| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
убасамбаад̣̇зд̇аб̣б̣абан̃жагагат̇ааван̣н̣анаа
Upasampādetabbapañcakakathāvaṇṇanā
84. убаж̇жхаажарияалагкан̣агат̇ааяам̣ на сааман̣зро убадтаабзд̇аб̣б̣од̇и убаж̇жхааязна худ̇ваа на баб̣б̣ааж̇зд̇аб̣б̣о. асзгкасса аяанд̇и асзгко, логияалогуд̇д̇аро сийлагканд̇хо.
84. Upajjhācariyalakkhaṇakathāyaṃ na sāmaṇero upaṭṭhāpetabboti upajjhāyena hutvā na pabbājetabbo. Asekkhassa ayanti asekkho, lokiyalokuttaro sīlakkhandho.
анд̇аг̇г̇аахигааяаад̇и сассад̇ужчзд̣̇агодтаасаг̇г̇аахигааяа. бажчимаани д̣̇взд̇и аббассуд̇о ход̇и, д̣̇уббан̃н̃о ход̇ийд̇и имаани д̣̇вз ан̇г̇аани. бажчимаани д̇ийн̣ийд̇и на бадиб̣ало уббаннам̣ гуггужжам̣ д̇хаммад̇о винод̣̇зд̇ум̣, аабад̇д̇им̣ на ж̇аанаад̇и, аабад̇д̇ияаа вудтаанам̣ на ж̇аанаад̇ийд̇и имаани д̇ийн̣и. гуггужжасса хи баал̣иадтагат̇аанаяасан̇каад̇ад̇хаммад̇о винод̣̇зд̇ум̣ абадиб̣алад̇аа наама аб̣яад̇д̇ад̇аа зва ход̇ийд̇и сааби аабад̇д̇иан̇г̇амзва вуд̇д̇аа.
Antaggāhikāyāti sassatucchedakoṭṭhāsaggāhikāya. Pacchimāni dveti appassuto hoti, duppañño hotīti imāni dve aṅgāni. Pacchimāni tīṇīti na paṭibalo uppannaṃ kukkuccaṃ dhammato vinodetuṃ, āpattiṃ na jānāti, āpattiyā vuṭṭhānaṃ na jānātīti imāni tīṇi. Kukkuccassa hi pāḷiaṭṭhakathānayasaṅkhātadhammato vinodetuṃ apaṭibalatā nāma abyattatā eva hotīti sāpi āpattiaṅgameva vuttā.
абхивисидто уд̇д̇амо самаажааро аабхисамаажааро, вад̇д̇абадивад̇д̇асийлам̣. д̇ам̣ аараб̣бха бан̃н̃ад̇д̇аа канд̇хагасигкаабад̣̇асан̇каад̇аа сигкаа аабхисамаажааригаа. сигкаабад̣̇амби хи д̇ам̣ д̇ад̇т̇а бадибууран̣ад̇т̇игзхи уг̇г̇ахан̣аад̣̇ивасзна сигкид̇аб̣б̣ад̇о ‘‘сигкаа’’д̇и вужжад̇и. маг̇г̇аб̣рахмажарияасса аад̣̇ибхууд̇аа гааран̣абхууд̇аад̇и аад̣̇иб̣рахмажарияагаа сигкаа, убхад̇овибхан̇г̇абарияаабаннасигкаабад̣̇ам̣. д̇знзва висуд̣̇д̇химаг̇г̇зби ‘‘убхад̇овибхан̇г̇абарияаабаннасигкаабад̣̇ам̣ аад̣̇иб̣рахмажарияагам̣, канд̇хагавад̇д̇абааяаабаннам̣ аабхисамаажаарига’’нд̇и (висуд̣̇д̇хи. 1.11) вуд̇д̇ам̣. д̇асмаа сзгкабан̣н̣ад̇д̇ияа’’нд̇и зд̇т̇а сигкид̇аб̣б̣ад̇о сзгкаа, бхаг̇авад̇аа бан̃н̃ад̇д̇ад̇д̇аа бан̣н̣ад̇д̇и. саб̣б̣ааби убхад̇овибхан̇г̇абарияаабаннаа сигкаабад̣̇абан̣н̣ад̇д̇и ‘‘сзгкабан̣н̣ад̇д̇ий’’д̇и вуд̇д̇аад̇и