| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
8. உபஸ்ஸுதிஸிக்கா²பத³வண்ணனா
8. Upassutisikkhāpadavaṇṇanā
471. அட்ட²மே ஸுதிஸமீபந்தி ஸத்³த³ஸமீபங். ஸுய்யதீதி ஹி ஸுதி, ஸத்³த³ஸ்ஸேதங் அதி⁴வசனங். தஸ்ஸ ஸமீபங் உபஸ்ஸுதி, ஸத்³த³ஸமீபந்தி வுத்தங் ஹோதி. க³ண்டி²பதே³ஸு ச ஸுய்யதீதி ஸுதீதி ஸத்³தோ³வ வுத்தோ. யத்த² பன டி²தேன ஸக்கா ஹோதி ஸத்³த³ங் ஸோதுங், தத்த² திட்ட²ந்தோ ஸத்³த³ஸமீபே டி²தோ நாம ஹோதீதி ஆஹ ‘‘யத்த² ட²த்வா’’திஆதி³. கேசி பன ‘‘ஸுணாதி எத்தா²தி ஸுதி. யத்த² டி²தோ ஸுணாதி, தஸ்ஸ டா²னஸ்ஸேதங் நாமங். தஸ்ஸ ஸமீபங் உபஸ்ஸுதீ’’தி வத³ந்தி, ஏவங் பன க³ய்ஹமானே யஸ்மிங் டா²னே டி²தோ ஸுணாதி, தஸ்ஸ ஆஸன்னே அஞ்ஞஸ்மிங் பதே³ஸே திட்ட²தீதி ஆபஜ்ஜதி. அட்ட²கதா²யஞ்ச உபஸ்ஸுதி-ஸத்³த³ஸ்ஸேவ அத்த²ங் த³ஸ்ஸேதுங் ‘‘யத்த² ட²த்வா ஸக்கா ஹோதி, தேஸங் வசனங் ஸோது’’ந்தி வுத்தங், ந ஸுதி-ஸத்³த³ஸ்ஸ. தஸ்மா புப்³ப³னயோவெத்த² பஸத்த²தரோ. அத² வா உபேச்ச ஸுய்யதி எத்தா²தி உபஸ்ஸுதி, டா²னங். யங் டா²னங் உபக³தேன ஸக்கா ஹோதி கதெ²ந்தானங் ஸத்³த³ங் ஸோதுங், தத்தா²தி ஏவமத்தோ² க³ஹேதப்³போ³. மந்தெந்தந்தி பு⁴ம்மத்தே² உபயோக³வசனந்தி ஆஹ ‘‘மந்தயமானே’’தி.
471. Aṭṭhame sutisamīpanti saddasamīpaṃ. Suyyatīti hi suti, saddassetaṃ adhivacanaṃ. Tassa samīpaṃ upassuti, saddasamīpanti vuttaṃ hoti. Gaṇṭhipadesu ca suyyatīti sutīti saddova vutto. Yattha pana ṭhitena sakkā hoti saddaṃ sotuṃ, tattha tiṭṭhanto saddasamīpe ṭhito nāma hotīti āha ‘‘yattha ṭhatvā’’tiādi. Keci pana ‘‘suṇāti etthāti suti. Yattha ṭhito suṇāti, tassa ṭhānassetaṃ nāmaṃ. Tassa samīpaṃ upassutī’’ti vadanti, evaṃ pana gayhamāne yasmiṃ ṭhāne ṭhito suṇāti, tassa āsanne aññasmiṃ padese tiṭṭhatīti āpajjati. Aṭṭhakathāyañca upassuti-saddasseva atthaṃ dassetuṃ ‘‘yattha ṭhatvā sakkā hoti, tesaṃ vacanaṃ sotu’’nti vuttaṃ, na suti-saddassa. Tasmā pubbanayovettha pasatthataro. Atha vā upecca suyyati etthāti upassuti, ṭhānaṃ. Yaṃ ṭhānaṃ upagatena sakkā hoti kathentānaṃ saddaṃ sotuṃ, tatthāti evamattho gahetabbo. Mantentanti bhummatthe upayogavacananti āha ‘‘mantayamāne’’ti.
473. ஏகபரிச்சே²தா³னீதி ‘‘ஸியா கிரியங், ஸியா அகிரிய’’ந்தி இமினா நயேன ஏகபரிச்சே²தா³னி. இமானி ஹி தீணி ஸிக்கா²பதா³னி கதா³சி கிரியதோ ஸமுட்ட²ஹந்தி, கதா³சி அகிரியதோ, ந ஏகக்க²ணேயேவ கிரியாகிரியதோ ஸமுட்ட²ஹந்தி. ஸேஸமெத்த² உத்தானமேவ. உபஸம்பன்னதா, சோத³னாதி⁴ப்பாயோ, ஸவனந்தி இமானி பனெத்த² தீணி அங்கா³னி.
473.Ekaparicchedānīti ‘‘siyā kiriyaṃ, siyā akiriya’’nti iminā nayena ekaparicchedāni. Imāni hi tīṇi sikkhāpadāni kadāci kiriyato samuṭṭhahanti, kadāci akiriyato, na ekakkhaṇeyeva kiriyākiriyato samuṭṭhahanti. Sesamettha uttānameva. Upasampannatā, codanādhippāyo, savananti imāni panettha tīṇi aṅgāni.
உபஸ்ஸுதிஸிக்கா²பத³வண்ணனா நிட்டி²தா.
Upassutisikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 8. ஸஹத⁴ம்மிகவக்³கோ³ • 8. Sahadhammikavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 8. உபஸ்ஸுதிஸிக்கா²பத³வண்ணனா • 8. Upassutisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 8. உபஸ்ஸுதிஸிக்கா²பத³வண்ணனா • 8. Upassutisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 8. உபஸ்ஸுதிஸிக்கா²பத³வண்ணனா • 8. Upassutisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 8. உபஸ்ஸுதிஸிக்கா²பத³ங் • 8. Upassutisikkhāpadaṃ
