| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
убасамбаад̣̇зд̇аб̣б̣абан̃жагагат̇аа
Upasampādetabbapañcakakathā
84. ид̣̇аани яам̣ буб̣б̣з ‘‘ануж̇аанаами бхигкавз б̣яад̇д̇зна бхигкунаа бадиб̣алзна д̣̇асавассзна ваа ад̇ирзгад̣̇асавассзна ваа убасамбаад̣̇зд̇ум̣, ниссаяам̣ д̣̇аад̇у’’нд̇и сан̇кзбад̇о убаж̇жхааяаажарияаанам̣ лагкан̣ам̣ вуд̇д̇ам̣, д̇ам̣ вид̇т̇аарад̇о д̣̇ассзд̇ум̣ ‘‘бан̃жахи, бхигкавз, ан̇г̇зхи саманнааг̇ад̇знаа’’д̇иаад̣̇имааха. д̇ад̇т̇а бан̃жахи ан̇г̇зхийд̇и бан̃жахи аг̇ун̣ан̇г̇зхи. со хи сийлагканд̇хаад̣̇ийхи асаманнааг̇ад̇ад̇д̇аава аг̇ун̣ан̇г̇зхи саманнааг̇ад̇о ход̇и. на убасамбаад̣̇зд̇аб̣б̣анд̇и убаж̇жхааязна худ̇ваа на убасамбаад̣̇зд̇аб̣б̣ам̣. на ниссаяо д̣̇аад̇аб̣б̣од̇и аажариязна худ̇ваа ниссаяо на д̣̇аад̇аб̣б̣о. зд̇т̇а жа на асзгкзна сийлагканд̇хзнаад̇и жа ад̇д̇анаа на асзгкзнаад̇и жа ассад̣̇д̇ход̇и жа аад̣̇ийсу д̇ийсу бан̃жагзсу аяуд̇д̇авасзна бадигкзбо гад̇о, на аабад̇д̇иан̇г̇авасзна. яо хи асзгкзхи сийлагканд̇хаад̣̇ийхи асаманнааг̇ад̇о барз жа д̇ад̇т̇а самаад̣̇абзд̇ум̣ асаггонд̇о ассад̣̇д̇хияаад̣̇ид̣̇осаяуд̇д̇ова худ̇ваа барисам̣ барихарад̇и, д̇асса барисаа сийлаад̣̇ийхи барихааяад̇иязва, на вад̣дхад̇и. д̇асмаа д̇зна на убасамбаад̣̇зд̇аб̣б̣анд̇иаад̣̇и аяуд̇д̇авасзна вуд̇д̇ам̣, на аабад̇д̇иан̇г̇авасзна. на хи кийн̣аасавассзва убаж̇жхааяаажарияабхааво бхаг̇авад̇аа анун̃н̃аад̇о. яад̣̇и д̇ассзва анун̃н̃аад̇о абхависса, ‘‘сажз убаж̇жхааяасса анабхирад̇и уббаннаа ход̇ий’’д̇иаад̣̇им̣ на вад̣̇зяяа. яасмаа бана кийн̣аасавасса барисаа сийлаад̣̇ийхи на барихааяад̇и, д̇асмаа ‘‘бан̃жахи бхигкавз ан̇г̇зхи саманнааг̇ад̇зна бхигкунаа убасамбаад̣̇зд̇аб̣б̣а’’нд̇иаад̣̇и вуд̇д̇ам̣.
