| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
23. உபஸம்பாதே³தப்³ப³பஞ்சககதா²
23. Upasampādetabbapañcakakathā
84. இதா³னி =01 யங் லக்க²ணங் வுத்தந்தி ஸம்ப³ந்தோ⁴. ஸங்கே²பதோதி அங்கா³னி அனுத்³த⁴ரித்வா ஸமாஸதோ. தத்தா²தி யங் ‘‘பஞ்சஹி பி⁴க்க²வே அங்கே³ஹி ஸமன்னாக³தேன பி⁴க்கு²னா’’திஆதி³மாஹ, தத்த². அகு³ணங்கே³ஹீதி கு³ணவிரஹிதேஹி அங்கே³ஹி. ஸோதி பி⁴க்கு². ந உபஸம்பாதே³தப்³ப³ந்தி எத்த² கம்மவாசாசரியேன ஹுத்வா ந உபஸம்பாதே³தப்³ப³ந்தி ஆஸங்கா ப⁴வெய்யாதி ஆஹ ‘‘உபஜ்ஜா²யேன ஹுத்வா ந உபஸம்பாதே³தப்³ப³’’ந்தி. எத்தா²தி ஏதேஸு பஞ்சகேஸு. ஆதீ³ஸூதி எத்த² புப்³போ³ நித³ஸ்ஸனத்தோ² இதிஸத்³தோ³ லோபோ ஹோதி. இதிஆதீ³ஸூதி ஹி அத்தோ². அயுத்தவஸேனாதி அனநுரூபவஸேன. யோதி பி⁴க்கு². ஹீதி ஸச்சங், யஸ்மா வா. பரே ச ஸமாத³பேதுந்தி ஸம்ப³ந்தோ⁴. தத்தா²தி ஸீலக்க²ந்தா⁴தி³கே. பரிஹரதீதி பரிஸங் பரிஸ்ஸயதோ ஹரதி அபனேதி. தஸ்ஸாதி பி⁴க்கு²னோ. ‘‘ஸீலாதீ³ஹீ’’திபத³ங் ‘‘பரிஹாயதியேவா’’திபதே³ அபாதா³னங், ‘‘ந வட்³ட⁴தீ’’திபதே³ கரணங். தஸ்மாதிஆதி³ லத்³த⁴கு³ணங். தேனாதி பி⁴க்கு²னா. கஸ்மா ஆபத்திஅங்க³வஸேன ந வுத்தந்தி ஆஹ ‘‘ந ஹீ’’திஆதி³. ஹீதி யஸ்மா. தஸ்ஸேவாதி கீ²ணாஸவஸ்ஸேவ. ந வதெ³ய்யாதி கீ²ணாஸவானங் அனபி⁴ரதியா அனுப்பன்னத்தா ந வதெ³ய்ய. யதி³ ந கீ²ணாஸவஸ்ஸேவ உபஜ்ஜா²யாசரியபா⁴வோ அனுஞ்ஞாதோ, அத² கஸ்மா கீ²ணாஸவபஞ்சகோ வுத்தோதி ஆஹ ‘‘யஸ்மா பனா’’திஆதி³. யஸ்மா ந பரிஹாயதீதி ஸம்ப³ந்தோ⁴.
84. Idāni =01 yaṃ lakkhaṇaṃ vuttanti sambandho. Saṅkhepatoti aṅgāni anuddharitvā samāsato. Tatthāti yaṃ ‘‘pañcahi bhikkhave aṅgehi samannāgatena bhikkhunā’’tiādimāha, tattha. Aguṇaṅgehīti guṇavirahitehi aṅgehi. Soti bhikkhu. Na upasampādetabbanti ettha kammavācācariyena hutvā na upasampādetabbanti āsaṅkā bhaveyyāti āha ‘‘upajjhāyena hutvā na upasampādetabba’’nti. Etthāti etesu pañcakesu. Ādīsūti ettha pubbo nidassanattho itisaddo lopo hoti. Itiādīsūti hi attho. Ayuttavasenāti ananurūpavasena. Yoti bhikkhu. Hīti saccaṃ, yasmā vā. Pare ca samādapetunti sambandho. Tatthāti sīlakkhandhādike. Pariharatīti parisaṃ parissayato harati apaneti. Tassāti bhikkhuno. ‘‘Sīlādīhī’’tipadaṃ ‘‘parihāyatiyevā’’tipade apādānaṃ, ‘‘na vaḍḍhatī’’tipade karaṇaṃ. Tasmātiādi laddhaguṇaṃ. Tenāti bhikkhunā. Kasmā āpattiaṅgavasena na vuttanti āha ‘‘na hī’’tiādi. Hīti yasmā. Tassevāti khīṇāsavasseva. Na vadeyyāti khīṇāsavānaṃ anabhiratiyā anuppannattā na vadeyya. Yadi na khīṇāsavasseva upajjhāyācariyabhāvo anuññāto, atha kasmā khīṇāsavapañcako vuttoti āha ‘‘yasmā panā’’tiādi. Yasmā na parihāyatīti sambandho.
