| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਉਪਸਮ੍ਪਾਦੇਤਬ੍ਬਪਞ੍ਚਕਕਥਾ
Upasampādetabbapañcakakathā
੮੪. ਇਦਾਨਿ ਯਂ ਪੁਬ੍ਬੇ ‘‘ਅਨੁਜਾਨਾਮਿ ਭਿਕ੍ਖવੇ ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਦਸવਸ੍ਸੇਨ વਾ ਅਤਿਰੇਕਦਸવਸ੍ਸੇਨ વਾ ਉਪਸਮ੍ਪਾਦੇਤੁਂ, ਨਿਸ੍ਸਯਂ ਦਾਤੁ’’ਨ੍ਤਿ ਸਙ੍ਖੇਪਤੋ ਉਪਜ੍ਝਾਯਾਚਰਿਯਾਨਂ ਲਕ੍ਖਣਂ વੁਤ੍ਤਂ, ਤਂ વਿਤ੍ਥਾਰਤੋ ਦਸ੍ਸੇਤੁਂ ‘‘ਪਞ੍ਚਹਿ, ਭਿਕ੍ਖવੇ, ਅਙ੍ਗੇਹਿ ਸਮਨ੍ਨਾਗਤੇਨਾ’’ਤਿਆਦਿਮਾਹ। ਤਤ੍ਥ ਪਞ੍ਚਹਿ ਅਙ੍ਗੇਹੀਤਿ ਪਞ੍ਚਹਿ ਅਗੁਣਙ੍ਗੇਹਿ। ਸੋ ਹਿ ਸੀਲਕ੍ਖਨ੍ਧਾਦੀਹਿ ਅਸਮਨ੍ਨਾਗਤਤ੍ਤਾવ ਅਗੁਣਙ੍ਗੇਹਿ ਸਮਨ੍ਨਾਗਤੋ ਹੋਤਿ। ਨ ਉਪਸਮ੍ਪਾਦੇਤਬ੍ਬਨ੍ਤਿ ਉਪਜ੍ਝਾਯੇਨ ਹੁਤ੍વਾ ਨ ਉਪਸਮ੍ਪਾਦੇਤਬ੍ਬਂ। ਨ ਨਿਸ੍ਸਯੋ ਦਾਤਬ੍ਬੋਤਿ ਆਚਰਿਯੇਨ ਹੁਤ੍વਾ ਨਿਸ੍ਸਯੋ ਨ ਦਾਤਬ੍ਬੋ। ਏਤ੍ਥ ਚ ਨ ਅਸੇਕ੍ਖੇਨ ਸੀਲਕ੍ਖਨ੍ਧੇਨਾਤਿ ਚ ਅਤ੍ਤਨਾ ਨ ਅਸੇਕ੍ਖੇਨਾਤਿ ਚ ਅਸ੍ਸਦ੍ਧੋਤਿ ਚ ਆਦੀਸੁ ਤੀਸੁ ਪਞ੍ਚਕੇਸੁ ਅਯੁਤ੍ਤવਸੇਨ ਪਟਿਕ੍ਖੇਪੋ ਕਤੋ, ਨ ਆਪਤ੍ਤਿਅਙ੍ਗવਸੇਨ। ਯੋ ਹਿ ਅਸੇਕ੍ਖੇਹਿ ਸੀਲਕ੍ਖਨ੍ਧਾਦੀਹਿ ਅਸਮਨ੍ਨਾਗਤੋ ਪਰੇ ਚ ਤਤ੍ਥ ਸਮਾਦਪੇਤੁਂ ਅਸਕ੍ਕੋਨ੍ਤੋ ਅਸ੍ਸਦ੍ਧਿਯਾਦਿਦੋਸਯੁਤ੍ਤੋવ ਹੁਤ੍વਾ ਪਰਿਸਂ ਪਰਿਹਰਤਿ, ਤਸ੍ਸ ਪਰਿਸਾ ਸੀਲਾਦੀਹਿ ਪਰਿਹਾਯਤਿਯੇવ, ਨ વਡ੍ਢਤਿ। ਤਸ੍ਮਾ ਤੇਨ ਨ ਉਪਸਮ੍ਪਾਦੇਤਬ੍ਬਨ੍ਤਿਆਦਿ ਅਯੁਤ੍ਤવਸੇਨ વੁਤ੍ਤਂ, ਨ ਆਪਤ੍ਤਿਅਙ੍ਗવਸੇਨ। ਨ ਹਿ ਖੀਣਾਸવਸ੍ਸੇવ ਉਪਜ੍ਝਾਯਾਚਰਿਯਭਾવੋ ਭਗવਤਾ ਅਨੁਞ੍ਞਾਤੋ। ਯਦਿ ਤਸ੍ਸੇવ ਅਨੁਞ੍ਞਾਤੋ ਅਭવਿਸ੍ਸ, ‘‘ਸਚੇ ਉਪਜ੍ਝਾਯਸ੍ਸ ਅਨਭਿਰਤਿ ਉਪ੍ਪਨ੍ਨਾ ਹੋਤੀ’’ਤਿਆਦਿਂ ਨ વਦੇਯ੍ਯ। ਯਸ੍ਮਾ ਪਨ ਖੀਣਾਸવਸ੍ਸ ਪਰਿਸਾ ਸੀਲਾਦੀਹਿ ਨ ਪਰਿਹਾਯਤਿ, ਤਸ੍ਮਾ ‘‘ਪਞ੍ਚਹਿ ਭਿਕ੍ਖવੇ ਅਙ੍ਗੇਹਿ ਸਮਨ੍ਨਾਗਤੇਨ ਭਿਕ੍ਖੁਨਾ ਉਪਸਮ੍ਪਾਦੇਤਬ੍ਬ’’ਨ੍ਤਿਆਦਿ વੁਤ੍ਤਂ।
84. Idāni yaṃ pubbe ‘‘anujānāmi bhikkhave byattena bhikkhunā paṭibalena dasavassena vā atirekadasavassena vā upasampādetuṃ, nissayaṃ dātu’’nti saṅkhepato upajjhāyācariyānaṃ lakkhaṇaṃ vuttaṃ, taṃ vitthārato dassetuṃ ‘‘pañcahi, bhikkhave, aṅgehi samannāgatenā’’tiādimāha. Tattha pañcahi aṅgehīti pañcahi aguṇaṅgehi. So hi sīlakkhandhādīhi asamannāgatattāva aguṇaṅgehi samannāgato hoti. Na upasampādetabbanti upajjhāyena hutvā na upasampādetabbaṃ. Na