| Library / Tipiṭaka / д̇ибидага • Tipiṭaka / жуул̣анид̣̇д̣̇зса-адтагат̇аа • Cūḷaniddesa-aṭṭhakathā |
6. убасийвамаан̣авасуд̇д̇анид̣̇д̣̇зсаван̣н̣анаа
6. Upasīvamāṇavasuttaniddesavaṇṇanā
38. чадтз убасийвасуд̇д̇з – маханд̇амогханд̇и маханд̇ам̣ огхам̣. аниссид̇од̇и буг̇г̇алам̣ ваа д̇хаммам̣ ваа аналлийно. но висахаамийд̇и на саггоми. аарамман̣анд̇и ниссаяам̣. яам̣ ниссид̇од̇и яам̣ д̇хаммам̣ ваа буг̇г̇алам̣ ваа ниссид̇о.
38. Chaṭṭhe upasīvasutte – mahantamoghanti mahantaṃ oghaṃ. Anissitoti puggalaṃ vā dhammaṃ vā anallīno. No visahāmīti na sakkomi. Ārammaṇanti nissayaṃ. Yaṃ nissitoti yaṃ dhammaṃ vā puggalaṃ vā nissito.
нид̣̇д̣̇зсз гаамогханд̇и анааг̇аамимаг̇г̇зна гаамогхам̣. арахад̇д̇амаг̇г̇зна бхавогхам̣. сод̇аабад̇д̇имаг̇г̇зна д̣̇идтогхам̣. арахад̇д̇амаг̇г̇зна авиж̇ж̇огхам̣ д̇арзяяам̣. сагяагулаа баб̣б̣аж̇ид̇од̇и бхаг̇авад̇о ужжаагулабарид̣̇ийбанавасзна вуд̇д̇ам̣. ааламб̣ан̣анд̇и авад̇т̇арид̇ваа таанам̣. ниссаяанд̇и аллийяанам̣. убаниссаяанд̇и абассаяанам̣.
Niddese kāmoghanti anāgāmimaggena kāmoghaṃ. Arahattamaggena bhavoghaṃ. Sotāpattimaggena diṭṭhoghaṃ. Arahattamaggena avijjoghaṃ tareyyaṃ. Sakyakulā pabbajitoti bhagavato uccākulaparidīpanavasena vuttaṃ. Ālambaṇanti avattharitvā ṭhānaṃ. Nissayanti allīyanaṃ. Upanissayanti apassayanaṃ.
39. ид̣̇аани яасмаа б̣раахман̣о аагин̃жан̃н̃ааяад̇аналаабхий д̇ан̃жа санд̇амби ниссаяам̣ на ж̇аанаад̇и. д̇знасса бхаг̇аваа д̇ан̃жа ниссаяам̣ уд̇д̇арин̃жа нияяаанабат̇ам̣ д̣̇ассзнд̇о ‘‘аагин̃жан̃н̃а’’нд̇и г̇аат̇амааха. д̇ад̇т̇а бзгкамаанод̇и д̇ам̣ аагин̃жан̃н̃ааяад̇анасамаабад̇д̇им̣ сад̇о самаабаж̇ж̇ид̇ваа вудтахид̇ваа жа анижжаад̣̇ивасзна бассамаано. над̇т̇ийд̇и ниссааяаад̇и д̇ам̣ ‘‘над̇т̇и гин̃жий’’д̇и бавад̇д̇ам̣ самаабад̇д̇им̣ аарамман̣ам̣ гад̇ваа. д̇арассу огханд̇и д̇ад̇о бабхуд̇и бавад̇д̇ааяа вибассанааяа яат̇аануруубам̣ жад̇уб̣б̣ид̇хамби огхам̣ д̇арассу. гат̇аахийд̇и гат̇ам̣гат̇аахи. д̇ан̣хагкаяам̣ над̇д̇амахаабхибассаад̇и рад̇д̇инд̣̇ивам̣ ниб̣б̣аанам̣ вибхууд̇ам̣ гад̇ваа басса. зд̇знасса д̣̇идтад̇хаммасукавихаарам̣ гат̇зси.
