| Library / Tipiṭaka / д̇ибидага • Tipiṭaka / жуул̣анид̣̇д̣̇зсабаал̣и • Cūḷaniddesapāḷi |
6. убасийвамаан̣авабужчаанид̣̇д̣̇зсо
6. Upasīvamāṇavapucchāniddeso
38.
38.
зго ахам̣ сагга маханд̇амогхам̣, [ижжааяасмаа убасийво]
Ekoahaṃ sakka mahantamoghaṃ, [iccāyasmā upasīvo]
аниссид̇о но висахаами д̇аарид̇ум̣;
Anissito no visahāmi tārituṃ;
аарамман̣ам̣ 1 б̣руухи саманд̇ажагку, яам̣ ниссид̇о огхамимам̣ д̇арзяяам̣.
Ārammaṇaṃ2brūhi samantacakkhu, yaṃ nissito oghamimaṃ tareyyaṃ.
зго ахам̣ сагга маханд̇амогханд̇и. згод̇и буг̇г̇ало ваа мз д̣̇уд̇ияо над̇т̇и, д̇хаммо ваа мз д̣̇уд̇ияо над̇т̇и, яам̣ ваа буг̇г̇алам̣ ниссааяа д̇хаммам̣ ваа ниссааяа маханд̇ам̣ гаамогхам̣ бхавогхам̣ д̣̇идтогхам̣ авиж̇ж̇огхам̣ д̇арзяяам̣ уд̇д̇арзяяам̣ бад̇арзяяам̣ самад̇иггамзяяам̣ вийд̇ивад̇д̇зяяанд̇и. саггаад̇и сагго. бхаг̇аваа сагяагулаа баб̣б̣аж̇ид̇од̇иби сагго. ат̇а ваа, ад̣дхо махад̣̇д̇хано д̇ханаваад̇иби сагго. д̇ассимаани д̇ханаани, сзяяат̇ид̣̇ам̣ – сад̣̇д̇хаад̇ханам̣ сийлад̇ханам̣ хирид̇ханам̣ од̇д̇аббад̇ханам̣ суд̇ад̇ханам̣ жааг̇ад̇ханам̣ бан̃н̃аад̇ханам̣ сад̇ибадтаанад̇ханам̣…бз… ниб̣б̣аанад̇ханам̣. имзхи анзгзхи д̇ханарад̇анзхи ад̣дхо махад̣̇д̇хано д̇ханаваад̇иби сагго. ат̇а ваа, сагго баху висавий аламад̇д̇о сууро вийро вигганд̇о абхийруу ачамбхий ануд̇раасий абалааяий бахийнабхаяабхзраво виг̇ад̇аломахам̣сод̇иби саггод̇и – зго ахам̣ сагга маханд̇амогхам̣.
Ekoahaṃ sakka mahantamoghanti. Ekoti puggalo vā me dutiyo natthi, dhammo vā me dutiyo natthi, yaṃ vā puggalaṃ nissāya dhammaṃ vā nissāya mahantaṃ kāmoghaṃ bhavoghaṃ diṭṭhoghaṃ avijjoghaṃ tareyyaṃ uttareyyaṃ patareyyaṃ samatikkameyyaṃ vītivatteyyanti. Sakkāti sakko. Bhagavā sakyakulā pabbajitotipi sakko. Atha vā, aḍḍho mahaddhano dhanavātipi sakko. Tassimāni dhanāni, seyyathidaṃ – saddhādhanaṃ sīladhanaṃ hiridhanaṃ ottappadhanaṃ sutadhanaṃ cāgadhanaṃ paññādhanaṃ satipaṭṭhānadhanaṃ…pe… nibbānadhanaṃ. Imehi anekehi dhanaratanehi aḍḍho mahaddhano dhanavātipi sakko. Atha vā, sakko pahu visavī alamatto sūro vīro vikkanto abhīrū achambhī anutrāsī apalāyī pahīnabhayabheravo vigatalomahaṃsotipi sakkoti – eko ahaṃ sakka mahantamoghaṃ.
ижжааяасмаа убасийвод̇и. ижжаад̇и бад̣̇асанд̇хи…бз…. ааяасмаад̇и бияаважанам̣…бз…. убасийвод̇и д̇асса б̣раахман̣асса наамам̣…бз… абхилаабод̇и – ижжааяасмаа убасийво.
Iccāyasmā upasīvoti. Iccāti padasandhi…pe…. Āyasmāti piyavacanaṃ…pe…. Upasīvoti tassa brāhmaṇassa nāmaṃ…pe… abhilāpoti – iccāyasmā upasīvo.
аниссид̇о но висахаами д̇аарид̇унд̇и. аниссид̇од̇и буг̇г̇алам̣ ваа аниссид̇о д̇хаммам̣ ваа аниссид̇о но висахаами на уссахаами на саггоми на бадиб̣ало маханд̇ам̣ гаамогхам̣ бхавогхам̣ д̣̇идтогхам̣ авиж̇ж̇огхам̣ д̇арид̇ум̣ уд̇д̇арид̇ум̣ бад̇арид̇ум̣ самад̇иггамид̇ум̣ вийд̇ивад̇д̇ид̇унд̇и – аниссид̇о но висахаами д̇аарид̇ум̣.
Anissitono visahāmi tāritunti. Anissitoti puggalaṃ vā anissito dhammaṃ vā anissito no visahāmi na ussahāmi na sakkomi na paṭibalo mahantaṃ kāmoghaṃ bhavoghaṃ diṭṭhoghaṃ avijjoghaṃ tarituṃ uttarituṃ patarituṃ samatikkamituṃ vītivattitunti – anissito no visahāmi tārituṃ.
аарамман̣ам̣ б̣руухи саманд̇ажагкууд̇и аарамман̣ам̣ ааламб̣ан̣ам̣ ниссаяам̣ убаниссаяам̣ б̣руухи аажигкаахи д̣̇зсзхи бан̃н̃абзхи бадтабзхи вивараахи вибхаж̇аахи уд̇д̇аанийгарохи багаасзхи. саманд̇ажагкууд̇и саманд̇ажагку вужжад̇и саб̣б̣ан̃н̃уд̇ан̃аан̣ам̣. бхаг̇аваа д̇зна саб̣б̣ан̃н̃уд̇ан̃аан̣зна убзд̇о самубзд̇о убааг̇ад̇о самубааг̇ад̇о убабанно самубабанно саманнааг̇ад̇о.
Ārammaṇaṃ brūhi samantacakkhūti ārammaṇaṃ ālambaṇaṃ nissayaṃ upanissayaṃ brūhi ācikkhāhi desehi paññapehi paṭṭhapehi vivarāhi vibhajāhi uttānīkarohi pakāsehi. Samantacakkhūti samantacakkhu vuccati sabbaññutañāṇaṃ. Bhagavā tena sabbaññutañāṇena upeto samupeto upāgato samupāgato upapanno samupapanno samannāgato.
на д̇асса ад̣̇идтамид̇хад̇т̇и гин̃жи, ат̇о авин̃н̃аад̇амаж̇аанид̇аб̣б̣ам̣;
Na tassa adiṭṭhamidhatthi kiñci, atho aviññātamajānitabbaṃ;
саб̣б̣ам̣ абхин̃н̃ааси яад̣̇ад̇т̇и нзяяам̣, д̇ат̇ааг̇ад̇о д̇зна саманд̇ажагкууд̇и.
Sabbaṃ abhiññāsi yadatthi neyyaṃ, tathāgato tena samantacakkhūti.
аарамман̣ам̣ б̣руухи саманд̇ажагку.
Ārammaṇaṃ brūhi samantacakkhu.
яам̣ ниссид̇о огхамимам̣ д̇арзяяанд̇и. яам̣ ниссид̇од̇и яам̣ буг̇г̇алам̣ ваа ниссид̇о д̇хаммам̣ ваа ниссид̇о маханд̇ам̣ гаамогхам̣ бхавогхам̣ д̣̇идтогхам̣ авиж̇ж̇огхам̣ д̇арзяяам̣ уд̇д̇арзяяам̣ бад̇арзяяам̣ самад̇иггамзяяам̣ вийд̇ивад̇д̇зяяанд̇и – яам̣ ниссид̇о огхамимам̣ д̇арзяяам̣ . д̇знааха со б̣раахман̣о –
Yaṃnissito oghamimaṃ tareyyanti. Yaṃ nissitoti yaṃ puggalaṃ vā nissito dhammaṃ vā nissito mahantaṃ kāmoghaṃ bhavoghaṃ diṭṭhoghaṃ avijjoghaṃ tareyyaṃ uttareyyaṃ patareyyaṃ samatikkameyyaṃ vītivatteyyanti – yaṃ nissito oghamimaṃ tareyyaṃ . Tenāha so brāhmaṇo –
‘‘зго ахам̣ сагга маханд̇амогхам̣, [ижжааяасмаа убасийво]
‘‘Eko ahaṃ sakka mahantamoghaṃ, [iccāyasmā upasīvo]
аниссид̇о но висахаами д̇аарид̇ум̣;
Anissito no visahāmi tārituṃ;
аарамман̣ам̣ б̣руухи саманд̇ажагку, яам̣ ниссид̇о огхамимам̣ д̇арзяяа’’нд̇и.
