| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
உபஸம்பதா³விதி⁴கதா²வண்ணனா
Upasampadāvidhikathāvaṇṇanā
125. குட்ட²ங் க³ண்டோ³தி எத்த² குட்டா²தி³க்³க³ஹணேன ஹத்த²ச்சி²ன்னாத³யோபி க³ஹிதாவ ஹொந்தீதி போராணா, தஸ்மா ‘‘மனுஸ்ஸோஸி புரிஸோஸீ’’தி ஏதேஹி ப⁴ப்³பா³ப⁴ப்³ப³புக்³க³லபரிவஜ்ஜனங் கரோதி. ‘‘பு⁴ஜிஸ்ஸோஸி அணணோஸீ’’திஆதீ³ஹி புப்³பே³ ஹத்த²ச்சி²ன்னாதி⁴காரே வுத்தஅத்த²விகப்பேஸு து³தியங் விகப்பங் உபத²ம்பே⁴தி. தத்த² ‘‘அணணோஸி பு⁴ஜிஸ்ஸோஸீ’’தி அனுக்கமேன அவத்வா உப்படிபாடியா வசனேன பு⁴ஜிஸ்ஸோ ஹோதி, ந ச ரஞ்ஞோ ப⁴த்தவேதனவஸேன ப⁴டோ. ராஜாதீ⁴னத்தா பன ஸோ ராஜப⁴டபக்க²ங் ப⁴ஜதீதி தப்³பி³பக்க²பா⁴வபுச்ச²னத்த²ங் ‘‘நஸி ராஜப⁴டோ’’தி வுத்தங். அஞ்ஞதா² பஞ்சஹி ஆபா³தே⁴ஹி பு²ட்டா²னங் க³ஹணேனேவ ஸப்³பே³ஸங் க³ஹணே ஸித்³தே⁴ இதரே ந வத்தப்³பா³. அத² வத்தப்³பா³, ஸப்³பே³பி வத்தப்³பா³ ஸியுங்.
125.Kuṭṭhaṃ gaṇḍoti ettha kuṭṭhādiggahaṇena hatthacchinnādayopi gahitāva hontīti porāṇā, tasmā ‘‘manussosi purisosī’’ti etehi bhabbābhabbapuggalaparivajjanaṃ karoti. ‘‘Bhujissosi aṇaṇosī’’tiādīhi pubbe hatthacchinnādhikāre vuttaatthavikappesu dutiyaṃ vikappaṃ upathambheti. Tattha ‘‘aṇaṇosi bhujissosī’’ti anukkamena avatvā uppaṭipāṭiyā vacanena bhujisso hoti, na ca rañño bhattavetanavasena bhaṭo. Rājādhīnattā pana so rājabhaṭapakkhaṃ bhajatīti tabbipakkhabhāvapucchanatthaṃ ‘‘nasi rājabhaṭo’’ti vuttaṃ. Aññathā pañcahi ābādhehi phuṭṭhānaṃ gahaṇeneva sabbesaṃ gahaṇe siddhe itare na vattabbā. Atha vattabbā, sabbepi vattabbā siyuṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 63. உபஸம்பதா³விதி⁴ • 63. Upasampadāvidhi
