| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੭. ਉਪਸੇਨવਙ੍ਗਨ੍ਤਪੁਤ੍ਤਤ੍ਥੇਰਅਪਦਾਨવਣ੍ਣਨਾ
7. Upasenavaṅgantaputtattheraapadānavaṇṇanā
ਪਦੁਮੁਤ੍ਤਰਂ ਭਗવਨ੍ਤਨ੍ਤਿਆਦਿਕਂ ਆਯਸ੍ਮਤੋ ਉਪਸੇਨવਙ੍ਗਨ੍ਤਪੁਤ੍ਤਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਹਂਸવਤੀਨਗਰੇ ਕੁਲਗੇਹੇ ਨਿਬ੍ਬਤ੍ਤਿਤ੍વਾ વਯਪ੍ਪਤ੍ਤੋ ਸਤ੍ਥੁ ਸਨ੍ਤਿਕਂ ਗਨ੍ਤ੍વਾ ਧਮ੍ਮਂ ਸੁਣਨ੍ਤੋ ਸਤ੍ਥਾਰਂ ਏਕਂ ਭਿਕ੍ਖੁਂ ਸਮਨ੍ਤਪਾਸਾਦਿਕਾਨਂ ਅਗ੍ਗਟ੍ਠਾਨੇ ਠਪੇਨ੍ਤਂ ਦਿਸ੍વਾ ਸਤ੍ਥੁ ਅਧਿਕਾਰਕਮ੍ਮਂ ਕਤ੍વਾ ਤਂ ਠਾਨਨ੍ਤਰਂ ਪਤ੍ਥੇਤ੍વਾ ਯਾવਜੀવਂ ਕੁਸਲਂ ਕਤ੍વਾ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਨਾਲਕਗਾਮੇ ਰੂਪਸਾਰੀ ਬ੍ਰਾਹ੍ਮਣਿਯਾ ਕੁਚ੍ਛਿਮ੍ਹਿ ਨਿਬ੍ਬਤ੍ਤਿ, ਉਪਸੇਨੋਤਿਸ੍ਸ ਨਾਮਂ ਅਹੋਸਿ। ਸੋ વਯਪ੍ਪਤ੍ਤੋ ਤਯੋ વੇਦੇ ਉਗ੍ਗਣ੍ਹਿਤ੍વਾ ਸਤ੍ਥੁ ਸਨ੍ਤਿਕੇ ਧਮ੍ਮਂ ਸੁਤ੍વਾ ਪਟਿਲਦ੍ਧਸਦ੍ਧੋ ਪਬ੍ਬਜਿਤ੍વਾ ਉਪਸਮ੍ਪਦਾਯ ਏਕવਸ੍ਸਿਕੋ ‘‘ਅਰਿਯਗਬ੍ਭਂ વਡ੍ਢੇਮੀ’’ਤਿ ਏਕਂ ਕੁਲਪੁਤ੍ਤਂ ਅਤ੍ਤਨੋ ਸਨ੍ਤਿਕੇ ਉਪਸਮ੍ਪਾਦੇਤ੍વਾ ਤੇਨ ਸਦ੍ਧਿਂ ਸਤ੍ਥੁ ਸਨ੍ਤਿਕਂ ਗਤੋ। ਸਤ੍ਥਾਰਾ ਚਸ੍ਸ ਤਸ੍ਸ ਅવਸ੍ਸਿਕਸ੍ਸ ਭਿਕ੍ਖੁਨੋ ਸਦ੍ਧਿવਿਹਾਰਿਕਭਾવਂ ਸੁਤ੍વਾ ‘‘ਅਤਿਲਹੁਂ ਖੋ ਤ੍વਂ, ਮੋਘਪੁਰਿਸ, ਬਾਹੁਲ੍ਲਾਯ ਆવਤ੍ਤੋ’’ਤਿ (ਮਹਾવ॰ ੭੫) ਗਰਹਿਤੋ ‘‘ਇਦਾਨਾਹਂ ਯਦਿ ਪਰਿਸਂ ਨਿਸ੍ਸਾਯ ਸਤ੍ਥਾਰਾ ਗਰਹਿਤੋ, ਪਰਿਸਂਯੇવ ਪਨ ਨਿਸ੍ਸਾਯ ਸਤ੍ਥੁ ਪਸਾਦਂ ਕਰਿਸ੍ਸਾਮੀ’’ਤਿ વਿਪਸ੍ਸਨਾਯ ਕਮ੍ਮਂ ਕਰੋਨ੍ਤੋ ਨਚਿਰਸ੍ਸੇવ ਅਰਹਤ੍ਤਂ ਪਾਪੁਣਿ। ਅਰਹਾ ਪਨ ਹੁਤ੍વਾ ਸਯਮ੍ਪਿ ਸਬ੍ਬੇ ਧੁਤਙ੍ਗਧਮ੍ਮੇ ਸਮਾਦਾਯ વਤ੍ਤਤਿ, ਅਞ੍ਞੇਪਿ ਤਦਤ੍ਥਾਯ ਸਮਾਦਪੇਸਿ, ਤੇਨ ਨਂ ਭਗવਾ ਸਮਨ੍ਤਪਾਸਾਦਿਕਾਨਂ ਅਗ੍ਗਟ੍ਠਾਨੇ ਠਪੇਸਿ। ਸੋ ਅਪਰੇਨ ਸਮਯੇਨ ਕੋਸਮ੍ਬਿਯਂ ਕਲਹੇ ਉਪ੍ਪਨ੍ਨੇ ਭਿਕ੍ਖੁਸਙ੍ਘੇ ਚ ਦ੍વਿਧਾਭੂਤੇ ਏਕੇਨ ਭਿਕ੍ਖੁਨਾ ਤਂ ਕਲਹਂ ਪਰਿવਜ੍ਜਿਤੁਕਾਮੇਨ ‘‘ਏਤਰਹਿ ਖੋ ਕਲਹੋ ਉਪ੍ਪਨ੍ਨੋ, ਭਿਕ੍ਖੁਸਙ੍ਘੋ ਚ ਦ੍વਿਧਾਭੂਤੋ, ਕਥਂ ਨੁ ਖੋ ਮਯਾ ਪਟਿਪਜ੍ਜਿਤਬ੍ਬ’’ਨ੍ਤਿ ਪੁਟ੍ਠੋ વਿવੇਕવਾਸਤੋ ਪਟ੍ਠਾਯ ਤਸ੍ਸ ਪਟਿਪਤ੍ਤਿਂ ਕਥੇਸਿ। ਏવਂ ਥੇਰੋ ਤਸ੍ਸ ਭਿਕ੍ਖੁਨੋ ਓવਾਦਦਾਨਾਪਦੇਸੇਨ ਅਤ੍ਤਨੋ ਤਥਾ ਪਟਿਪਨ੍ਨਭਾવਂ ਦੀਪੇਨ੍ਤੋ ਅਞ੍ਞਂ ਬ੍ਯਾਕਾਸਿ।
