| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
63. убасамбад̣̇аавид̇хи
63. Upasampadāvidhi
125. д̇зна ко бана самаязна убасамбаннаа д̣̇иссанд̇и гудтигааби г̇ан̣д̣игааби гилаасигааби сосигааби абамааригааби. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, убасамбаад̣̇знд̇зна д̇зраса 1 анд̇арааяигз д̇хаммз бужчид̇ум̣. зван̃жа бана, бхигкавз, бужчид̇аб̣б̣о – ‘‘санд̇и д̇з зваруубаа ааб̣аад̇хаа – гудтам̣, г̇ан̣д̣о, гилаасо, сосо, абамааро? мануссоси ? бурисоси? бхуж̇иссоси? ан̣ан̣оси? наси рааж̇абхадо? анун̃н̃аад̇оси маад̇аабид̇уухи? барибун̣н̣авийсад̇ивассоси? барибун̣н̣ам̣ д̇з бад̇д̇ажийварам̣? гим̣наамоси? гонаамо д̇з убаж̇жхааяо’’д̇и?
125. Tena kho pana samayena upasampannā dissanti kuṭṭhikāpi gaṇḍikāpi kilāsikāpi sosikāpi apamārikāpi. Bhagavato etamatthaṃ ārocesuṃ. Anujānāmi, bhikkhave, upasampādentena terasa 2 antarāyike dhamme pucchituṃ. Evañca pana, bhikkhave, pucchitabbo – ‘‘santi te evarūpā ābādhā – kuṭṭhaṃ, gaṇḍo, kilāso, soso, apamāro? Manussosi ? Purisosi? Bhujissosi? Aṇaṇosi? Nasi rājabhaṭo? Anuññātosi mātāpitūhi? Paripuṇṇavīsativassosi? Paripuṇṇaṃ te pattacīvaraṃ? Kiṃnāmosi? Konāmo te upajjhāyo’’ti?
д̇зна ко бана самаязна бхигкуу ананусидтз убасамбад̣̇аабзгкз анд̇арааяигз д̇хаммз бужчанд̇и. убасамбад̣̇аабзгкаа вид̇т̇ааяанд̇и, ман̇гуу хонд̇и, на саггонд̇и виссаж̇ж̇зд̇ум̣. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, батамам̣ анусаасид̇ваа бажчаа анд̇арааяигз д̇хаммз бужчид̇унд̇и.
Tena kho pana samayena bhikkhū ananusiṭṭhe upasampadāpekkhe antarāyike dhamme pucchanti. Upasampadāpekkhā vitthāyanti, maṅkū honti, na sakkonti vissajjetuṃ. Bhagavato etamatthaṃ ārocesuṃ. Anujānāmi, bhikkhave, paṭhamaṃ anusāsitvā pacchā antarāyike dhamme pucchitunti.
д̇ад̇т̇зва сан̇гхамаж̇жхз анусаасанд̇и. убасамбад̣̇аабзгкаа д̇ат̇зва вид̇т̇ааяанд̇и, ман̇гуу хонд̇и, на саггонд̇и виссаж̇ж̇зд̇ум̣. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, згаманд̇ам̣ анусаасид̇ваа сан̇гхамаж̇жхз анд̇арааяигз д̇хаммз бужчид̇ум̣. зван̃жа бана, бхигкавз, анусаасид̇аб̣б̣о –
Tattheva saṅghamajjhe anusāsanti. Upasampadāpekkhā tatheva vitthāyanti, maṅkū honti, na sakkonti vissajjetuṃ. Bhagavato etamatthaṃ ārocesuṃ. Anujānāmi, bhikkhave, ekamantaṃ anusāsitvā saṅghamajjhe antarāyike dhamme pucchituṃ. Evañca pana, bhikkhave, anusāsitabbo –
126. батамам̣ убаж̇жхам̣ г̇аахаабзд̇аб̣б̣о. убаж̇жхам̣ г̇аахаабзд̇ваа бад̇д̇ажийварам̣ аажигкид̇аб̣б̣ам̣ – аяам̣ д̇з бад̇д̇о, аяам̣ сан̇гхаади, аяам̣ уд̇д̇араасан̇г̇о, аяам̣ анд̇араваасаго. г̇ажча, амумхи огаасз д̇идтаахийд̇и.
126. Paṭhamaṃ upajjhaṃ gāhāpetabbo. Upajjhaṃ gāhāpetvā pattacīvaraṃ ācikkhitabbaṃ – ayaṃ te patto, ayaṃ saṅghāṭi, ayaṃ uttarāsaṅgo, ayaṃ antaravāsako. Gaccha, amumhi okāse tiṭṭhāhīti.