39. Idāni yasmā brāhmaṇo ākiñcaññāyatanalābhī tañca santampi nissayaṃ na jānāti. Tenassa bhagavā tañca nissayaṃ uttariñca niyyānapathaṃ dassento ‘‘ākiñcañña’’nti gāthamāha. Tattha pekkhamānoti taṃ ākiñcaññāyatanasamāpattiṃ sato samāpajjitvā vuṭṭhahitvā ca aniccādivasena passamāno. Natthīti nissāyāti taṃ ‘‘natthi kiñcī’’ti pavattaṃ samāpattiṃ ārammaṇaṃ katvā. Tarassu oghanti tato pabhuti pavattāya vipassanāya yathānurūpaṃ catubbidhampi oghaṃ tarassu. Kathāhīti kathaṃkathāhi. Taṇhakkhayaṃ nattamahābhipassāti rattindivaṃ nibbānaṃ vibhūtaṃ katvā passa. Etenassa diṭṭhadhammasukhavihāraṃ kathesi.
нид̣̇д̣̇зсз д̇ан̃н̃зва вин̃н̃аан̣ам̣ абхаавзд̇ийд̇и аагаасааламб̣ан̣ам̣ гад̇ваа бавад̇д̇амахаг̇г̇ад̇авин̃н̃аан̣ам̣ абхаавзд̇и абхаавам̣ г̇амзд̇и. вибхаавзд̇ийд̇и вивид̇хаа абхаавам̣ г̇амзд̇и. анд̇арад̇хаабзд̇ийд̇и ад̣̇ассанам̣ г̇амзд̇и. над̇т̇и гин̃жийд̇и бассад̇ийд̇и анд̇амасо бхан̇г̇амад̇д̇амбисса над̇т̇ийд̇и бассад̇и.
Niddese taññeva viññāṇaṃ abhāvetīti ākāsālambaṇaṃ katvā pavattamahaggataviññāṇaṃ abhāveti abhāvaṃ gameti. Vibhāvetīti vividhā abhāvaṃ gameti. Antaradhāpetīti adassanaṃ gameti. Natthi kiñcīti passatīti antamaso bhaṅgamattampissa natthīti passati.
40. ид̣̇аани ‘‘гаамз бахааяаа’’д̇и суд̇ваа вигкамбханавасзна ад̇д̇анаа бахийнз гаамз самбассамаано ‘‘саб̣б̣зсуу’’д̇и г̇аат̇амааха. д̇ад̇т̇а хид̇ваа ман̃н̃анд̇и ан̃н̃ам̣ д̇ад̇о хздтаа чаб̣б̣ид̇хамби самаабад̇д̇им̣ хид̇ваа. сан̃н̃аавимогкз барамзд̇и сад̇д̇асу сан̃н̃аавимогкзсу уд̇д̇амз аагин̃жан̃н̃ааяад̇анз. д̇идтз ну со д̇ад̇т̇а анаануяааяийд̇и со буг̇г̇ало д̇ад̇т̇а аагин̃жан̃н̃ааяад̇анаб̣рахмалогз авиг̇ажчамаано д̇идтзяяа нууд̇и бужчад̇и.
40. Idāni ‘‘kāme pahāyā’’ti sutvā vikkhambhanavasena attanā pahīne kāme sampassamāno ‘‘sabbesū’’ti gāthamāha. Tattha hitvāmaññanti aññaṃ tato heṭṭhā chabbidhampi samāpattiṃ hitvā. Saññāvimokkhe parameti sattasu saññāvimokkhesu uttame ākiñcaññāyatane. Tiṭṭhe nu so tattha anānuyāyīti so puggalo tattha ākiñcaññāyatanabrahmaloke avigacchamāno tiṭṭheyya nūti pucchati.
нид̣̇д̣̇зсз авижжамаанод̇и авияуж̇ж̇амаано. авиг̇ажчамаанод̇и вияог̇ам̣ анаабаж̇ж̇амаано. ананд̇арад̇хааяамаанод̇и анд̇арад̇хаанам̣ анаабаж̇ж̇амаано. абарихааяамаанод̇и ананд̇араа барихаанам̣ анаабаж̇ж̇амаано.
Niddese aviccamānoti aviyujjamāno. Avigacchamānoti viyogaṃ anāpajjamāno. Anantaradhāyamānoti antaradhānaṃ anāpajjamāno. Aparihāyamānoti anantarā parihānaṃ anāpajjamāno.