Ārammaṇaṃ brūhi samantacakkhu, yaṃ nissito oghamimaṃ tareyya’’nti.
39.
39.
аагин̃жан̃н̃ам̣ бзгкамаано сад̇имаа, [убасийваад̇и бхаг̇аваа]
Ākiñcaññaṃ pekkhamāno satimā, [upasīvāti bhagavā]
над̇т̇ийд̇и ниссааяа д̇арассу огхам̣;
Natthīti nissāya tarassu oghaṃ;
гаамз бахааяа вирад̇о гат̇аахи, д̇ан̣хагкаяам̣ над̇д̇амахаабхибасса 3 .
Kāme pahāya virato kathāhi, taṇhakkhayaṃ nattamahābhipassa4.
аагин̃жан̃н̃ам̣ бзгкамаано сад̇имаад̇и со б̣раахман̣о багад̇ияаа аагин̃жан̃н̃ааяад̇анасамаабад̇д̇им̣ лаабхийязва ниссаяам̣ на ж̇аанаад̇и – ‘‘аяам̣ мз ниссаяо’’д̇и. д̇асса бхаг̇аваа ниссаяан̃жа аажигкад̇и уд̇д̇арин̃жа нияяаанабат̇ам̣. аагин̃жан̃н̃ааяад̇анасамаабад̇д̇им̣ сад̇о самаабаж̇ж̇ид̇ваа д̇ад̇о вудтахид̇ваа д̇ад̇т̇а ж̇аад̇з жид̇д̇ажзд̇асигз д̇хаммз анижжад̇о бзгкамаано, д̣̇угкад̇о…бз… рог̇ад̇о… г̇ан̣д̣ад̇о… саллад̇о… агхад̇о… ааб̣аад̇хад̇о… барад̇о… балогад̇о… ийд̇ид̇о… убад̣̇д̣̇авад̇о… бхаяад̇о… убасаг̇г̇ад̇о… жалад̇о… бабхан̇г̇уд̇о… ад̣̇д̇хувад̇о… ад̇аан̣ад̇о… алзн̣ад̇о… асаран̣ад̇о… асаран̣ийбхууд̇ад̇о… рид̇д̇ад̇о… д̇ужчад̇о… сун̃н̃ад̇о… анад̇д̇ад̇о… аад̣̇ийнавад̇о… вибарин̣аамад̇хаммад̇о… асаарагад̇о… агхамуулад̇о… бхавад̇о… вибхавад̇о… саасавад̇о… сан̇кад̇ад̇о… маараамисад̇о… ж̇аад̇ид̇хаммад̇о… ж̇араад̇хаммад̇о… б̣яаад̇хид̇хаммад̇о… маран̣ад̇хаммад̇о… согабарид̣̇звад̣̇угкад̣̇оманассубааяаасад̇хаммад̇о … самуд̣̇аяад̇хаммад̇о… ад̇т̇ан̇г̇амад̇о… ассаад̣̇ад̇о… аад̣̇ийнавад̇о… ниссаран̣ад̇о бзгкамаано д̣̇агкамаано ологаяамаано ниж̇жхааяамаано убабаригкамаано.
Ākiñcaññaṃ pekkhamāno satimāti so brāhmaṇo pakatiyā ākiñcaññāyatanasamāpattiṃ lābhīyeva nissayaṃ na jānāti – ‘‘ayaṃ me nissayo’’ti. Tassa bhagavā nissayañca ācikkhati uttariñca niyyānapathaṃ. Ākiñcaññāyatanasamāpattiṃ sato samāpajjitvā tato vuṭṭhahitvā tattha jāte cittacetasike dhamme aniccato pekkhamāno, dukkhato…pe… rogato… gaṇḍato… sallato… aghato… ābādhato… parato… palokato… ītito… upaddavato… bhayato… upasaggato… calato… pabhaṅguto… addhuvato… atāṇato… aleṇato… asaraṇato… asaraṇībhūtato… rittato… tucchato… suññato… anattato… ādīnavato… vipariṇāmadhammato… asārakato… aghamūlato… bhavato… vibhavato… sāsavato… saṅkhatato… mārāmisato… jātidhammato… jarādhammato… byādhidhammato… maraṇadhammato… sokaparidevadukkhadomanassupāyāsadhammato … samudayadhammato… atthaṅgamato… assādato… ādīnavato… nissaraṇato pekkhamāno dakkhamāno olokayamāno nijjhāyamāno upaparikkhamāno.
сад̇имаад̇и яаа сад̇и ануссад̇и бадиссад̇и…бз… саммаасад̇и – аяам̣ вужжад̇и сад̇и. имааяа сад̇ияаа убзд̇о ход̇и…бз… саманнааг̇ад̇о, со вужжад̇и сад̇имаад̇и – аагин̃жан̃н̃ам̣ бзгкамаано сад̇имаа.
Satimāti yā sati anussati paṭissati…pe… sammāsati – ayaṃ vuccati sati. Imāya satiyā upeto hoti…pe… samannāgato, so vuccati satimāti – ākiñcaññaṃ pekkhamāno satimā.
убасийваад̇и бхаг̇аваад̇и. убасийваад̇и бхаг̇аваа д̇ам̣ б̣раахман̣ам̣ наамзна аалабад̇и. бхаг̇аваад̇и г̇аараваад̇хиважанамзд̇ам̣…бз… сажчигаа бан̃н̃ад̇д̇и, яад̣̇ид̣̇ам̣ бхаг̇аваад̇и – убасийваад̇и бхаг̇аваа.
Upasīvāti bhagavāti. Upasīvāti bhagavā taṃ brāhmaṇaṃ nāmena ālapati. Bhagavāti gāravādhivacanametaṃ…pe… sacchikā paññatti, yadidaṃ bhagavāti – upasīvāti bhagavā.
над̇т̇ийд̇и ниссааяа д̇арассу огханд̇и над̇т̇и гин̃жийд̇и аагин̃жан̃н̃ааяад̇анасамаабад̇д̇и. гим̣гааран̣аа над̇т̇и гин̃жийд̇и аагин̃жан̃н̃ааяад̇анасамаабад̇д̇и? вин̃н̃аан̣ан̃жааяад̇анасамаабад̇д̇им̣ сад̇о самаабаж̇ж̇ид̇ваа д̇ад̇о вудтахид̇ваа д̇ан̃н̃зва вин̃н̃аан̣ам̣ абхаавзд̇и, вибхаавзд̇и, анд̇арад̇хаабзд̇и, над̇т̇и гин̃жийд̇и бассад̇и. д̇ам̣гааран̣аа над̇т̇и гин̃жийд̇и аагин̃жан̃н̃ааяад̇анасамаабад̇д̇им̣ ниссааяа убаниссааяа ааламб̣ан̣ам̣ гарид̇ваа гаамогхам̣ бхавогхам̣ д̣̇идтогхам̣ авиж̇ж̇огхам̣ д̇арассу уд̇д̇арассу бад̇арассу самад̇иггамассу вийд̇ивад̇д̇ассууд̇и – над̇т̇ийд̇и ниссааяа д̇арассу огхам̣.
Natthīti nissāya tarassu oghanti natthi kiñcīti ākiñcaññāyatanasamāpatti. Kiṃkāraṇā natthi kiñcīti ākiñcaññāyatanasamāpatti? Viññāṇañcāyatanasamāpattiṃ sato samāpajjitvā tato vuṭṭhahitvā taññeva viññāṇaṃ abhāveti, vibhāveti, antaradhāpeti, natthi kiñcīti passati. Taṃkāraṇā natthi kiñcīti ākiñcaññāyatanasamāpattiṃ nissāya upanissāya ālambaṇaṃ karitvā kāmoghaṃ bhavoghaṃ diṭṭhoghaṃ avijjoghaṃ tarassu uttarassu patarassu samatikkamassu vītivattassūti – natthīti nissāya tarassu oghaṃ.