Padumuttaraṃ bhagavantantiādikaṃ āyasmato upasenavaṅgantaputtattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle haṃsavatīnagare kulagehe nibbattitvā vayappatto satthu santikaṃ gantvā dhammaṃ suṇanto satthāraṃ ekaṃ bhikkhuṃ samantapāsādikānaṃ aggaṭṭhāne ṭhapentaṃ disvā satthu adhikārakammaṃ katvā taṃ ṭhānantaraṃ patthetvā yāvajīvaṃ kusalaṃ katvā devamanussesu saṃsaranto imasmiṃ buddhuppāde nālakagāme rūpasārī brāhmaṇiyā kucchimhi nibbatti, upasenotissa nāmaṃ ahosi. So vayappatto tayo vede uggaṇhitvā satthu santike dhammaṃ sutvā paṭiladdhasaddho pabbajitvā upasampadāya ekavassiko ‘‘ariyagabbhaṃ vaḍḍhemī’’ti ekaṃ kulaputtaṃ attano santike upasampādetvā tena saddhiṃ satthu santikaṃ gato. Satthārā cassa tassa avassikassa bhikkhuno saddhivihārikabhāvaṃ sutvā ‘‘atilahuṃ kho tvaṃ, moghapurisa, bāhullāya āvatto’’ti (mahāva. 75) garahito ‘‘idānāhaṃ yadi parisaṃ nissāya satthārā garahito, parisaṃyeva pana nissāya satthu pasādaṃ karissāmī’’ti vipassanāya kammaṃ karonto nacirasseva arahattaṃ pāpuṇi. Arahā pana hutvā sayampi sabbe dhutaṅgadhamme samādāya vattati, aññepi tadatthāya samādapesi, tena naṃ bhagavā samantapāsādikānaṃ aggaṭṭhāne ṭhapesi. So aparena samayena kosambiyaṃ kalahe uppanne bhikkhusaṅghe ca dvidhābhūte ekena bhikkhunā taṃ kalahaṃ parivajjitukāmena ‘‘etarahi kho kalaho uppanno, bhikkhusaṅgho ca dvidhābhūto, kathaṃ nu kho mayā paṭipajjitabba’’nti puṭṭho vivekavāsato paṭṭhāya tassa paṭipattiṃ kathesi. Evaṃ thero tassa bhikkhuno ovādadānāpadesena attano tathā paṭipannabhāvaṃ dīpento aññaṃ byākāsi.