б̣аалаа аб̣яад̇д̇аа анусаасанд̇и. д̣̇уранусидтаа убасамбад̣̇аабзгкаа вид̇т̇ааяанд̇и, ман̇гуу хонд̇и, на саггонд̇и виссаж̇ж̇зд̇ум̣. бхаг̇авад̇о зд̇амад̇т̇ам̣ аарожзсум̣. на, бхигкавз, б̣аалзна аб̣яад̇д̇зна анусаасид̇аб̣б̣о. яо анусаасзяяа, аабад̇д̇и д̣̇уггадасса. ануж̇аанаами, бхигкавз, б̣яад̇д̇зна бхигкунаа бадиб̣алзна анусаасид̇унд̇и.
Bālā abyattā anusāsanti. Duranusiṭṭhā upasampadāpekkhā vitthāyanti, maṅkū honti, na sakkonti vissajjetuṃ. Bhagavato etamatthaṃ ārocesuṃ. Na, bhikkhave, bālena abyattena anusāsitabbo. Yo anusāseyya, āpatti dukkaṭassa. Anujānāmi, bhikkhave, byattena bhikkhunā paṭibalena anusāsitunti.
асаммад̇аа анусаасанд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, асаммад̇зна анусаасид̇аб̣б̣о. яо анусаасзяяа, аабад̇д̇и д̣̇уггадасса. ануж̇аанаами , бхигкавз, саммад̇зна анусаасид̇ум̣. зван̃жа бана, бхигкавз, самманнид̇аб̣б̣о 3 – ад̇д̇анаа ваа 4 ад̇д̇аанам̣ самманнид̇аб̣б̣ам̣, барзна ваа баро самманнид̇аб̣б̣о.
гат̇ан̃жа ад̇д̇анаава ад̇д̇аанам̣ самманнид̇аб̣б̣ам̣? б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о – ‘‘сун̣аад̇у мз, бханд̇з, сан̇гхо. ид̇т̇аннаамо ид̇т̇аннаамасса ааяасмад̇о убасамбад̣̇аабзгко. яад̣̇и сан̇гхасса бад̇д̇агаллам̣, ахам̣ ид̇т̇аннаамам̣ анусаасзяяа’’нд̇и. звам̣ ад̇д̇анаава ад̇д̇аанам̣ самманнид̇аб̣б̣ам̣.
Kathañca attanāva attānaṃ sammannitabbaṃ? Byattena bhikkhunā paṭibalena saṅgho ñāpetabbo – ‘‘suṇātu me, bhante, saṅgho. Itthannāmo itthannāmassa āyasmato upasampadāpekkho. Yadi saṅghassa pattakallaṃ, ahaṃ itthannāmaṃ anusāseyya’’nti. Evaṃ attanāva attānaṃ sammannitabbaṃ.
гат̇ан̃жа бана барзна баро самманнид̇аб̣б̣о? б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о – ‘‘сун̣аад̇у мз, бханд̇з, сан̇гхо. ид̇т̇аннаамо ид̇т̇аннаамасса ааяасмад̇о убасамбад̣̇аабзгко. яад̣̇и сан̇гхасса бад̇д̇агаллам̣, ид̇т̇аннаамо ид̇т̇аннаамам̣ анусаасзяяаа’’д̇и . звам̣ барзна баро самманнид̇аб̣б̣о.
Kathañca pana parena paro sammannitabbo? Byattena bhikkhunā paṭibalena saṅgho ñāpetabbo – ‘‘suṇātu me, bhante, saṅgho. Itthannāmo itthannāmassa āyasmato upasampadāpekkho. Yadi saṅghassa pattakallaṃ, itthannāmo itthannāmaṃ anusāseyyā’’ti . Evaṃ parena paro sammannitabbo.
д̇зна саммад̇зна бхигкунаа убасамбад̣̇аабзгко убасан̇гамид̇ваа звамасса важанийяо – ‘‘сун̣аси, ид̇т̇аннаама, аяам̣ д̇з сажжагаало бхууд̇агаало. яам̣ ж̇аад̇ам̣ д̇ам̣ сан̇гхамаж̇жхз бужчанд̇з санд̇ам̣ ад̇т̇ийд̇и вад̇д̇аб̣б̣ам̣, асанд̇ам̣ над̇т̇ий’’д̇и вад̇д̇аб̣б̣ам̣. маа ко вид̇т̇ааяи, маа ко ман̇гу ахоси. звам̣ д̇ам̣ бужчиссанд̇и – ‘‘санд̇и д̇з зваруубаа ааб̣аад̇хаа – гудтам̣, г̇ан̣д̣о, гилаасо, сосо, абамааро? мануссоси? бурисоси? бхуж̇иссоси? ан̣ан̣оси? наси рааж̇абхадо? анун̃н̃аад̇оси маад̇аабид̇уухи? барибун̣н̣авийсад̇ивассоси? барибун̣н̣ам̣ д̇з бад̇д̇ажийварам̣? гим̣наамоси? гонаамо д̇з убаж̇жхааяо’’д̇и?