84. Idāni yaṃ pubbe ‘‘anujānāmi bhikkhave byattena bhikkhunā paṭibalena dasavassena vā atirekadasavassena vā upasampādetuṃ, nissayaṃ dātu’’nti saṅkhepato upajjhāyācariyānaṃ lakkhaṇaṃ vuttaṃ, taṃ vitthārato dassetuṃ ‘‘pañcahi, bhikkhave, aṅgehi samannāgatenā’’tiādimāha. Tattha pañcahi aṅgehīti pañcahi aguṇaṅgehi. So hi sīlakkhandhādīhi asamannāgatattāva aguṇaṅgehi samannāgato hoti. Na upasampādetabbanti upajjhāyena hutvā na upasampādetabbaṃ. Na nissayo dātabboti ācariyena hutvā nissayo na dātabbo. Ettha ca na asekkhena sīlakkhandhenāti ca attanā na asekkhenāti ca assaddhoti ca ādīsu tīsu pañcakesu ayuttavasena paṭikkhepo kato, na āpattiaṅgavasena. Yo hi asekkhehi sīlakkhandhādīhi asamannāgato pare ca tattha samādapetuṃ asakkonto assaddhiyādidosayuttova hutvā parisaṃ pariharati, tassa parisā sīlādīhi parihāyatiyeva, na vaḍḍhati. Tasmā tena na upasampādetabbantiādi ayuttavasena vuttaṃ, na āpattiaṅgavasena. Na hi khīṇāsavasseva upajjhāyācariyabhāvo bhagavatā anuññāto. Yadi tasseva anuññāto abhavissa, ‘‘sace upajjhāyassa anabhirati uppannā hotī’’tiādiṃ na vadeyya. Yasmā pana khīṇāsavassa parisā sīlādīhi na parihāyati, tasmā ‘‘pañcahi bhikkhave aṅgehi samannāgatena bhikkhunā upasampādetabba’’ntiādi vuttaṃ.
ад̇хисийлз сийлавибаннод̇иаад̣̇ийсу баарааж̇иган̃жа сан̇гхаад̣̇исзсан̃жа аабанно ад̇хисийлз сийлавибанно наама. ид̇арз бан̃жаабад̇д̇игканд̇хз аабанно аж̇жхаажаарз аажааравибанно наама. саммаад̣̇идтим̣ бахааяа анд̇аг̇г̇аахигааяа д̣̇идтияаа саманнааг̇ад̇о ад̇ид̣̇идтияаа д̣̇идтивибанно наама. яад̇д̇агам̣ суд̇ам̣ барисам̣ барихаранд̇асса ижчид̇аб̣б̣ам̣, д̇зна вирахид̇ад̇д̇аа аббассуд̇о. яам̣ д̇зна ж̇аанид̇аб̣б̣ам̣ аабад̇д̇аад̣̇и, д̇асса аж̇аананад̇о д̣̇уббан̃н̃о. имасмим̣ бан̃жагз буримаани д̇ийн̣и бад̣̇аани аяуд̇д̇авасзна вуд̇д̇аани, бажчимаани д̣̇вз аабад̇д̇иан̇г̇авасзна.
Adhisīle sīlavipannotiādīsu pārājikañca saṅghādisesañca āpanno adhisīle sīlavipanno nāma. Itare pañcāpattikkhandhe āpanno ajjhācāre ācāravipanno nāma. Sammādiṭṭhiṃ pahāya antaggāhikāya diṭṭhiyā samannāgato atidiṭṭhiyā diṭṭhivipanno nāma. Yattakaṃ sutaṃ parisaṃ pariharantassa icchitabbaṃ, tena virahitattā appassuto. Yaṃ tena jānitabbaṃ āpattādi, tassa ajānanato duppañño. Imasmiṃ pañcake purimāni tīṇi padāni ayuttavasena vuttāni, pacchimāni dve āpattiaṅgavasena.
аабад̇д̇им̣ на ж̇аанаад̇ийд̇и ‘‘ид̣̇ам̣ наама маяаа гад̇а’’нд̇и вуд̇д̇з ‘‘имам̣ наама аабад̇д̇им̣ аяам̣ аабанно’’д̇и на ж̇аанаад̇и. вудтаанам̣ на ж̇аанаад̇ийд̇и вудтаанаг̇ааминид̇о ваа д̣̇зсанааг̇ааминид̇о ваа аабад̇д̇ид̇о звам̣ наама вудтаанам̣ ход̇ийд̇и на ж̇аанаад̇и. имасмим̣ бан̃жагз буримаани д̣̇вз бад̣̇аани аяуд̇д̇авасзна вуд̇д̇аани, бажчимаани д̇ийн̣и аабад̇д̇иан̇г̇авасзна.
Āpattiṃna jānātīti ‘‘idaṃ nāma mayā kata’’nti vutte ‘‘imaṃ nāma āpattiṃ ayaṃ āpanno’’ti na jānāti. Vuṭṭhānaṃ na jānātīti vuṭṭhānagāminito vā desanāgāminito vā āpattito evaṃ nāma vuṭṭhānaṃ hotīti na jānāti. Imasmiṃ pañcake purimāni dve padāni ayuttavasena vuttāni, pacchimāni tīṇi āpattiaṅgavasena.