гаамз бахааяа вирад̇о гат̇аахийд̇и. гаамаад̇и уд̣̇д̣̇аанад̇о д̣̇вз гаамаа – вад̇т̇угаамаа жа гилзсагаамаа жа…бз… имз вужжанд̇и вад̇т̇угаамаа …бз… имз вужжанд̇и гилзсагаамаа. гаамз бахааяаад̇и вад̇т̇угаамз бариж̇аанид̇ваа гилзсагаамз бахааяа баж̇ахид̇ваа винод̣̇зд̇ваа б̣яанд̇ийгарид̇ваа анабхаавам̣ г̇амзд̇ваад̇и – гаамз бахааяа. вирад̇о гат̇аахийд̇и гат̇ам̣гат̇аа вужжад̇и вижигижчаа. д̣̇угкз ган̇каа…бз… чамбхид̇ад̇д̇ам̣ жид̇д̇асса мановилзко гат̇ам̣гат̇ааяа аарад̇о вирад̇о бадивирад̇о нигканд̇о ниссадо виббамуд̇д̇о висан̃н̃уд̇д̇о вимарияаад̣̇игад̇зна жзд̇асаа вихарад̇ийд̇и – звамби вирад̇о гат̇аахи…бз… ат̇а ваа, д̣̇вад̇д̇им̣сааяа д̇иражчаанагат̇ааяа аарад̇о вирад̇о бадивирад̇о нигканд̇о ниссадо виббамуд̇д̇о висан̃н̃уд̇д̇о вимарияаад̣̇игад̇зна жзд̇асаа вихарад̇ийд̇и звамби вирад̇о гат̇аахийд̇и – гаамз бахааяа вирад̇о гат̇аахи.
Kāme pahāya virato kathāhīti. Kāmāti uddānato dve kāmā – vatthukāmā ca kilesakāmā ca…pe… ime vuccanti vatthukāmā …pe… ime vuccanti kilesakāmā. Kāme pahāyāti vatthukāme parijānitvā kilesakāme pahāya pajahitvā vinodetvā byantīkaritvā anabhāvaṃ gametvāti – kāme pahāya. Virato kathāhīti kathaṃkathā vuccati vicikicchā. Dukkhe kaṅkhā…pe… chambhitattaṃ cittassa manovilekho kathaṃkathāya ārato virato paṭivirato nikkhanto nissaṭo vippamutto visaññutto vimariyādikatena cetasā viharatīti – evampi virato kathāhi…pe… atha vā, dvattiṃsāya tiracchānakathāya ārato virato paṭivirato nikkhanto nissaṭo vippamutto visaññutto vimariyādikatena cetasā viharatīti evampi virato kathāhīti – kāme pahāya virato kathāhi.
д̇ан̣хагкаяам̣ над̇д̇амахаабхибассаад̇и. д̇ан̣хаад̇и руубад̇ан̣хаа…бз… д̇хаммад̇ан̣хаа. над̇д̇ам̣ вужжад̇и рад̇д̇и. аход̇и д̣̇ивасо. рад̇д̇ин̃жа д̣̇иваа жа д̇ан̣хагкаяам̣ рааг̇агкаяам̣ д̣̇осагкаяам̣ мохагкаяам̣ г̇ад̇игкаяам̣ убабад̇д̇игкаяам̣ бадисанд̇хигкаяам̣ бхавагкаяам̣ сам̣саарагкаяам̣ ваддагкаяам̣ басса абхибасса д̣̇агка ологаяа ниж̇жхааяа убабаригкаад̇и – д̇ан̣хагкаяам̣ над̇д̇амахаабхибасса. д̇знааха бхаг̇аваа –
Taṇhakkhayaṃ nattamahābhipassāti. Taṇhāti rūpataṇhā…pe… dhammataṇhā. Nattaṃ vuccati ratti. Ahoti divaso. Rattiñca divā ca taṇhakkhayaṃ rāgakkhayaṃ dosakkhayaṃ mohakkhayaṃ gatikkhayaṃ upapattikkhayaṃ paṭisandhikkhayaṃ bhavakkhayaṃ saṃsārakkhayaṃ vaṭṭakkhayaṃ passa abhipassa dakkha olokaya nijjhāya upaparikkhāti – taṇhakkhayaṃ nattamahābhipassa. Tenāha bhagavā –
‘‘аагин̃жан̃н̃ам̣ бзгкамаано сад̇имаа, [убасийваад̇и бхаг̇аваа]
‘‘Ākiñcaññaṃ pekkhamāno satimā, [upasīvāti bhagavā]
над̇т̇ийд̇и ниссааяа д̇арассу огхам̣;
Natthīti nissāya tarassu oghaṃ;
гаамз бахааяа вирад̇о гат̇аахи, д̇ан̣хагкаяам̣ над̇д̇амахаабхибассаа’’д̇и.
Kāme pahāya virato kathāhi, taṇhakkhayaṃ nattamahābhipassā’’ti.
40.
40.
саб̣б̣зсу гаамзсу яо вийд̇арааг̇о, [ижжааяасмаа убасийво]
Sabbesu kāmesu yo vītarāgo, [iccāyasmā upasīvo]
аагин̃жан̃н̃ам̣ ниссид̇о хид̇ваа ман̃н̃ам̣;
Ākiñcaññaṃ nissito hitvā maññaṃ;
сан̃н̃аавимогкз барамзд̇химуд̇д̇о, д̇идтз ну со д̇ад̇т̇а анаануяааяий.
Saññāvimokkhe paramedhimutto, tiṭṭhe nu so tattha anānuyāyī.
саб̣б̣зсу гаамзсу яо вийд̇арааг̇од̇и. саб̣б̣зсууд̇и саб̣б̣зна саб̣б̣ам̣ саб̣б̣ат̇аа саб̣б̣ам̣ асзсам̣ ниссзсам̣ барияаад̣̇ияанаважанамзд̇ам̣ саб̣б̣зсууд̇и. гаамзсууд̇и гаамаад̇и уд̣̇д̣̇аанад̇о д̣̇вз гаамаа – вад̇т̇угаамаа жа гилзсагаамаа жа…бз… имз вужжанд̇и вад̇т̇угаамаа…бз… имз вужжанд̇и гилзсагаамаа. саб̣б̣зсу гаамзсу яо вийд̇арааг̇од̇и. саб̣б̣зсу гаамзсу яо вийд̇арааг̇о виг̇ад̇арааг̇о жад̇д̇арааг̇о ванд̇арааг̇о муд̇д̇арааг̇о бахийнарааг̇о бадиниссадтарааг̇о вигкамбханад̇од̇и – саб̣б̣зсу гаамзсу яо вийд̇арааг̇о.
Sabbesu kāmesu yo vītarāgoti. Sabbesūti sabbena sabbaṃ sabbathā sabbaṃ asesaṃ nissesaṃ pariyādiyanavacanametaṃ sabbesūti. Kāmesūti kāmāti uddānato dve kāmā – vatthukāmā ca kilesakāmā ca…pe… ime vuccanti vatthukāmā…pe… ime vuccanti kilesakāmā. Sabbesu kāmesu yo vītarāgoti. Sabbesu kāmesu yo vītarāgo vigatarāgo cattarāgo vantarāgo muttarāgo pahīnarāgo paṭinissaṭṭharāgo vikkhambhanatoti – sabbesu kāmesu yo vītarāgo.
ижжааяасмаа убасийвод̇и. ижжаад̇и бад̣̇асанд̇хи…бз…. ааяасмаад̇и бияаважанам̣…бз…. убасийвод̇и д̇асса б̣раахман̣асса наамам̣…бз… абхилаабод̇и – ижжааяасмаа убасийво.
Iccāyasmā upasīvoti. Iccāti padasandhi…pe…. Āyasmāti piyavacanaṃ…pe…. Upasīvoti tassa brāhmaṇassa nāmaṃ…pe… abhilāpoti – iccāyasmā upasīvo.
аагин̃жан̃н̃ам̣ ниссид̇о хид̇ваа ман̃н̃анд̇и. хздтимаа ча самаабад̇д̇ияо хид̇ваа жаж̇ид̇ваа барижжаж̇ид̇ваа ад̇иггамид̇ваа самад̇иггамид̇ваа вийд̇ивад̇д̇ид̇ваа аагин̃жан̃н̃ааяад̇анасамаабад̇д̇им̣ ниссид̇о аллийно убаг̇ад̇о самубаг̇ад̇о аж̇жхосид̇о ад̇химуд̇д̇од̇и – аагин̃жан̃н̃ам̣ ниссид̇о хид̇ваа ман̃н̃ам̣.
Ākiñcaññaṃ nissito hitvā maññanti. Heṭṭhimā cha samāpattiyo hitvā cajitvā pariccajitvā atikkamitvā samatikkamitvā vītivattitvā ākiñcaññāyatanasamāpattiṃ nissito allīno upagato samupagato ajjhosito adhimuttoti – ākiñcaññaṃ nissito hitvā maññaṃ.
