| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၇. ဥပသေနအာသီဝိသသုတ္တဝဏ္ဏနာ
7. Upasenaāsīvisasuttavaṇṇanā
၆၉. ဂဟေတ္ဝာတိ ပာရုပနသ္သ သိထိလကရဏေန ဝီမံသတော မောစေတ္ဝာ။ လေဏစ္ဆာယာယာတိ ပုရိမဒိသာယ လေဏစ္ဆာယာယံ။ ပတိတ္ဝာတိ လေဏစ္ဆဒနတော ဘသ္သိတ္ဝာ။ ဖုဋ္ဌဝိသောတိ စတူသု အာသီဝိသေသု သော ဖုဋ္ဌဝိသော။ တေနာဟ ‘‘တသ္မာ’’တိအာဒိ။ ပရိယာဒိယမာနမေဝာတိ ခေပေန္တမေဝ, ဝိနာသေန္တမေဝာတိ အတ္ထော။ ယထာပရိစ္ဆေဒေနာတိ အတ္တနော ဝိသပရိစ္ဆေဒာနုရူပံ။ အညထာဘာဝန္တိ ဝဍ္ဎဘာဝာဒိပကတိဇဟနံ။ သဘာဝဝိဂမောတိ ဝိနာသော။
69.Gahetvāti pārupanassa sithilakaraṇena vīmaṃsato mocetvā. Leṇacchāyāyāti purimadisāya leṇacchāyāyaṃ. Patitvāti leṇacchadanato bhassitvā. Phuṭṭhavisoti catūsu āsīvisesu so phuṭṭhaviso. Tenāha ‘‘tasmā’’tiādi. Pariyādiyamānamevāti khepentameva, vināsentamevāti attho. Yathāparicchedenāti attano visaparicchedānurūpaṃ. Aññathābhāvanti vaḍḍhabhāvādipakatijahanaṃ. Sabhāvavigamoti vināso.
ဥပသေနအာသီဝိသသုတ္တဝဏ္ဏနာ နိဋ္ဌိတာ။
Upasenaāsīvisasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၇. ဥပသေနအာသီဝိသသုတ္တံ • 7. Upasenaāsīvisasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇. ဥပသေနအာသီဝိသသုတ္တဝဏ္ဏနာ • 7. Upasenaāsīvisasuttavaṇṇanā
