| Library / Tipiṭaka / திபிடக • Tipiṭaka / கங்கா²விதரணீ-புராண-டீகா • Kaṅkhāvitaraṇī-purāṇa-ṭīkā |
8. உபஸ்ஸுதிஸிக்கா²பத³வண்ணனா
8. Upassutisikkhāpadavaṇṇanā
உபஸ்ஸுதிந்தி யதா² உபகுஜ்ஜ²ங் ‘‘ஸமீபகுஜ்ஜ²’’ந்தி வுச்சதி, ததா² உபஸ்ஸுதி ‘‘ஸமீபஸ்ஸுதீ’’தி வேதி³தப்³பா³. யத்த² டி²தோ ஸுணாதி, தங் டா²னந்தி அத்தோ². ஸுதீதி பனெத்த² பரேஸங் வசனஸத்³தோ³ ச. ஸோ ஹி ஸுய்யதீதி ஸுதி நாம. உபஸுய்யதி வா எத்தா²தி உபஸ்ஸுதி. ஓகாஸோ ஹி ஸுதி நாம. இமேஸங் ஸுத்வாதி எத்த² ‘‘வசன’’ந்தி பாட²ஸேஸோ.
Upassutinti yathā upakujjhaṃ ‘‘samīpakujjha’’nti vuccati, tathā upassuti ‘‘samīpassutī’’ti veditabbā. Yattha ṭhito suṇāti, taṃ ṭhānanti attho. Sutīti panettha paresaṃ vacanasaddo ca. So hi suyyatīti suti nāma. Upasuyyati vā etthāti upassuti. Okāso hi suti nāma. Imesaṃ sutvāti ettha ‘‘vacana’’nti pāṭhaseso.
ஸமுட்டா²னாதீ³னி அதீதத்³வயஸதி³ஸானீதி ந க³ஹேதப்³பா³னி. தெ²ய்யஸத்த²ஸமுட்டா²னங். ஸியா கிரியங் க³ந்த்வா ஸவனே. ஸியா அகிரியங் டி²தட்டா²னங் ஆக³ந்த்வா வத³ந்தானங் அஜானாபனவஸேன ஸமுட்டா²னதோ. ‘‘ஸஞ்ஞாவிமொக்க²ங், ஸசித்தகங், லோகவஜ்ஜங், காயகம்மங், வசீகம்மங், அகுஸலசித்தங், து³க்க²வேத³ன’’ந்தி லிகி²தங்.
Samuṭṭhānādīni atītadvayasadisānīti na gahetabbāni. Theyyasatthasamuṭṭhānaṃ. Siyā kiriyaṃ gantvā savane. Siyā akiriyaṃ ṭhitaṭṭhānaṃ āgantvā vadantānaṃ ajānāpanavasena samuṭṭhānato. ‘‘Saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedana’’nti likhitaṃ.
உபஸ்ஸுதிஸிக்கா²பத³வண்ணனா நிட்டி²தா.
Upassutisikkhāpadavaṇṇanā niṭṭhitā.