41-2. ат̇асса бхаг̇аваа садтигаббасахассамад̇д̇агам̣язва таанам̣ ануж̇аананд̇о жад̇уд̇т̇ам̣ г̇аат̇амааха. звам̣ д̇асса д̇ад̇т̇а таанам̣ суд̇ваа ид̣̇аанисса сассад̇ужчзд̣̇абхаавам̣ бужчанд̇о ‘‘д̇идтз жз’’д̇и г̇аат̇амааха. д̇ад̇т̇а бууг̇амби вассаананд̇и анзгасан̇кяамби вассаанам̣, г̇ан̣анараасинд̇и ад̇т̇о. ‘‘бууг̇амби вассааний’’д̇иби баато. д̇ад̇т̇а вибхад̇д̇иб̣яад̇д̇аязна саамиважанасса бажжад̇д̇аважанам̣ гаад̇аб̣б̣ам̣, бууг̇анд̇и ваа зд̇асса б̣ахуунийд̇и ад̇т̇о вад̇д̇аб̣б̣о. ‘‘бууг̇ааний’’д̇и вааби батанд̇и, буримабаатоязва саб̣б̣асунд̣̇аро. д̇ад̇т̇зва со сийд̇и сияаа вимуд̇д̇од̇и со буг̇г̇ало д̇ад̇т̇зваагин̃жан̃н̃ааяад̇анз наанаад̣̇угкзхи вимуд̇д̇о сийд̇ибхааваббад̇д̇о бхавзяяа, ниб̣б̣аанаббад̇д̇о сассад̇о худ̇ваа д̇идтзяяаад̇и ад̇хиббааяо. жавзт̇а вин̃н̃аан̣ам̣ д̇ат̇аавид̇хассаад̇и ‘‘уд̣̇ааху д̇ат̇аавид̇хасса вин̃н̃аан̣ам̣ анубаад̣̇ааяа бариниб̣б̣ааязяяаа’’д̇и ужчзд̣̇ам̣ бужчад̇и, ‘‘бадисанд̇хиг̇г̇ахан̣ад̇т̇ам̣ вааби бхавзяяаа’’д̇и бадисанд̇химби д̇асса бужчад̇и.
41-2. Athassa bhagavā saṭṭhikappasahassamattakaṃyeva ṭhānaṃ anujānanto catutthaṃ gāthamāha. Evaṃ tassa tattha ṭhānaṃ sutvā idānissa sassatucchedabhāvaṃ pucchanto ‘‘tiṭṭhe ce’’ti gāthamāha. Tattha pūgampi vassānanti anekasaṅkhyampi vassānaṃ, gaṇanarāsinti attho. ‘‘Pūgampi vassānī’’tipi pāṭho. Tattha vibhattibyattayena sāmivacanassa paccattavacanaṃ kātabbaṃ, pūganti vā etassa bahūnīti attho vattabbo. ‘‘Pūgānī’’ti vāpi paṭhanti, purimapāṭhoyeva sabbasundaro. Tattheva so sīti siyā vimuttoti so puggalo tatthevākiñcaññāyatane nānādukkhehi vimutto sītibhāvappatto bhaveyya, nibbānappatto sassato hutvā tiṭṭheyyāti adhippāyo. Cavetha viññāṇaṃ tathāvidhassāti ‘‘udāhu tathāvidhassa viññāṇaṃ anupādāya parinibbāyeyyā’’ti ucchedaṃ pucchati, ‘‘paṭisandhiggahaṇatthaṃ vāpi bhaveyyā’’ti paṭisandhimpi tassa pucchati.
д̇асса вин̃н̃аан̣ам̣ жавзяяаад̇и д̇асса аагин̃жан̃н̃ааяад̇анз уббаннасса вин̃н̃аан̣ам̣ жуд̇им̣ баабун̣зяяа. ужчиж̇ж̇зяяаад̇и ужчзд̣̇ам̣ бхавзяяа. винассзяяаад̇и винаасам̣ баабун̣зяяа. на бхавзяяаад̇и абхаавам̣ г̇амзяяа. убабаннассаад̇и бадисанд̇хивасзна убабаннасса.
Tassa viññāṇaṃ caveyyāti tassa ākiñcaññāyatane uppannassa viññāṇaṃ cutiṃ pāpuṇeyya. Ucchijjeyyāti ucchedaṃ bhaveyya. Vinasseyyāti vināsaṃ pāpuṇeyya. Na bhaveyyāti abhāvaṃ gameyya. Upapannassāti paṭisandhivasena upapannassa.