сан̃н̃аавимогкз барамзд̇химуд̇д̇од̇и сан̃н̃аавимогкаа вужжанд̇и сад̇д̇а сан̃н̃аасамаабад̇д̇ияо. д̇аасам̣ сан̃н̃аасамаабад̇д̇ийнам̣ аагин̃жан̃н̃ааяад̇анасамаабад̇д̇ивимогко 5 аг̇г̇о жа сздто жа висздто жа баамогко жа уд̇д̇амо жа баваро жа, барамз аг̇г̇з сздтз висздтз баамогкз уд̇д̇амз баварз ад̇химуд̇д̇ивимогкзна ад̇химуд̇д̇о д̇ад̇раад̇химуд̇д̇о д̇ад̣̇ад̇химуд̇д̇о д̇ажжарид̇о д̇аб̣б̣ахуло д̇аг̇г̇аруго д̇аннинно д̇аббон̣о д̇аббаб̣бхааро д̇ад̣̇ад̇химуд̇д̇о д̇ад̣̇ад̇хибад̇зяяод̇и – сан̃н̃аавимогкз барамзд̇химуд̇д̇о.
Saññāvimokkhe paramedhimuttoti saññāvimokkhā vuccanti satta saññāsamāpattiyo. Tāsaṃ saññāsamāpattīnaṃ ākiñcaññāyatanasamāpattivimokkho 6 aggo ca seṭṭho ca viseṭṭho ca pāmokkho ca uttamo ca pavaro ca, parame agge seṭṭhe viseṭṭhe pāmokkhe uttame pavare adhimuttivimokkhena adhimutto tatrādhimutto tadadhimutto taccarito tabbahulo taggaruko tanninno tappoṇo tappabbhāro tadadhimutto tadadhipateyyoti – saññāvimokkhe paramedhimutto.
д̇идтз ну со д̇ад̇т̇а анаануяааяийд̇и. д̇идтз нууд̇и сам̣саяабужчаа вимад̇ибужчаа д̣̇взл̣хагабужчаа анзгам̣сабужчаа , ‘‘звам̣ ну ко, нану ко, гим̣ ну ко, гат̇ам̣ ну ко’’д̇и – д̇идтз ну. д̇ад̇т̇аад̇и аагин̃жан̃н̃ааяад̇анз. анаануяааяийд̇и анаануяааяий авижжамаано 7 авиг̇ажчамаано ананд̇арад̇хааяамаано абарихааяамаано…бз…. ат̇а ваа, араж̇ж̇амаано ад̣̇уссамаано амуяхамаано агилиссамаанод̇и – д̇идтз ну со д̇ад̇т̇а анаануяааяий. д̇знааха со б̣раахман̣о –
Tiṭṭhe nu so tattha anānuyāyīti. Tiṭṭhe nūti saṃsayapucchā vimatipucchā dveḷhakapucchā anekaṃsapucchā , ‘‘evaṃ nu kho, nanu kho, kiṃ nu kho, kathaṃ nu kho’’ti – tiṭṭhe nu. Tatthāti ākiñcaññāyatane. Anānuyāyīti anānuyāyī aviccamāno 8 avigacchamāno anantaradhāyamāno aparihāyamāno…pe…. Atha vā, arajjamāno adussamāno amuyhamāno akilissamānoti – tiṭṭhe nu so tattha anānuyāyī. Tenāha so brāhmaṇo –
‘‘саб̣б̣зсу гаамзсу яо вийд̇арааг̇о, [ижжааяасмаа убасийво]
‘‘Sabbesu kāmesu yo vītarāgo, [iccāyasmā upasīvo]
аагин̃жан̃н̃ам̣ ниссид̇о хид̇ваа ман̃н̃ам̣;
Ākiñcaññaṃ nissito hitvā maññaṃ;
сан̃н̃аавимогкз барамзд̇химуд̇д̇о, д̇идтз ну со д̇ад̇т̇а анаануяааяий’’д̇и.
Saññāvimokkhe paramedhimutto, tiṭṭhe nu so tattha anānuyāyī’’ti.
41.
41.
саб̣б̣зсу гаамзсу яо вийд̇арааг̇о, [убасийваад̇и бхаг̇аваа]
Sabbesukāmesu yo vītarāgo, [upasīvāti bhagavā]
аагин̃жан̃н̃ам̣ ниссид̇о хид̇ваа ман̃н̃ам̣;
Ākiñcaññaṃ nissito hitvā maññaṃ;
сан̃н̃аавимогкз барамзд̇химуд̇д̇о, д̇идтзяяа со д̇ад̇т̇а анаануяааяий.
Saññāvimokkhe paramedhimutto, tiṭṭheyya so tattha anānuyāyī.
саб̣б̣зсу гаамзсу яо вийд̇арааг̇од̇и. саб̣б̣зсууд̇и саб̣б̣зна саб̣б̣ам̣ саб̣б̣ат̇аа саб̣б̣ам̣ асзсам̣ ниссзсам̣ барияаад̣̇ияанаважанамзд̇ам̣ саб̣б̣зсууд̇и. гаамзсууд̇и гаамаад̇и уд̣̇д̣̇аанад̇о д̣̇вз гаамаа – вад̇т̇угаамаа жа гилзсагаамаа жа…бз… имз вужжанд̇и вад̇т̇угаамаа…бз… имз вужжанд̇и гилзсагаамаа. саб̣б̣зсу гаамзсу яо вийд̇арааг̇од̇и саб̣б̣зсу гаамзсу яо вийд̇арааг̇о…бз… бадиниссадтарааг̇о вигкамбханад̇од̇и – саб̣б̣зсу гаамзсу яо вийд̇арааг̇о.
Sabbesu kāmesu yo vītarāgoti. Sabbesūti sabbena sabbaṃ sabbathā sabbaṃ asesaṃ nissesaṃ pariyādiyanavacanametaṃ sabbesūti. Kāmesūti kāmāti uddānato dve kāmā – vatthukāmā ca kilesakāmā ca…pe… ime vuccanti vatthukāmā…pe… ime vuccanti kilesakāmā. Sabbesu kāmesu yo vītarāgoti sabbesu kāmesu yo vītarāgo…pe… paṭinissaṭṭharāgo vikkhambhanatoti – sabbesu kāmesu yo vītarāgo.
убасийваад̇и бхаг̇аваад̇и. убасийваад̇и бхаг̇аваа д̇ам̣ б̣раахман̣ам̣ наамзна аалабад̇и. бхаг̇аваад̇и г̇аараваад̇хиважанамзд̇ам̣…бз… сажчигаа бан̃н̃ад̇д̇и, яад̣̇ид̣̇ам̣ бхаг̇аваад̇и – убасийваад̇и бхаг̇аваа.
Upasīvāti bhagavāti. Upasīvāti bhagavā taṃ brāhmaṇaṃ nāmena ālapati. Bhagavāti gāravādhivacanametaṃ…pe… sacchikā paññatti, yadidaṃ bhagavāti – upasīvāti bhagavā.
аагин̃жан̃н̃ам̣ ниссид̇о хид̇ваа ман̃н̃анд̇и. хздтимаа ча самаабад̇д̇ияо хид̇ваа жаж̇ид̇ваа барижжаж̇ид̇ваа ад̇иггамид̇ваа самад̇иггамид̇ваа вийд̇ивад̇д̇ид̇ваа аагин̃жан̃н̃ааяад̇анасамаабад̇д̇им̣ ниссид̇о аллийно убаг̇ад̇о самубаг̇ад̇о аж̇жхосид̇о ад̇химуд̇д̇од̇и – аагин̃жан̃н̃ам̣ ниссид̇о хид̇ваа ман̃н̃ам̣.
Ākiñcaññaṃnissito hitvā maññanti. Heṭṭhimā cha samāpattiyo hitvā cajitvā pariccajitvā atikkamitvā samatikkamitvā vītivattitvā ākiñcaññāyatanasamāpattiṃ nissito allīno upagato samupagato ajjhosito adhimuttoti – ākiñcaññaṃ nissito hitvā maññaṃ.
сан̃н̃аавимогкз барамзд̇химуд̇д̇од̇и сан̃н̃аавимогкаа вужжанд̇и сад̇д̇а сан̃н̃аасамаабад̇д̇ияо. д̇аасам̣ сан̃н̃аасамаабад̇д̇ийнам̣ аагин̃жан̃н̃ааяад̇анасамаабад̇д̇ивимогко аг̇г̇о жа сздто жа висздто жа баамогко жа уд̇д̇амо жа баваро жа, барамз аг̇г̇з сздтз висздтз баамогкз уд̇д̇амз баварз ад̇химуд̇д̇ивимогкзна ад̇химуд̇д̇о д̇ад̇раад̇химуд̇д̇о д̇ад̣̇ад̇химуд̇д̇о…бз… д̇ад̣̇ад̇хибад̇зяяод̇и – сан̃н̃аавимогкз барамзд̇химуд̇д̇о.