Tena sammatena bhikkhunā upasampadāpekkho upasaṅkamitvā evamassa vacanīyo – ‘‘suṇasi, itthannāma, ayaṃ te saccakālo bhūtakālo. Yaṃ jātaṃ taṃ saṅghamajjhe pucchante santaṃ atthīti vattabbaṃ, asantaṃ natthī’’ti vattabbaṃ. Mā kho vitthāyi, mā kho maṅku ahosi. Evaṃ taṃ pucchissanti – ‘‘santi te evarūpā ābādhā – kuṭṭhaṃ, gaṇḍo, kilāso, soso, apamāro? Manussosi? Purisosi? Bhujissosi? Aṇaṇosi? Nasi rājabhaṭo? Anuññātosi mātāpitūhi? Paripuṇṇavīsativassosi? Paripuṇṇaṃ te pattacīvaraṃ? Kiṃnāmosi? Konāmo te upajjhāyo’’ti?
згад̇о ааг̇ажчанд̇и. на, бхигкавз, згад̇о ааг̇анд̇аб̣б̣ам̣. анусаасагзна батамад̇арам̣ ааг̇анд̇ваа сан̇гхо н̃аабзд̇аб̣б̣о – ‘‘сун̣аад̇у мз, бханд̇з, сан̇гхо. ид̇т̇аннаамо ид̇т̇аннаамасса ааяасмад̇о убасамбад̣̇аабзгко . анусидто со маяаа. яад̣̇и сан̇гхасса бад̇д̇агаллам̣, ид̇т̇аннаамо ааг̇ажчзяяаа’’д̇и. ааг̇ажчаахийд̇и вад̇д̇аб̣б̣о.
Ekato āgacchanti. Na, bhikkhave, ekato āgantabbaṃ. Anusāsakena paṭhamataraṃ āgantvā saṅgho ñāpetabbo – ‘‘suṇātu me, bhante, saṅgho. Itthannāmo itthannāmassa āyasmato upasampadāpekkho . Anusiṭṭho so mayā. Yadi saṅghassa pattakallaṃ, itthannāmo āgaccheyyā’’ti. Āgacchāhīti vattabbo.
згам̣сам̣ уд̇д̇араасан̇г̇ам̣ гаараабзд̇ваа бхигкуунам̣ баад̣̇з ванд̣̇аабзд̇ваа уггудигам̣ нисийд̣̇аабзд̇ваа ан̃ж̇алим̣ баг̇г̇ан̣хаабзд̇ваа убасамбад̣̇ам̣ яаажаабзд̇аб̣б̣о – ‘‘сан̇гхам̣, бханд̇з, убасамбад̣̇ам̣ яаажаами. уллумбад̇у мам̣, бханд̇з, сан̇гхо анугамбам̣ убаад̣̇ааяа. д̣̇уд̇ияамби, бханд̇з, сан̇гхам̣ убасамбад̣̇ам̣ яаажаами. уллумбад̇у мам̣, бханд̇з, сан̇гхо анугамбам̣ убаад̣̇ааяа. д̇ад̇ияамби, бханд̇з, сан̇гхам̣ убасамбад̣̇ам̣ яаажаами. уллумбад̇у мам̣ , бханд̇з, сан̇гхо анугамбам̣ убаад̣̇ааяаа’’д̇и. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Ekaṃsaṃ uttarāsaṅgaṃ kārāpetvā bhikkhūnaṃ pāde vandāpetvā ukkuṭikaṃ nisīdāpetvā añjaliṃ paggaṇhāpetvā upasampadaṃ yācāpetabbo – ‘‘saṅghaṃ, bhante, upasampadaṃ yācāmi. Ullumpatu maṃ, bhante, saṅgho anukampaṃ upādāya. Dutiyampi, bhante, saṅghaṃ upasampadaṃ yācāmi. Ullumpatu maṃ, bhante, saṅgho anukampaṃ upādāya. Tatiyampi, bhante, saṅghaṃ upasampadaṃ yācāmi. Ullumpatu maṃ , bhante, saṅgho anukampaṃ upādāyā’’ti. Byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. аяам̣ ид̇т̇аннаамо ид̇т̇аннаамасса ааяасмад̇о убасамбад̣̇аабзгко. яад̣̇и сан̇гхасса бад̇д̇агаллам̣, ахам̣ ид̇т̇аннаамам̣ анд̇арааяигз д̇хаммз бужчзяяа’’нд̇и? сун̣аси, ид̇т̇аннаама, аяам̣ д̇з сажжагаало бхууд̇агаало. яам̣ ж̇аад̇ам̣ д̇ам̣ бужчаами. санд̇ам̣ ад̇т̇ийд̇и