| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. убассаяасуд̇д̇аван̣н̣анаа
10. Upassayasuttavaṇṇanā
153. лаабхасаггаарахзд̇уби згажжз бхигкуу бхигкунубассаяам̣ г̇анд̇ваа бхигкунияо овад̣̇анд̇и, звамзвам̣ аяам̣ бана т̇зро на лаабхасаггаарахзд̇у бхигкунубассаяаг̇аманам̣ яаажад̇и, ат̇а гасмаад̇и ааха ‘‘гаммадтаанад̇т̇игаа’’д̇иаад̣̇и. зсо хи аананд̣̇ад̇т̇зро уссуггаабзд̇ваа бадибад̇д̇иг̇ун̣ам̣ д̣̇ассзнд̇о яасмаа д̇аа бхигкунияо жад̇усажжагаммадтаанигаа, д̇асмаа бан̃жаннам̣ убаад̣̇аанагканд̇хаанам̣ уд̣̇аяаб̣б̣аяаад̣̇ибагаасанияаа д̇хаммагат̇ааяа вибассанаабадибад̇д̇исамбад̣̇ам̣ д̣̇ассзси. анижжаад̣̇илагкан̣аани жзва уд̣̇аяаб̣б̣аяаад̣̇игз жа саммаа д̣̇ассзси. хад̇т̇зна г̇ахзд̇ваа вияа бажжагкад̇о д̣̇ассзси. самаад̣̇абзсийд̇и д̇ад̇т̇а лагкан̣аарамман̣игавибассанам̣ самаад̣̇абзси. яат̇аа вийт̇ибадибанно худ̇ваа бавад̇д̇ад̇и, звам̣ г̇ан̣хаабзси. самуд̇д̇зж̇зсийд̇и вибассанааяа аарад̣̇д̇хааяа сан̇каараанам̣ уд̣̇аяаб̣б̣аяаад̣̇ийсу убадтаханд̇зсу яат̇аагаалам̣ баг̇г̇ахасамубзгкан̣зхи б̣ож̇жхан̇г̇аанам̣ анубавад̇д̇анзна бхааванаамаж̇жхимавийт̇им̣ баабзд̇ваа яат̇аа вибассанаан̃аан̣ам̣ суббасаннам̣ худ̇ваа вахад̇и, звам̣ инд̣̇рияаанам̣ висад̣̇абхаавагаран̣зна вибассанаажид̇д̇ам̣ саммаа уд̇д̇зж̇зси, ниб̣б̣аанавасзна ваа самаад̣̇абзси. самбахам̣сзсийд̇и д̇ат̇аа бавад̇д̇ияамаанааяа вибассанааяа самаббавад̇д̇абхааванаавасзна убари лад̣̇д̇хаб̣б̣абхааванаавасзна жид̇д̇ам̣ самбахам̣сзси, лад̣̇д̇хассаад̣̇авасзна судту д̇осзси. звамзд̇т̇а ад̇т̇о взд̣̇ид̇аб̣б̣о.
153. Lābhasakkārahetupi ekacce bhikkhū bhikkhunupassayaṃ gantvā bhikkhuniyo ovadanti, evamevaṃ ayaṃ pana thero na lābhasakkārahetu bhikkhunupassayagamanaṃ yācati, atha kasmāti āha ‘‘kammaṭṭhānatthikā’’tiādi. Eso hi ānandatthero ussukkāpetvā paṭipattiguṇaṃ dassento yasmā tā bhikkhuniyo catusaccakammaṭṭhānikā, tasmā pañcannaṃ upādānakkhandhānaṃ udayabbayādipakāsaniyā dhammakathāya vipassanāpaṭipattisampadaṃ dassesi. Aniccādilakkhaṇāni ceva udayabbayādike ca sammā dassesi. Hatthena gahetvā viya paccakkhato dassesi. Samādapesīti tattha lakkhaṇārammaṇikavipassanaṃ samādapesi. Yathā vīthipaṭipanno hutvā pavattati, evaṃ gaṇhāpesi. Samuttejesīti vipassanāya āraddhāya saṅkhārānaṃ udayabbayādīsu upaṭṭhahantesu yathākālaṃ paggahasamupekkhaṇehi bojjhaṅgānaṃ anupavattanena bhāvanāmajjhimavīthiṃ pāpetvā yathā vipassanāñāṇaṃ suppasannaṃ hutvā vahati, evaṃ indriyānaṃ visadabhāvakaraṇena vipassanācittaṃ sammā uttejesi, nibbānavasena vā samādapesi. Sampahaṃsesīti tathā pavattiyamānāya vipassanāya samappavattabhāvanāvasena upari laddhabbabhāvanāvasena cittaṃ sampahaṃsesi, laddhassādavasena suṭṭhu tosesi. Evamettha attho veditabbo.
мануд̇з барин̃н̃аад̣̇ивасзна сажжаани б̣уж̇жхад̇ийд̇и муни. д̇зд̇и д̇ам̣. убаяог̇ад̇т̇з хи ид̣̇ам̣ саамиважанам̣. уд̇д̇арийд̇и убари, д̇ава яат̇аабхууд̇асабхаавад̇о барад̇од̇и ад̇т̇о. багкабад̇ид̇о аг̇ад̇иг̇аманам̣ ад̇ирзгаогаасо. убабаригкийд̇и анувижжа ниваараго на б̣ахумад̇о. б̣уд̣̇д̇хабадибхааг̇о т̇зро. ‘‘б̣аалаа бхигкуний д̣̇уб̣бхаасид̇ам̣ аахаа’’д̇и авад̇ваа ‘‘камат̇а, бханд̇з’’д̇и вад̣̇анд̇зна багкабаад̇зна вияа вуд̇д̇ам̣ ход̇ийд̇и ааха ‘‘згаа бхигкуний на ваарид̇аа’’д̇иаад̣̇и.
Manute pariññādivasena saccāni bujjhatīti muni. Teti taṃ. Upayogatthe hi idaṃ sāmivacanaṃ. Uttarīti upari, tava yathābhūtasabhāvato paratoti attho. Pakkhapatito agatigamanaṃ atirekaokāso. Upaparikkhīti anuvicca nivārako na bahumato. Buddhapaṭibhāgo thero. ‘‘Bālā bhikkhunī dubbhāsitaṃ āhā’’ti avatvā ‘‘khamatha, bhante’’ti vadantena pakkhapātena viya vuttaṃ hotīti āha ‘‘ekā bhikkhunī na vāritā’’tiādi.
жуд̇аа салин̇г̇ад̇о надтаа, д̣̇зсанд̇арабаггамзна ад̣̇ассанам̣ на г̇ад̇аа. ган̣дагасаакаа вияаад̇и гуран̣дагаабаамаг̇г̇аган̣дагаласигаахи саакаа вияа.
Cutā saliṅgato naṭṭhā, desantarapakkamena adassanaṃ na gatā. Kaṇṭakasākhā viyāti kuraṇṭakaapāmaggakaṇṭakalasikāhi sākhā viya.
убассаяасуд̇д̇аван̣н̣анаа нидтид̇аа.
Upassayasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. убассаяасуд̇д̇ам̣ • 10. Upassayasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. убассаяасуд̇д̇аван̣н̣анаа • 10. Upassayasuttavaṇṇanā