அந்தக்³கா³ஹிகாயாதி ஸஸ்ஸதுச்சே²த³ஸங்கா²தங் அந்தங் லாமகங் க³ண்ஹாதி, க³ண்ஹாபேதீதி வா அந்தக்³கா³ஹிகா, தாய. தி³ட்டி²யாதி மிச்சா²தி³ட்டி²யா. யத்தகங் ஸுதந்தி பி⁴க்கு²னோவாத³கஸிக்கா²பதே³ (பாசி॰ அட்ட²॰ 145-147) வுத்தங் யத்தகங் ஸுதங். தேனாதி ஸுதேன ऋ. யங் ஆபத்தாதி³ தேன ஜானிதப்³ப³ந்தி யோஜனா.
Antaggāhikāyāti sassatucchedasaṅkhātaṃ antaṃ lāmakaṃ gaṇhāti, gaṇhāpetīti vā antaggāhikā, tāya. Diṭṭhiyāti micchādiṭṭhiyā. Yattakaṃ sutanti bhikkhunovādakasikkhāpade (pāci. aṭṭha. 145-147) vuttaṃ yattakaṃ sutaṃ. Tenāti sutena ऋ. Yaṃ āpattādi tena jānitabbanti yojanā.
ஆபத்திங் ந ஜானாதீதி எத்த² ஆபத்திங் ஆபன்னோதி ந ஜானாதீதி அத்த²ங் த³ஸ்ஸெந்தோ ஆஹ ‘‘இத³ங் நாமா’’திஆதி³. தத்த² ‘‘ஆபன்னோ’’தி இமினா ‘‘ஆபத்தி’’ந்திபத³ங் ‘‘ஆபன்னோ’’திபாட²ஸேஸேன யோஜேதப்³ப³ந்தி த³ஸ்ஸேதி.
Āpattiṃna jānātīti ettha āpattiṃ āpannoti na jānātīti atthaṃ dassento āha ‘‘idaṃ nāmā’’tiādi. Tattha ‘‘āpanno’’ti iminā ‘‘āpatti’’ntipadaṃ ‘‘āpanno’’tipāṭhasesena yojetabbanti dasseti.
ஆபி⁴ஸமாசாரிகாயாதி எத்த² உப⁴தோவிப⁴ங்க³பரியாபன்னஸீலதோ அபி⁴விஸேஸேன ஸம்மா சரிதப்³ப³ந்தி ஆபி⁴ஸமாசாரங், க²ந்த⁴கபரியாபன்னங் வத்தபடிபத்திஸீலங், தங் ஆரப்³ப⁴ பஞ்ஞத்தா ஆபி⁴ஸமாசாரிகா, க²ந்த⁴கபரியாபன்னா ஸிக்கா², தாய. ஆதி³ப்³ரஹ்மசாரியகாயாதி எத்த² மக்³க³ஸங்கா²தஸ்ஸ ப்³ரஹ்மசரியஸ்ஸ ஆதி³ மரியாதோ³ ஆதி³ப்³ரஹ்மசரியோ, தஸ்மிங் பவத்தா ஆதி³ப்³ரஹ்மசரியகா =02, உப⁴தோவிப⁴ங்க³பரியாபன்னா ஸிக்கா², தாய. ஸெக்க²பண்ணத்தியந்தி ஸிக்கி²தப்³ப³ட்டே²ன ஸிக்கா², ஸா ஏவ ப⁴க³வதா பஞ்ஞத்தத்தா ஸெக்க²பண்ணத்தி. அத² வா ஸிக்க²னங் ஸிக்கா², தாய ஸிக்க²னத்தா²ய ப⁴க³வதா பஞ்ஞபீயதீதி ஸெக்க²பண்ணத்தி உப⁴தோவிப⁴ங்க³பரியாபன்னஸிக்கா²யேவ, தஸ்ஸங். அபி⁴த⁴ம்மேதி எத்த² ஸுத்தந்தபாளிதோ அபி⁴ அதிரேகோ, அபி⁴விஸிட்டோ² வா த⁴ம்மோ அபி⁴த⁴ம்மோதி வுத்தே நாமரூபபரிச்சே²த³கங் அபி⁴த⁴ம்மபிடகந்தி ஆஹ ‘‘நாமரூபபரிச்சே²தே³’’தி. அபி⁴வினயேதி எத்த² அபி⁴ப⁴வித்வா காயவாசங் வினேதீதி அபி⁴வினயோ, அபி⁴ப⁴வித்வா காயவாசங் வினேதி எத்த², ஏதேனாதி வா அபி⁴வினயோதி வுத்தே வினயபிடகந்தி ஆஹ ‘‘ஸகலே வினயபிடகே’’தி. ஸப்³ப³த்தா²தி ஸப்³பே³ஸு பதே³ஸு, ஸப்³பே³ஸங் வா பதா³னங். அத்தோ² த³ட்ட²ப்³போ³தி யோஜனா. ‘‘காரணேனா’’தி எத்த² காரணஸத்³தே³ன ‘‘த⁴ம்மதோ’’தி எத்த² த⁴ம்மஸத்³த³ஸ்ஸ ஸபா⁴வத்தா²த³யோ நிவாரெத்வா காரணத்த²தங் தீ³பேதி, ஏனஸத்³தே³ன தோபச்சயஸ்ஸ விஸேஸனத்த²ங். இதீதி ஏவங் யதா²வுத்தனயேனாதி அத்தோ². சதுத்தே²தி சதுத்த²பஞ்சகே. சதுத்த²பஞ்சகதோ தீணி பதா³னி, பஞ்சமபஞ்சகதோ த்³வே பதா³னி க³ஹெத்வா பஞ்சகங் கத்வா வுத்தங் ‘‘சத்தாரோ பஞ்சகா’’தி. அட்ட²ஸு பஞ்சகேஸூதி ஸம்ப³ந்தோ⁴.