вад̇д̇аб̣б̣ам̣, асанд̇ам̣ над̇т̇ийд̇и вад̇д̇аб̣б̣ам̣. санд̇и д̇з зваруубаа ааб̣аад̇хаа – гудтам̣ г̇ан̣д̣о гилзсо сосо абамааро, мануссоси, бурисоси, бхуж̇иссоси, ан̣ан̣оси, наси рааж̇абхадо, анун̃н̃аад̇оси маад̇аабид̇уухи, барибун̣н̣авийсад̇ивассоси, барибун̣н̣ам̣ д̇з бад̇д̇ажийварам̣, гим̣наамоси, гонаамо д̇з убаж̇жхааяод̇и? б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
‘‘Suṇātu me, bhante, saṅgho. Ayaṃ itthannāmo itthannāmassa āyasmato upasampadāpekkho. Yadi saṅghassa pattakallaṃ, ahaṃ itthannāmaṃ antarāyike dhamme puccheyya’’nti? Suṇasi, itthannāma, ayaṃ te saccakālo bhūtakālo. Yaṃ jātaṃ taṃ pucchāmi. Santaṃ atthīti vattabbaṃ, asantaṃ natthīti vattabbaṃ. Santi te evarūpā ābādhā – kuṭṭhaṃ gaṇḍo kileso soso apamāro, manussosi, purisosi, bhujissosi, aṇaṇosi, nasi rājabhaṭo, anuññātosi mātāpitūhi, paripuṇṇavīsativassosi, paripuṇṇaṃ te pattacīvaraṃ, kiṃnāmosi, konāmo te upajjhāyoti? Byattena bhikkhunā paṭibalena saṅgho ñāpetabbo –
127. ‘‘сун̣аад̇у мз, бханд̇з, сан̇гхо. аяам̣ ид̇т̇аннаамо ид̇т̇аннаамасса ааяасмад̇о убасамбад̣̇аабзгко, барисуд̣̇д̇хо анд̇арааяигзхи д̇хаммзхи, барибун̣н̣асса бад̇д̇ажийварам̣. ид̇т̇аннаамо сан̇гхам̣ убасамбад̣̇ам̣ яаажад̇и ид̇т̇аннаамзна убаж̇жхааязна. яад̣̇и сан̇гхасса бад̇д̇агаллам̣, сан̇гхо ид̇т̇аннаамам̣ убасамбаад̣̇зяяа ид̇т̇аннаамзна убаж̇жхааязна. зсаа н̃ад̇д̇и.
127. ‘‘Suṇātu me, bhante, saṅgho. Ayaṃ itthannāmo itthannāmassa āyasmato upasampadāpekkho, parisuddho antarāyikehi dhammehi, paripuṇṇassa pattacīvaraṃ. Itthannāmo saṅghaṃ upasampadaṃ yācati itthannāmena upajjhāyena. Yadi saṅghassa pattakallaṃ, saṅgho itthannāmaṃ upasampādeyya itthannāmena upajjhāyena. Esā ñatti.
‘‘сун̣аад̇у мз, бханд̇з, сан̇гхо. аяам̣ ид̇т̇аннаамо ид̇т̇аннаамасса ааяасмад̇о убасамбад̣̇аабзгко, барисуд̣̇д̇хо анд̇арааяигзхи д̇хаммзхи, барибун̣н̣асса бад̇д̇ажийварам̣. ид̇т̇аннаамо сан̇гхам̣ убасамбад̣̇ам̣ яаажад̇и ид̇т̇аннаамзна убаж̇жхааязна. сан̇гхо ид̇т̇аннаамам̣ убасамбаад̣̇зд̇и ид̇т̇аннаамзна убаж̇жхааязна . яассааяасмад̇о камад̇и ид̇т̇аннаамасса убасамбад̣̇аа ид̇т̇аннаамзна убаж̇жхааязна, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Ayaṃ itthannāmo itthannāmassa āyasmato upasampadāpekkho, parisuddho antarāyikehi dhammehi, paripuṇṇassa pattacīvaraṃ. Itthannāmo saṅghaṃ upasampadaṃ yācati itthannāmena upajjhāyena. Saṅgho itthannāmaṃ upasampādeti itthannāmena upajjhāyena . Yassāyasmato khamati itthannāmassa upasampadā itthannāmena upajjhāyena, so tuṇhassa; yassa nakkhamati, so bhāseyya.