Saññāvimokkhe paramedhimuttoti saññāvimokkhā vuccanti satta saññāsamāpattiyo. Tāsaṃ saññāsamāpattīnaṃ ākiñcaññāyatanasamāpattivimokkho aggo ca seṭṭho ca viseṭṭho ca pāmokkho ca uttamo ca pavaro ca, parame agge seṭṭhe viseṭṭhe pāmokkhe uttame pavare adhimuttivimokkhena adhimutto tatrādhimutto tadadhimutto…pe… tadadhipateyyoti – saññāvimokkhe paramedhimutto.
д̇идтзяяа со д̇ад̇т̇а анаануяааяийд̇и. д̇идтзяяаад̇и д̇идтзяяа садтигаббасахассаани. д̇ад̇т̇аад̇и аагин̃жан̃н̃ааяад̇анз. анаануяааяийд̇и анаануяааяий авижжамаано авиг̇ажчамаано ананд̇арад̇хааяамаано абарихааяамаано. ат̇а ваа, араж̇ж̇амаано ад̣̇уссамаано амуяхамаано агилиссамаанод̇и – д̇идтзяяа со д̇ад̇т̇а анаануяааяий. д̇знааха бхаг̇аваа –
Tiṭṭheyya so tattha anānuyāyīti. Tiṭṭheyyāti tiṭṭheyya saṭṭhikappasahassāni. Tatthāti ākiñcaññāyatane. Anānuyāyīti anānuyāyī aviccamāno avigacchamāno anantaradhāyamāno aparihāyamāno. Atha vā, arajjamāno adussamāno amuyhamāno akilissamānoti – tiṭṭheyya so tattha anānuyāyī. Tenāha bhagavā –
‘‘саб̣б̣зсу гаамзсу яо вийд̇арааг̇о, [убасийваад̇и бхаг̇аваа]
‘‘Sabbesu kāmesu yo vītarāgo, [upasīvāti bhagavā]
аагин̃жан̃н̃ам̣ ниссид̇о хид̇ваа ман̃н̃ам̣;
Ākiñcaññaṃ nissito hitvā maññaṃ;
сан̃н̃аавимогкз барамзд̇химуд̇д̇о, д̇идтзяяа со д̇ад̇т̇а анаануяааяий’’д̇и.
Saññāvimokkhe paramedhimutto, tiṭṭheyya so tattha anānuyāyī’’ti.
42.
42.
д̇идтз жз со д̇ад̇т̇а анаануяааяий, бууг̇амби вассаани 9 саманд̇ажагку;
Tiṭṭhe ce so tattha anānuyāyī, pūgampi vassāni10samantacakkhu;
д̇ад̇т̇зва со сийд̇исияаа вимуд̇д̇о, жавзт̇а вин̃н̃аан̣ам̣ д̇ат̇аавид̇хасса.
Tattheva so sītisiyā vimutto, cavethaviññāṇaṃ tathāvidhassa.
д̇идтз жз со д̇ад̇т̇а анаануяааяийд̇и сажз со д̇идтзяяа садтигаббасахассаани. д̇ад̇т̇аад̇и аагин̃жан̃н̃ааяад̇анз. анаануяааяийд̇и анаануяааяий авижжамаано авиг̇ажчамаано ананд̇арад̇хааяамаано абарихааяамаано. ат̇а ваа, араж̇ж̇амаано ад̣̇уссамаано амуяхамаано агилиссамаанод̇и – д̇идтз жз со д̇ад̇т̇а анаануяааяий.
Tiṭṭhe ce so tattha anānuyāyīti sace so tiṭṭheyya saṭṭhikappasahassāni. Tatthāti ākiñcaññāyatane. Anānuyāyīti anānuyāyī aviccamāno avigacchamāno anantaradhāyamāno aparihāyamāno. Atha vā, arajjamāno adussamāno amuyhamāno akilissamānoti – tiṭṭhe ce so tattha anānuyāyī.
бууг̇амби вассаани саманд̇ажагкууд̇и. бууг̇амби вассаанийд̇и бууг̇амби вассаани б̣ахууни вассаани 11 б̣ахууни вассасад̇аани б̣ахууни вассасахассаани б̣ахууни вассасад̇асахассаани б̣ахууни габбаани б̣ахууни габбасад̇аани б̣ахууни габбасахассаани б̣ахууни габбасад̇асахассаани. саманд̇ажагкууд̇и саманд̇ажагку вужжад̇и саб̣б̣ан̃н̃уд̇ан̃аан̣ам̣…бз… д̇ат̇ааг̇ад̇о д̇зна саманд̇ажагкууд̇и – бууг̇амби вассаани саманд̇ажагку.
Pūgampivassāni samantacakkhūti. Pūgampi vassānīti pūgampi vassāni bahūni vassāni 12 bahūni vassasatāni bahūni vassasahassāni bahūni vassasatasahassāni bahūni kappāni bahūni kappasatāni bahūni kappasahassāni bahūni kappasatasahassāni. Samantacakkhūti samantacakkhu vuccati sabbaññutañāṇaṃ…pe… tathāgato tena samantacakkhūti – pūgampi vassāni samantacakkhu.
д̇ад̇т̇зва со сийд̇исияаа вимуд̇д̇о, жавзт̇а вин̃н̃аан̣ам̣ д̇ат̇аавид̇хассаад̇и д̇ад̇т̇зва со сийд̇ибхаавамануббад̇д̇о нижжо д̇хуво сассад̇о авибарин̣аамад̇хаммо сассад̇исамам̣ д̇ат̇зва д̇идтзяяа. ат̇а ваа, д̇асса вин̃н̃аан̣ам̣ жавзяяа ужчиж̇ж̇зяяа нассзяяа винассзяяа на бхавзяяаад̇и бунаб̣бхавабадисанд̇хивин̃н̃аан̣ам̣ ниб̣б̣ад̇д̇зяяа гаамад̇хаад̇уяаа ваа руубад̇хаад̇уяаа ваа аруубад̇хаад̇уяаа ваад̇и аагин̃жан̃н̃ааяад̇анам̣ самаабаннасса сассад̇ан̃жа ужчзд̣̇ан̃жа бужчад̇и. уд̣̇ааху д̇ад̇т̇зва анубаад̣̇исзсааяа ниб̣б̣аанад̇хаад̇уяаа бариниб̣б̣ааязяяа . ат̇а ваа, д̇асса вин̃н̃аан̣ам̣ жавзяяа буна бадисанд̇хивин̃н̃аан̣ам̣ ниб̣б̣ад̇д̇зяяа гаамад̇хаад̇уяаа ваа руубад̇хаад̇уяаа ваа аруубад̇хаад̇уяаа ваад̇и, аагин̃жан̃н̃ааяад̇анам̣ убабаннасса бариниб̣б̣аанан̃жа бадисанд̇хин̃жа бужчад̇и. д̇ат̇аавид̇хассаад̇и д̇ат̇аавид̇хасса д̇аад̣̇исасса д̇ассан̣тид̇асса д̇аббагаарасса д̇аббадибхааг̇асса аагин̃жан̃н̃ааяад̇анам̣ убабаннассаад̇и – д̇ад̇т̇зва со сийд̇исияаа вимуд̇д̇о, жавзт̇а вин̃н̃аан̣ам̣ д̇ат̇аавид̇хасса. д̇знааха со б̣раахман̣о –
Tattheva so sītisiyā vimutto, cavetha viññāṇaṃ tathāvidhassāti tattheva so sītibhāvamanuppatto nicco dhuvo sassato avipariṇāmadhammo sassatisamaṃ tatheva tiṭṭheyya. Atha vā, tassa viññāṇaṃ caveyya ucchijjeyya nasseyya vinasseyya na bhaveyyāti punabbhavapaṭisandhiviññāṇaṃ nibbatteyya kāmadhātuyā vā rūpadhātuyā vā arūpadhātuyā vāti ākiñcaññāyatanaṃ samāpannassa sassatañca ucchedañca pucchati. Udāhu tattheva anupādisesāya nibbānadhātuyā parinibbāyeyya . Atha vā, tassa viññāṇaṃ caveyya puna paṭisandhiviññāṇaṃ nibbatteyya kāmadhātuyā vā rūpadhātuyā vā arūpadhātuyā vāti, ākiñcaññāyatanaṃ upapannassa parinibbānañca paṭisandhiñca pucchati. Tathāvidhassāti tathāvidhassa tādisassa tassaṇṭhitassa tappakārassa tappaṭibhāgassa ākiñcaññāyatanaṃ upapannassāti – tattheva so sītisiyā vimutto, cavetha viññāṇaṃ tathāvidhassa. Tenāha so brāhmaṇo –
‘‘д̇идтз жз со д̇ад̇т̇а анаануяааяий, бууг̇амби вассаани саманд̇ажагку;
‘‘Tiṭṭhe ce so tattha anānuyāyī, pūgampi vassāni samantacakkhu;
д̇ад̇т̇зва со сийд̇исияаа вимуд̇д̇о, жавзт̇а вин̃н̃аан̣ам̣ д̇ат̇аавид̇хассаа’’д̇и.
