| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
убасамбаад̣̇зд̇аб̣б̣абан̃жагагат̇ааван̣н̣анаа
Upasampādetabbapañcakakathāvaṇṇanā
84. бан̃жахи , бхигкавз, ан̇г̇зхи саманнааг̇ад̇знаад̇иаад̣̇ийсу на сааман̣зро убадтаабзд̇аб̣б̣од̇и убаж̇жхааязна худ̇ваа сааман̣зро на г̇ахзд̇аб̣б̣о. аяамад̇т̇о ан̇г̇уд̇д̇аранигааяадтагат̇ааяам̣ (а. ни. адта. 3.5.251-253) вуд̇д̇оязва.
84.Pañcahi, bhikkhave, aṅgehi samannāgatenātiādīsu na sāmaṇero upaṭṭhāpetabboti upajjhāyena hutvā sāmaṇero na gahetabbo. Ayamattho aṅguttaranikāyaṭṭhakathāyaṃ (a. ni. aṭṭha. 3.5.251-253) vuttoyeva.
‘‘ад̇д̇аанамзва батамам̣, бад̇ируубз нивзсаяз;
‘‘Attānameva paṭhamaṃ, patirūpe nivesaye;
ат̇ан̃н̃аманусаасзяяа, на гилиссзяяа бан̣д̣ид̇о’’д̇и. (д̇ха. ба. 158) –
Athaññamanusāseyya, na kilisseyya paṇḍito’’ti. (dha. pa. 158) –
имасса ануруубавасзна батамам̣ д̇аава ад̇д̇асамбад̇д̇ияам̣ нияож̇зд̇ум̣ ‘‘на асзгкзна сийлагканд̇хзнаа’’д̇иаад̣̇и вуд̇д̇ам̣, на аабад̇д̇иан̇г̇авасзна. д̇ад̇т̇а асзгкзна сийлагканд̇хзнаад̇и асзгкасса сийлагканд̇хо асзгко сийлагканд̇хо наама. асзгкасса аяанд̇и хи асзгко, сийлагканд̇хо. звам̣ саб̣б̣ад̇т̇а. зван̃жа гад̇ваа вимуд̇д̇ин̃аан̣ад̣̇ассанасан̇каад̇асса бажжавзгкан̣ан̃аан̣ассаби асзгкад̇аа убабаннаа. асзгкасийланд̇и жа на маг̇г̇апаламзва ад̇хиббзд̇ам̣, ат̇а ко яам̣гин̃жи асзгкасанд̇аанз бавад̇д̇асийлам̣ логияалогуд̇д̇арамиссагасса сийласса ид̇хаад̇хиббзд̇ад̇д̇аа. самаад̇хигканд̇хаад̣̇ийсуби вимуд̇д̇игканд̇хабарияосаанзсу аяамзва наяо. д̇асмаа яат̇аа сийласамаад̇хибан̃н̃агканд̇хаа миссагаа ад̇хиббзд̇аа, звам̣ вимуд̇д̇игканд̇хобийд̇и д̇ад̣̇ан̇г̇авимуд̇д̇иаад̣̇аяоби взд̣̇ид̇аб̣б̣аа, на бадиббассад̣̇д̇хивимуд̇д̇и зва. вимуд̇д̇ин̃аан̣ад̣̇ассанам̣ бана логияамзва. д̇знзва сам̣яуд̇д̇анигааяадтагат̇ааяам̣ (сам̣. ни. адта. 1.1.135) вуд̇д̇ам̣ ‘‘буримзхи жад̇уухи бад̣̇зхи логияалогуд̇д̇арасийласамаад̇хибан̃н̃аавимуд̇д̇ияо гат̇ид̇аа, вимуд̇д̇ин̃аан̣ад̣̇ассанам̣ бажжавзгкан̣ан̃аан̣ам̣ ход̇и, д̇ам̣ логияамзваа’’д̇и.