г̇ахзд̇аб̣б̣аа. наамаруубабарижчзд̣̇зд̇и зд̇т̇а гусалад̇д̇игаад̣̇ийхи вуд̇д̇ам̣ ж̇аад̇ибхуумибуг̇г̇аласамбаяог̇авад̇т̇аарамман̣агаммад̣̇вааралагкан̣арасаад̣̇ибхзд̣̇зхи взд̣̇анаагканд̇хаад̣̇ижад̇уб̣б̣ид̇хам̣ саниб̣б̣аанам̣ наамам̣, бхууд̇убаад̣̇ааяабхзд̣̇ам̣ руубан̃жа барижчинд̣̇ид̇ваа ж̇аананабан̃н̃аа, д̇аббагаасаго жа г̇ант̇о наамаруубабарижчзд̣̇о наама. иминаа абхид̇хаммад̇т̇агусалзна бхавид̇аб̣б̣анд̇и д̣̇ассзд̇и. сигкаабзд̇унд̇и уг̇г̇ан̣хаабзд̇ум̣.
Abhivisiṭṭho uttamo samācāro ābhisamācāro, vattapaṭivattasīlaṃ. Taṃ ārabbha paññattā khandhakasikkhāpadasaṅkhātā sikkhā ābhisamācārikā. Sikkhāpadampi hi taṃ tattha paṭipūraṇatthikehi uggahaṇādivasena sikkhitabbato ‘‘sikkhā’’ti vuccati. Maggabrahmacariyassa ādibhūtā kāraṇabhūtāti ādibrahmacariyakā sikkhā, ubhatovibhaṅgapariyāpannasikkhāpadaṃ. Teneva visuddhimaggepi ‘‘ubhatovibhaṅgapariyāpannasikkhāpadaṃ ādibrahmacariyakaṃ, khandhakavattapaayāpannaṃ ābhisamācārika’’nti (visuddhi. 1.11) vuttaṃ. Tasmā sekkhapaṇṇattiya’’nti ettha sikkhitabbato sekkhā, bhagavatā paññattattā paṇṇatti. Sabbāpi ubhatovibhaṅgapariyāpannā sikkhāpadapaṇṇatti ‘‘sekkhapaṇṇattī’’ti vuttāti gahetabbā. Nāmarūpaparicchedeti ettha kusalattikādīhi vuttaṃ jātibhūmipuggalasampayogavatthārammaṇakammadvāralakkhaṇarasādibhedehi vedanākkhandhādicatubbidhaṃ sanibbānaṃ nāmaṃ, bhūtupādāyabhedaṃ rūpañca paricchinditvā jānanapaññā, tappakāsako ca gantho nāmarūpaparicchedo nāma. Iminā abhidhammatthakusalena bhavitabbanti dasseti. Sikkhāpetunti uggaṇhāpetuṃ.
убасамбаад̣̇зд̇аб̣б̣абан̃жагагат̇ааван̣н̣анаа нидтид̇аа.
Upasampādetabbapañcakakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 23. убасамбаад̣̇зд̇аб̣б̣абан̃жагам̣ • 23. Upasampādetabbapañcakaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / убасамбаад̣̇зд̇аб̣б̣абан̃жагагат̇аа • Upasampādetabbapañcakakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убасамбаад̣̇зд̇аб̣б̣абан̃жагагат̇ааван̣н̣анаа • Upasampādetabbapañcakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / убасамбаад̣̇зд̇аб̣б̣абан̃жагагат̇ааван̣н̣анаа • Upasampādetabbapañcakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 23. убасамбаад̣̇зд̇аб̣б̣абан̃жагагат̇аа • 23. Upasampādetabbapañcakakathā