Tattheva so sītisiyā vimutto, cavetha viññāṇaṃ tathāvidhassā’’ti.
43.
43.
ажжи яат̇аа ваад̇авзг̇зна кид̇д̇аа, [убасийваад̇и бхаг̇аваа]
Acci yathā vātavegena khittā, [upasīvāti bhagavā]
ад̇т̇ам̣ балзд̇и на убзд̇и сан̇кам̣;
Atthaṃ paleti na upeti saṅkhaṃ;
звам̣ муний наамагааяаа вимуд̇д̇о, ад̇т̇ам̣ балзд̇и на убзд̇и сан̇кам̣.
Evaṃ munī nāmakāyā vimutto, atthaṃ paleti na upeti saṅkhaṃ.
ажжи яат̇аа ваад̇авзг̇зна кид̇д̇аад̇и ажжи вужжад̇и ж̇ааласикаа. ваад̇аад̇и бурад̇т̇имаа ваад̇аа бажчимаа ваад̇аа уд̇д̇араа ваад̇аа д̣̇агкин̣аа ваад̇аа сараж̇аа ваад̇аа араж̇аа ваад̇аа сийд̇аа ваад̇аа ун̣хаа ваад̇аа барид̇д̇аа ваад̇аа ад̇химад̇д̇аа ваад̇аа 13 взрамбхаваад̇аа багкаваад̇аа субан̣н̣аваад̇аа д̇аалабан̣н̣аваад̇аа вид̇хуубанаваад̇аа. ваад̇авзг̇зна кид̇д̇аад̇и ваад̇авзг̇зна кид̇д̇аа 14 угкид̇д̇аа нуннаа бан̣уннаа камбхид̇аа вигкамбхид̇аад̇и – ажжи яат̇аа ваад̇авзг̇зна кид̇д̇аа. убасийваад̇и бхаг̇аваад̇и. убасийваад̇и бхаг̇аваа д̇ам̣ б̣раахман̣ам̣ наамзна аалабад̇и. бхаг̇аваад̇и г̇аараваад̇хиважанамзд̇ам̣…бз… сажчигаа бан̃н̃ад̇д̇и, яад̣̇ид̣̇ам̣ бхаг̇аваад̇и – убасийваад̇и бхаг̇аваа.
Acci yathā vātavegena khittāti acci vuccati jālasikhā. Vātāti puratthimā vātā pacchimā vātā uttarā vātā dakkhiṇā vātā sarajā vātā arajā vātā sītā vātā uṇhā vātā parittā vātā adhimattā vātā 15 verambhavātā pakkhavātā supaṇṇavātā tālapaṇṇavātā vidhūpanavātā. Vātavegena khittāti vātavegena khittā 16 ukkhittā nunnā paṇunnā khambhitā vikkhambhitāti – acci yathā vātavegena khittā. Upasīvāti bhagavāti. Upasīvāti bhagavā taṃ brāhmaṇaṃ nāmena ālapati. Bhagavāti gāravādhivacanametaṃ…pe… sacchikā paññatti, yadidaṃ bhagavāti – upasīvāti bhagavā.
ад̇т̇ам̣ балзд̇и на убзд̇и сан̇канд̇и. ад̇т̇ам̣ балзд̇ийд̇и ад̇т̇ам̣ балзд̇и, ад̇т̇ам̣ г̇амзд̇и, ад̇т̇ам̣ г̇ажчад̇и нируж̇жхад̇и вуубасамад̇и бадиббассамбхад̇и. на убзд̇и сан̇канд̇и сан̇кам̣ 17 на убзд̇и, уд̣̇д̣̇зсам̣ на убзд̇и, г̇ан̣анам̣ на убзд̇и, бан̣н̣ад̇д̇им̣ на убзд̇и, ‘‘бурад̇т̇имам̣ ваа д̣̇исам̣ г̇ад̇аа, бажчимам̣ ваа д̣̇исам̣ г̇ад̇аа, уд̇д̇арам̣ ваа д̣̇исам̣ г̇ад̇аа, д̣̇агкин̣ам̣ ваа д̣̇исам̣ г̇ад̇аа уд̣̇д̇хам̣ ваа г̇ад̇аа, ад̇хо ваа г̇ад̇аа, д̇ирияам̣ ваа г̇ад̇аа, вид̣̇исам̣ ваа г̇ад̇аа’’д̇и, со хзд̇у над̇т̇и, бажжаяо над̇т̇и, гааран̣ам̣ над̇т̇и, язна сан̇кам̣ г̇ажчзяяаад̇и – ад̇т̇ам̣ балзд̇и на убзд̇и сан̇кам̣.
Atthaṃ paleti na upeti saṅkhanti. Atthaṃ paletīti atthaṃ paleti, atthaṃ gameti, atthaṃ gacchati nirujjhati vūpasamati paṭippassambhati. Na upeti saṅkhanti saṅkhaṃ 18 na upeti, uddesaṃ na upeti, gaṇanaṃ na upeti, paṇṇattiṃ na upeti, ‘‘puratthimaṃ vā disaṃ gatā, pacchimaṃ vā disaṃ gatā, uttaraṃ vā disaṃ gatā, dakkhiṇaṃ vā disaṃ gatā uddhaṃ vā gatā, adho vā gatā, tiriyaṃ vā gatā, vidisaṃ vā gatā’’ti, so hetu natthi, paccayo natthi, kāraṇaṃ natthi, yena saṅkhaṃ gaccheyyāti – atthaṃ paleti na upeti saṅkhaṃ.
звам̣ муний наамагааяаа вимуд̇д̇од̇и. званд̇и обаммасамбадибаад̣̇анам̣. мунийд̇и монам̣ вужжад̇и н̃аан̣ам̣ …бз… сан̇г̇аж̇ааламад̇ижжа со муни. наамагааяаа вимуд̇д̇од̇и со муни багад̇ияаа буб̣б̣зва руубагааяаа вимуд̇д̇о. д̇ад̣̇ан̇г̇ам̣ самад̇иггамаа 19 вигкамбханаббахаанзна бахийно. д̇асса мунино бхаванд̇ам̣ ааг̇амма жад̇д̇ааро арияамаг̇г̇аа бадилад̣̇д̇хаа хонд̇и. жад̇уннам̣ арияамаг̇г̇аанам̣ бадилад̣̇д̇хад̇д̇аа наамагааяо жа руубагааяо жа барин̃н̃аад̇аа хонд̇и. наамагааяасса жа руубагааяасса жа барин̃н̃аад̇ад̇д̇аа наамагааяаа жа руубагааяаа жа муд̇д̇о вимуд̇д̇о сувимуд̇д̇о ажжанд̇аанубаад̣̇аавимогкзнаад̇и – звам̣ муний наамагааяаа вимуд̇д̇о.
Evaṃ munī nāmakāyā vimuttoti. Evanti opammasampaṭipādanaṃ. Munīti monaṃ vuccati ñāṇaṃ …pe… saṅgajālamaticca so muni. Nāmakāyā vimuttoti so muni pakatiyā pubbeva rūpakāyā vimutto. Tadaṅgaṃ samatikkamā 20 vikkhambhanappahānena pahīno. Tassa munino bhavantaṃ āgamma cattāro ariyamaggā paṭiladdhā honti. Catunnaṃ ariyamaggānaṃ paṭiladdhattā nāmakāyo ca rūpakāyo ca pariññātā honti. Nāmakāyassa ca rūpakāyassa ca pariññātattā nāmakāyā ca rūpakāyā ca mutto vimutto suvimutto accantaanupādāvimokkhenāti – evaṃ munī nāmakāyā vimutto.
