаалид̇т̇зро д̇ам̣ саб̣б̣ам̣ саабад̇д̇ибхзд̣̇аад̣̇игам̣ д̣̇зсзнд̇о т̇уллажжаяад̣̇уб̣бхаасид̇ааабад̇д̇исамудтаанаад̣̇ид̣̇ийбагам̣ анд̇огад̇ваа д̣̇зсзси, аяамзд̇т̇а д̣̇зсанааггамо. убхад̇овибхан̇г̇аканд̇хагад̇о бана ужжинид̇ваа д̇ад̣̇аа бариваарабаал̣и висум̣ гад̇аа. имамзва наяам̣ санд̇хааяа адтагат̇ааяам̣ вуд̇д̇ам̣ ‘‘зд̇знзва убааязна канд̇хагабариваарзби ааробзсу’’нд̇иаад̣̇и (баараа. адта. 1.батамамахаасан̇г̇ийд̇игат̇аа). абижа баал̣ияаа ‘‘зд̇знзвубааязна убхад̇овинаяз бужчи. будто будто ааяасмаа убаали виссаж̇ж̇зсий’’д̇и зд̇д̇агамзва вуд̇д̇ам̣, д̇асмаа махаагассабо убхад̇овибхан̇г̇з зва бужчи. виссаж̇ж̇знд̇о бана ааяасмаа убаали ниварасзсам̣ д̣̇зсзнд̇о канд̇хагабариваарз анд̇огад̇ваа д̣̇зсзси. д̇ад̣̇аа жа канд̇хагабариваарабаал̣и висум̣ гад̇аад̇и аяам̣ д̣̇зсанааггамо. яад̣̇и звам̣ нид̣̇аануд̣̇д̣̇зсо батамам̣ д̣̇зсзд̇аб̣б̣од̇и жз? на, д̇ад̣̇асамбхавад̇о. со хи ‘‘яасса сияаа аабад̇д̇ий’’д̇иаад̣̇инаа (махаава. 134) наязна бавад̇д̇ад̇д̇аа батамам̣ сигкаабад̣̇асан̇г̇ахид̇аасу аабад̇д̇ийсу ад̣̇ассид̇аасу на самбхавад̇и. ‘‘яаани маяаа бхигкуунам̣ бан̃н̃ад̇д̇аани сигкаабад̣̇аани, д̇аани нзсам̣ баад̇имогкуд̣̇д̣̇зсам̣ ануж̇аанзяяа’’нд̇и важанад̇о сигкаабад̣̇аанзва батамам̣ д̣̇зсзд̇аб̣б̣аанийд̇и баарааж̇игуд̣̇д̣̇зсаггамо самбхавад̇и.
Tattha sabbasikkhāpadānaṃ yathāsambhavaṃ desanākkamo pahānakkamo paṭipattikkamo uppattikkamoti catubbidho kamo labbhati. Tattha bhagavatā rājagahe bhikkhūnaṃ pātimokkhuddesaṃ anujānantena pātimokkhuddesassa yo desanākkamo anuññāto, taṃ desanākkamamanulomento āyasmā mahākassapo paṭhamaṃ pārājikuddesaṃ pucchi, tadanantaraṃ saṅghādisesuddesaṃ, tato aniyatuddesaṃ vitthāruddesañca pucchitvā tadanantaraṃ bhikkhunīvibhaṅgañca teneva anukkamena pucchi, nidānuddesantogadhānañca sarūpena anuddiṭṭhānaṃ pucchanatthaṃ khandhakepi pucchi. Etena ca khandhake paññattā thullaccayā saṅgahitā honti. Pucchitānukkameneva upālitthero taṃ sabbaṃ sāpattibhedādikaṃ desento thullaccayadubbhāsitaāpattisamuṭṭhānādidīpakaṃ antokatvā desesi, ayamettha desanākkamo. Ubhatovibhaṅgakhandhakato pana uccinitvā tadā parivārapāḷi visuṃ katā. Imameva nayaṃ sandhāya aṭṭhakathāyaṃ vuttaṃ ‘‘eteneva upāyena khandhakaparivārepi āropesu’’ntiādi (pārā. aṭṭha. 