nissayo dātabboti ācariyena hutvā nissayo na dātabbo. Ettha ca na asekkhena sīlakkhandhenāti ca attanā na asekkhenāti ca assaddhoti ca ādīsu tīsu pañcakesu ayuttavasena paṭikkhepo kato, na āpattiaṅgavasena. Yo hi asekkhehi sīlakkhandhādīhi asamannāgato pare ca tattha samādapetuṃ asakkonto assaddhiyādidosayuttova hutvā parisaṃ pariharati, tassa parisā sīlādīhi parihāyatiyeva, na vaḍḍhati. Tasmā tena na upasampādetabbantiādi ayuttavasena vuttaṃ, na āpattiaṅgavasena. Na hi khīṇāsavasseva upajjhāyācariyabhāvo bhagavatā anuññāto. Yadi tasseva anuññāto abhavissa, ‘‘sace upajjhāyassa anabhirati uppannā hotī’’tiādiṃ na vadeyya. Yasmā pana khīṇāsavassa parisā sīlādīhi na parihāyati, tasmā ‘‘pañcahi bhikkhave aṅgehi samannāgatena bhikkhunā upasampādetabba’’ntiādi vuttaṃ.
ਅਧਿਸੀਲੇ ਸੀਲવਿਪਨ੍ਨੋਤਿਆਦੀਸੁ ਪਾਰਾਜਿਕਞ੍ਚ ਸਙ੍ਘਾਦਿਸੇਸਞ੍ਚ ਆਪਨ੍ਨੋ ਅਧਿਸੀਲੇ ਸੀਲવਿਪਨ੍ਨੋ ਨਾਮ। ਇਤਰੇ ਪਞ੍ਚਾਪਤ੍ਤਿਕ੍ਖਨ੍ਧੇ ਆਪਨ੍ਨੋ ਅਜ੍ਝਾਚਾਰੇ ਆਚਾਰવਿਪਨ੍ਨੋ ਨਾਮ। ਸਮ੍ਮਾਦਿਟ੍ਠਿਂ ਪਹਾਯ ਅਨ੍ਤਗ੍ਗਾਹਿਕਾਯ ਦਿਟ੍ਠਿਯਾ ਸਮਨ੍ਨਾਗਤੋ ਅਤਿਦਿਟ੍ਠਿਯਾ ਦਿਟ੍ਠਿવਿਪਨ੍ਨੋ ਨਾਮ। ਯਤ੍ਤਕਂ ਸੁਤਂ ਪਰਿਸਂ ਪਰਿਹਰਨ੍ਤਸ੍ਸ ਇਚ੍ਛਿਤਬ੍ਬਂ, ਤੇਨ વਿਰਹਿਤਤ੍ਤਾ ਅਪ੍ਪਸ੍ਸੁਤੋ। ਯਂ ਤੇਨ ਜਾਨਿਤਬ੍ਬਂ ਆਪਤ੍ਤਾਦਿ, ਤਸ੍ਸ ਅਜਾਨਨਤੋ ਦੁਪ੍ਪਞ੍ਞੋ। ਇਮਸ੍ਮਿਂ ਪਞ੍ਚਕੇ ਪੁਰਿਮਾਨਿ ਤੀਣਿ ਪਦਾਨਿ ਅਯੁਤ੍ਤવਸੇਨ વੁਤ੍ਤਾਨਿ, ਪਚ੍ਛਿਮਾਨਿ ਦ੍વੇ ਆਪਤ੍ਤਿਅਙ੍ਗવਸੇਨ।
Adhisīle sīlavipannotiādīsu pārājikañca saṅghādisesañca āpanno adhisīle sīlavipanno nāma. Itare pañcāpattikkhandhe āpanno ajjhācāre ācāravipanno nāma. Sammādiṭṭhiṃ pahāya antaggāhikāya diṭṭhiyā samannāgato atidiṭṭhiyā diṭṭhivipanno nāma. Yattakaṃ sutaṃ parisaṃ pariharantassa icchitabbaṃ, tena virahitattā appassuto. Yaṃ tena jānitabbaṃ āpattādi, tassa ajānanato duppañño. Imasmiṃ pañcake purimāni tīṇi padāni ayuttavasena vuttāni, pacchimāni dve āpattiaṅgavasena.