ад̇т̇ам̣ балзд̇и на убзд̇и сан̇канд̇и. ад̇т̇ам̣ балзд̇ийд̇и анубаад̣̇исзсааяа ниб̣б̣аанад̇хаад̇уяаа бариниб̣б̣ааяад̇и. на убзд̇и сан̇канд̇и анубаад̣̇исзсааяа ниб̣б̣аанад̇хаад̇уяаа бариниб̣б̣уд̇о сан̇кам̣ на убзд̇и, уд̣̇д̣̇зсам̣ на убзд̇и, г̇ан̣анам̣ на убзд̇и, бан̣н̣ад̇д̇им̣ на убзд̇и – кад̇д̇ияод̇и ваа б̣раахман̣од̇и ваа взссод̇и ваа суд̣̇д̣̇од̇и ваа г̇ахадтод̇и ваа баб̣б̣аж̇ид̇од̇и ваа д̣̇звод̇и ваа мануссод̇и ваа руубийд̇и ваа аруубийд̇и ваа сан̃н̃ийд̇и ваа асан̃н̃ийд̇и ваа нзвасан̃н̃ийнаасан̃н̃ийд̇и ваа. со хзд̇у над̇т̇и бажжаяо над̇т̇и гааран̣ам̣ над̇т̇и язна сан̇кам̣ г̇ажчзяяаад̇и – ад̇т̇ам̣ балзд̇и на убзд̇и сан̇кам̣. д̇знааха бхаг̇аваа –
Atthaṃ paleti na upeti saṅkhanti. Atthaṃ paletīti anupādisesāya nibbānadhātuyā parinibbāyati. Na upeti saṅkhanti anupādisesāya nibbānadhātuyā parinibbuto saṅkhaṃ na upeti, uddesaṃ na upeti, gaṇanaṃ na upeti, paṇṇattiṃ na upeti – khattiyoti vā brāhmaṇoti vā vessoti vā suddoti vā gahaṭṭhoti vā pabbajitoti vā devoti vā manussoti vā rūpīti vā arūpīti vā saññīti vā asaññīti vā nevasaññīnāsaññīti vā. So hetu natthi paccayo natthi kāraṇaṃ natthi yena saṅkhaṃ gaccheyyāti – atthaṃ paleti na upeti saṅkhaṃ. Tenāha bhagavā –
‘‘ажжи яат̇аа ваад̇авзг̇зна кид̇д̇аа, [убасийваад̇и бхаг̇аваа]
‘‘Acci yathā vātavegena khittā, [upasīvāti bhagavā]
ад̇т̇ам̣ балзд̇и на убзд̇и сан̇кам̣;
Atthaṃ paleti na upeti saṅkhaṃ;
звам̣ муний наамагааяаа вимуд̇д̇о, ад̇т̇ам̣ балзд̇и на убзд̇и сан̇ка’’нд̇и.
Evaṃ munī nāmakāyā vimutto, atthaṃ paleti na upeti saṅkha’’nti.
44.
44.
ад̇т̇ан̇г̇ад̇о со уд̣̇а ваа со над̇т̇и, уд̣̇ааху вз сассад̇ияаа арог̇о;
Atthaṅgato so uda vā so natthi, udāhu ve sassatiyā arogo;
д̇ам̣ мз муний саад̇ху вияаагарохи, д̇ат̇аа хи д̇з вид̣̇ид̇о зса д̇хаммо.
Taṃ me munī sādhu viyākarohi, tathā hi te vidito esa dhammo.
ад̇т̇ан̇г̇ад̇о со уд̣̇а ваа со над̇т̇ийд̇и со ад̇т̇ан̇г̇ад̇о уд̣̇ааху над̇т̇и со нируд̣̇д̇хо ужчинно винадтод̇и – ад̇т̇ан̇г̇ад̇о со уд̣̇а ваа со над̇т̇и.
Atthaṅgato so uda vā so natthīti so atthaṅgato udāhu natthi so niruddho ucchinno vinaṭṭhoti – atthaṅgato so uda vā so natthi.
уд̣̇ааху вз сассад̇ияаа арог̇од̇и уд̣̇ааху нижжо д̇хуво сассад̇о авибарин̣аамад̇хаммо сассад̇исамам̣ д̇ат̇зва д̇идтзяяаад̇и – уд̣̇ааху вз сассад̇ияаа арог̇о.
Udāhu ve sassatiyā arogoti udāhu nicco dhuvo sassato avipariṇāmadhammo sassatisamaṃ tatheva tiṭṭheyyāti – udāhu ve sassatiyā arogo.
д̇ам̣ мз муний саад̇ху вияаагарохийд̇и. д̇анд̇и яам̣ бужчаами яам̣ яаажаами яам̣ аж̇жхзсаами яам̣ басаад̣̇зми. мунийд̇и монам̣ вужжад̇и н̃аан̣ам̣…бз… сан̇г̇аж̇ааламад̇ижжа со муни. саад̇ху вияаагарохийд̇и саад̇ху аажигкаахи д̣̇зсзхи бан̃н̃абзхи бадтабзхи вивараахи вибхаж̇аахи уд̇д̇аанийгарохи багаасзхийд̇и – д̇ам̣ мз муний саад̇ху вияаагарохи.
Taṃ me munī sādhu viyākarohīti. Tanti yaṃ pucchāmi yaṃ yācāmi yaṃ ajjhesāmi yaṃ pasādemi. Munīti monaṃ vuccati ñāṇaṃ…pe… saṅgajālamaticca so muni. Sādhu viyākarohīti sādhu ācikkhāhi desehi paññapehi paṭṭhapehi vivarāhi vibhajāhi uttānīkarohi pakāsehīti – taṃ me munī sādhu viyākarohi.
д̇ат̇аа хи д̇з вид̣̇ид̇о зса д̇хаммод̇и д̇ат̇аа хи д̇з вид̣̇ид̇о д̇улид̇о д̇ийрид̇о вибхууд̇о вибхаавид̇о зса д̇хаммод̇и – д̇ат̇аа хи д̇з вид̣̇ид̇о зса д̇хаммо. д̇знааха со б̣раахман̣о –
Tathā hi te vidito esa dhammoti tathā hi te vidito tulito tīrito vibhūto vibhāvito esa dhammoti – tathā hi te vidito esa dhammo. Tenāha so brāhmaṇo –
‘‘ад̇т̇ан̇г̇ад̇о со уд̣̇а ваа со над̇т̇и, уд̣̇ааху вз сассад̇ияаа арог̇о;
‘‘Atthaṅgato so uda vā so natthi, udāhu ve sassatiyā arogo;
д̇ам̣ мз муний саад̇ху вияаагарохи, д̇ат̇аа хи д̇з вид̣̇ид̇о зса д̇хаммо’’д̇и.
Taṃ me munī sādhu viyākarohi, tathā hi te vidito esa dhammo’’ti.
45.
45.
ад̇т̇ан̇г̇ад̇асса на бамаан̣амад̇т̇и, [убасийваад̇и бхаг̇аваа]
Atthaṅgatassana pamāṇamatthi, [upasīvāti bhagavā]
язна нам̣ важ̇ж̇ум̣ д̇ам̣ д̇асса над̇т̇и;
Yena naṃ vajjuṃ taṃ tassa natthi;
саб̣б̣зсу д̇хаммзсу самуухад̇зсу, самуухад̇аа ваад̣̇абат̇ааби саб̣б̣з.
Sabbesu dhammesu samūhatesu, samūhatā vādapathāpi sabbe.
ад̇т̇ан̇г̇ад̇асса на бамаан̣амад̇т̇ийд̇и ад̇т̇ан̇г̇ад̇асса анубаад̣̇исзсааяа ниб̣б̣аанад̇хаад̇уяаа бариниб̣б̣уд̇асса руубабамаан̣ам̣ над̇т̇и, взд̣̇анаабамаан̣ам̣ над̇т̇и, сан̃н̃аабамаан̣ам̣ над̇т̇и, сан̇каарабамаан̣ам̣ над̇т̇и, вин̃н̃аан̣абамаан̣ам̣ над̇т̇и, на ад̇т̇и на сам̣виж̇ж̇ад̇и нубалаб̣бхад̇и бахийнам̣ самужчиннам̣ вуубасанд̇ам̣ бадиббассад̣̇д̇хам̣ абхаб̣б̣уббад̇д̇игам̣ н̃аан̣аг̇г̇инаа д̣̇ад̣дханд̇и – ад̇т̇ан̇г̇ад̇асса на бамаан̣амад̇т̇и. убасийваад̇и бхаг̇аваад̇и убасийваад̇и бхаг̇аваа д̇ам̣ б̣раахман̣ам̣ наамзна аалабад̇и. бхаг̇аваад̇и г̇аараваад̇хиважанамзд̇ам̣…бз… сажчигаа бан̃н̃ад̇д̇и, яад̣̇ид̣̇ам̣ бхаг̇аваад̇и – убасийваад̇и бхаг̇аваа.