43. ат̇асса бхаг̇аваа ужчзд̣̇асассад̇ам̣ анубаг̇амма д̇ад̇т̇убабаннасса арияасаавагасса анубаад̣̇ааяа бариниб̣б̣аанам̣ д̣̇ассзнд̇о ‘‘ажжий яат̇аа’’д̇и г̇аат̇амааха. д̇ад̇т̇а ад̇т̇ам̣ балзд̇ийд̇и ад̇т̇ам̣ г̇ажчад̇и. на убзд̇и сан̇канд̇и ‘‘асугам̣ наама д̣̇исам̣ г̇ад̇о’’д̇и вохаарам̣ на г̇ажчад̇и. звам̣ муний наамагааяаа вимуд̇д̇од̇и звам̣ д̇ад̇т̇а уббанно сзгкамуни багад̇ияаа буб̣б̣зва руубагааяаа вимуд̇д̇о, д̇ад̇т̇а жад̇уд̇т̇амаг̇г̇ам̣ ниб̣б̣ад̇д̇зд̇ваа д̇хаммагааяасса барин̃н̃аад̇ад̇д̇аа буна наамагааяааби вимуд̇д̇о убхад̇обхааг̇авимуд̇д̇о кийн̣аасаво худ̇ваа анубаад̣̇ааниб̣б̣аанасан̇каад̇ам̣ ад̇т̇ам̣ балзд̇и на убзд̇и сан̇кам̣ ‘‘кад̇д̇ияо ваа б̣раахман̣о ваа’’д̇и звамаад̣̇игам̣.
43. Athassa bhagavā ucchedasassataṃ anupagamma tatthupapannassa ariyasāvakassa anupādāya parinibbānaṃ dassento ‘‘accī yathā’’ti gāthamāha. Tattha atthaṃ paletīti atthaṃ gacchati. Na upeti saṅkhanti ‘‘asukaṃ nāma disaṃ gato’’ti vohāraṃ na gacchati. Evaṃ munī nāmakāyā vimuttoti evaṃ tattha uppanno sekkhamuni pakatiyā pubbeva rūpakāyā vimutto, tattha catutthamaggaṃ nibbattetvā dhammakāyassa pariññātattā puna nāmakāyāpi vimutto ubhatobhāgavimutto khīṇāsavo hutvā anupādānibbānasaṅkhātaṃ atthaṃ paleti na upeti saṅkhaṃ ‘‘khattiyo vā brāhmaṇo vā’’ti evamādikaṃ.
нид̣̇д̣̇зсз кид̇д̇аад̇и жалид̇аа. угкид̇д̇аад̇и ад̇ижалид̇аа. нуннаад̇и бабподияаа. бан̣уннаад̇и д̣̇уурийгад̇аа. камбхид̇аад̇и бадиггамаабид̇аа. вигкамбхид̇аад̇и на санд̇игз гад̇аа.
Niddese khittāti calitā. Ukkhittāti aticalitā. Nunnāti papphoṭiyā. Paṇunnāti dūrīkatā. Khambhitāti paṭikkamāpitā. Vikkhambhitāti na santike katā.
44. ид̣̇аани ‘‘ад̇т̇ам̣ балзд̇ий’’д̇и суд̇ваа д̇асса яонисо ад̇т̇амасаллагкзнд̇о ‘‘ад̇т̇ан̇г̇ад̇о со’’д̇и г̇аат̇амааха. д̇ассад̇т̇о – со ад̇т̇ан̇г̇ад̇о уд̣̇ааху над̇т̇и, уд̣̇ааху вз сассад̇ияаа сассад̇абхаавзна арог̇о авибарин̣аамад̇хаммо сод̇и звам̣ д̇ам̣ мз муний саад̇ху б̣яаагарохи. гим̣гааран̣аа? д̇ат̇аа хи д̇з вид̣̇ид̇о зса д̇хаммод̇и.
44. Idāni ‘‘atthaṃ paletī’’ti sutvā tassa yoniso atthamasallakkhento ‘‘atthaṅgato so’’ti gāthamāha. Tassattho – so atthaṅgato udāhu natthi, udāhu ve sassatiyā sassatabhāvena arogo avipariṇāmadhammo soti evaṃ taṃ me munī sādhu byākarohi. Kiṃkāraṇā? Tathā hi te vidito esa dhammoti.
нид̣̇д̣̇зсз нируд̣̇д̇ход̇и нирод̇хам̣ бад̇д̇о. ужчиннод̇и ужчиннасанд̇аано. винадтод̇и винаасам̣ бад̇д̇о.
Niddese niruddhoti nirodhaṃ patto. Ucchinnoti ucchinnasantāno. Vinaṭṭhoti vināsaṃ patto.
