| Library / Tipiṭaka / திபிடக • Tipiṭaka / மஹாவிப⁴ங்க³-அட்ட²கதா² • Mahāvibhaṅga-aṭṭhakathā |
8. உபஸ்ஸுதிஸிக்கா²பத³வண்ணனா
8. Upassutisikkhāpadavaṇṇanā
471. அட்ட²மே – அதி⁴கரணஜாதானந்தி ஏதேஹி ப⁴ண்ட³னாதீ³ஹி உப்பன்னவிவாதா³தி⁴கரணானங். உபஸ்ஸுதிந்தி ஸுதிஸமீபங்; யத்த² ட²த்வா ஸக்கா ஹோதி தேஸங் வசனங் ஸோதுங், தத்தா²தி அத்தோ². க³ச்ச²தி ஆபத்தி து³க்கடஸ்ஸாதி எத்த² பத³வாரே பத³வாரே து³க்கடங். மந்தெந்தந்தி அஞ்ஞேன ஸத்³தி⁴ங் அஞ்ஞஸ்மிங் மந்தயமானே; ‘‘மந்தெந்தே’’தி வா பாடோ², அயமேவத்தோ².
471. Aṭṭhame – adhikaraṇajātānanti etehi bhaṇḍanādīhi uppannavivādādhikaraṇānaṃ. Upassutinti sutisamīpaṃ; yattha ṭhatvā sakkā hoti tesaṃ vacanaṃ sotuṃ, tatthāti attho. Gacchati āpatti dukkaṭassāti ettha padavāre padavāre dukkaṭaṃ. Mantentanti aññena saddhiṃ aññasmiṃ mantayamāne; ‘‘mantente’’ti vā pāṭho, ayamevattho.
473. வூபஸமிஸ்ஸாமீதி உபஸமங் க³மிஸ்ஸாமி, கலஹங் ந கரிஸ்ஸாமி. அத்தானங் பரிமோசெஸ்ஸாமீதி மம அகாரகபா⁴வங் கதெ²த்வா அத்தானங் மோசெஸ்ஸாமி. ஸேஸமெத்த² உத்தானமேவ.
473.Vūpasamissāmīti upasamaṃ gamissāmi, kalahaṃ na karissāmi. Attānaṃ parimocessāmīti mama akārakabhāvaṃ kathetvā attānaṃ mocessāmi. Sesamettha uttānameva.
தெ²ய்யஸத்த²ஸமுட்டா²னங் – காயசித்ததோ காயவாசாசித்ததோ ச ஸமுட்டா²தி, ஸியா கிரியங் ஸோதுகாமதாய க³மனவஸேன, ஸியா அகிரியங் டி²தட்டா²னங் ஆக³ந்த்வா மந்தயமானானங் அஜானாபனவஸேன, ரூபியங் அஞ்ஞவாத³கங் உபஸ்ஸுதீதி இமானி ஹி தீணி ஸிக்கா²பதா³னி ஏகபரிச்சே²தா³னி, ஸஞ்ஞாவிமொக்க²ங், ஸசித்தகங், லோகவஜ்ஜங், காயகம்மங், வசீகம்மங், அகுஸலசித்தங், து³க்க²வேத³னந்தி.
Theyyasatthasamuṭṭhānaṃ – kāyacittato kāyavācācittato ca samuṭṭhāti, siyā kiriyaṃ sotukāmatāya gamanavasena, siyā akiriyaṃ ṭhitaṭṭhānaṃ āgantvā mantayamānānaṃ ajānāpanavasena, rūpiyaṃ aññavādakaṃ upassutīti imāni hi tīṇi sikkhāpadāni ekaparicchedāni, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
உபஸ்ஸுதிஸிக்கா²பத³ங் அட்ட²மங்.
Upassutisikkhāpadaṃ aṭṭhamaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 8. ஸஹத⁴ம்மிகவக்³கோ³ • 8. Sahadhammikavaggo
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 8. உபஸ்ஸுதிஸிக்கா²பத³வண்ணனா • 8. Upassutisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 8. உபஸ்ஸுதிஸிக்கா²பத³வண்ணனா • 8. Upassutisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 8. உபஸ்ஸுதிஸிக்கா²பத³வண்ணனா • 8. Upassutisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 8. உபஸ்ஸுதிஸிக்கா²பத³ங் • 8. Upassutisikkhāpadaṃ