Imassa anurūpavasena paṭhamaṃ tāva attasampattiyaṃ niyojetuṃ ‘‘na asekkhena sīlakkhandhenā’’tiādi vuttaṃ, na āpattiaṅgavasena. Tattha asekkhena sīlakkhandhenāti asekkhassa sīlakkhandho asekkho sīlakkhandho nāma. Asekkhassa ayanti hi asekkho, sīlakkhandho. Evaṃ sabbattha. Evañca katvā vimuttiñāṇadassanasaṅkhātassa paccavekkhaṇañāṇassapi asekkhatā upapannā. Asekkhasīlanti ca na maggaphalameva adhippetaṃ, atha kho yaṃkiñci asekkhasantāne pavattasīlaṃ lokiyalokuttaramissakassa sīlassa idhādhippetattā. Samādhikkhandhādīsupi vimuttikkhandhapariyosānesu ayameva nayo. Tasmā yathā sīlasamādhipaññakkhandhā missakā adhippetā, evaṃ vimuttikkhandhopīti tadaṅgavimuttiādayopi veditabbā, na paṭippassaddhivimutti eva. Vimuttiñāṇadassanaṃ pana lokiyameva. Teneva saṃyuttanikāyaṭṭhakathāyaṃ (saṃ. ni. aṭṭha. 1.1.135) vuttaṃ ‘‘purimehi catūhi padehi lokiyalokuttarasīlasamādhipaññāvimuttiyo kathitā, vimuttiñāṇadassanaṃ paccavekkhaṇañāṇaṃ hoti, taṃ lokiyamevā’’ti.
ассад̣̇д̇ход̇иаад̣̇ийсу д̇ийсу вад̇т̇уусу сад̣̇д̇хаа зд̇асса над̇т̇ийд̇и ассад̣̇д̇хо. суггабагкз сад̣̇д̣̇ахад̇ийд̇и сад̣̇д̇хо, сад̣̇д̇хаа ваа зд̇асса ад̇т̇ийд̇иби сад̣̇д̇хо. над̇т̇и зд̇асса хирийд̇и ахириго, агусаласамаабад̇д̇ияаа аж̇иг̇ужчамаанассзд̇ам̣ ад̇хиважанам̣. хирий зд̇асса ад̇т̇ийд̇и хиримаа. на од̇д̇аббад̇ийд̇и анод̇д̇аббий, агусаласамаабад̇д̇ияаа на бхааяад̇ийд̇и вуд̇д̇ам̣ ход̇и. д̇аб̣б̣ибарийд̇о од̇д̇аббий. гужчид̇ам̣ сийд̣̇ад̇ийд̇и гусийд̇о, хийнавийрияассзд̇ам̣ ад̇хиважанам̣. аарад̣̇д̇хам̣ вийрияам̣ зд̇ассаад̇и аарад̣̇д̇хавийрияо, саммаббад̇хаанаяуд̇д̇ассзд̇ам̣ ад̇хиважанам̣. мудтаа сад̇и зд̇ассаад̇и мудтассад̇и, надтассад̇ийд̇и вуд̇д̇ам̣ ход̇и. убадтид̇аа сад̇и зд̇ассаад̇и убадтид̇ассад̇и, нижжам̣ аарамман̣аабхимукаббавад̇д̇асад̇иссзд̇ам̣ ад̇хиважанам̣.
Assaddhotiādīsu tīsu vatthūsu saddhā etassa natthīti assaddho. Sukkapakkhe saddahatīti saddho, saddhā vā etassa atthītipi saddho. Natthi etassa hirīti ahiriko, akusalasamāpattiyā ajigucchamānassetaṃ adhivacanaṃ. Hirī etassa atthīti hirimā. Na ottappatīti anottappī, akusalasamāpattiyā na bhāyatīti vuttaṃ hoti. Tabbiparīto ottappī. Kucchitaṃ sīdatīti kusīto, hīnavīriyassetaṃ adhivacanaṃ. Āraddhaṃ vīriyaṃ etassāti āraddhavīriyo, sammappadhānayuttassetaṃ adhivacanaṃ. Muṭṭhā sati etassāti muṭṭhassati, naṭṭhassatīti vuttaṃ hoti. Upaṭṭhitā sati etassāti upaṭṭhitassati, niccaṃ ārammaṇābhimukhappavattasatissetaṃ adhivacanaṃ.
ад̇хисийлз сийлавибанно жа аж̇жхаажаарз аажааравибанно жа аабаж̇ж̇ид̇ваа авудтид̇о. сассад̇ужчзд̣̇асан̇каад̇ам̣ анд̇ам̣ г̇ан̣хаад̇и г̇аахаяад̇ийд̇и ваа анд̇аг̇г̇аахигаа, мижчаад̣̇идти. буримаани д̣̇вз бад̣̇аанийд̇и ‘‘на бадиб̣ало ход̇и анд̇зваасим̣ ваа сад̣̇д̇хивихаарим̣ ваа г̇илаанам̣ убадтаад̇ум̣ ваа убадтаабзд̇ум̣ ваа, анабхирад̇ам̣ вуубагаасзд̇ум̣ ваа вуубагаасаабзд̇ум̣ ваа’’д̇и имаани д̣̇вз бад̣̇аани.