ਆਪਤ੍ਤਿਂ ਨ ਜਾਨਾਤੀਤਿ ‘‘ਇਦਂ ਨਾਮ ਮਯਾ ਕਤ’’ਨ੍ਤਿ વੁਤ੍ਤੇ ‘‘ਇਮਂ ਨਾਮ ਆਪਤ੍ਤਿਂ ਅਯਂ ਆਪਨ੍ਨੋ’’ਤਿ ਨ ਜਾਨਾਤਿ। વੁਟ੍ਠਾਨਂ ਨ ਜਾਨਾਤੀਤਿ વੁਟ੍ਠਾਨਗਾਮਿਨਿਤੋ વਾ ਦੇਸਨਾਗਾਮਿਨਿਤੋ વਾ ਆਪਤ੍ਤਿਤੋ ਏવਂ ਨਾਮ વੁਟ੍ਠਾਨਂ ਹੋਤੀਤਿ ਨ ਜਾਨਾਤਿ। ਇਮਸ੍ਮਿਂ ਪਞ੍ਚਕੇ ਪੁਰਿਮਾਨਿ ਦ੍વੇ ਪਦਾਨਿ ਅਯੁਤ੍ਤવਸੇਨ વੁਤ੍ਤਾਨਿ, ਪਚ੍ਛਿਮਾਨਿ ਤੀਣਿ ਆਪਤ੍ਤਿਅਙ੍ਗવਸੇਨ।
Āpattiṃna jānātīti ‘‘idaṃ nāma mayā kata’’nti vutte ‘‘imaṃ nāma āpattiṃ ayaṃ āpanno’’ti na jānāti. Vuṭṭhānaṃ na jānātīti vuṭṭhānagāminito vā desanāgāminito vā āpattito evaṃ nāma vuṭṭhānaṃ hotīti na jānāti. Imasmiṃ pañcake purimāni dve padāni ayuttavasena vuttāni, pacchimāni tīṇi āpattiaṅgavasena.
ਆਭਿਸਮਾਚਾਰਿਕਾਯ ਸਿਕ੍ਖਾਯਾਤਿ ਖਨ੍ਧਕવਤ੍ਤੇ વਿਨੇਤੁਂ ਨ ਪਟਿਬਲੋ ਹੋਤੀਤਿ ਅਤ੍ਥੋ। ਆਦਿਬ੍ਰਹ੍ਮਚਰਿਯਕਾਯਾਤਿ ਸੇਕ੍ਖਪਣ੍ਣਤ੍ਤਿਯਂ વਿਨੇਤੁਂ ਨ ਪਟਿਬਲੋਤਿ ਅਤ੍ਥੋ। ਅਭਿਧਮ੍ਮੇਤਿ ਨਾਮਰੂਪਪਰਿਚ੍ਛੇਦੇ વਿਨੇਤੁਂ ਨ ਪਟਿਬਲੋਤਿ ਅਤ੍ਥੋ। ਅਭਿવਿਨਯੇਤਿ ਸਕਲੇ વਿਨਯਪਿਟਕੇ વਿਨੇਤੁਂ ਨ ਪਟਿਬਲੋਤਿ ਅਤ੍ਥੋ। વਿਨੇਤੁਂ ਨ ਪਟਿਬਲੋਤਿ ਚ ਸਬ੍ਬਤ੍ਥ ਸਿਕ੍ਖਾਪੇਤੁਂ ਨ ਸਕ੍ਕੋਤੀਤਿ ਅਤ੍ਥੋ। ਧਮ੍ਮਤੋ વਿવੇਚੇਤੁਨ੍ਤਿ ਧਮ੍ਮੇਨ ਕਾਰਣੇਨ વਿਸ੍ਸਜ੍ਜਾਪੇਤੁਂ। ਇਮਸ੍ਮਿ ਪਞ੍ਚਕੇ ਸਬ੍ਬਪਦੇਸੁ ਆਪਤ੍ਤਿ। ਆਪਤ੍ਤਿਂ ਨ ਜਾਨਾਤੀਤਿਆਦਿਪਞ੍ਚਕਸ੍ਮਿਮ੍ਪਿ ਸਬ੍ਬਪਦੇਸੁ ਆਪਤ੍ਤਿ। ਊਨਦਸવਸ੍ਸਪਰਿਯੋਸਾਨਪਞ੍ਚਕੇਪਿ ਏਸੇવ ਨਯੋ। ਇਤਿ ਆਦਿਤੋ ਤਯੋ ਪਞ੍ਚਕਾ, ਚਤੁਤ੍ਥੇ ਤੀਣਿ ਪਦਾਨਿ, ਪਞ੍ਚਮੇ ਦ੍વੇ ਪਦਾਨੀਤਿ ਸਬ੍ਬੇਪਿ ਚਤ੍ਤਾਰੋ ਪਞ੍ਚਕਾ ਅਯੁਤ੍ਤવਸੇਨ વੁਤ੍ਤਾ। ਚਤੁਤ੍ਥਪਞ੍ਚਕੇ ਦ੍વੇ ਪਦਾਨਿ, ਪਞ੍ਚਮੇ ਤੀਣਿ, ਛਟ੍ਠਸਤ੍ਤਮਅਟ੍ਠਮਾ ਤਯੋ ਪਞ੍ਚਕਾਤਿ ਸਬ੍ਬੇਪਿ ਚਤ੍ਤਾਰੋ ਪਞ੍ਚਕਾ ਆਪਤ੍ਤਿਅਙ੍ਗવਸੇਨ વੁਤ੍ਤਾ; ਸੁਕ੍ਕਪਕ੍ਖੇ ਅਟ੍ਠਸੁ ਅਨਾਪਤ੍ਤਿਯੇવਾਤਿ।