੮੬. ਸੋ ਏવਂ ਪਤ੍ਤਏਤਦਗ੍ਗਟ੍ਠਾਨੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸવਸੇਨ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪਦੁਮੁਤ੍ਤਰਂ ਭਗવਨ੍ਤਨ੍ਤਿਆਦਿਮਾਹ। ਪਬ੍ਭਾਰਮ੍ਹਿ ਨਿਸੀਦਨ੍ਤਨ੍ਤਿ ਪੁਰਤੋ ਭਾਰਂ ਨਮਿਤਂ ਓਨਮਿਤਨ੍ਤਿ ਪਬ੍ਭਾਰਂ વਿવੇਕਕਾਮਂ વਨਮਜ੍ਝੇ ਸਯਂਜਾਤਪਬ੍ਬਤਪਬ੍ਭਾਰੇ ਨਿਸਿਨ੍ਨਂ ਨਰੁਤ੍ਤਮਂ ਭਗવਨ੍ਤਂ ਅਹਂ ਉਪਗਚ੍ਛਿਂ ਸਮੀਪਂ ਗਤੋਤਿ ਅਤ੍ਥੋ।
86. So evaṃ pattaetadaggaṭṭhāno attano pubbakammaṃ saritvā somanassavasena pubbacaritāpadānaṃ pakāsento padumuttaraṃ bhagavantantiādimāha. Pabbhāramhi nisīdantanti purato bhāraṃ namitaṃ onamitanti pabbhāraṃ vivekakāmaṃ vanamajjhe sayaṃjātapabbatapabbhāre nisinnaṃ naruttamaṃ bhagavantaṃ ahaṃ upagacchiṃ samīpaṃ gatoti attho.
੮੭. ਕਣਿਕਾਰਪੁਪ੍ਫ ਦਿਸ੍વਾਤਿ ਤਥਾ ਉਪਗਚ੍ਛਨ੍ਤੋ ਤਸ੍ਮਿਂ ਪਦੇਸੇ ਸੁਪੁਪ੍ਫਿਤਂ ਕਣਿਕਾਰਂ ਦਿਸ੍વਾ। વਣ੍ਟੇ ਛੇਤ੍વਾਨਹਂ ਤਦਾਤਿ ਤਸ੍ਮਿਂ ਤਥਾਗਤਸ੍ਸ ਦਿਟ੍ਠਕਾਲੇ ਤਂ ਪੁਪ੍ਫਂ વਣ੍ਟੇ વਣ੍ਟਸ੍ਮਿਂ ਛੇਤ੍વਾਨ ਛਿਨ੍ਦਿਤ੍વਾਨ। ਅਲਙ੍ਕਰਿਤ੍વਾ ਛਤ੍ਤਮ੍ਹੀਤਿ ਤੇਨ ਪੁਪ੍ਫੇਨ ਛਤ੍ਤਂ ਛਾਦੇਤ੍વਾ। ਬੁਦ੍ਧਸ੍ਸ ਅਭਿਰੋਪਯਿਨ੍ਤਿ ਪਬ੍ਭਾਰੇ ਨਿਸਿਨ੍ਨਸ੍ਸ ਬੁਦ੍ਧਸ੍ਸ ਮੁਦ੍ਧਨਿ ਅਕਾਸਿਨ੍ਤਿ ਅਤ੍ਥੋ।
87.Kaṇikārapuppha disvāti tathā upagacchanto tasmiṃ padese supupphitaṃ kaṇikāraṃ disvā. Vaṇṭe chetvānahaṃ tadāti tasmiṃ tathāgatassa diṭṭhakāle taṃ pupphaṃ vaṇṭe vaṇṭasmiṃ chetvāna chinditvāna. Alaṅkaritvā chattamhīti tena pupphena chattaṃ chādetvā. Buddhassa abhiropayinti pabbhāre nisinnassa buddhassa muddhani akāsinti attho.
