| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. убасзнааасийвисасуд̇д̇ам̣
7. Upasenaāsīvisasuttaṃ
69. згам̣ самаяам̣ ааяасмаа жа саарибуд̇д̇о ааяасмаа жа убасзно рааж̇аг̇ахз вихаранд̇и сийд̇аванз саббасон̣д̣игабаб̣бхаарз. д̇зна ко бана самаязна ааяасмад̇о убасзнасса гааяз аасийвисо бад̇ид̇о ход̇и. ат̇а ко ааяасмаа убасзно бхигкуу ааманд̇зси – ‘‘зт̇а мз, аавусо, имам̣ гааяам̣ ман̃жагам̣ ааробзд̇ваа б̣ахид̣̇д̇хаа нийхарат̇а. бурааяам̣ гааяо ид̇хзва вигирад̇и; сзяяат̇ааби бхусамудтий’’д̇и.
69. Ekaṃ samayaṃ āyasmā ca sāriputto āyasmā ca upaseno rājagahe viharanti sītavane sappasoṇḍikapabbhāre. Tena kho pana samayena āyasmato upasenassa kāye āsīviso patito hoti. Atha kho āyasmā upaseno bhikkhū āmantesi – ‘‘etha me, āvuso, imaṃ kāyaṃ mañcakaṃ āropetvā bahiddhā nīharatha. Purāyaṃ kāyo idheva vikirati; seyyathāpi bhusamuṭṭhī’’ti.
звам̣ вуд̇д̇з, ааяасмаа саарибуд̇д̇о ааяасманд̇ам̣ убасзнам̣ зд̇ад̣̇авожа – ‘‘на ко бана маяам̣ бассаама ааяасмад̇о убасзнасса гааяасса ваа ан̃н̃ат̇ад̇д̇ам̣ инд̣̇рияаанам̣ ваа вибарин̣аамам̣. ат̇а жа банааяасмаа убасзно звамааха – ‘зт̇а мз, аавусо, имам̣ гааяам̣ ман̃жагам̣ ааробзд̇ваа б̣ахид̣̇д̇хаа нийхарат̇а. бурааяам̣ гааяо ид̇хзва вигирад̇и; сзяяат̇ааби бхусамудтий’’’д̇и. ‘‘яасса нууна, аавусо саарибуд̇д̇а, звамасса – ‘ахам̣ жагкууд̇и ваа мама жагкууд̇и ваа…бз… ахам̣ ж̇ивхаад̇и ваа мама ж̇ивхаад̇и ваа… ахам̣ манод̇и ваа мама манод̇и ваа’. д̇асса, аавусо саарибуд̇д̇а, сияаа гааяасса ваа ан̃н̃ат̇ад̇д̇ам̣ инд̣̇рияаанам̣ ваа вибарин̣аамо. маяхан̃жа ко, аавусо саарибуд̇д̇а, на звам̣ ход̇и – ‘ахам̣ жагкууд̇и ваа мама жагкууд̇и ваа…бз… ахам̣ ж̇ивхаад̇и ваа мама ж̇ивхаад̇и ваа…бз… ахам̣ манод̇и ваа мама манод̇и ваа’. д̇асса маяхан̃жа ко, аавусо саарибуд̇д̇а, гим̣ гааяасса ваа ан̃н̃ат̇ад̇д̇ам̣ бхависсад̇и, инд̣̇рияаанам̣ ваа вибарин̣аамо’’д̇и!
Evaṃ vutte, āyasmā sāriputto āyasmantaṃ upasenaṃ etadavoca – ‘‘na kho pana mayaṃ passāma āyasmato upasenassa kāyassa vā aññathattaṃ indriyānaṃ vā vipariṇāmaṃ. Atha ca panāyasmā upaseno evamāha – ‘etha me, āvuso, imaṃ kāyaṃ mañcakaṃ āropetvā bahiddhā nīharatha. Purāyaṃ kāyo idheva vikirati; seyyathāpi bhusamuṭṭhī’’’ti. ‘‘Yassa nūna, āvuso sāriputta, evamassa – ‘ahaṃ cakkhūti vā mama cakkhūti vā…pe… ahaṃ jivhāti vā mama jivhāti vā… ahaṃ manoti vā mama manoti vā’. Tassa, āvuso sāriputta, siyā kāyassa vā aññathattaṃ indriyānaṃ vā vipariṇāmo. Mayhañca kho, āvuso sāriputta, na evaṃ hoti – ‘ahaṃ cakkhūti vā mama cakkhūti vā…pe… ahaṃ jivhāti vā mama jivhāti vā…pe… ahaṃ manoti vā mama manoti vā’. Tassa mayhañca kho, āvuso sāriputta, kiṃ kāyassa vā aññathattaṃ bhavissati, indriyānaṃ vā vipariṇāmo’’ti!
‘‘д̇ат̇аа хи банааяасмад̇о убасзнасса д̣̇ийгхарад̇д̇ам̣ ахан̇гаарамаман̇гаарамаанаанусаяо сусамуухад̇о. д̇асмаа ааяасмад̇о убасзнасса на звам̣ ход̇и – ‘ахам̣ жагкууд̇и ваа мама жагкууд̇и ваа…бз… ахам̣ ж̇ивхаад̇и ваа мама ж̇ивхаад̇и ваа…бз… ахам̣ манод̇и ваа мама манод̇и ваа’’’д̇и. ат̇а ко д̇з бхигкуу ааяасмад̇о убасзнасса гааяам̣ ман̃жагам̣ ааробзд̇ваа б̣ахид̣̇д̇хаа нийхарим̣су. ат̇а ко ааяасмад̇о убасзнасса гааяо д̇ад̇т̇зва вигири; сзяяат̇ааби бхусамудтийд̇и. сад̇д̇амам̣.
‘‘Tathā hi panāyasmato upasenassa dīgharattaṃ ahaṅkāramamaṅkāramānānusayo susamūhato. Tasmā āyasmato upasenassa na evaṃ hoti – ‘ahaṃ cakkhūti vā mama cakkhūti vā…pe… ahaṃ jivhāti vā mama jivhāti vā…pe… ahaṃ manoti vā mama manoti vā’’’ti. Atha kho te bhikkhū āyasmato upasenassa kāyaṃ mañcakaṃ āropetvā bahiddhā nīhariṃsu. Atha kho āyasmato upasenassa kāyo tattheva vikiri; seyyathāpi bhusamuṭṭhīti. Sattamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. убасзнааасийвисасуд̇д̇аван̣н̣анаа • 7. Upasenaāsīvisasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. убасзнааасийвисасуд̇д̇аван̣н̣анаа • 7. Upasenaāsīvisasuttavaṇṇanā