Ābhisamācārikāyāti ettha ubhatovibhaṅgapariyāpannasīlato abhivisesena sammā caritabbanti ābhisamācāraṃ, khandhakapariyāpannaṃ vattapaṭipattisīlaṃ, taṃ ārabbha paññattā ābhisamācārikā, khandhakapariyāpannā sikkhā, tāya. Ādibrahmacāriyakāyāti ettha maggasaṅkhātassa brahmacariyassa ādi mariyādo ādibrahmacariyo, tasmiṃ pavattā ādibrahmacariyakā =02, ubhatovibhaṅgapariyāpannā sikkhā, tāya. Sekkhapaṇṇattiyanti sikkhitabbaṭṭhena sikkhā, sā eva bhagavatā paññattattā sekkhapaṇṇatti. Atha vā sikkhanaṃ sikkhā, tāya sikkhanatthāya bhagavatā paññapīyatīti sekkhapaṇṇatti ubhatovibhaṅgapariyāpannasikkhāyeva, tassaṃ. Abhidhammeti ettha suttantapāḷito abhi atireko, abhivisiṭṭho vā dhammo abhidhammoti vutte nāmarūpaparicchedakaṃ abhidhammapiṭakanti āha ‘‘nāmarūpaparicchede’’ti. Abhivinayeti ettha abhibhavitvā kāyavācaṃ vinetīti abhivinayo, abhibhavitvā kāyavācaṃ vineti ettha, etenāti vā abhivinayoti vutte vinayapiṭakanti āha ‘‘sakale vinayapiṭake’’ti. Sabbatthāti sabbesu padesu, sabbesaṃ vā padānaṃ. Attho daṭṭhabboti yojanā. ‘‘Kāraṇenā’’ti ettha kāraṇasaddena ‘‘dhammato’’ti ettha dhammasaddassa sabhāvatthādayo nivāretvā kāraṇatthataṃ dīpeti, enasaddena topaccayassa visesanatthaṃ. Itīti evaṃ yathāvuttanayenāti attho. Catuttheti catutthapañcake. Catutthapañcakato tīṇi padāni, pañcamapañcakato dve padāni gahetvā pañcakaṃ katvā vuttaṃ ‘‘cattāro pañcakā’’ti. Aṭṭhasu pañcakesūti sambandho.
இதி ஸோளஸபஞ்சகவினிச்ச²யே யோஜனா ஸமத்தா.
Iti soḷasapañcakavinicchaye yojanā samattā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 23. உபஸம்பாதே³தப்³ப³பஞ்சகங் • 23. Upasampādetabbapañcakaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / உபஸம்பாதே³தப்³ப³பஞ்சககதா² • Upasampādetabbapañcakakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / உபஸம்பாதே³தப்³ப³பஞ்சககதா²வண்ணனா • Upasampādetabbapañcakakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / உபஸம்பாதே³தப்³ப³பஞ்சககதா²வண்ணனா • Upasampādetabbapañcakakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / உபஸம்பாதே³தப்³ப³பஞ்சககதா²வண்ணனா • Upasampādetabbapañcakakathāvaṇṇanā