45. ат̇асса бхаг̇аваа д̇ат̇аа авад̇д̇аб̣б̣ад̇ам̣ д̣̇ассзнд̇о ‘‘ад̇т̇ан̇г̇ад̇ассаа’’д̇и г̇аат̇амааха. д̇ад̇т̇а ад̇т̇ан̇г̇ад̇ассаад̇и анубаад̣̇аабариниб̣б̣уд̇асса. на бамаан̣амад̇т̇ийд̇и руубаад̣̇ибамаан̣ам̣ над̇т̇и. язна нам̣ важ̇ж̇унд̇и язна рааг̇аад̣̇инаа нам̣ вад̣̇зяяум̣. саб̣б̣зсу д̇хаммзсууд̇и саб̣б̣зсу канд̇хаад̣̇ид̇хаммзсу.
45. Athassa bhagavā tathā avattabbataṃ dassento ‘‘atthaṅgatassā’’ti gāthamāha. Tattha atthaṅgatassāti anupādāparinibbutassa. Na pamāṇamatthīti rūpādipamāṇaṃ natthi. Yena naṃ vajjunti yena rāgādinā naṃ vadeyyuṃ. Sabbesu dhammesūti sabbesu khandhādidhammesu.
нид̣̇д̣̇зсз ад̇хиважанаани жаад̇и сиривад̣дхаго д̇ханавад̣дхагод̇иаад̣̇аяо хи важанамад̇д̇ам̣язва ад̇хигаарам̣ гад̇ваа бавад̇д̇аа ад̇хиважанаа наама. ад̇хиважанаанам̣ бат̇аа ад̇хиважанабат̇аа наама. ‘‘абхисан̇каронд̇ийд̇и ко, бхигкавз, д̇асмаа сан̇каараа’’д̇и (сам̣. ни. 3.79) звам̣ нид̣̇д̇хаарид̇ваа сахзд̇угам̣ гад̇ваа вужжамаанаа абхилаабаа нируд̇д̇и наама. нируд̇д̇ийнам̣ бат̇аа нируд̇д̇ибат̇аа наама. ‘‘д̇агго вид̇агго сан̇габбо’’д̇и (д̇ха. са. 7) звам̣ д̇зна д̇зна багаарзна бан̃н̃аабанад̇о бан̃н̃ад̇д̇и наама. бан̃н̃ад̇д̇ийнам̣ бат̇аа бан̃н̃ад̇д̇ибат̇аа (д̇ха. са. адта. 101-108) наама. сзсам̣ саб̣б̣ад̇т̇а баагадамзва.
Niddese adhivacanāni cāti sirivaḍḍhako dhanavaḍḍhakotiādayo hi vacanamattaṃyeva adhikāraṃ katvā pavattā adhivacanā nāma. Adhivacanānaṃ pathā adhivacanapathā nāma. ‘‘Abhisaṅkharontīti kho, bhikkhave, tasmā saṅkhārā’’ti (saṃ. ni. 3.79) evaṃ niddhāritvā sahetukaṃ katvā vuccamānā abhilāpā nirutti nāma. Niruttīnaṃ pathā niruttipathā nāma. ‘‘Takko vitakko saṅkappo’’ti (dha. sa. 7) evaṃ tena tena pakārena paññāpanato paññatti nāma. Paññattīnaṃ pathā paññattipathā (dha. sa. aṭṭha. 101-108) nāma. Sesaṃ sabbattha pākaṭameva.
звам̣ бхаг̇аваа ид̣̇амби суд̇д̇ам̣ арахад̇д̇анигуудзнзва д̣̇зсзси, д̣̇зсанаабарияосаанз жа вуд̇д̇асад̣̇исова д̇хаммаабхисамаяо ахосийд̇и.
Evaṃ bhagavā idampi suttaṃ arahattanikūṭeneva desesi, desanāpariyosāne ca vuttasadisova dhammābhisamayo ahosīti.
сад̣̇д̇хаммаббаж̇ж̇од̇игааяа жуул̣анид̣̇д̣̇зса-адтагат̇ааяа
Saddhammappajjotikāya cūḷaniddesa-aṭṭhakathāya
убасийвамаан̣авасуд̇д̇анид̣̇д̣̇зсаван̣н̣анаа нидтид̇аа.
Upasīvamāṇavasuttaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жуул̣анид̣̇д̣̇зсабаал̣и • Cūḷaniddesapāḷi
6. убасийвамаан̣авабужчаа • 6. Upasīvamāṇavapucchā
6. убасийвамаан̣авабужчаанид̣̇д̣̇зсо • 6. Upasīvamāṇavapucchāniddeso