1.paṭhamamahāsaṅgītikathā). Apica pāḷiyā ‘‘etenevupāyena ubhatovinaye pucchi. Puṭṭho puṭṭho āyasmā upāli vissajjesī’’ti ettakameva vuttaṃ, tasmā mahākassapo ubhatovibhaṅge eva pucchi. Vissajjento pana āyasmā upāli nivarasesaṃ desento khandhakaparivāre antokatvā desesi. Tadā ca khandhakaparivārapāḷi visuṃ katāti ayaṃ desanākkamo. Yadi evaṃ nidānuddeso paṭhamaṃ desetabboti ce? Na, tadasambhavato. So hi ‘‘yassa siyā āpattī’’tiādinā (mahāva. 134) nayena pavattattā paṭhamaṃ sikkhāpadasaṅgahitāsu āpattīsu adassitāsu na sambhavati. ‘‘Yāni mayā bhikkhūnaṃ paññattāni sikkhāpadāni, tāni nesaṃ pātimokkhuddesaṃ anujāneyya’’nti vacanato sikkhāpadāneva paṭhamaṃ desetabbānīti pārājikuddesakkamo sambhavati.
баарааж̇игуд̣̇д̣̇зсаад̣̇исан̇г̇ахид̇аанам̣ аабад̇д̇иагусалаанам̣ яат̇ол̣ааригаггамзна бахаад̇аб̣б̣ад̇д̇аа бахаанаггамобзд̇т̇а самбхавад̇и. убасамбаннасамананд̇арам̣ ‘‘д̇аавад̣̇зва жад̇д̇аари агаран̣ийяаани аажигкид̇аб̣б̣ааний’’д̇и (махаава. 129) важанад̇о ‘‘самаад̣̇ааяа сигкад̇и сигкаабад̣̇зсуу’’д̇и (д̣̇ий. ни. 1.193) важанад̇о жа яат̇аа г̇аругам̣ аажигкан̣ам̣ сигканзна бадибад̇д̇иггамобзд̇т̇а самбхавад̇и, звамимзхи д̇ийхи гамзхи д̣̇зсзд̇аб̣б̣аанамбзд̇зсам̣ сигкаабад̣̇аанам̣ яат̇аасамбхавам̣ уббад̇д̇иггамо самбхавад̇и. д̇ат̇аа хи яам̣ яам̣ саад̇хааран̣ам̣, д̇ам̣ д̇ам̣ бхигкум̣ аараб̣бха уббаннз зва вад̇т̇усмим̣ ‘‘яаа бана бхигкуний чанд̣̇асо мзт̇унам̣ д̇хаммам̣ бадисзвзяяаа’’д̇и бхигкунийнамби бан̃н̃ад̇д̇ам̣. ан̃н̃ат̇аа д̇ам̣ бхигкунийнам̣ ануббаннабан̃н̃ад̇д̇и сияаа. д̇ад̇о ‘‘ануббаннабан̃н̃ад̇д̇и д̇асмим̣ над̇т̇ий’’д̇и (бари. 247) бариваарз зд̇ам̣ важанам̣ вируж̇жхад̇и, зд̇д̇аавад̇аа буримзна гамад̇д̇аязна батамам̣ д̣̇зсзд̇аб̣б̣ад̇ам̣ бад̇д̇з баарааж̇игуд̣̇д̣̇зсз батамуббаннад̇д̇аа мзт̇унад̇хаммабаарааж̇игам̣ саб̣б̣абатамам̣ д̣̇зсзд̇угаамо убаалид̇т̇зро ‘‘д̇ад̇ра суд̣̇ам̣ бхаг̇аваа взсаалияа’’нд̇и взсаалимзва баабзд̇ваа табзси. ан̃н̃ат̇аа б̣аараан̣асияам̣ бан̃н̃ад̇д̇аанам̣ ‘‘на, бхигкавз, мануссамам̣сам̣ барибхун̃ж̇ид̇аб̣б̣а’’нд̇и (махаава. 280) звамаад̣̇ийнам̣ д̣̇зсанаад̇хиббааяз сад̇и б̣аараан̣асим̣ баабзд̇ваа табзяяаад̇и.
