| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
8. உபஸ்ஸுதிஸிக்கா²பத³வண்ணனா
8. Upassutisikkhāpadavaṇṇanā
ஸுய்யதீதி ஸுதி, ஸத்³தோ³, ஸுதியா ஸமீபங் உபஸ்ஸுதீதி ஆஹ ‘‘ஸுதிஸமீப’’ந்தி, ஸத்³த³ஸமீபந்தி அத்தோ². யத்த² பன டி²தேன ஸக்கா ஹோதி ஸத்³த³ங் ஸோதுங் , தத்த² திட்ட²ந்தோ ஸத்³த³ஸமீபே திட்ட²தி நாமாதி ஆஹ ‘‘யத்த² ட²த்வா’’திஆதி³. அத² வா உபேச்ச ஸுய்யதி எத்தா²தி உபஸ்ஸுதி, டா²னங், யங் டா²னங் உபக³தேன ஸக்கா ஹோதி கதெ²ந்தானங் ஸத்³த³ங் ஸோதுங், தத்தா²தி ஏவம்பெத்த² அத்தோ² த³ட்ட²ப்³போ³. துரிதக³மனேபீதி பச்ச²தோ க³ச்ச²ந்தஸ்ஸ புரதோ க³ச்ச²ந்தானங் ஸத்³த³ஸவனத்த²ங் ஸீக⁴க³மனேபி. ஓஹீயமானேபீதி புரதோ க³ச்ச²ந்தஸ்ஸ பச்ச²தோ க³ச்ச²ந்தானங் வசனஸவனத்த²ங் ஓஹீயமானேபி.
Suyyatīti suti, saddo, sutiyā samīpaṃ upassutīti āha ‘‘sutisamīpa’’nti, saddasamīpanti attho. Yattha pana ṭhitena sakkā hoti saddaṃ sotuṃ , tattha tiṭṭhanto saddasamīpe tiṭṭhati nāmāti āha ‘‘yattha ṭhatvā’’tiādi. Atha vā upecca suyyati etthāti upassuti, ṭhānaṃ, yaṃ ṭhānaṃ upagatena sakkā hoti kathentānaṃ saddaṃ sotuṃ, tatthāti evampettha attho daṭṭhabbo. Turitagamanepīti pacchato gacchantassa purato gacchantānaṃ saddasavanatthaṃ sīghagamanepi. Ohīyamānepīti purato gacchantassa pacchato gacchantānaṃ vacanasavanatthaṃ ohīyamānepi.
வூபஸமிஸ்ஸாமீதி உபஸமங் க³மிஸ்ஸாமி, கலஹங் ந கரிஸ்ஸாமி. அத்தானங் பரிமோசெஸ்ஸாமீதி மம அகாரகபா⁴வங் கதெ²த்வா அத்தானங் பரிமோசெஸ்ஸாமி. ஸியா கிரியந்தி கதா³சி ஸோதுகாமதாய க³மனவஸேன ஸமுட்டா²னதோ ஸியா கிரியங். ஸியா அகிரியந்தி கதா³சி டி²தட்டா²னங் ஆக³ந்த்வா மந்தயமானானங் அஜானாபனவஸேன ஸமுட்டா²னதோ ஸியா அகிரியங்.
Vūpasamissāmīti upasamaṃ gamissāmi, kalahaṃ na karissāmi. Attānaṃ parimocessāmīti mama akārakabhāvaṃ kathetvā attānaṃ parimocessāmi. Siyā kiriyanti kadāci sotukāmatāya gamanavasena samuṭṭhānato siyā kiriyaṃ. Siyā akiriyanti kadāci ṭhitaṭṭhānaṃ āgantvā mantayamānānaṃ ajānāpanavasena samuṭṭhānato siyā akiriyaṃ.
உபஸ்ஸுதிஸிக்கா²பத³வண்ணனா நிட்டி²தா.
Upassutisikkhāpadavaṇṇanā niṭṭhitā.
