| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੭. ਉਪਸੇਨਆਸੀવਿਸਸੁਤ੍ਤવਣ੍ਣਨਾ
7. Upasenaāsīvisasuttavaṇṇanā
੬੯. ਸਤ੍ਤਮੇ ਸੀਤવਨੇਤਿ ਏવਂਨਾਮਕੇ ਸੁਸਾਨવਨੇ। ਸਪ੍ਪਸੋਣ੍ਡਿਕਪਬ੍ਭਾਰੇਤਿ ਸਪ੍ਪਫਣਸਦਿਸਤਾਯ ਏવਂਲਦ੍ਧਨਾਮੇ ਪਬ੍ਭਾਰੇ। ਉਪਸੇਨਸ੍ਸਾਤਿ ਧਮ੍ਮਸੇਨਾਪਤਿਨੋ ਕਨਿਟ੍ਠਭਾਤਿਕਉਪਸੇਨਤ੍ਥੇਰਸ੍ਸ। ਆਸੀવਿਸੋ ਪਤਿਤੋ ਹੋਤੀਤਿ ਥੇਰੋ ਕਿਰ ਕਤਭਤ੍ਤਕਿਚ੍ਚੋ ਮਹਾਚੀવਰਂ ਗਹੇਤ੍વਾ ਲੇਣਚ੍ਛਾਯਾਯ ਮਨ੍ਦਮਨ੍ਦੇਨ વਾਤਪਾਨવਾਤੇਨ ਬੀਜਿਯਮਾਨੋ ਨਿਸੀਦਿਤ੍વਾ ਦੁਪਟ੍ਟਨਿવਾਸਨੇ ਸੂਚਿਕਮ੍ਮਂ ਕਰੋਤਿ। ਤਸ੍ਮਿਂ ਖਣੇ ਲੇਣਚ੍ਛਦਨੇ ਦ੍વੇ ਆਸੀવਿਸਪੋਤਕਾ ਕੀਲ਼ਨ੍ਤਿ। ਤੇਸੁ ਏਕੋ ਪਤਿਤ੍વਾ ਥੇਰਸ੍ਸ ਅਂਸਕੂਟੇ ਅવਤ੍ਥਾਸਿ। ਸੋ ਚ ਫੁਟ੍ਠવਿਸੋ ਹੋਤਿ। ਤਸ੍ਮਾ ਪਤਿਤਟ੍ਠਾਨਤੋ ਪਟ੍ਠਾਯ ਥੇਰਸ੍ਸ ਕਾਯੇ ਦੀਪਸਿਖਾ વਿਯ વਟ੍ਟਿਂ ਪਰਿਯਾਦਿਯਮਾਨਮੇવਸ੍ਸ વਿਸਂ ਓਤਿਣ੍ਣਂ। ਥੇਰੋ વਿਸਸ੍ਸ ਤਥਾਗਮਨਂ ਦਿਸ੍વਾ ਕਿਞ੍ਚਾਪਿ ਤਂ ਪਤਿਤਮਤ੍ਤਮੇવ ਯਥਾਪਰਿਚ੍ਛੇਦੇਨ ਗਤਂ, ਅਤ੍ਤਨੋ ਪਨ ਇਦ੍ਧਿਬਲੇਨ ‘‘ਅਯਂ ਅਤ੍ਤਭਾવੋ ਲੇਣੇ ਮਾ વਿਨਸ੍ਸਤੂ’’ਤਿ ਅਧਿਟ੍ਠਹਿਤ੍વਾ ਭਿਕ੍ਖੂ ਆਮਨ੍ਤੇਸਿ। ਪੁਰਾਯਂ ਕਾਯੋ ਇਧੇવ વਿਕਿਰਤੀਤਿ ਯਾવ ਨ વਿਕਿਰਤਿ, ਤਾવ ਨਂ ਬਹਿਦ੍ਧਾ ਨੀਹਰਥਾਤਿ ਅਤ੍ਥੋ। ਅਞ੍ਞਥਤ੍ਤਨ੍ਤਿ ਅਞ੍ਞਥਾਭਾવਂ। ਇਨ੍ਦ੍ਰਿਯਾਨਂ વਾ વਿਪਰਿਣਾਮਨ੍ਤਿ ਚਕ੍ਖੁਸੋਤਾਦੀਨਂ ਇਨ੍ਦ੍ਰਿਯਾਨਂ ਪਕਤਿવਿਜਹਨਭਾવਂ। ਤਤ੍ਥੇવ વਿਕਿਰੀਤਿ ਬਹਿ ਨੀਹਰਿਤ੍વਾ ਠਪਿਤਟ੍ਠਾਨੇ ਮਞ੍ਚਕਸ੍ਮਿਂਯੇવ વਿਕਿਰਿ।
69. Sattame sītavaneti evaṃnāmake susānavane. Sappasoṇḍikapabbhāreti sappaphaṇasadisatāya evaṃladdhanāme pabbhāre. Upasenassāti dhammasenāpatino kaniṭṭhabhātikaupasenattherassa. Āsīviso patito hotīti thero kira katabhattakicco mahācīvaraṃ gahetvā leṇacchāyāya mandamandena vātapānavātena bījiyamāno nisīditvā dupaṭṭanivāsane sūcikammaṃ karoti. Tasmiṃ khaṇe leṇacchadane dve āsīvisapotakā kīḷanti. Tesu eko patitvā therassa aṃsakūṭe avatthāsi. So ca phuṭṭhaviso hoti. Tasmā patitaṭṭhānato paṭṭhāya therassa kāye dīpasikhā viya vaṭṭiṃ pariyādiyamānamevassa visaṃ otiṇṇaṃ. Thero visassa tathāgamanaṃ disvā kiñcāpi taṃ patitamattameva yathāparicchedena gataṃ, attano pana iddhibalena ‘‘ayaṃ attabhāvo leṇe mā vinassatū’’ti adhiṭṭhahitvā bhikkhū āmantesi. Purāyaṃ kāyo idheva vikiratīti yāva na vikirati, tāva naṃ bahiddhā nīharathāti attho. Aññathattanti aññathābhāvaṃ. Indriyānaṃ vā vipariṇāmanti cakkhusotādīnaṃ indriyānaṃ pakativijahanabhāvaṃ. Tattheva vikirīti bahi nīharitvā ṭhapitaṭṭhāne mañcakasmiṃyeva vikiri.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਉਪਸੇਨਆਸੀવਿਸਸੁਤ੍ਤਂ • 7. Upasenaāsīvisasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭. ਉਪਸੇਨਆਸੀવਿਸਸੁਤ੍ਤવਣ੍ਣਨਾ • 7. Upasenaāsīvisasuttavaṇṇanā