‘‘д̣̇уд̇ияамби зд̇амад̇т̇ам̣ вад̣̇аами – сун̣аад̇у мз, бханд̇з, сан̇гхо. аяам̣ ид̇т̇аннаамо ид̇т̇аннаамасса ааяасмад̇о убасамбад̣̇аабзгко, барисуд̣̇д̇хо анд̇арааяигзхи д̇хаммзхи, барибун̣н̣асса бад̇д̇ажийварам̣. ид̇т̇аннаамо сан̇гхам̣ убасамбад̣̇ам̣ яаажад̇и ид̇т̇аннаамзна убаж̇жхааязна. сан̇гхо ид̇т̇аннаамам̣ убасамбаад̣̇зд̇и ид̇т̇аннаамзна убаж̇жхааязна. яассааяасмад̇о камад̇и ид̇т̇аннаамасса убасамбад̣̇аа ид̇т̇аннаамзна убаж̇жхааязна, со д̇ун̣хасса; яасса нагкамад̇и, со бхаасзяяа.
‘‘Dutiyampi etamatthaṃ vadāmi – suṇātu me, bhante, saṅgho. Ayaṃ itthannāmo itthannāmassa āyasmato upasampadāpekkho, parisuddho antarāyikehi dhammehi, paripuṇṇassa pattacīvaraṃ. Itthannāmo saṅghaṃ upasampadaṃ yācati itthannāmena upajjhāyena. Saṅgho itthannāmaṃ upasampādeti itthannāmena upajjhāyena. Yassāyasmato khamati itthannāmassa upasampadā itthannāmena upajjhāyena, so tuṇhassa; yassa nakkhamati, so bhāseyya.
‘‘д̇ад̇ияамби зд̇амад̇т̇ам̣ вад̣̇аами – сун̣аад̇у мз, бханд̇з, сан̇гхо. аяам̣ ид̇т̇аннаамо ид̇т̇аннаамасса ааяасмад̇о убасамбад̣̇аабзгко, барисуд̣̇д̇хо анд̇арааяигзхи д̇хаммзхи, барибун̣н̣асса бад̇д̇ажийварам̣. ид̇т̇аннаамо сан̇гхам̣ убасамбад̣̇ам̣ яаажад̇и ид̇т̇аннаамзна убаж̇жхааязна. сан̇гхо ид̇т̇аннаамам̣ убасамбаад̣̇зд̇и ид̇т̇аннаамзна убаж̇жхааязна. яассааяасмад̇о камад̇и ид̇т̇аннаамасса убасамбад̣̇аа ид̇т̇аннаамзна убаж̇жхааязна, со д̇ун̣хасса; яасса нагкамад̇и, со бхаасзяяа.
‘‘Tatiyampi etamatthaṃ vadāmi – suṇātu me, bhante, saṅgho. Ayaṃ itthannāmo itthannāmassa āyasmato upasampadāpekkho, parisuddho antarāyikehi dhammehi, paripuṇṇassa pattacīvaraṃ. Itthannāmo saṅghaṃ upasampadaṃ yācati itthannāmena upajjhāyena. Saṅgho itthannāmaṃ upasampādeti itthannāmena upajjhāyena. Yassāyasmato khamati itthannāmassa upasampadā itthannāmena upajjhāyena, so tuṇhassa; yassa nakkhamati, so bhāseyya.
‘‘убасамбанно сан̇гхзна ид̇т̇аннаамо ид̇т̇аннаамзна убаж̇жхааязна. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Upasampanno saṅghena itthannāmo itthannāmena upajjhāyena. Khamati saṅghassa, tasmā tuṇhī, evametaṃ dhārayāmī’’ti.
убасамбад̣̇аагаммам̣ нидтид̇ам̣.
Upasampadākammaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / убасамбад̣̇аавид̇хигат̇аа • Upasampadāvidhikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убасамбад̣̇аавид̇хигат̇ааван̣н̣анаа • Upasampadāvidhikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / убасамбад̣̇аавид̇хигат̇ааван̣н̣анаа • Upasampadāvidhikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / убасамбад̣̇аавид̇хигат̇ааван̣н̣анаа • Upasampadāvidhikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 63. убасамбад̣̇аавид̇хигат̇аа • 63. Upasampadāvidhikathā
