| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. убассадтасуд̇д̇ам̣
10. Upassaṭṭhasuttaṃ
52. ‘‘саб̣б̣ам̣ , бхигкавз, убассадтам̣ 1. гин̃жа, бхигкавз, саб̣б̣ам̣ убассадтам̣? жагку, бхигкавз, убассадтам̣, руубаа убассадтаа, жагкувин̃н̃аан̣ам̣ убассадтам̣, жагкусампассо убассадто. яамбид̣̇ам̣ жагкусампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби убассадтам̣…бз… ж̇ивхаа убассадтаа, расаа убассадтаа, ж̇ивхаавин̃н̃аан̣ам̣ убассадтам̣, ж̇ивхаасампассо убассадто. яамбид̣̇ам̣ ж̇ивхаасампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби убассадтам̣. гааяо убассадто… мано убассадто, д̇хаммаа убассадтаа, мановин̃н̃аан̣ам̣ убассадтам̣, маносампассо убассадто. яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби убассадтам̣. звам̣ бассам̣, бхигкавз, суд̇аваа арияасааваго жагкусмимби ниб̣б̣инд̣̇ад̇и, руубзсуби ниб̣б̣инд̣̇ад̇и, жагкувин̃н̃аан̣зби ниб̣б̣инд̣̇ад̇и, жагкусампассзби ниб̣б̣инд̣̇ад̇и. яамбид̣̇ам̣ жагкусампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇асмимби ниб̣б̣инд̣̇ад̇и…бз… манасмимби ниб̣б̣инд̣̇ад̇и, д̇хаммзсуби ниб̣б̣инд̣̇ад̇и, мановин̃н̃аан̣зби ниб̣б̣инд̣̇ад̇и, маносампассзби ниб̣б̣инд̣̇ад̇и. яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇асмимби ниб̣б̣инд̣̇ад̇и. ниб̣б̣инд̣̇ам̣ вираж̇ж̇ад̇и; вирааг̇аа вимужжад̇и; вимуд̇д̇асмим̣ вимуд̇д̇амид̇и н̃аан̣ам̣ ход̇и . ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇ий’’д̇и. д̣̇асамам̣.
52. ‘‘Sabbaṃ , bhikkhave, upassaṭṭhaṃ 2. Kiñca, bhikkhave, sabbaṃ upassaṭṭhaṃ? Cakkhu, bhikkhave, upassaṭṭhaṃ, rūpā upassaṭṭhā, cakkhuviññāṇaṃ upassaṭṭhaṃ, cakkhusamphasso upassaṭṭho. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi upassaṭṭhaṃ…pe… jivhā upassaṭṭhā, rasā upassaṭṭhā, jivhāviññāṇaṃ upassaṭṭhaṃ, jivhāsamphasso upassaṭṭho. Yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi upassaṭṭhaṃ. Kāyo upassaṭṭho… mano upassaṭṭho, dhammā upassaṭṭhā, manoviññāṇaṃ upassaṭṭhaṃ, manosamphasso upassaṭṭho. Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi upassaṭṭhaṃ. Evaṃ passaṃ, bhikkhave, sutavā ariyasāvako cakkhusmimpi nibbindati, rūpesupi nibbindati, cakkhuviññāṇepi nibbindati, cakkhusamphassepi nibbindati. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tasmimpi nibbindati…pe… manasmimpi nibbindati, dhammesupi nibbindati, manoviññāṇepi nibbindati, manosamphassepi nibbindati. Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tasmimpi nibbindati. Nibbindaṃ virajjati; virāgā vimuccati; vimuttasmiṃ vimuttamiti ñāṇaṃ hoti . ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Dasamaṃ.
саб̣б̣аанижжаваг̇г̇о бан̃жамо.
Sabbaaniccavaggo pañcamo.
д̇ассуд̣̇д̣̇аанам̣ –
Tassuddānaṃ –
анижжам̣ д̣̇угкам̣ анад̇д̇аа, абхин̃н̃зяяам̣ барин̃н̃зяяам̣;
Aniccaṃ dukkhaṃ anattā, abhiññeyyaṃ pariññeyyaṃ;
бахаад̇аб̣б̣ам̣ сажчигаад̇аб̣б̣ам̣, абхин̃н̃зяяабарин̃н̃зяяам̣ 3;
Pahātabbaṃ sacchikātabbaṃ, abhiññeyyapariññeyyaṃ 4;
убад̣̇д̣̇уд̇ам̣ убассадтам̣, ваг̇г̇о д̇зна бавужжад̇ийд̇и.
Upaddutaṃ upassaṭṭhaṃ, vaggo tena pavuccatīti.
сал̣ааяад̇анаваг̇г̇з батамабан̣н̣аасаго самад̇д̇о.
Saḷāyatanavagge paṭhamapaṇṇāsako samatto.
д̇асса ваг̇г̇уд̣̇д̣̇аанам̣ –
Tassa vagguddānaṃ –
анижжаваг̇г̇ам̣ яамагам̣, саб̣б̣ам̣ ваг̇г̇ам̣ ж̇аад̇ид̇хаммам̣;
Aniccavaggaṃ yamakaṃ, sabbaṃ vaggaṃ jātidhammaṃ;
анижжаваг̇г̇зна бан̃н̃аасам̣, бан̃жамо д̇зна бавужжад̇ийд̇и.
Aniccavaggena paññāsaṃ, pañcamo tena pavuccatīti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. саб̣б̣аанижжаваг̇г̇аван̣н̣анаа • 5. Sabbaaniccavaggavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. саб̣б̣аанижжаваг̇г̇аван̣н̣анаа • 5. Sabbaaniccavaggavaṇṇanā