Pārājikuddesādisaṅgahitānaṃ āpattiakusalānaṃ yathoḷārikakkamena pahātabbattā pahānakkamopettha sambhavati. Upasampannasamanantaraṃ ‘‘tāvadeva cattāri akaraṇīyāni ācikkhitabbānī’’ti (mahāva. 129) vacanato ‘‘samādāya sikkhati sikkhāpadesū’’ti (dī. ni. 1.193) vacanato ca yathā garukaṃ ācikkhaṇaṃ sikkhanena paṭipattikkamopettha sambhavati, evamimehi tīhi kamehi desetabbānampetesaṃ sikkhāpadānaṃ yathāsambhavaṃ uppattikkamo sambhavati. Tathā hi yaṃ yaṃ sādhāraṇaṃ, taṃ taṃ bhikkhuṃ ārabbha uppanne eva vatthusmiṃ ‘‘yā pana bhikkhunī chandaso methunaṃ dhammaṃ paṭiseveyyā’’ti bhikkhunīnampi paññattaṃ. Aññathā taṃ bhikkhunīnaṃ anuppannapaññatti siyā. Tato ‘‘anuppannapaññatti tasmiṃ natthī’’ti (pari. 247) parivāre etaṃ vacanaṃ virujjhati, ettāvatā purimena kamattayena paṭhamaṃ desetabbataṃ patte pārājikuddese paṭhamuppannattā methunadhammapārājikaṃ sabbapaṭhamaṃ desetukāmo upālitthero ‘‘tatra sudaṃ bhagavā vesāliya’’nti vesālimeva pāpetvā ṭhapesi. Aññathā bārāṇasiyaṃ paññattānaṃ ‘‘na, bhikkhave, manussamaṃsaṃ paribhuñjitabba’’nti (mahāva. 280) evamādīnaṃ desanādhippāye sati bārāṇasiṃ pāpetvā ṭhapeyyāti.
аб̣бханд̇аранид̣̇аанагат̇аа нидтид̇аа.
Abbhantaranidānakathā niṭṭhitā.
взран̃ж̇аган̣д̣аван̣н̣анаа нидтид̇аа.
Verañjakaṇḍavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / взран̃ж̇аган̣д̣ам̣ • Verañjakaṇḍaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā
д̣̇зсанаанумод̣̇анагат̇аа • Desanānumodanakathā
д̣̇уб̣бхигкагат̇аа • Dubbhikkhakathā
махаамог̇г̇аллаанассасийханаад̣̇агат̇аа • Mahāmoggallānassasīhanādakathā
винаяабан̃н̃ад̇д̇ияаажанагат̇ааван̣н̣анаа • Vinayapaññattiyācanakathāvaṇṇanā
б̣уд̣̇д̇хаажин̣н̣агат̇аа • Buddhāciṇṇakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
д̣̇зсанаанумод̣̇анагат̇аа • Desanānumodanakathā
д̣̇уб̣бхигкагат̇аа • Dubbhikkhakathā
махаамог̇г̇аллаанасса сийханаад̣̇агат̇аа • Mahāmoggallānassa sīhanādakathā
винаяабан̃н̃ад̇д̇ияаажанагат̇аа • Vinayapaññattiyācanakathā
б̣уд̣̇д̇хаажин̣н̣агат̇аа • Buddhāciṇṇakathā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā
убаасагад̇д̇абадивзд̣̇анаагат̇ааван̣н̣анаа • Upāsakattapaṭivedanākathāvaṇṇanā
винаяабан̃н̃ад̇д̇ияаажанагат̇ааван̣н̣анаа • Vinayapaññattiyācanakathāvaṇṇanā