੮੮. ਪਿਣ੍ਡਪਾਤਞ੍ਚ ਪਾਦਾਸਿਨ੍ਤਿ ਤਸ੍ਮਿਂਯੇવ ਨਿਸਿਨ੍ਨਸ੍ਸ ਭਗવਤੋ ਪਿਣ੍ਡਪਾਤਂ ਪਕਾਰੇਨ ਅਦਾਸਿਂ ਭੋਜੇਸਿਨ੍ਤਿ ਅਤ੍ਥੋ। ਪਰਮਨ੍ਨਂ ਸੁਭੋਜਨਨ੍ਤਿ ਸੁਨ੍ਦਰਭੋਜਨਸਙ੍ਖਾਤਂ ਪਰਮਨ੍ਨਂ ਉਤ੍ਤਮਾਹਾਰਂ। ਬੁਦ੍ਧੇਨ ਨવਮੇ ਤਤ੍ਥਾਤਿ ਤਸ੍ਮਿਂ વਿવੇਕਟ੍ਠਾਨੇ ਬੁਦ੍ਧੇਨ ਸਹ ਨવਮੇ ਅਟ੍ਠ ਸਮਣੇ ਸਮਿਤਪਾਪੇ ਖੀਣਾਸવਭਿਕ੍ਖੂ ਭੋਜੇਸਿਨ੍ਤਿ ਅਤ੍ਥੋ।
88.Piṇḍapātañcapādāsinti tasmiṃyeva nisinnassa bhagavato piṇḍapātaṃ pakārena adāsiṃ bhojesinti attho. Paramannaṃ subhojananti sundarabhojanasaṅkhātaṃ paramannaṃ uttamāhāraṃ. Buddhena navame tatthāti tasmiṃ vivekaṭṭhāne buddhena saha navame aṭṭha samaṇe samitapāpe khīṇāsavabhikkhū bhojesinti attho.
ਯਂ વਦਨ੍ਤਿ ਸੁਮੇਧੋਤਿ ਯਂ ਗੋਤਮਸਮ੍ਮਾਸਮ੍ਬੁਦ੍ਧਂ ਭੂਰਿਪਞ੍ਞਂ ਪਥવਿਸਮਾਨਂ ਪਞ੍ਞਂ ਸੁਮੇਧਂ ਸੁਨ੍ਦਰਂ ਸਬ੍ਬਞ੍ਞੁਤਾਦਿਪਞ੍ਞવਨ੍ਤਂ। ਸੁਮੇਧੋ ਇਤਿ ਸੁਨ੍ਦਰਪਞ੍ਞੋ ਇਤਿ વਦਨ੍ਤਿ ਪਣ੍ਡਿਤਾ ਇਤੋ ਕਪ੍ਪਤੋ ਸਤਸਹਸ੍ਸੇ ਕਪ੍ਪੇ ਏਸੋ ਗੋਤਮੋ ਸਮ੍ਮਾਸਮ੍ਬੁਦ੍ਧੋ ਭવਿਸ੍ਸਤੀਤਿ ਸਮ੍ਬਨ੍ਧੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
Yaṃ vadanti sumedhoti yaṃ gotamasammāsambuddhaṃ bhūripaññaṃ pathavisamānaṃ paññaṃ sumedhaṃ sundaraṃ sabbaññutādipaññavantaṃ. Sumedho iti sundarapañño iti vadanti paṇḍitā ito kappato satasahasse kappe eso gotamo sammāsambuddho bhavissatīti sambandho. Sesaṃ suviññeyyamevāti.
ਉਪਸੇਨવਙ੍ਗਨ੍ਤਪੁਤ੍ਤਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Upasenavaṅgantaputtattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੭. ਉਪਸੇਨવਙ੍ਗਨ੍ਤਪੁਤ੍ਤਤ੍ਥੇਰਅਪਦਾਨਂ • 7. Upasenavaṅgantaputtattheraapadānaṃ