Atthaṅgatassa na pamāṇamatthīti atthaṅgatassa anupādisesāya nibbānadhātuyā parinibbutassa rūpapamāṇaṃ natthi, vedanāpamāṇaṃ natthi, saññāpamāṇaṃ natthi, saṅkhārapamāṇaṃ natthi, viññāṇapamāṇaṃ natthi, na atthi na saṃvijjati nupalabbhati pahīnaṃ samucchinnaṃ vūpasantaṃ paṭippassaddhaṃ abhabbuppattikaṃ ñāṇagginā daḍḍhanti – atthaṅgatassa na pamāṇamatthi. Upasīvāti bhagavāti upasīvāti bhagavā taṃ brāhmaṇaṃ nāmena ālapati. Bhagavāti gāravādhivacanametaṃ…pe… sacchikā paññatti, yadidaṃ bhagavāti – upasīvāti bhagavā.
язна нам̣ важ̇ж̇ум̣ д̇ам̣ д̇асса над̇т̇ийд̇и язна д̇ам̣ рааг̇зна 21 вад̣̇зяяум̣, язна д̣̇осзна вад̣̇зяяум̣, язна мохзна вад̣̇зяяум̣, язна маанзна вад̣̇зяяум̣, яааяа д̣̇идтияаа вад̣̇зяяум̣, язна уд̣̇д̇хажжзна вад̣̇зяяум̣, яааяа вижигижчааяа вад̣̇зяяум̣, язхи анусаязхи вад̣̇зяяум̣ – рад̇д̇од̇и ваа д̣̇удтод̇и ваа муул̣ход̇и ваа виниб̣ад̣̇д̇ход̇и ваа бараамадтод̇и ваа вигкзбаг̇ад̇од̇и ваа анидтан̇г̇ад̇од̇и 22 ваа т̇аамаг̇ад̇од̇и ваа, д̇з абхисан̇каараа бахийнаа. абхисан̇каараанам̣ бахийнад̇д̇аа г̇ад̇ияаа язна д̇ам̣ вад̣̇зяяум̣ – нзраяигод̇и ваа д̇иражчаанаяонигод̇и ваа бзд̇д̇ивисаяигод̇и ваа мануссод̇и ваа д̣̇звод̇и ваа руубийд̇и ваа аруубийд̇и ваа сан̃н̃ийд̇и ваа асан̃н̃ийд̇и ваа нзвасан̃н̃ийнаасан̃н̃ийд̇и ваа, со хзд̇у над̇т̇и бажжаяо над̇т̇и гааран̣ам̣ над̇т̇и язна вад̣̇зяяум̣ гат̇зяяум̣ бхан̣зяяум̣ д̣̇ийбзяяум̣ вохарзяяунд̇и – язна нам̣ важ̇ж̇ум̣ д̇ам̣ д̇асса над̇т̇и.
Yena naṃ vajjuṃ taṃ tassa natthīti yena taṃ rāgena 23 vadeyyuṃ, yena dosena vadeyyuṃ, yena mohena vadeyyuṃ, yena mānena vadeyyuṃ, yāya diṭṭhiyā vadeyyuṃ, yena uddhaccena vadeyyuṃ, yāya vicikicchāya vadeyyuṃ, yehi anusayehi vadeyyuṃ – rattoti vā duṭṭhoti vā mūḷhoti vā vinibaddhoti vā parāmaṭṭhoti vā vikkhepagatoti vā aniṭṭhaṅgatoti 24 vā thāmagatoti vā, te abhisaṅkhārā pahīnā. Abhisaṅkhārānaṃ pahīnattā gatiyā yena taṃ vadeyyuṃ – nerayikoti vā tiracchānayonikoti vā pettivisayikoti vā manussoti vā devoti vā rūpīti vā arūpīti vā saññīti vā asaññīti vā nevasaññīnāsaññīti vā, so hetu natthi paccayo natthi kāraṇaṃ natthi yena vadeyyuṃ katheyyuṃ bhaṇeyyuṃ dīpeyyuṃ vohareyyunti – yena naṃ vajjuṃ taṃ tassa natthi.
саб̣б̣зсу д̇хаммзсу самуухад̇зсууд̇и саб̣б̣зсу д̇хаммзсу саб̣б̣зсу канд̇хзсу саб̣б̣зсу ааяад̇анзсу саб̣б̣аасу д̇хаад̇уусу саб̣б̣аасу г̇ад̇ийсу саб̣б̣аасу убабад̇д̇ийсу саб̣б̣аасу бадисанд̇хийсу саб̣б̣зсу бхавзсу саб̣б̣зсу сам̣саарзсу саб̣б̣зсу ваддзсу уухад̇зсу самуухад̇зсу уд̣̇д̇хад̇зсу самуд̣̇д̇хад̇зсу уббаадид̇зсу самуббаадид̇зсу бахийнзсу самужчиннзсу вуубасанд̇зсу бадиббассад̣̇д̇хзсу абхаб̣б̣уббад̇д̇игзсу н̃аан̣аг̇г̇инаа д̣̇ад̣дхзсууд̇и – саб̣б̣зсу д̇хаммзсу самуухад̇зсу.
Sabbesudhammesu samūhatesūti sabbesu dhammesu sabbesu khandhesu sabbesu āyatanesu sabbāsu dhātūsu sabbāsu gatīsu sabbāsu upapattīsu sabbāsu paṭisandhīsu sabbesu bhavesu sabbesu saṃsāresu sabbesu vaṭṭesu ūhatesu samūhatesu uddhatesu samuddhatesu uppāṭitesu samuppāṭitesu pahīnesu samucchinnesu vūpasantesu paṭippassaddhesu abhabbuppattikesu ñāṇagginā daḍḍhesūti – sabbesu dhammesu samūhatesu.
самуухад̇аа ваад̣̇абат̇ааби саб̣б̣зд̇и ваад̣̇абат̇аа вужжанд̇и гилзсаа жа канд̇хаа жа абхисан̇каараа жа. д̇асса ваад̣̇аа жа ваад̣̇абат̇аа жа ад̇хиважанаани жа ад̇хиважанабат̇аа жа нируд̇д̇и жа нируд̇д̇ибат̇аа жа бан̃н̃ад̇д̇и жа бан̃н̃ад̇д̇ибат̇аа жа уухад̇аа самуухад̇аа уд̣̇д̇хад̇аа самуд̣̇д̇хад̇аа уббаадид̇аа самуббаадид̇аа бахийнаа самужчиннаа вуубасанд̇аа бадиббассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаад̇и – самуухад̇аа ваад̣̇абат̇ааби саб̣б̣з. д̇знааха бхаг̇аваа –
Samūhatāvādapathāpi sabbeti vādapathā vuccanti kilesā ca khandhā ca abhisaṅkhārā ca. Tassa vādā ca vādapathā ca adhivacanāni ca adhivacanapathā ca nirutti ca niruttipathā ca paññatti ca paññattipathā ca ūhatā samūhatā uddhatā samuddhatā uppāṭitā samuppāṭitā pahīnā samucchinnā vūpasantā paṭippassaddhā abhabbuppattikā ñāṇagginā daḍḍhāti – samūhatā vādapathāpi sabbe. Tenāha bhagavā –
‘‘ад̇т̇ан̇г̇ад̇асса на бамаан̣амад̇т̇и, [убасийваад̇и бхаг̇аваа]
‘‘Atthaṅgatassa na pamāṇamatthi, [upasīvāti bhagavā]
язна нам̣ важ̇ж̇ум̣ д̇ам̣ д̇асса над̇т̇и;
Yena naṃ vajjuṃ taṃ tassa natthi;
саб̣б̣зсу д̇хаммзсу самуухад̇зсу, самуухад̇аа ваад̣̇абат̇ааби саб̣б̣з’’д̇и.
Sabbesu dhammesu samūhatesu, samūhatā vādapathāpi sabbe’’ti.
саха г̇аат̇аабарияосаанаа яз д̇з б̣раахман̣зна сад̣̇д̇хим̣…бз… бан̃ж̇алиго намассамаано нисинно ход̇и – сад̇т̇аа мз, бханд̇з бхаг̇аваа, саавагохамасмийд̇и.
Saha gāthāpariyosānā ye te brāhmaṇena saddhiṃ…pe… pañjaliko namassamāno nisinno hoti – satthā me, bhante bhagavā, sāvakohamasmīti.
убасийвамаан̣авабужчаанид̣̇д̣̇зсо чадто.
Upasīvamāṇavapucchāniddeso chaṭṭho.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жуул̣анид̣̇д̣̇зса-адтагат̇аа • Cūḷaniddesa-aṭṭhakathā / 6. убасийвамаан̣авасуд̇д̇анид̣̇д̣̇зсаван̣н̣анаа • 6. Upasīvamāṇavasuttaniddesavaṇṇanā