аабхисамаажааригааяа сигкааяаад̇и канд̇хагавад̇д̇з винзд̇ум̣ на бадиб̣ало ход̇ийд̇и ад̇т̇о. аад̣̇иб̣рахмажарияагааяаад̇и сзгкабан̣н̣ад̇д̇ияам̣ винзд̇ум̣ на бадиб̣алод̇и ад̇т̇о. абхид̇хаммзд̇и наамаруубабарижчзд̣̇з винзд̇ум̣ на бадиб̣алод̇и ад̇т̇о. абхивинаязд̇и сагалз винаяабидагз винзд̇ум̣ на бадиб̣алод̇и ад̇т̇о. винзд̇ум̣ на бадиб̣алод̇и жа саб̣б̣ад̇т̇а сигкаабзд̇ум̣ на саггод̇ийд̇и ад̇т̇о. д̇хаммад̇о вивзжзд̇унд̇и д̇хаммзна гааран̣зна виссаж̇ж̇аабзд̇ум̣. имасми бан̃жагз саб̣б̣абад̣̇зсу аабад̇д̇и. аабад̇д̇им̣ на ж̇аанаад̇ийд̇иаад̣̇ибан̃жагасмимби саб̣б̣абад̣̇зсу аабад̇д̇и. уунад̣̇асавассабарияосаанабан̃жагзби зсзва наяо. ид̇и аад̣̇ид̇о д̇аяо бан̃жагаа, жад̇уд̇т̇з д̇ийн̣и бад̣̇аани, бан̃жамз д̣̇вз бад̣̇аанийд̇и саб̣б̣зби жад̇д̇ааро бан̃жагаа аяуд̇д̇авасзна вуд̇д̇аа. жад̇уд̇т̇абан̃жагз д̣̇вз бад̣̇аани, бан̃жамз д̇ийн̣и, чадтасад̇д̇амаадтамаа д̇аяо бан̃жагаад̇и саб̣б̣зби жад̇д̇ааро бан̃жагаа аабад̇д̇иан̇г̇авасзна вуд̇д̇аа; суггабагкз адтасу анаабад̇д̇иязваад̇и.
Ābhisamācārikāya sikkhāyāti khandhakavatte vinetuṃ na paṭibalo hotīti attho. Ādibrahmacariyakāyāti sekkhapaṇṇattiyaṃ vinetuṃ na paṭibaloti attho. Abhidhammeti nāmarūpaparicchede vinetuṃ na paṭibaloti attho. Abhivinayeti sakale vinayapiṭake vinetuṃ na paṭibaloti attho. Vinetuṃ na paṭibaloti ca sabbattha sikkhāpetuṃ na sakkotīti attho. Dhammato vivecetunti dhammena kāraṇena vissajjāpetuṃ. Imasmi pañcake sabbapadesu āpatti. Āpattiṃ na jānātītiādipañcakasmimpi sabbapadesu āpatti. Ūnadasavassapariyosānapañcakepi eseva nayo. Iti ādito tayo pañcakā, catutthe tīṇi padāni, pañcame dve padānīti sabbepi cattāro pañcakā ayuttavasena vuttā. Catutthapañcake dve padāni, pañcame tīṇi, chaṭṭhasattamaaṭṭhamā tayo pañcakāti sabbepi cattāro pañcakā āpattiaṅgavasena vuttā; sukkapakkhe aṭṭhasu anāpattiyevāti.
убасамбаад̣̇зд̇аб̣б̣абан̃жагагат̇аа нидтид̇аа.
Upasampādetabbapañcakakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 23. убасамбаад̣̇зд̇аб̣б̣абан̃жагам̣ • 23. Upasampādetabbapañcakaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убасамбаад̣̇зд̇аб̣б̣абан̃жагагат̇ааван̣н̣анаа • Upasampādetabbapañcakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / убасамбаад̣̇зд̇аб̣б̣абан̃жагагат̇ааван̣н̣анаа • Upasampādetabbapañcakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / убасамбаад̣̇зд̇аб̣б̣абан̃жагагат̇ааван̣н̣анаа • Upasampādetabbapañcakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 23. убасамбаад̣̇зд̇аб̣б̣абан̃жагагат̇аа • 23. Upasampādetabbapañcakakathā
