| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
7. убасзнааасийвисасуд̇д̇аван̣н̣анаа
7. Upasenaāsīvisasuttavaṇṇanā
69. сад̇д̇амз сийд̇аванзд̇и звам̣наамагз сусаанаванз. саббасон̣д̣игабаб̣бхаарзд̇и саббапан̣асад̣̇исад̇ааяа звам̣лад̣̇д̇ханаамз баб̣бхаарз. убасзнассаад̇и д̇хаммасзнаабад̇ино ганидтабхаад̇игаубасзнад̇т̇зрасса. аасийвисо бад̇ид̇о ход̇ийд̇и т̇зро гира гад̇абхад̇д̇агижжо махаажийварам̣ г̇ахзд̇ваа лзн̣ажчааяааяа манд̣̇аманд̣̇зна ваад̇абаанаваад̇зна б̣ийж̇ияамаано нисийд̣̇ид̇ваа д̣̇убадданиваасанз суужигаммам̣ гарод̇и. д̇асмим̣ кан̣з лзн̣ажчад̣̇анз д̣̇вз аасийвисабод̇агаа гийл̣анд̇и. д̇зсу зго бад̇ид̇ваа т̇зрасса ам̣сагуудз авад̇т̇ааси. со жа пудтависо ход̇и. д̇асмаа бад̇ид̇адтаанад̇о бадтааяа т̇зрасса гааяз д̣̇ийбасикаа вияа ваддим̣ барияаад̣̇ияамаанамзвасса висам̣ од̇ин̣н̣ам̣. т̇зро висасса д̇ат̇ааг̇аманам̣ д̣̇исваа гин̃жааби д̇ам̣ бад̇ид̇амад̇д̇амзва яат̇аабарижчзд̣̇зна г̇ад̇ам̣, ад̇д̇ано бана ид̣̇д̇хиб̣алзна ‘‘аяам̣ ад̇д̇абхааво лзн̣з маа винассад̇уу’’д̇и ад̇хидтахид̇ваа бхигкуу ааманд̇зси. бурааяам̣ гааяо ид̇хзва вигирад̇ийд̇и яаава на вигирад̇и, д̇аава нам̣ б̣ахид̣̇д̇хаа нийхарат̇аад̇и ад̇т̇о. ан̃н̃ат̇ад̇д̇анд̇и ан̃н̃ат̇аабхаавам̣. инд̣̇рияаанам̣ ваа вибарин̣ааманд̇и жагкусод̇аад̣̇ийнам̣ инд̣̇рияаанам̣ багад̇ивиж̇аханабхаавам̣. д̇ад̇т̇зва вигирийд̇и б̣ахи нийхарид̇ваа табид̇адтаанз ман̃жагасмим̣язва вигири.
69. Sattame sītavaneti evaṃnāmake susānavane. Sappasoṇḍikapabbhāreti sappaphaṇasadisatāya evaṃladdhanāme pabbhāre. Upasenassāti dhammasenāpatino kaniṭṭhabhātikaupasenattherassa. Āsīviso patito hotīti thero kira katabhattakicco mahācīvaraṃ gahetvā leṇacchāyāya mandamandena vātapānavātena bījiyamāno nisīditvā dupaṭṭanivāsane sūcikammaṃ karoti. Tasmiṃ khaṇe leṇacchadane dve āsīvisapotakā kīḷanti. Tesu eko patitvā therassa aṃsakūṭe avatthāsi. So ca phuṭṭhaviso hoti. Tasmā patitaṭṭhānato paṭṭhāya therassa kāye dīpasikhā viya vaṭṭiṃ pariyādiyamānamevassa visaṃ otiṇṇaṃ. Thero visassa tathāgamanaṃ disvā kiñcāpi taṃ patitamattameva yathāparicchedena gataṃ, attano pana iddhibalena ‘‘ayaṃ attabhāvo leṇe mā vinassatū’’ti adhiṭṭhahitvā bhikkhū āmantesi. Purāyaṃ kāyo idheva vikiratīti yāva na vikirati, tāva naṃ bahiddhā nīharathāti attho. Aññathattanti aññathābhāvaṃ. Indriyānaṃ vā vipariṇāmanti cakkhusotādīnaṃ indriyānaṃ pakativijahanabhāvaṃ. Tattheva vikirīti bahi nīharitvā ṭhapitaṭṭhāne mañcakasmiṃyeva vikiri.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. убасзнааасийвисасуд̇д̇ам̣ • 7. Upasenaāsīvisasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. убасзнааасийвисасуд̇д̇аван̣н̣анаа • 7. Upasenaāsīvisasuttavaṇṇanā
