| Library / Tipiṭaka / തിപിടക • Tipiṭaka / വജിരബുദ്ധി-ടീകാ • Vajirabuddhi-ṭīkā |
ഉപസമ്പദാവിധികഥാവണ്ണനാ
Upasampadāvidhikathāvaṇṇanā
൧൨൫. കുട്ഠം ഗണ്ഡോതി ഏത്ഥ കുട്ഠാദിഗ്ഗഹണേന ഹത്ഥച്ഛിന്നാദയോപി ഗഹിതാവ ഹോന്തീതി പോരാണാ, തസ്മാ ‘‘മനുസ്സോസി പുരിസോസീ’’തി ഏതേഹി ഭബ്ബാഭബ്ബപുഗ്ഗലപരിവജ്ജനം കരോതി. ‘‘ഭുജിസ്സോസി അണണോസീ’’തിആദീഹി പുബ്ബേ ഹത്ഥച്ഛിന്നാധികാരേ വുത്തഅത്ഥവികപ്പേസു ദുതിയം വികപ്പം ഉപഥമ്ഭേതി. തത്ഥ ‘‘അണണോസി ഭുജിസ്സോസീ’’തി അനുക്കമേന അവത്വാ ഉപ്പടിപാടിയാ വചനേന ഭുജിസ്സോ ഹോതി, ന ച രഞ്ഞോ ഭത്തവേതനവസേന ഭടോ. രാജാധീനത്താ പന സോ രാജഭടപക്ഖം ഭജതീതി തബ്ബിപക്ഖഭാവപുച്ഛനത്ഥം ‘‘നസി രാജഭടോ’’തി വുത്തം. അഞ്ഞഥാ പഞ്ചഹി ആബാധേഹി ഫുട്ഠാനം ഗഹണേനേവ സബ്ബേസം ഗഹണേ സിദ്ധേ ഇതരേ ന വത്തബ്ബാ. അഥ വത്തബ്ബാ, സബ്ബേപി വത്തബ്ബാ സിയും.
125.Kuṭṭhaṃ gaṇḍoti ettha kuṭṭhādiggahaṇena hatthacchinnādayopi gahitāva hontīti porāṇā, tasmā ‘‘manussosi purisosī’’ti etehi bhabbābhabbapuggalaparivajjanaṃ karoti. ‘‘Bhujissosi aṇaṇosī’’tiādīhi pubbe hatthacchinnādhikāre vuttaatthavikappesu dutiyaṃ vikappaṃ upathambheti. Tattha ‘‘aṇaṇosi bhujissosī’’ti anukkamena avatvā uppaṭipāṭiyā vacanena bhujisso hoti, na ca rañño bhattavetanavasena bhaṭo. Rājādhīnattā pana so rājabhaṭapakkhaṃ bhajatīti tabbipakkhabhāvapucchanatthaṃ ‘‘nasi rājabhaṭo’’ti vuttaṃ. Aññathā pañcahi ābādhehi phuṭṭhānaṃ gahaṇeneva sabbesaṃ gahaṇe siddhe itare na vattabbā. Atha vattabbā, sabbepi vattabbā siyuṃ.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവഗ്ഗപാളി • Mahāvaggapāḷi / ൬൩. ഉപസമ്പദാവിധി • 63. Upasampadāvidhi