Adhisīlesīlavipanno ca ajjhācāre ācāravipanno ca āpajjitvā avuṭṭhito. Sassatucchedasaṅkhātaṃ antaṃ gaṇhāti gāhayatīti vā antaggāhikā, micchādiṭṭhi. Purimāni dve padānīti ‘‘na paṭibalo hoti antevāsiṃ vā saddhivihāriṃ vā gilānaṃ upaṭṭhātuṃ vā upaṭṭhāpetuṃ vā, anabhirataṃ vūpakāsetuṃ vā vūpakāsāpetuṃ vā’’ti imāni dve padāni.
абхивисидто уд̇д̇амо самаажаарод̇и абхисамаажааро, абхисамаажаарова сигкид̇аб̣б̣ад̇о сигкаад̇и аабхисамаажааригаа сигкаа, абхисамаажаарам̣ ваа аараб̣бха бан̃н̃ад̇д̇аа сигкаа аабхисамаажааригаа. маг̇г̇аб̣рахмажарияасса аад̣̇ибхууд̇аад̇и аад̣̇иб̣рахмажарияагаа, убхад̇овибхан̇г̇абарияаабаннасигкааязд̇ам̣ ад̇хиважанам̣. д̇знзва ‘‘убхад̇овибхан̇г̇абарияаабаннам̣ аад̣̇иб̣рахмажарияагам̣, канд̇хагавад̇д̇абарияаабаннам̣ аабхисамаажаарига’’нд̇и висуд̣̇д̇химаг̇г̇з (висуд̣̇д̇хи. 1.11) вуд̇д̇ам̣. д̇асмаа сзгкабан̣н̣ад̇д̇ияанд̇и зд̇т̇а сигкид̇аб̣б̣ад̇о саб̣б̣ааби убхад̇овибхан̇г̇абарияаабаннаа бан̣н̣ад̇д̇ийд̇и г̇ахзд̇аб̣б̣аа. д̇знзва г̇ан̣тибад̣̇зби вуд̇д̇ам̣ ‘‘сзгкабан̣н̣ад̇д̇ияанд̇и баарааж̇игамаад̣̇им̣ гад̇ваа сигкид̇аб̣б̣асигкаабад̣̇абан̃н̃ад̇д̇ияа’’нд̇и. сзсамзд̇т̇а уд̇д̇аанад̇т̇амзва.
Abhivisiṭṭho uttamo samācāroti abhisamācāro, abhisamācārova sikkhitabbato sikkhāti ābhisamācārikā sikkhā, abhisamācāraṃ vā ārabbha paññattā sikkhā ābhisamācārikā. Maggabrahmacariyassa ādibhūtāti ādibrahmacariyakā, ubhatovibhaṅgapariyāpannasikkhāyetaṃ adhivacanaṃ. Teneva ‘‘ubhatovibhaṅgapariyāpannaṃ ādibrahmacariyakaṃ, khandhakavattapariyāpannaṃ ābhisamācārika’’nti visuddhimagge (visuddhi. 1.11) vuttaṃ. Tasmā sekkhapaṇṇattiyanti ettha sikkhitabbato sabbāpi ubhatovibhaṅgapariyāpannā paṇṇattīti gahetabbā. Teneva gaṇṭhipadepi vuttaṃ ‘‘sekkhapaṇṇattiyanti pārājikamādiṃ katvā sikkhitabbasikkhāpadapaññattiya’’nti. Sesamettha uttānatthameva.
убасамбаад̣̇зд̇аб̣б̣абан̃жагагат̇ааван̣н̣анаа нидтид̇аа.
Upasampādetabbapañcakakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 23. убасамбаад̣̇зд̇аб̣б̣абан̃жагам̣ • 23. Upasampādetabbapañcakaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / убасамбаад̣̇зд̇аб̣б̣абан̃жагагат̇аа • Upasampādetabbapañcakakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / убасамбаад̣̇зд̇аб̣б̣абан̃жагагат̇ааван̣н̣анаа • Upasampādetabbapañcakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / убасамбаад̣̇зд̇аб̣б̣абан̃жагагат̇ааван̣н̣анаа • Upasampādetabbapañcakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 23. убасамбаад̣̇зд̇аб̣б̣абан̃жагагат̇аа • 23. Upasampādetabbapañcakakathā