Ābhisamācārikāya sikkhāyāti khandhakavatte vinetuṃ na paṭibalo hotīti attho. Ādibrahmacariyakāyāti sekkhapaṇṇattiyaṃ vinetuṃ na paṭibaloti attho. Abhidhammeti nāmarūpaparicchede vinetuṃ na paṭibaloti attho. Abhivinayeti sakale vinayapiṭake vinetuṃ na paṭibaloti attho. Vinetuṃ na paṭibaloti ca sabbattha sikkhāpetuṃ na sakkotīti attho. Dhammato vivecetunti dhammena kāraṇena vissajjāpetuṃ. Imasmi pañcake sabbapadesu āpatti. Āpattiṃ na jānātītiādipañcakasmimpi sabbapadesu āpatti. Ūnadasavassapariyosānapañcakepi eseva nayo. Iti ādito tayo pañcakā, catutthe tīṇi padāni, pañcame dve padānīti sabbepi cattāro pañcakā ayuttavasena vuttā. Catutthapañcake dve padāni, pañcame tīṇi, chaṭṭhasattamaaṭṭhamā tayo pañcakāti sabbepi cattāro pañcakā āpattiaṅgavasena vuttā; sukkapakkhe aṭṭhasu anāpattiyevāti.
ਉਪਸਮ੍ਪਾਦੇਤਬ੍ਬਪਞ੍ਚਕਕਥਾ ਨਿਟ੍ਠਿਤਾ।
Upasampādetabbapañcakakathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੩. ਉਪਸਮ੍ਪਾਦੇਤਬ੍ਬਪਞ੍ਚਕਂ • 23. Upasampādetabbapañcakaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਉਪਸਮ੍ਪਾਦੇਤਬ੍ਬਪਞ੍ਚਕਕਥਾવਣ੍ਣਨਾ • Upasampādetabbapañcakakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਉਪਸਮ੍ਪਾਦੇਤਬ੍ਬਪਞ੍ਚਕਕਥਾવਣ੍ਣਨਾ • Upasampādetabbapañcakakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਉਪਸਮ੍ਪਾਦੇਤਬ੍ਬਪਞ੍ਚਕਕਥਾવਣ੍ਣਨਾ • Upasampādetabbapañcakakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੩. ਉਪਸਮ੍ਪਾਦੇਤਬ੍ਬਪਞ੍ਚਕਕਥਾ • 23. Upasampādetabbapañcakakathā
